أشكي لربي ياو " سلسلة أقصفهم ديراكت 1 "

[Skor m@k]

واش راكم خاوتي ان شاء الله تكونو بخير

الدنيا هذي كل واحد كيفاه كتبلو ربي يعيش فيها كاين لي يعيش سعيد وكاين لي شقي
كاين لي غني وكاين لي فقير وكاين لي الحمد لله القناعة كنز لا يفنى
منذاك نشوف ناس ماعندهم والو بصح ماتحسوش فقير
عندو قناعة بلي ربي هو لي يرزق وهو لي يسر الأمور في كل شيء
منين تهدر معاه يقولك الحمد لله مام ماتلقى عندو ولالو
ني خدمة ني دار ني مستقبل هكذاك وحامد ربي
هذا كي تريح معاه تفرح يرجعلك الدنيا تشوفها مليحة والجزائر تولي تشوفها هي لمليحة فالبلدان كامل
لي تلقاه يحمد ربي في كل وقت

مي ليوم ماجيتش نهدر عليه ليوم جيت نقصف ناس سبيسيال
ناس تريح معاهم تقنط من رحمت ربي تولي تمشي وتسب فالدولة
تلقاه الحمد لله عندو دارو ومزوج وخدام وعندو طونوبيل وكي تسقسيه على حوالو
يبدى يحكيلك حياتو كامل ومشاكلو والدراهم خاصينو وماكفاوهش
والدولة ماوفرتش والمسؤول راهو يسرق
والمير دا الدراهم من الخزينة والعساس تاع البلدية سرق كرسي من قاعة الانتظار
يخليك تولي تحب تشنق روحك

ولا كاين ناس لي يكرهولي حياتي تلقاه مزوج وبطونوبيل يدور
يجي يشكيلك باش تسلفلو دراهم
أنا نقول بلاك ماعندوش بلاك لمرا راح تزيد ومزال ماخلصوهش دير بزاف حكايات في راسك
خاطرش يشكيلك على همو منهار كان صغير
فالأخير يقولك باش نعاود الفيدونج للطونوبيل وتانيت نديها لافاج نغسلها وراح نعاودها لقماش تاع لكراسة
كيفاه حبيتنا نكون مليح كي نتلاقى بيه أياو قولولي

ولي يعجبوني كاين بزاف منهم يجي يحكيلك حياتو غير باش يغيضني ونولي نبغيه
يقولي انا بكري كنا في ميزيريا ومالقيناش واش ناكلو
وبابا كان مايخدمش ويما كبرتنا

ايه ممبعد أنا كنت وليد وزير مثلا ايه كمل

ويحكي حياتو لناس غير باش يقولو ايه مسكين هذا
مسكين نحبو يغيضني
كونك راجل يا أخي أشكي لربي ماشي لناس صح أحكيلي كاش ما مشكلة نعاونك فيها
ماشي كي راك مزوج وعندك دارك مزالك تحكي على بكري باش تغيض الناس

البليزير تاع هذو الناس يرجعو روحهم مذلولين يخلو الناس يغيضهم ويولو محبوبين ومشهوري
ماتقولوليش الى دخلت في قلبو وشفت واش يخمم
هاي اللعبة باينة كي نجي نحكي همي لكل واحد واش صرالي في حياتي واش معنتها هذي
أنا صح بلاك نحكي مي لصاحبي واحد ماشي لي نتلاقى بيه نحكيلو بلي كنت فقير وماعندناش واش ناكلو وووو
هنا تولي ذل ومهانة وكل واحد كيفاه يدي نظرة عليك أخي

أدي عبرة أخي أشكي لربي خاطرش رانا كامل في لالجيري

تانيت راني عليك ختي ماشي كي ديتها بخويا برك

أتشو
سلام​

 

[Salah eddin]

لي عودة ان شاء الله
شكرا​

 

[الصحافية الساخرة]

ههههههههههه كيما يقولوا: الشكوى لغير الله مذلة ...

