هالة
:: عضو مُشارك ::
- إنضم
- 27 أوت 2006
- المشاركات
- 101
- نقاط التفاعل
- 207
- النقاط
- 13
السلام عليكم حبيت نفضفض ونححي على حالي الي مشي فاهمة وعلاه راهو يصرالي هكذا هل راني مدايرة ذنب في حياتي وراني نخلص في فواتير معرفتش وقتاش يخلاصو .مشكلتي ياخاوتي دايما يصراولي مشاكل ودائما الناس تشوفني بعكس حقيقتي ومعنديش الزهر وكل الي نحبه ونعامله بالحسنى يعاملني بالعكس والله حرت ياخاوتي نزيدكم حتى اختي هكذا من الصغر وانا نعامل فيها بالخير وشغل مربيتها ونقدرها ومنعز عليها شيئ لكن للاسف كي كبرت ولات تعاملني بلاسوء ثم الاسوء وتحقد عليا على ابسط الامور ومتقدرنيش وتعيط في وجهي ومرات حتى تمد ايدها عليا مع اني اكبر منها هذا اختي موضوعها كوم وموضوع بنات العيلة كوم اخر تخيلو نحكيلكم قصة من جملة القصص الي عندي من 15 يوم كان عرس ابن خالة امي رحنا واحنا فارحن ونوجدو لهذا العرس رحت وعاونت بلي قدرت عليها اخت العريس من لي دخلنا وهي رافدة روحها راكم عارفين هذيك الجيست الي يديروها خواتات لعريس كي يكونو لاعبينها ورافعين رواحهم على الغاشي سكتت عليها لان طبعي ساكتة وخاطيني المشاكل وكنت معاهم ايد بايد ونخدم من قلبي كي كملنا عشاء النساء رحت انا وماما نلبسو كانت الساعة التاسعة وبدات السهر شافتني انا وماما بدات تعيط علينا وعلى ماما اكثر وتقوللها علاه رحتي وخليتي لمعان وقاعدة تلبسي وتمكيجي وهي راهي غير ترقص وحاجة كدارتها سكتت ماما وقاتلها نلبس ونروح نكمل غاضتني ماما كيف تعيط عليها قدام الناس قعدت نشوف فيها ومستغربة بعدها لبست ولما شافتني لبست قاتلي نحي وش راكي لابسة راي شارية كيفي ومنلبسوش نفس الانصونبل تخلعت قاتلي كي نحي نتاعي البسي نتاعك سكتت ولبسته قلت كيفاه نقعدو متشاجرين قدام الناس قعدت تشوف فيا تقول رايحة تقتلني وانا لابساته بعدها بشوي رجعت تعيط على ماما وخالتي الصغيرة وتقوللهم راهي حاقرتني وتشوف فيا بنظرة برودة عليا انا .قتلها انا :s وانا وش قتلك قاتلي متشوفينيش ببرودة وبدات تعيط قتلها غير متربحيش العيب ورانا غير ضيوف وجايينك وغدوة نروحو وعلاه راكي تكبري فيها وش صرى قاتلي غير روحو من دوكا طولتو مسهلتو تخلعت وقلت لماما عيطي لعمي يجي ديني نروح قاتلي امها لهي خالة امي متروحيش وحلفتلي وقاتلي امسحيها بوجهي سكتت على خاطر امي وفوتت هذاك العرس مرار وبصراحة الي مسكتني امي امي ايه قاتلي اسكتي وديما تقلي اسكتي حتى ضاع حقي وطاحت كرامتي وتخيلت البنت هذي اني خايفة منها ومنعرفش نرد على روحي حقرتني مرات ومرات ومتوقفش الامر عند هذا وخلاص عرس كامل وهي رايحة تقتلني بنظراتها وانا سامتة رحنا بتنا عندهم لانها امي مطيحة بيا قاتلي روحي رحت وانا مقهورة وهي رافدة روحها عليا ومقاتلت ضيوف ولا اول مرة يجونا ولا اي شيئ بايتة قاعدة ومرقدتش وبايتة بلا عشاء وخرجت صباح صايمة من عندهم .وبعدها بدات تحكي عليا هذي البنت عند خالاتي وتغتاب فيا وتقوللهم بردت قلبي فيها وفشيت غليلي فيها وانا منيش عارفة اصلا علاه هكذا وش درتلها ولا باش اذيتها ومسكتتش عند هذا الحد كل مرة تجيني هدرة من وحدة حتى اليوم مع المغرب جاتني ختي وقاتلي راني تلاقيت بيها وقاتلي متهدريليش على اختك وهي راهي غالطة وعلبالي راه تعمر فيك وفي امك وتقوللكم متروحولهمش وبزاف كلام يوجع وهي تغتاب فيا وراحت اختي معاها للدار وجات فارحة قتلها دوكا عجبك كلامها وجيتي مع الغريب على اختك وزيد علاه راهي تجبد فيا قلها تخطيني راني خاطيتها بدات اختي تعيط وقاتلي راكي حقودية تخيلو وقاتلي ايه نروحلهم ونبات عندهم ومشي على جالك وبدات تعيط عليا عياط حتى قريب نتغاشى وتسب فيا تاني دخلت فيها ماما وبابا وقعدت ماما تقلي هذا وش تحوسي على المشاكل ورجعت انا الغالططة قتلها وين نحوس وانا بدارنا وقصة عندها 15 يوم مزالها تعاود فيها ووش قتلها انا وبواش اذيتها ووش بعثتلها هدرة ياك راني حاصلة بروحي ومنجبد واحد قعدت اختي تعيط وتحلف غير تخاصمني ورجعت انا الغالطة والي نحوس على المشاكل والادهى والامر انو امي في العوض تجي مع بنتها لكبيرة المظلومة الي طيحت من كرامتها من رضاها جات ضدي صحة قولولي الى راني غالطة والي غايضني اكثر في القصة مشي الطفلة هذي غايضتني امي ايه امي الي مسكتتني على حقي ومضحكة عليا الناس وزيد كون غير قاتلي كلمة طيبة حلت بيها قلبي بالعكس تحوسني كيما الحيط نسمع وكاني مسمعتش حتى لازم منتاثرش نقعد نضحك .حبيت نفرغ قلبي ونحكي مع انه مزاله معبي وان شاء الله ربي اما يعجلي بالفرج او يضمني ليه نرتاح عنده احسن صحيح مشي رايح يعجبكم كلامي لكن جرحي خلاني نقول هكذا لما الواحد يضحي ويصبر ويفوت وعلى تالي يولي الغالط ربي يفرج وحسبي الله ونعم الوكيل في الي اذاني .نتمنى كل من يقرا رسالتي يدعيلي بالفتح والفرج
