أشكي لربي ياو " سلسلة أقصفهم ديراكت 1 "

[Skor m@k]

الشكوى لغير الله مذلة
كاين لي مام يكذب باه تغيضه وتتعاطف معاه خاصة لي يكونوا يخدموا كيف كيف وفكرتني ب تيبيات وكنخدمو تقارير كل وحدة وشا صرالها ولا تقول المشاكل كامل عندهم
هي صح ممكن لي يكون في حالة ضغط من كثرة الهموم يبغي يخرج مي ماشي كاع هكا
معليش الله يعين كل واحد فينا والله الهموم لا تنتهي لكن الحمد لله ع كل حال الانسان لازم يكون صبور

السلام عليكم
ايه كي تشكي لازم تعرف تشكي كي تكون نيتك تفرغي قلبك
ولازم ماتكثريش على ماوصاوك ماشي الواحد حتى يولي يشوفك يكره من حكايات الشكوى تاعك
مي كاين ناس هدفهم فالحياة هذي غير يشكيلك خخخخ
الحمد لله هذي واش نقولو
شكرا ختي

 

[Skor m@k]

السلام عليكم
هكذاك خويا مالك اقصفلهم ايامهم ...ههه

يا خي حالة يا خي
ضروك نعاونك بالقصف
.......

اااوكاين منهم هذو ...كاين بعض الناس ...لاباس عليه ...ويجي يشكي و يزهg...ويقلك عندي مشكل في كذا
و راني حاصل مع فلان و فلان يسالني
يا خويا خلي همك عندك ...لي فيا يكفيني
هذو ما بيهم لا مشاكل لا والو ...يحبو يلوحو العين
لا حول و ل قوة الا بالله
قل لن يصيبنا الا ما كتب الله لنا
و
بالعافية و السلام عليكم
و
انتهى القصف ...عودة الى القاعدة

ههه​

السلام عليكم
ههههه انت ماشي قصفتهم برك انت دمرتهم هههههههههه
هذوك لي يشكو باش يبعدو العين ماحبيتش نهدر عليهم خاطرش كاين منهم بزاف
وهذوك جراثيم فوق الارض ربي يبعدنا عليهم
هذوك دودة القز وماتحملش الشكوى تاعهم سورتو كي تكون فايقلو الهبهاب ومايفريهاش معاهم
قول الحمد لله وأقرى أذكار الصباح والمساء واحد مايقيسك بروبيني
وخلي حكايتك وهمك عندك
أيا مليح خويا الصالح كيماغلطتش فينا بقصف هههه
شكرا لك خوو​

 

[Skor m@k]

السلام عليكم ورحمة الله وبركاته

الناس هذو لي يشكو وهوما لاباس بيهم نحسهم غير استغلاليين يحبو يعيشو كي الطفيليات ويابصوربيو من الناس واش يقدرو عليه هذو نختقرهم صراحة.

الناس لي تشكي همها في الحالة الأخيرة لي حكيت عليها مش ضروري يكونو يحوسو على شفقة الناس ولا اهتمامهم ولا انتباههم ومش بالضرورة يكونو عندهم هدف في راسهم حابين يوصلولو !! مرات الانسان يرتاح في وسط ما ويحب يحكي واش كاين في قلبو ويحب يحكي معاناتو ممكن فقط لأنو حس لي رح يحكيلهم أنهم خوتو وعمل فيهم ثقة وحب يفرغ قلبو معاهم هذا ماكان ممكن الشي هذا يريحو ... بصح أنا ندري روحي نرتاح لشخص ونحسبو من الناس لي ممكن نحكي قدامهم عادي وندير ثقة ومبعد يولي يحكي بيا ندعيه ونوكل ربي عليه ونخليه نحسها خيانة وحقارة.

عموما الناس معادن وكل واحد وعقليتو وكل واحد ونيتو والأعمال بالنيات ربي يعطي لكل واحد على قد قلبو.

فكرتني في وحدة كانت ديما تشكي حتى كرهنا منها وهي تشكي بزاف باه نساعفوها في الخدمة ونقولولها مازتجيش ونخبيو عليك حتى كلحتنا وصلحتلها تهرب من الديغاكسيون وتبدل وانا لليوم حالفين عليا قالك هنا يموت قاسي. لازم نتعلم لاستيس .