نقولك حاجة : يلغعبوها مساكن وهوما بصح راهم خير منك , وعلاه تحكي على اللي فات عليك مش مليح برك؟ اه احكيلنا على اللي فاات عليك مليح , صح عدينا سوفرونس شوي مي عدينا حوايج ملاح وفوور يستاهلوا نهدروا عليهم (انا لي يشكيني نقولوا هكا دوك) والحمد لله على كل حال

 

[Skor m@k]

لي عودة ان شاء الله
شكرا​

السلام عليكم
ان شاء الله أخي صلاح ​

 

[Skor m@k]

ههههههههههه كيما يقولوا: الشكوى لغير الله مذلة ...

نقولك حاجة : يلغعبوها مساكن وهوما بصح راهم خير منك , وعلاه تحكي على اللي فات عليك مش مليح برك؟ اه احكيلنا على اللي فاات عليك مليح , صح عدينا سوفرونس شوي مي عدينا حوايج ملاح وفوور يستاهلوا نهدروا عليهم (انا لي يشكيني نقولوا هكا دوك) والحمد لله على كل حال

السلام عليكم
شفتي كيفاه يذلو روحهم غير باش يغيضوهم الناس
علاه لازم يحبوك كي تكون مسكين
ولا مالقيتش باش يحبوك غير بتذليل روحك
ناس تانيت مايحمدوش ربي
شكرا لك ختي​

 

[آمِيْرَتُه]

السلام عليك
فكرتني بوحدة تخدم معايا تشتكي باه المديرة تشفها و تقول مسكينة شفتها خطرة زوج و منبعد قلعتلها تقليعة واعرة
ندمت لي حكات قتلها يقولك الشكوى لغير الله مذلة حكمي حكايتك ومشاكلك عندك علاه تشيعي بروحك حتى رجعتي في هه الحالة
لي بغاي يخرج من المشاكل يتقرب من ربي مش من العبد
ناس قاع لاهية في روحها

 

[الامين محمد]

قال تعالى : (قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا) قالت عائشة رضي الله عنها : تبارك
الذي أوْعى سمعه كل شيء ، إني لأسمع كلام خولة بنت ثعلبة ، ويخفى عليّ بعضه ، وهي تشتكي زوجها
إلى رسول الله صلى الله عليه وسلم ، وهي تقول : يا رسول الله ، أَكَلَ شبابي ، ونَثَرت له بطني ، حتى إذا كَبُرَت سِنِّي ، وانقطع
ولدي ، ظَاهَر مِنِّي ، اللهم إني أشكو إليك . قالت : فما بَرِحت حتى نَزل جبريل بهذه الآية : (قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا) . ​

​

وكما قيل :
ولا بُدّ مِن شَكوى لِذي مُروءة *** يُواسِيك أو يُسليك أو يتوجّعُ​

نظن في الناس خيرا و ان خدعونا كان الله محامينـــا
نسامحهم حتى و ان جرحونا و ظنوا الشـــر فينــــــــا​

 

[الصحافية الساخرة]

السلام عليكم
شفتي كيفاه يذلو روحهم غير باش يغيضوهم الناس
علاه لازم يحبوك كي تكون مسكين
ولا مالقيتش باش يحبوك غير بتذليل روحك
ناس تانيت مايحمدوش ربي
شكرا لك ختي​

العفو خويا , كيما قلت الناس جهلت تحوس على معرفة العبد واللي خلقك هو لي ترجع لييه مكانش خير ربي سبحانه

 

[Skor m@k]

السلام عليك
فكرتني بوحدة تخدم معايا تشتكي باه المديرة تشفها و تقول مسكينة شفتها خطرة زوج و منبعد قلعتلها تقليعة واعرة
ندمت لي حكات قتلها يقولك الشكوى لغير الله مذلة حكمي حكايتك ومشاكلك عندك علاه تشيعي بروحك حتى رجعتي في هه الحالة
لي بغاي يخرج من المشاكل يتقرب من ربي مش من العبد
ناس قاع لاهية في روحها

وعليكم السلام
ايه هذي لي حبيت نوصل العبرة فذا الموضوع
بزاف لي يحب يغيض الناس باش يتقرب منهم ويدي مصلحة من عندهم
الندامة جي فالأخير
وضرك الناس تبدلت ماولاتش لاتيا بهموم الغاشي كل واحد لاتي بهمو
شكرا لك ختي
ربي يهنيك

