من أنت..؟

[الصحافية الساخرة]

هذا المسمى ب: غاني مهدي

كتب قصيدة جزائرية بعنوان "شكون حنا" يقول فيها بصريح العبارة أننا شعب بلا هوية ولا تاريخ ولا بطولات ...

قف مكانك ... أن تقول هذا فقد شتمت شعبا , وكل شهدائنا , فهل تعلم ؟

فان كنت لا تعرف من انت، هذه مشكلتك وحدك و لا نسمح لك ان تتكلم باسم كل الشعب واذا الشعب يسمح لك لا تتكلم باسمي، نعم كل المشاكل التي اشرت اليها موجودة و لكن لن نسمح لك بان تقول اننا لا نملك تاريخ و ماضي و هوية ووطن، تاريخنا اكبر منك ومن الرداءة التي تسير البلاد , فهل تفهم؟

شكون حنا ؟
لك هذا...

نحن شعب الجزائر الاحرار و في وسطهم يوجد بعض الفئران الخيان مثلك

نحن الثوار نحن الجزائر نحن العربي بن امهيدي نحن الشهداء نحن الامير عبد القادر نحن الشيخ بوعمامة والمقراني حسيبة وبحيرد نحن لابونت زبانة عبان رمضان شعباني وبوضياف نحن الهوري بومدين نحن ابن باديس نحن الجزائر واسال التاريخ ان كنت غافلا

تحيا الجزائر ~ تحيا الجزائر ~ تحيا الجزائر

شكون حنا ؟

حنا اللي خرجنا فرنسا من بلادنا والحركي اللي يحكي كيما أنتا

حنا اللي ناكلوا الخبز بالما والراس فالسما

حنا اللي جامي نبيعوا بلادنا

حنا خاوة فالمحنة ووالوا ما يفرقنا

حنا في حنا وعلى هدرتك الزايدة اسمع هذي التالية:


الحمد لله عندنا تاريخ عندنا بطولات عند شعب عندنا الأمن و السلام عندنا عباد كيما انتا حبوا يفسدوا البلاد الله يحفظ بلادنا الجزائر بلاد

الملايين من الشهداء بلاد كي جابوها الرجال أنت كنت مزالك تقرا فالحروف الابجدية

قولي شكون أنت ؟؟

أنت اللي متتشرفش الجزائر أنك تكون ولدها

أنت اللي الأعداء تكتبلك وأنت تقرا

شكووون أنت؟؟

أنت اللي متخبي كي المرى وتطيح فلي عليك رجلا

أنت اللي حاب البلاد تنوض وتتخرب بحال سوريا

أنت اللي نسيت البلاد وعايش عند الاوغاد وتزرع فالفتنا

شكووووووووووون أنت؟؟

أنت اللي باش تبان كتبت كلام رخسنا

أنت اللي اللي على كرشك خليت عرشنا


حسبي الله ونعم الوكيل ..

من أنتم ؟

تعلمتم الكتابة والقراءة لتزرعوا الفتنة أم لتحاولوا محو التاريخ و الهوية ؟

وأي تضحيات قدمتموها لهذا البلد يا أنتم ؟ حتى قلمكم لا يخدم الشعب و إنما يخدم الأعداء ..

وصوتكم يهتف عاليا : اضحكوا يا عالم عليهم .. أليس هكذا؟؟؟


حسبي الله ونعم الوكيل

 

[أم أُنٌَيسة]

السلام عليكم و رحمة الله تعالى و بركاته
ربي يهدي من خلقو ان شاء الله
ادا حاب تبهدل بهدل الفساد و الفاسدين موش تجي وتبهدل بلادك
بلادك انت و اللي كيفك اللي فسدتوها
دمتي مميزة غاليتي
تحياني احترامي و تقديري
​

 

[زاد الرحيل]

رد من اروع الردود عبرتي علينا اجمل تعبير و قلت احنا اشكون و هو وشكون انا نقول له الجزائر بريئة منك فاختر وطنا اخر يناسب ك هذا ان وجدت لك وطنا اصلا
وفيتي و كفيتي كل الشكر و الاحترام

 

[sanaya]

يسلم هذاك الفم
والله غاني مهدي هذا نقولهم ديما فتان
فالدار عندنا يموتوا عليه
ويقولو راه يفيق فالشباب ووووووووو
وعلاه حنا خصنا يفيقنا واحد
علابالنا واش صاري
مي رانا ساكتين بويسك هاذي بلادنا
الله غالب
وكنعملو مظاهرات لإسقاط النظام شكون يروح ضحية ؟
الأبرياء يروحو والنظام ميتبدلش
وتكون فرصة للأيادي الخارجية تدخل روحها وتحشر نيفها فبلادنا باسم تحسين الأوضاع ومبعد ميخرجوش
وهادا غاني مهدي
راه ففرنسا
زعما راه يحرض فالشباب وكاشما صرا راه مهني فدارو
وشكون يخلصها
الشباب اللي سامعين لو
خترة ريحت فالدار وراهم يتبعوا فيه
سقسيتهم
غاني مهدي هاد اللي نهار كامل يمنشر و يفضح
كاش ما دار ؟
هل قام بحركة إصلاحية
هل وفر مناصب الشغل لشباب بطال
مدار والو
اون موا راك تحرض الشباب على الدولة تاعهم
عطيهم بديل
مي هو كلمرا الستوتة تهرب لبعيد وتبدا تهدر و تمنشر
وعذرا على هاذ الكلام
ولكن فرغت ڨلبي
لانو كنت نضن غير انا ماشي موافقة معاه
فإذا به كاين ناس تاني مقبلوش لجاست نتاعو نتاع الفضخ وتمنشير
هذا مهوش يفيق فينا
علابالنا واش صاري
هاذ راه يحرض فاشباب ضد الوطن مستغلا ظروف الشباب الصعبة
ولكن بإذن الله لن ينجح
مشكورة فاطي
سلام

