عجوزتي ماذا تقول عني في غيبتي

[سندريلا]

السلام عليكم
اريد من كل من يقرا هذا الموضوع ان يجيبني و يتفاعل مع حالتي ويدعو لي بصلاح احوالي
ام زوجي تكذب تكذب تكذب عليا عند الناس تخرج كل يوم للفاميلا و الجوارين و تقلهم عليا كلام ماشي معقول و كذب .كاين كلام الي نسمعو و كاين الي ميلحقنيش خصوصا انو نسكنو في قرية صغيرة في تيارت يعني قاع الي يسكنو فيها داو نظرة بلي انا شينة .فالحقيقة كاين الي يصدقها و كاين الي يعرفها كي دايرة فلا يبالي بما تقول ادعولي ربي يهنيني منها و نخرج بسكنة و حدي عييييت بزاف بزاف
علاش الكذب يا ربي علاش
نعطيلكم مثال اليوم راني غير انا و هي و بنتها في الدار راني غالقة على روحي في غرفتي لوكان نخرج ديرلي كاش حاجة و كي يجو تكذب عليهم و تقولهم قالتلي ......(طيحتلي) و كامل يصدقوها على خاطر امهم. يا ربي واش ندير راني تعذب في هاد الدنيا .

 

[محمد إبن الصحراء]

رد: عجوزتي ماذا تقول عني في غيبتي

مشكلتك حلقة من حلاقات مسلسل يوميات الزوجة والحمات

الحل المقترح

رفعي قضيتك للعدالة الإلهية بقولك :

- أستغفر الله الحي القيوم وأتوب إليه
- لا إله إلا أنت سبحانك إني كنت من الظالمين.
- صبحان الله والحمدو لله ولاإله إلا الله والله أكبر
- حسبي الله ونعم الوكيل نعم المولى ونعم النصير على من ظلمني
- اللهم من اراد بي سوء فاشغله في نفسه و اجعل كيده في نحره واجعل تدبيرة في تدميرة

وستزول مشكلتك وترين العجب
​

 

[Malika Tlm]

رد: عجوزتي ماذا تقول عني في غيبتي

السلام عليكم
يا اختي واش نقولك ربي معاك
والناس لي راهم يجيبولك الهدرة عيب عليهم هكدا يزيدوا يمرضوك والله عيب وحرام
شوفي اختي صلي ودعي ربي هو يفرج عليك
ودعيلها ربي يهديها
ربي يفرج

 

[عاشقة الكرة]

رد: عجوزتي ماذا تقول عني في غيبتي

السلام عليكم ورحمة الله
اختي الحبيبة ربي يهنيك ويصلحلك حالك امرك صعيب وهي راهي تقذف فيك بينها بين مولاها تحطيتي في وضع والله لا تحسدين عليه
وكلي ربي سبحانو راها مرا كبيرة كون عطا ربي راها تدعي في ربي و تصلي وتخاف من دعوة الوليات
وش نقول لحبيبتي اصبري وتوكلي على ربي وادعي ربي يخفف عليك مجرد ابتلاء من عند ربي سبحانو
وماخاب من قال يا رب
ربي يسهلك حوالك
​

 

[السلطانة]

رد: عجوزتي ماذا تقول عني في غيبتي

وعليكم السلام كثري من الاستغفار والادعية
خليها تهدر واش تحب راهي تلم في الذنوب وتهديك في الحسنات
والحقيقة تبان تبان

 

[خديجة ph]

