الامتحانات ومادارت فيا

[زهرة اللمة]

السلام عليك مريومة
يا بنتي ما جيت نقرا هذا الموضوع حتى شاب راسي ههه هو ماشي شاب شاب بصح طويل ههه
حكيتي فيه على كلشي يا بنت عمي و قوليلهم راكي تهدري على ايمان و خلاص
يا بنتي سير راكي عليا بصح نختالفو في حاجة انا ما نحفظتش اوااه محال
نحسها تدخل من جهة و تخرج من الجهة الدوزيام
اصلا لو كان برك نخمم نحفظ يا الهي نحماراو نصفار و نخضار لا اتناسب مع الحفاظة
و زيد على هذا الرسومات لي نرسم مع انني لا علاقة لي بالرسم و بلا ما نحكي على نوبة الغناء و الرقص
كيما حالتي ضرك .....خخخخخ
بالمختصر المفيد انا الحفاظة و المراجعة دايما نغنيلها : ما نليق ليك و تليقي ليا منهاجك طويل و انت صعيبة عليا
ههههه
صح انا مازال ما طلعتش للجامعة مي نظن الحالة ما تعجبش يا حوجي هذي غير في الليسي راني هاك لو كان نطلع للجامعة
نرجع نغني هندي نظن خخخخ
نروح كاشما نراجع يا خيتي
ايا صحيتي على الموضوع الزين و بالتوفيق للجميع​

 

[عاشقة الكرة]

وعليكم السلاااام ورحمة الله وبركاته
عودة من جديد :p
مرحبا بيك حبيبة قلبي نورتيني بمرورك العطر
ههههههه الله يسلمك خرجت من الحرب بخسائر معقولة مالقري مهرودة كيما قلتي بصح لاباس هههه المهم الاستقلال
هيه راني مجربة القوانين كاين مواد عندنا فيهم قوانين بزاف كيما تحليل مالي وتسيير مالي معمق وغيرها من المواد تلقاي في نص قانون
زوج قوانين وكل قانون من الزوج هادوك فيه 4 قوانين هههههه تجهلي وزيد يقولك حل التمرين بطريقتين اها نحلو بعشرة خير
وتجيبيها ساعة ونص من لي يمدلك الورقة وراسك داخل في الورقة حتى كي ينحيولك الورقة وتطلعي راسك تضربك الدوخة ههههه
وفي اللخر تدي نقطة كارثة كن حتى تدي مليح حق التعب هاداك هههه، عجبتني نحفظ في الوقت بدل الضائع ههههه انا نحفظ في
الشوطين وفي الوقت بدل الضائع والنافع ربي زوج دقايق مخي يولي صحراء هههه والرسومات مانتكلمش المخدة والفراش وتلقاي فيهم
الستيلو زرق مرسوم ههههه، وعندي الاشكال لي تكلمتي عليهم وبالانواع تاني كاين لي تجي تقولك حرف ماراني حافظتو ومن بعد
17 تخبط في لافيشاج وكاين لي من لي تحط راسها وهي تكتب ومن بعد 7 ومشتقاتها في لافيشاج وكاين كيما محدثتك تحفظ كايي كامل
وماتحفظش زوج اسئلة من زوج اسطر يطيح السيجي على الاسئلة هادوك برك وتلقى روحها دات 10 ولي عمرو ماحفظ يدي 17
وفي النهاية كيما قلتي يخلص العام ويخلص التمرميد وتبقى ذكرى برك صح بكينا فيها وصح تعذبنا بصح كي تتفكري روحك تشبعي ضحك هههه
شكرا حبيبة قلبي على مرورك العطر ربي يوفقك وينجحك وينجح كل الممتحنين ان شاء الله
تحياتي
​

هههه اهلا بحبوبتي ان شاء الله تكوني لباس
يادرا وش درتي فيها
خليها على ربي سبحانو الجامعة والله غير كذبة خخخخخخ
المهم الواحد يدير لي عليه والباقي على ربي سبحانو
ربي يوفقكم أجمعين