- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
البائسون الافارقة كم توحشتكم وتوحشت نكتب هنا .. اخخخ المنشار عندو شهر وهو مخبي وكي منجمش وكي منجمش .. ايه جيت هنا لقيت سكر سبقتي وحكى ديجا في العيد
ايا انا هاد المرة منكثرش عليكم نحكي شوي شوي برك علابالي راكم كامل كيما انا كملنا رمضان وكي والفناه راح وجا العيد ما فهمنا والو انا راه صاريلي كيما هذاك لي واقف في مفترق الطرق ما فهم وقتاه يرقد وقتاه ينوض وقتاه ياكل والله تخلطت كامل الحسابات
المهم حبيت نحكي في واحد السوجي صرالي نهار العيد
خممت كيفاه نبدا نهني ونبارك للناس والصحاب بمناسبة العيد سيرتو البعاد
ايييييه سي صا هذا هو العيد كيفاه رجع مظاهر وفقط كانت ناس تتزاور ومن بعد ولات زيارة ثقيلة ايا دورها مكالمات كيف كيف ومبعدا لي ميساج ومبعدا الفايس بوك حتى بلاك يولي نهار العيد واحد ما يخرج من دارهم .. اخخخ سماطة وين هوما ايام زمان
المهم صحا عيدكم كامل ينعاد علينا بالصحة والهنا ان شاء الله
تحياتي
ايا انا هاد المرة منكثرش عليكم نحكي شوي شوي برك علابالي راكم كامل كيما انا كملنا رمضان وكي والفناه راح وجا العيد ما فهمنا والو انا راه صاريلي كيما هذاك لي واقف في مفترق الطرق ما فهم وقتاه يرقد وقتاه ينوض وقتاه ياكل والله تخلطت كامل الحسابات
المهم حبيت نحكي في واحد السوجي صرالي نهار العيد
خممت كيفاه نبدا نهني ونبارك للناس والصحاب بمناسبة العيد سيرتو البعاد
- صحا نعيط ليهم واحد واحد والله لجاتني بزاف سيرتو ولاو عندي واحد الصنف من العباد (الاغلبية -_-) نحكي معاهم من العيد للعيد حتى خممت قدام اسمهم نكتب محمد العيد ، جمال العيد ههه باه هادو نعيط ليهم غير في العيد اونكا او نغلط فيهم ايامات العادية يقولي او خويا راك غالط العيد مزال ما وصلش كي شغل المكالمة تاعي هي هلال العيد
- المهم ومبعدا جاني تخمام علاه عليا نكتب ميساج صحا عيدكم تقبل الله منا ومنكم ونبعث لكامل الناس واللي عندو زوج نوامر يلحقو زوج مرات نورمال ههه .. المهم ايا ولات الساعة 00:00 من نهار العيد بداو يلحقو لي مساج هادوك تاع صحا عيدكم سيرتو المزخرفين هادوك .. ثماك قلت شوف ناس ياه كامل يجوزو في الواجب مادا بيه صباح ينوض يصلي يكون ديجا نحا من راسو هادي تاع يهنيك ولا يبارك ليك ايه انا فهمتها شرة تاع صباح الله يعيشك ما تكسرليش راسي
- ايا رجعت للعفسة لولى نعيط احسن تحس روحك عطيت لصاحبك هذا قيمة اكبر مش كيما لي ميساج .. ايا غير تقولو سلام يسبقك هو صحا عيدك لباس لباس عيدتو لباس بارك الله فيك طيط طيط اخخخ تحس روحك يقولك يا ودي خليها عندك تزيد تعيط للثاني التاني كيف كيف ومبعدا تماك قلت سبحان الله مغير الاحوال تعيطلهم في ليام نورمال ما يسكتوش بالحكايات تعيط نهار العيد يا نفس الجملة تسمعها ومبعد يتكوبا في وجهك
- المهم من بعد حسيت سماطة تاع العيد وليت روحت للفايس بوك كتبت ميساج وبقيت ندير كوبي كولي ههه مام لي بعثتلهم رجعولي ميساج واحد تحساب هوما تاني فاقولي بكوبي كولي
ايييييه سي صا هذا هو العيد كيفاه رجع مظاهر وفقط كانت ناس تتزاور ومن بعد ولات زيارة ثقيلة ايا دورها مكالمات كيف كيف ومبعدا لي ميساج ومبعدا الفايس بوك حتى بلاك يولي نهار العيد واحد ما يخرج من دارهم .. اخخخ سماطة وين هوما ايام زمان
المهم صحا عيدكم كامل ينعاد علينا بالصحة والهنا ان شاء الله
تحياتي