 

[Skor m@k]

قال تعالى : (قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا) قالت عائشة رضي الله عنها : تبارك
الذي أوْعى سمعه كل شيء ، إني لأسمع كلام خولة بنت ثعلبة ، ويخفى عليّ بعضه ، وهي تشتكي زوجها
إلى رسول الله صلى الله عليه وسلم ، وهي تقول : يا رسول الله ، أَكَلَ شبابي ، ونَثَرت له بطني ، حتى إذا كَبُرَت سِنِّي ، وانقطع
ولدي ، ظَاهَر مِنِّي ، اللهم إني أشكو إليك . قالت : فما بَرِحت حتى نَزل جبريل بهذه الآية : (قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا) .
وكما قيل :
ولا بُدّ مِن شَكوى لِذي مُروءة *** يُواسِيك أو يُسليك أو يتوجّعُ

نظن في الناس خيرا و ان خدعونا كان الله محامينـــا
نسامحهم حتى و ان جرحونا و ظنوا الشـــر فينــــــــا​

السلام عليكم
فهمتك يا أخي بلي منذاك الواحد يشكي همو لخوه لصاحبو لباباه ووو
بصح كاين لي يذل روحو غير باش يغيض الناس ويولو يحبوه ويتقرب منهم
وكاين لي يذلل روحو غير باش ماتقولوش سلفلي دراهم
وكاين لي يحكي همو غير باش يسلف عندك دراهم
ولا لي يشكي ويطلب التوجيه والنصيحة هذيك مافيها باس
بصح الشكوى لغير الله مذلة
يعطيك الصحة خوو​

 

[Skor m@k]

العفو خويا , كيما قلت الناس جهلت تحوس على معرفة العبد واللي خلقك هو لي ترجع لييه مكانش خير ربي سبحانه

وكاين اكثر من لي تشكي لربي هو لي يسمع
العبد من غدوى يتبدل عليك ويبهدلك ويهينك قدام الناس
شكرا مرة اخرى ختي

 

[ام راس يابس]

احم احم
اخينا الراعي الرسمي لسيفيتال راه معمر و هو تاني جا يشكي من الي يشكو
على كل حال يمكن x الي شكى منو y هو اصلا مين كتب مكانتش شكوى ...برك بغى يخرج الديقة ...بغا يكتب و يخرج واش في قلبو صح و لا لا ؟ و y تحسس و حسها شكوى
احيانا مين y في باله واحد و يجي هذاك الواحد يحكي حاجة غاماتو يحسه بلي راه يشكي باش يشفه و يبغيه ...يكمن اصلا ميكونش المشكل متعلق x اصلا ....المشكل في y اذا كان "نفسية"
ايا كان x و y الدالة مراحش تتغير
عوض x تلقى y
المهم ....شكون ياكل غريبية و حلقوم ؟؟ مع حبة دراجي مسروقة

 

[Skor m@k]

احم احم
اخينا الراعي الرسمي لسيفيتال راه معمر و هو تاني جا يشكي من الي يشكو
على كل حال يمكن x الي شكى منو y هو اصلا مين كتب مكانتش شكوى ...برك بغى يخرج الديقة ...بغا يكتب و يخرج واش في قلبو صح و لا لا ؟ و y تحسس و حسها شكوى
احيانا مين y في باله واحد و يجي هذاك الواحد يحكي حاجة غاماتو يحسه بلي راه يشكي باش يشفه و يبغيه ...يكمن اصلا ميكونش المشكل متعلق x اصلا ....المشكل في y اذا كان "نفسية"
ايا كان x و y الدالة مراحش تتغير
عوض x تلقى y
المهم ....شكون ياكل غريبية و حلقوم ؟؟ مع حبة دراجي مسروقة

السلام عليكم
ههههه يرحم والديك انت وختك هذيك تقتلوني منين راكم جيبو الهدرة هذي ههه
صح شكيت همي ليكم انا ضرك بصح ماشي تاع حياتي هههه
صح حسيت بواش هدرت بصح حسيت راني نقرى في معادلات تاع الرياضيات ههه
واقيل مزال ماجا حتى واحد شكالك وحكالك حياتو وانت كنت سمعتيها ألف من مرة هههه
أي أصبري واشنو هذيك ندلق
معلباليش واش معنتها بصح حتى انا معاكم لا أدلق هههه
فكرتيني فالماييز توحشتو خخخ

 

[لاريمان]

السلام عليكم
تبانلي عقليات كل واحد كفاش يبني علاقاتو مع الناس
ممكن يكونو الله غالب عليهم ولا لقاو راحتهم فيها
وليس هناك كلام احسن من هذا الشكوى لغير الله مذلة ...

