هالة
:: عضو مُشارك ::
- إنضم
- 27 أوت 2006
- المشاركات
- 101
- نقاط التفاعل
- 207
- النقاط
- 13
السلام عليكم ورحمة الله تعالى وبركاته .جمعة مباركة للجميع حبيت نحكي على شيئ غاضيني بزاف في حياتي وتحملت مسؤوليته لاني كبيرة نعم انا البنت الكبرى بالبيت دائما نضحي ونصبر ونقول من اجل خاوتي وكيما يقولو والديا راكي كبيرة تنازلي راكي كبيرة فوتي راكي كبيرة معليش وانا يشهد ربي نفوت فيها لكن دفعت الثمن غالي كبرو خواتاتي ولاو يطاولو عليا وكون ننصح او ندخل باي وحدة ترجعلي بالعكس والضد وتعاديني ونرجع انا الغالطة امام اهلي بالرغم من اني ندخل من اجلهم فقط وفي مصلحتهم وعمري والله مدخلت بحاجة تضرهم او تمنيتلهم الشر بالعكس ندخل في صلاحهم برك لكن هوما دائما يفهموها العكس واني نكرههم واني نحكم فيهم كيما يقولو لماما انتي راهي تحكم فيك بنتك منسمعوش كلامك لانو كلامها وكلامها ميمشيش علينا تخيلو وانا منكذبش عليكم كاين امور عدة ون مصلحتهم طبعا يشهد ربي ندخل فيها لاني نحسهم يغلبو ماما لان ماما مريضة ومتقدرلهمش نولي في حلها يامن ربطتها تخيلو نحكيلكم حاجة وقولولي الى راني غالطة .بنت خالة امي صديقة اختي عيطتلها وقاتلها ارواحي اقعدي عندنا اسبوع وهي وحدة امها وابوها وعندها خمسةاولاد الله يبارك كامل كبار اصغر واحد عمره 27 سنة قالت اختي نروح قتلها انا متقعديش اسبوع روحي يوم او يومين لكن اسبوع لا لانو عيب كيفاه تقعدي بدار الناس اسبوع وولادتها كامل تما وزيد اصلا وش تقربلها هذي الدار ماهي دار عمتها ولا عمها ولا خالها ولا خالتها ولا جدها ولا اي شيئ دار خالت امها :s كي قلت انا ممتقعدش اسبوع وناضت دارتلي مشكل وقسمت انها تروح وقالت لابي متتدخلش بيا بنتك وهي الي راهي تمشي في امي ومتدخلش بيا وكامل رجعت الغلط بيا حاولت نفهم ابي قالي معندو مدخلك وبينها بين امها قتلو امي راهي حقرتها ومطاقتلهاش وزيد كيفاه تبات بدار النار ياعجابة مشي عيب تمشي قدار الرجال وزيد هوما قصدي والديا الي رباونا على هكذذا البنت مت**** بدار غير مع امها او دار جدها لكن لما لقات ابي وامي تعبو ومرضو حقرتهم ورجعت في القصة هذي انا الغالطة قلت ابي خلاص انا الي عليا درتو وهذي بنتكم وانتو حرين فيها وخلوها تمشي رايها عليكم هي وخواتاتها قالي ايه متدخليش ورجعت انا الغالطة لكبيرة كانت البنت الكبرى هي الام الثانية وهي الي ترفد الحمل لكن هذا الزمان تغير ولات البنت لكبيرة العدو اللدود لخواتاتها مع انو لا في الدين ولا في الشرع ولا العرف يقول هكذا تروح بنت تبات بدار غريبة انا حبيت نطرح مثال من نقطة في بحر من وش راهو صاري مرات نقول خلاص ميهمنيش فيهم خليهم يديرو وش يحبو لكن يقرصني قلبي ونقول لالا كي يغلطو نقول وكي يفكرو يغلطو منخليهمش والله راني حايرة وخصوصي لما قالي ابي متدخليش وتبع راي بنتو وانا مشي نكرانا فيها لكن خمو فيها بعقولكم تلقاوني نحكي بالصح .لكن هوما ربي يهديهم اي كلمة نقولها تعتبر سم من جيهتي مع انو عندي اسلوب لبق بالكلام وشافو خواتاتي مني غير الخير وجامي وحدة فيهم رديتلها طلب او اذيتها .حبيت نسمع رايكم والى يقدر شخص فيكم يقدملي المساعدة مع العلم انو امي مريضة ومشي قادرة وابي يخدم خارج لبلاد وانا حبيت نلعب دور المسؤول والي نقصد في النهاية الخير والصلاح ليهم