رد: عجوزتي ماذا تقول عني في غيبتي

السلام عليكم غاليتي
حقيقة موقف صعب لا تحسدين عليه اختي انت مازلتي صغيرة و الظاهر انك مستعملة سياسة احفظ الما تحفظك الظاهر انك تظلي جالسة في غرفتك واذا تكلمتي مع عجوزتك تجاوبيها على قد السؤال و ما تعملي شي حتى تطلبو هي منك و هذا راجع لعدة اسباب اما انك خجولة بطبعك او انك تنتظرين حل قريب و هو انك تسكني بدارك وحدك او لانك واقول هذا احتمالا فقط انك متكبرة شوي عليها
فنصيحتي ليك هي :
اذا كان السكن تاعك قرب يوجد فظلي على حالك هذه و اصبري فستكون مهمتها هي انها تخرجك عن طوعك و تخليك تغلطي معاها و هذا رح يتسبب لا قدر الله في طلاقك
اما اذا كان السكن تاعك مازال بعيد او حتى ليس مطروح كفكرة . فننصح اختي و صدقيني ما عندك غير هاذ الباب بعد ربي سبحانو . لازم تتصاحبو انت و عجوزتك و تنحي حاجز الحشمة اللي بينك و بينها و تخليها لفترة تعتقد انها تعرف عنك كل شي مثلا لما تتصل امك و تخبرك اخبار خبريها عن اقاربكم لكن لا تكوني غبية و تقوليلها اسرار دار ابيك احكيلها عن حوايج صراو معاك بكري اضحكي معاها لما تزعل هي من زوجك اوقفي معاها مش معاه لما تخرجو انت و زوجك بلاها خبريها وين رحتو لكن بدون ذكر التفاصيل و قوليلها ان الخرجة ما عجبتكش و انه كان اي زوجك قبيح معاك . ما تستنايهاش تقولك اعملي هذيك الحاجة وحدك قوليلها رايحة نخبز اليوم جيبيلها قهيوة على غدرة اقتارحي عليها تنفضو المنزل كوني فحلة انت تلقاي الشغل قبلها امشي معاها في زياراتها لاقاربها
هذا الشي كلو ديريه لفترة حتى تتعود عليك و تعرف انك حليفة مش عدوة و من بعد هي رايحة تمل و انت بعدي عنها بشوي ولما تتفكرك ارجعي انت تاني و شوي شوي مش رايحة تستغني عليك و اي شي في الدار رايحة تستشيرك انت فيه حتى قبل بنتها
و كما قال الاخ من الصحراء استعيني بربي سبحانه و اطلبي منه يرزقك خيرها و يكفيك شرها
هذا رأيي و الله اعلم

 

[Zakia zizou mca]

رد: عجوزتي ماذا تقول عني في غيبتي

كاش نهار كي يقلولك واش هدرت عليك قولي ماتوصلوليش هدرتها انا نحبها او هي في مقام ماما او يمات راجلي او هما يزيدو يوصلولها هدرتك بلاك يهديها ربي و كي تحكي معاك و تعير فيك نتي م اترديش لهدرة اسكتي قتليها بالبراد

 

[هالة]

رد: عجوزتي ماذا تقول عني في غيبتي

اختي ربي يكنون معاك لكن دور راجلك وين هو الي لازم يدخل بامور مثل هذي ولازم يديرلك حل وميخليش حقك يضيع ويخرجك تستقري ببيت وحدك لانو المعيشة هاك رايحة تكون صعبة عليك ومتعرفي وش رايحة تخرجلك المرة الجاية ممكن والعياذ بالله تتهمك بشرفك مدام قلتي انها تكذب بزاف ربي يهديها وانتي ربي يفرج عليك وادعي ربي

 

[❤️كلي أمل❤️]

رد: عجوزتي ماذا تقول عني في غيبتي

السلام عليكم
اختي وكلي ربي وكثري من الاستغفار والدعاء
وخليها تهدر واش تحب كي تكمل روحي سلمي عليها وضحكي معاها عادي
ومع الوقت تتبدل معملتها ليك نصيحة من أختك عمرك ما تخرجي العيب
ومهم كان هي تبقى أم وتحس داولها وليدها
ربي يفرج عليك اختي الكريمة

 

[بنقابي افتخر]

رد: عجوزتي ماذا تقول عني في غيبتي

ربي معاك
كل النساء اللي عايشين في البيت الكبير اي عند الحماة تعاني من نفس المشكل.
خليها على رب يجي النهار وين تفيق بروحها
القافلة تمر والكلاب تنبح

 

[angegardienretour]

رد: عجوزتي ماذا تقول عني في غيبتي

السلام عليكم

لتغيير الجو فقط اعجبني هذا الموضوع و نقلته لك اخي الكريمة
لكل بيعرف انو الحماية ومرات ابنها ضراااااير


ويا عيني شو بيصير كل يوم من طوش وخناقات واصوات وحالة بتبكي ههههه
منشان هيك بتلاقي الرجال دايما طافش
يا حراااام يقف مع امو ولا مع مراتو ( الله يعينه )



حوار بين الحماه والكنه :

الحماه : بكرا بعد متتزوجي ابني رح دللك كثير يا قلبي ( لك بكرا بعد متتزوجي ابني رح ورجيكي الويل يا بنت الكلاب )

الكنه : ييي تسلميلي يا مرت عمي كلك ذوق وانشالله رح تشوفي مني اشياء حلوة كثير ( لك يقصف عمرك شو كذابة ولك لورجيكي الويل بعد متزوج )

الحماه : انشالله يا روحي...لك انا من كثر مابني بحبك مش عارفة كيف ابسطك عشان ينبسط ( وانا رح ورجيكي اشياء بعمرررك ما شفتيها...لك مش عارفة كيف بدي اتخلص منك بس عشان ابني بحبك ( حبه برس ) بدي اتحمل قرفك )