 

[طموحة]

السلام عليكم
هنا أقصف أنا نمولك بالعتاد الحربي الجوي البري و البحري
ياو المشكل ماشي فليشكيلك من حاجة كاينة هداك الله غالب عليه بلاك تعمر قلبو وحب يفضفض برك مي كاين شكوى من شكوى ماشي تعيط للشر و هي أصلا ماكانش منها كاين لي يشكيلك من حوايج هوما أصلا مراهوش يعاني منهم ما نعرف ايدا يبعد فالعين ولا عندهم العقلية ت يشكيلك باش تلسق فيك
أنا هادو الناس راهم مقلقيني بزاف
كاين ناس كي نشوفها نشوف كتلة من الطاقة السلبية تمشي نهدر معاهم نروح نرقد سمانة وماندير والو من الطاقة السلبية لي مدوهالي
كاين فئة مهدرتش عليهم صحاب لافاك لي يجو سارني من نوي بلونش لي جوزوها ويقولك مراني نقرا مرانيش مرانيش
عقلية أحفظ الميم يحفظك
ياربي واحد مسقساكم راكم حابين تبعدو العين ماتقولوش قرينا مي متشكيوش
رراني حابتهم يديرو انتحار جماعي ويهنو المجتمع من هذا العبء
ديجا راني شكيت بزاف أنا تان ههه
معلومة برك علميا أثبت بلي الانسان كي يشتكيلك بزاف من حاجة تنتقل هاديك الطاقة السلبية ليك وتولي نتا تعاني
لكن لما تكون هاته الشكوى في سجدة لربي سبحانو كلما تطول فالسجود كلما تنزال عليك تلك الطاقة السلبية
سلام

 

[Skor m@k]

السلام عليكم
تبانلي عقليات كل واحد كفاش يبني علاقاتو مع الناس
ممكن يكونو الله غالب عليهم ولا لقاو راحتهم فيها
وليس هناك كلام احسن من هذا الشكوى لغير الله مذلة ...

وعليكم السلام
صح منذاك تلقى راحة وي واحد تشكيلو همك بصح يكون قريب ليك كصديق او اخ او زوجة او زوج ...
ماشي لي جا تحكيلو حياتك باش ترجعو قريب منك ولا باش يغيضك
أشكي لربي هو لي عالم بحوالنا
شكرا لك ختي

 

[حكاية قمر]

الشكوى لغير الله مذلة
كاين لي مام يكذب باه تغيضه وتتعاطف معاه خاصة لي يكونوا يخدموا كيف كيف وفكرتني ب تيبيات وكنخدمو تقارير كل وحدة وشا صرالها ولا تقول المشاكل كامل عندهم
هي صح ممكن لي يكون في حالة ضغط من كثرة الهموم يبغي يخرج مي ماشي كاع هكا
معليش الله يعين كل واحد فينا والله الهموم لا تنتهي لكن الحمد لله ع كل حال الانسان لازم يكون صبور

 

[Salah eddin]

السلام عليكم
هكذاك خويا مالك اقصفلهم ايامهم ...ههه

يا خي حالة يا خي
ضروك نعاونك بالقصف
.......