مغسي خويا مالك.

وعليكم السلام
الحالة لي هدرت عليها فالأخير ماشي كيما لي فهمتيها انت
صح منذاك تكون مهموم وحاب تفرغ واش في قلبك تفرغ عند صاحبك ولا خوك ولا يماك وووو لي ترتاحيلو انت
ماش في جماعة ترتاحيلهم وتحكيلهم حكايتك هناك كل واحد كيفاه يولي يشوف فيك
هناك تولي تذل في روحك مش تخرج همك
همك تخرجو لي يفهمك مش باش تدي الشفقة من عند الناس
وايضا كي تشكي بزاف هام يكرهوك
هاكي انت قلتيها فالأخير مام صاحبك وكل يوم تحكيلو حكايتك وتشكيلو مام تكون صح هكذاك ويكرهك
خاطرش كاين هموم تولي اذلال كي تخرج من الفم
ربي يحفظك ختي
شكرا لك

 

[Hakan]

ههه راك تقصف كي مول التوقيع هذا هههه

على ذكرك لذا النوع كاين شي ناس منين ذاك يحكيولي مشاكلهم والحمد لله الناس كامل مداير كونفيونص فينا
مي نهار نقعد مع ناس غيرهم ويحكيولي حكايات هذو الناس نقول سبحان الله ياك غير انا اللي علابالي هيا ومن بعد نفيق بلي
الشعب هذا راهو يحكي للغاشي كامل مشااكلو
وصراحة الذل شيء معيب ناس بكري رغم الفقر ورغم كل شيء يقولو الحمد لله
ساعات نقعد نشوف غير في قشي الحمد لله ثلاث سراول زوج صبابط حشاك جاكيطا امور بزااف
نحمد ربي عليها بالاك ماكانش عند الغاشي ولو انو منين ذاك تطلب بعض الاشياء مثل السيارة والبيت الفاره
مي هذا الشيء ما يخليكش تتذل للناس شكرا خويا على القصف ..​

 

[Skor m@k]

ههه راك تقصف كي مول التوقيع هذا هههه

على ذكرك لذا النوع كاين شي ناس منين ذاك يحكيولي مشاكلهم والحمد لله الناس كامل مداير كونفيونص فينا
مي نهار نقعد مع ناس غيرهم ويحكيولي حكايات هذو الناس نقول سبحان الله ياك غير انا اللي علابالي هيا ومن بعد نفيق بلي
الشعب هذا راهو يحكي للغاشي كامل مشااكلو
وصراحة الذل شيء معيب ناس بكري رغم الفقر ورغم كل شيء يقولو الحمد لله
ساعات نقعد نشوف غير في قشي الحمد لله ثلاث سراول زوج صبابط حشاك جاكيطا امور بزااف
نحمد ربي عليها بالاك ماكانش عند الغاشي ولو انو منين ذاك تطلب بعض الاشياء مثل السيارة والبيت الفاره
مي هذا الشيء ما يخليكش تتذل للناس شكرا خويا على القصف ..​

هههههه أواه الى قصفتهم هكذاك الأخ فتحي أون بيرسون يدخل هههه
ايه حتى أنا منذاك نحكي لواحد نفرغ واش في قلبي بصح ماش كاملين نرج روحي سمير قدام الناس
وزيد مكاش قد الذل نبقى بلا عشى ومانذل روحي
هههه راك خير مني ب ثلث سراول ههه
ربي يهنيك خووو​

 

[أم أُنٌَيسة]

السلام عليكم و رحمة الله تعالى و بركاته
كما قال الاخوة الشكوى لغير الله مذلة
احيانا نقول امور تصرالي لكن ليس للشكوى فقط اخبر المقربين لا غير و الحمد لله لازم تلقى حاجة مليحة في الاحوابج السيئة اللي يصراولك
و لازم تعرف ادا احب الله عبدا ابتلاه
نموت فرحة ادا صراتلي حاجة موش مليحة ، موش نديرها بالعاني لكن ادا صراتلي الحمد لله
لكن حاليا جهلت نورمال
وربي يهدينا و يثبتنا ان شاء الله يارب
تحياتي
في المتابعة باذن الله​