الكنه : ولا شي ما تعملي شي بكفيني شوفتك بنبسط ( ما تعملي شي لك بس اشوووفك بحس حالي قرفاااانه )

الحماه : طيب شو بتحبي اجبلك والبسك يوم العرس ( لك بدي اجبلك حيي الفها عرقبتك وارتاح منك !!!! مجبووورة اسأل)

الكنه : جيبي يللي بتحبيه بس مش يكلفك كثير جيبي اشي خفيف انا برضى فيه ولا يهمك ( لك جيبيلي المااااااس بحالووو انكنك بتقدري...لك انشالله بنقبرك يوم العرس نفسسه )

الحماه : عنجد لك دخيل المذوووقة ... طيب وشو بتحبي اجبلك لبيتك ؟ ( لك دخيييل كذبك قال اشي خفيف قال...ريتني اجبلك قرد يقردك في بيتك انشالله!!!! الله بعيني كلو متحملته عشان ابني )

الكنه : جيبي اشي خفيف لا تثقلي على حالك السعر...جيبي اشي خفيف ولطيف مثلك ( جيبي طاولة سفره وادوات المطبخ وثلاجة وطقم كرستال...ريتك تدفعي عمرك عشان تجبيلي كل اشي بنفسي )

الحماه : عنجد انا ربحت في هيك كنه منيحة يلا لكان بشوفك بكرا يا روحي مضطره اروح ( لك يقطع كذبك وهيك تنقااااي لك انا كيف بدي اتحملك مش عارفة...يلا انقلعي من خلقتي قبل ميصيبني انهيار عصبي ما عاد فيني ابقى واطلع فيكي واتحمل قرفك )

الكنه : وانا ربحت مرت عم مثلك....طيب يا قلبي بكرا بشوفك ومنحكي وحب علي اضلي يلا سلامات ( لك انا ماكللللللله هوى في هيك مرت عم مززززفته...هوووف الحمدلله...يلا طيري من وجهي واخيرا بدك تنقلعي يلا رووووووحه بلا رجعه الله لا يوففففففقك )


********************

حماية مو راضية بعروس ابنها يعني مو حاببتها وقفت قبالها بالعرس وآاهت

آويها يلي قاعدة جنب ابني
آويها ما فيكي شي عاجبني
اويها هلأ بتقولي حبني
اويها بكرة بتقولي كبني
اويها و ان ما مشيتي دغري
اويها لتلاقي بيت الضرة مبني
لي لي لي ليييييييش

**********
قامت ردت عليها العروس وقالت...
آويها وحيات شالك وشنشالك..
آويها بعد اسبوع لافضالك
اويها و انشاء الله فال الله و لا فالك
و اويها و داء الفالج جالك
اويها لأشغل بالك و انهب مالك
اويها و ابنك ما بيهنالك
اويها و بعدها لفرجيكي حالك

لي لي لي ليييييييييش
********************************
اختي الكريمة قولي دائما هذا...

لن أستمع لقول البشر الذين يحطمون امالي
فلتقولوا ما تريدوا
فأنا لن أتغير
فانا واثقه من المسار الذي اخترته
فشكراً الى كل من يرمي الي حجاره في طريقي لانها زادتني عزيمه
لاواصل مشوار نجاحي فهذا هو طريق الناجحين ملئ بالعثرات
وانا واثقه بنفسي وربي اولاً وساتجاوز تلك العثرات لاواصل نجاحي

الصراع بين الحماة والكنة(زوجة ابنها) تاريخ وأزلي ولن ينتهي فالحماة تحاول ان تفرض سيطرتها على زوجة ابنها وتحاول ان تتدخل في شؤونها الخاصة وتملي عليها اقتراحاتها ووجهة نظرها، في المقابل الكنة تريد ان تعيش حياتها الخاصة المستقرة مع زوجها وكل زوجة تحب ان يكون لها عالمها الخاص ومملكتها التي تبنيها كيفما تشاء
والزوج هو الضحية في هذا الصراع رغم ان الزوجة ايضا ضحية و لكننننننننننننننننننننننننننننن........اصبري و استخيري و ادعي ربك

يستجيب لك ان شاء الله

تحياتي

 

[مهدي الثعالبي]

رد: عجوزتي ماذا تقول عني في غيبتي

الله يصبرك و الله يهديها و يشفيها ، اوافقك ما قلت هناك شياطين في ثوب بشر ، ولا اضنها إلا مريضة نفسيا
( الغيرة السلبية )