اااوكاين منهم هذو ...كاين بعض الناس ...لاباس عليه ...ويجي يشكي و يزهg...ويقلك عندي مشكل في كذا
و راني حاصل مع فلان و فلان يسالني
يا خويا خلي همك عندك ...لي فيا يكفيني
هذو ما بيهم لا مشاكل لا والو ...يحبو يلوحو العين
لا حول و ل قوة الا بالله
قل لن يصيبنا الا ما كتب الله لنا
و
بالعافية و السلام عليكم
و
انتهى القصف ...عودة الى القاعدة

ههه​

 

[الورد الأحمر]

السلام عليكم ورحمة الله وبركاته

الناس هذو لي يشكو وهوما لاباس بيهم نحسهم غير استغلاليين يحبو يعيشو كي الطفيليات ويابصوربيو من الناس واش يقدرو عليه هذو نختقرهم صراحة.

الناس لي تشكي همها في الحالة الأخيرة لي حكيت عليها مش ضروري يكونو يحوسو على شفقة الناس ولا اهتمامهم ولا انتباههم ومش بالضرورة يكونو عندهم هدف في راسهم حابين يوصلولو !! مرات الانسان يرتاح في وسط ما ويحب يحكي واش كاين في قلبو ويحب يحكي معاناتو ممكن فقط لأنو حس لي رح يحكيلهم أنهم خوتو وعمل فيهم ثقة وحب يفرغ قلبو معاهم هذا ماكان ممكن الشي هذا يريحو ... بصح أنا ندري روحي نرتاح لشخص ونحسبو من الناس لي ممكن نحكي قدامهم عادي وندير ثقة ومبعد يولي يحكي بيا ندعيه ونوكل ربي عليه ونخليه نحسها خيانة وحقارة.

عموما الناس معادن وكل واحد وعقليتو وكل واحد ونيتو والأعمال بالنيات ربي يعطي لكل واحد على قد قلبو.

فكرتني في وحدة كانت ديما تشكي حتى كرهنا منها وهي تشكي بزاف باه نساعفوها في الخدمة ونقولولها مازتجيش ونخبيو عليك حتى كلحتنا وصلحتلها تهرب من الديغاكسيون وتبدل وانا لليوم حالفين عليا قالك هنا يموت قاسي. لازم نتعلم لاستيس .

مغسي خويا مالك.

 

[Skor m@k]

السلام عليكم
هنا أقصف أنا نمولك بالعتاد الحربي الجوي البري و البحري
ياو المشكل ماشي فليشكيلك من حاجة كاينة هداك الله غالب عليه بلاك تعمر قلبو وحب يفضفض برك مي كاين شكوى من شكوى ماشي تعيط للشر و هي أصلا ماكانش منها كاين لي يشكيلك من حوايج هوما أصلا مراهوش يعاني منهم ما نعرف ايدا يبعد فالعين ولا عندهم العقلية ت يشكيلك باش تلسق فيك
أنا هادو الناس راهم مقلقيني بزاف
كاين ناس كي نشوفها نشوف كتلة من الطاقة السلبية تمشي نهدر معاهم نروح نرقد سمانة وماندير والو من الطاقة السلبية لي مدوهالي
كاين فئة مهدرتش عليهم صحاب لافاك لي يجو سارني من نوي بلونش لي جوزوها ويقولك مراني نقرا مرانيش مرانيش
عقلية أحفظ الميم يحفظك
ياربي واحد مسقساكم راكم حابين تبعدو العين ماتقولوش قرينا مي متشكيوش
رراني حابتهم يديرو انتحار جماعي ويهنو المجتمع من هذا العبء
ديجا راني شكيت بزاف أنا تان ههه
معلومة برك علميا أثبت بلي الانسان كي يشتكيلك بزاف من حاجة تنتقل هاديك الطاقة السلبية ليك وتولي نتا تعاني
لكن لما تكون هاته الشكوى في سجدة لربي سبحانو كلما تطول فالسجود كلما تنزال عليك تلك الطاقة السلبية
سلام

وعليكم السلام
ماحبيتش نهدر على لي هدرت عليهم ههههه خفت نكتب جرنان وما نقدرش نوصفهم
ماشي غير صحاب لافاك صحاب كل المستويات
أصلا هو يجي لعندك يحكيلك بلي صرالو مشكل وكان هكذا ودار هكذا وووو
وفالأخير يجيبهالك بلي ماحفظش وحنا نوايا نامنوه نحوسو نوريولو وهو خادم الكحلة خخخخ
وباقي كي تشكي لربي تحس بالأمان
شكرا لك ختي