- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم ناس اللمة
واش احوالكم؟ لاباس؟ الحمد لله (نهدر ونجاوب وحدي ههههه خاطر علابالي ماتجاوبوش )
المهم هادي مشاركتي الثالثة في هاد المسابقة يدهرلي رايحة ندير سكور تاع كرة اليد هههه رايحة نحقق رقم قياسي في المشاركات هههه
المهم ليوم ماش رايحة نحكي على النملة والصرصور رايحة ندورها ماكلة بصح ماش رايحة نحكي على البريوش الشباب والسخون هاداك هههه وكي العادة لي يحب يعرف سر هاد العناوين يزور المواضيع التالية (راني ندير في الاشهار ههههه)
بريوش المدرسة واش بنيييين{مسابقة مهبول ومهبولة}
النملة والصرصور {مسابقة مهبول ومهبولة} المشاركة2
الموهيييم نوليو لموضوعنا ولهبالنا، هي كل الناس كي تحط قدامها الماكلة تركز معاها تاكلها بهدوء وطمأنينة وتركيز
(كلي باكالوريا هههه) يعني تستبنها :-r
بصح ختكم المهبولة كي تتحط قدامها الماكلة تما ينزل عليها الهبال وينزل عليها التفلسيف حتى نشك في روحي حفيدة افلاطون ولا ارسطو ههههه
المهم مدية عرق من عروقهم راني متأكدة، المهم في يوم من الايام المشمسة
ولا الممطرة ماشفيتش الجو كيفاه كان ههه كنت قاعدة انا واختي نتغداو وحدنا وماشفيتش تاني واش كنا ناكلو (الله غالب ختكم كبرت ماعادتش تشفى هههه:d) مالا قاعدة ناكل هكا جاني واحد التخمام غريب وعجيب ورهيب (3في1)
قلت لأختي اتخيلي الماكلة لي ناكلو فيها زعما كن جات عباد كيفاه رايح يكون شكلهم؟؟:s هههههه قاتلي اختي والله صح فكرة .. زعما كيفاه رايح يكون شكلهم؟ (ختي مخربطة كتر عليا ههههه كن جات اخت صالحة كانت تجري بيا لمستشفى المجانين قبل مايفوت الحال ههههه)
المهم بقيت نخمم وقلتلها زعما نبداو بمحبوبة الجزائريين "اللوبيا" قلتلها نتخايلها امرأة عمرها بين 45 و50 لابسة لباس كلاسيكي ومتحجبة وبيضاء البشرة وتبان انسانة طيبة
ونظن يخرج عليها مديرة تاع كاش متوسطة هههه قاتلي ختي مديرة تاع ليسي خير ايواااه هاديك هي ثانوية خير ههههه :thumb_up02:
امممم نروحو للعائلة تاعها ولد عمها "العدس" قلتلها يبان شاب عمرو بين 30 و 35 اسمر شعرو حرش هههههه ويحشم بزااااف
بصح كي يحشم ماتبانش فيه الحشمة خاطر سمر هههههه وزعما واش يخدم؟؟ مادام اللوبيا بنت عمو يسمى تدخلو يخدم معاها هاي باينة تدخل فيها معريفة ويليق استاذ
تاع ..... تاع واش زعما؟ تاع تربية اسلامية ولا تاع ادب عربي ههههه هيا فريناها
نروحو لولد خالتها "الحمص" يبان راجل سمين وقصير واصفر البشرة هههه (عندو اصول شينوية )وفرطاس (عندو شوي شعر برك باه مايضحكوش عليه الناس ههه) وزعما يخدم حتى هو في التعليم؟؟ ماشكيتش يبان قبيح
ويبان عندو الدراهم يبان مدير تاع شركة وهاز قارو في يدو ويتكيف ويضحك الضحكة تاع الاشرار ههههه
(زيد شوي نرجعو مافيا هههه) اممم استنا نبعدو شوي على عائلة الحبوب ونروحو لمحبوبة الشباب والشابات "الفريت" اممم زعما واش نتخايلها؟ بنت عشرينات مديتها الدنيا ههههه شعرها صابغتو صفر وطالقتو معمرة وجها ماكياج
واللبسة مانهدروش هادا سروال وهادي حطة ويدهرلي تاني شوي ماتيرياليست :tongue02: واقيلا تتزوج بالحمص هههههه، المهم نروحو "للشخشوخة" تجيني انسانة محترمة عمرها في الاربعينات لابسة لبسة من الملابس التقليدية وشعرها مدايرتو شينيو هههههه والابتسامة على وجها
وباه نزيد نقولكم شابة خمسة وخموس عليها وصاحبتها لانتيم "التريدة" (هاديك المربعات لاكان ماتعرفوهاش راهي مشهورة عندنا في قسنطينة) هاديك نتخايلها عمرها بين 45 و50 قاصة شعرها لاكاري ههههههه وشعرها رطب ولابسة قندورة قسنطيني الله الله (قطيفة) وبنت بلاد تبان الله يبارك، مممم شكون تاني نسينا سلطانة المائدة والباراكة تاع الدار "النعمة" وفي رواية اخرى الكسكس هههه نتخايلها عجوزة كبيرة مجلدة مسكينة ورابطة راسها بمحرمة
بصح كي كانت صغيرة كانت شابة بيضاء البشرة وعينيها زرق، ولي زعما يسميها كسكس بدلو الانثى لذكر رجعوها عجوز كبير مجلد ومعليش رابط راسو حتى هو بمحرمة هههههه
امممم شكون تاني نسينا اييه نسيت الروز "الارز" هاداك هو لي يعجبني فيهم كامل نتخيلو شاب طويل القامة عمرو بين 25 و30 لابس كوستيم ابيض البشرة ضارب شعرو للوراء هههه
ويبان استاذ تاع فرنسية ولا انجليزية (واقيلا نتزوج بالارز خير من الصرصور هههههه)
شكون تاني :-r شكون تاني هيه نسينا "المقرونة" هيا لحق تبانلي انسانة متربية خاطيها المشاكل
ساترة روحها ومحترمة ههههه واشوا ماعندهاش نفس لاطاي هي وخواتاتها السباغيتي رقيقة وطويلة والبقية مساكن سمان وقصار ههههه الله غالب كل واحد وزهرو في الدنيا ولا عليهم وعلى الريجيم،
المهم خممت وخممت وتخايلت ماجيت ندور لماكلتي لقيتها بردت وضربت فيها غداء بارد بنكهة القطب المتجمد
خاص غير الدببة يدورو فوقو ههههه:p
المهم خاوتي عجبتكم الفكرة؟؟ واذا حابين تبدعو ولا تتخايلو ختكم اي هنا
بصح بيناتنا ياك كاين امل بالشفاء
ههههههه خاطر حالتي نظن ماتعجبش هههه
المهم اتهلاو في وراحكم وان شاء الله تكونو ضحكتو ولا على الاقل ابتسمتو
واذا ماضحكتوش قولو ضحكنا ماتخليوش ختكم زاوالية تجوز العيد وهي حزينة
فرحو ختكم المغبونة عواش عواشر هههه
المهم اتهلاو في رواحكم وصح فطوركم/سحوركم
سلااام
واش احوالكم؟ لاباس؟ الحمد لله (نهدر ونجاوب وحدي ههههه خاطر علابالي ماتجاوبوش )
المهم هادي مشاركتي الثالثة في هاد المسابقة يدهرلي رايحة ندير سكور تاع كرة اليد هههه رايحة نحقق رقم قياسي في المشاركات هههه
المهم ليوم ماش رايحة نحكي على النملة والصرصور رايحة ندورها ماكلة بصح ماش رايحة نحكي على البريوش الشباب والسخون هاداك هههه وكي العادة لي يحب يعرف سر هاد العناوين يزور المواضيع التالية (راني ندير في الاشهار ههههه)
بريوش المدرسة واش بنيييين{مسابقة مهبول ومهبولة}
النملة والصرصور {مسابقة مهبول ومهبولة} المشاركة2
الموهيييم نوليو لموضوعنا ولهبالنا، هي كل الناس كي تحط قدامها الماكلة تركز معاها تاكلها بهدوء وطمأنينة وتركيز
بصح ختكم المهبولة كي تتحط قدامها الماكلة تما ينزل عليها الهبال وينزل عليها التفلسيف حتى نشك في روحي حفيدة افلاطون ولا ارسطو ههههه
المهم مدية عرق من عروقهم راني متأكدة، المهم في يوم من الايام المشمسة
المهم بقيت نخمم وقلتلها زعما نبداو بمحبوبة الجزائريين "اللوبيا" قلتلها نتخايلها امرأة عمرها بين 45 و50 لابسة لباس كلاسيكي ومتحجبة وبيضاء البشرة وتبان انسانة طيبة
امممم نروحو للعائلة تاعها ولد عمها "العدس" قلتلها يبان شاب عمرو بين 30 و 35 اسمر شعرو حرش هههههه ويحشم بزااااف
نروحو لولد خالتها "الحمص" يبان راجل سمين وقصير واصفر البشرة هههه (عندو اصول شينوية )وفرطاس (عندو شوي شعر برك باه مايضحكوش عليه الناس ههه) وزعما يخدم حتى هو في التعليم؟؟ ماشكيتش يبان قبيح
امممم شكون تاني نسينا اييه نسيت الروز "الارز" هاداك هو لي يعجبني فيهم كامل نتخيلو شاب طويل القامة عمرو بين 25 و30 لابس كوستيم ابيض البشرة ضارب شعرو للوراء هههه
شكون تاني :-r شكون تاني هيه نسينا "المقرونة" هيا لحق تبانلي انسانة متربية خاطيها المشاكل
المهم خممت وخممت وتخايلت ماجيت ندور لماكلتي لقيتها بردت وضربت فيها غداء بارد بنكهة القطب المتجمد
المهم خاوتي عجبتكم الفكرة؟؟ واذا حابين تبدعو ولا تتخايلو ختكم اي هنا
بصح بيناتنا ياك كاين امل بالشفاء
المهم اتهلاو في وراحكم وان شاء الله تكونو ضحكتو ولا على الاقل ابتسمتو
واذا ماضحكتوش قولو ضحكنا ماتخليوش ختكم زاوالية تجوز العيد وهي حزينة
المهم اتهلاو في رواحكم وصح فطوركم/سحوركم
سلااام