 

[الصحافية الساخرة]

السلام عليكم و رحمة الله تعالى و بركاته
ربي يهدي من خلقو ان شاء الله
ادا حاب تبهدل بهدل الفساد و الفاسدين موش تجي وتبهدل بلادك
بلادك انت و اللي كيفك اللي فسدتوها
دمتي مميزة غاليتي
تحياني احترامي و تقديري
​

وعليكم السلام ورحمة الله وبركاته
اللهم امين
اييه يهدر على الفساد وعلى روحوا اللي هرب من البلاد
مشكورة انميتي الغالية على مرورك
تحياتي

 

[الصحافية الساخرة]

رد من اروع الردود عبرتي علينا اجمل تعبير و قلت احنا اشكون و هو وشكون انا نقول له الجزائر بريئة منك فاختر وطنا اخر يناسب ك هذا ان وجدت لك وطنا اصلا
وفيتي و كفيتي كل الشكر و الاحترام

الاروع مرورك يا غالية ...
صحيح فل يختر وطنا يناسبه ، فنحن وطننا نفتخر به
ونحبه ونفخر بالاسلام والمسلمين وليس بشيء اخر
لا يغرينا تطور الكفار فالخير فيبنا نحن المسلمين
والحمد لله على نعمة الاسلام ، هذا يكفينا حتى وان كنا نعيش في بلد بلا هوية ولا تاريخ كما قال
مشكورة اختي على مرورك
تحياتي

 

[الصحافية الساخرة]

يسلم هذاك الفم
والله غاني مهدي هذا نقولهم ديما فتان
فالدار عندنا يموتوا عليه
ويقولو راه يفيق فالشباب ووووووووو
وعلاه حنا خصنا يفيقنا واحد
علابالنا واش صاري
مي رانا ساكتين بويسك هاذي بلادنا
الله غالب
وكنعملو مظاهرات لإسقاط النظام شكون يروح ضحية ؟
الأبرياء يروحو والنظام ميتبدلش
وتكون فرصة للأيادي الخارجية تدخل روحها وتحشر نيفها فبلادنا باسم تحسين الأوضاع ومبعد ميخرجوش
وهادا غاني مهدي
راه ففرنسا
زعما راه يحرض فالشباب وكاشما صرا راه مهني فدارو
وشكون يخلصها
الشباب اللي سامعين لو
خترة ريحت فالدار وراهم يتبعوا فيه
سقسيتهم
غاني مهدي هاد اللي نهار كامل يمنشر و يفضح
كاش ما دار ؟
هل قام بحركة إصلاحية
هل وفر مناصب الشغل لشباب بطال
مدار والو
اون موا راك تحرض الشباب على الدولة تاعهم
عطيهم بديل
مي هو كلمرا الستوتة تهرب لبعيد وتبدا تهدر و تمنشر
وعذرا على هاذ الكلام
ولكن فرغت ڨلبي
لانو كنت نضن غير انا ماشي موافقة معاه
فإذا به كاين ناس تاني مقبلوش لجاست نتاعو نتاع الفضخ وتمنشير
هذا مهوش يفيق فينا
علابالنا واش صاري
هاذ راه يحرض فاشباب ضد الوطن مستغلا ظروف الشباب الصعبة
ولكن بإذن الله لن ينجح
مشكورة فاطي
سلام

يسلم بدنك اختي "سنايا" ، ايييه والله واش قلتيه نوافقك فيه ، ما دار والوا غير راه يستغل فالشعب ويحرض فيهم باش يكرهوا بلادهم كذلك ويهجروها ، واش معناتها القصيدة اللي كتب ، زعما باش يضحك الشعب الجزائري ، ولا باش يشمت فينا الاعداء ويضحكوا علينا ، ولا باش ينوض البلاد ويدير الفوضى ؟ انا نحير كيفاه واحد هكا يطيح فالبلاد يصفقوله وما يديروله والو ، واللي يهدر على الفساد والفاسدين ينفوه ؟! ايييه كلشي باين يبغوا ترجع بلادنا فالفوضى وحتى العديان ما دابيهم
خلونا فراحة رانا لباس هكا وحامدين ربي سبحانه ، وطالبين الهنا قبل كل شي
مشكورة اختي على المرور
تحياتي

 

[ammmmoula]

بوركتي اختاه على ردك ونزيد نقول حنا الشعب لي مايتاثرش بكلام واحد مثلك

 

[الصحافية الساخرة]

بوركتي اختاه على ردك ونزيد نقول حنا الشعب لي مايتاثرش بكلام واحد مثلك

يعطيك الصحة اختي ، هذي هي ، ما ناش سامعين بكلام
الهامش التافه
مشكورة على مرورك

 

[هواري بومدين.]

السلام عليكم و رحمة الله تعالى و بركاته​

ربي يهديه
ادا حاب تبهدل بهدل الفساد و الفاسدين متجيش وتبهدل بلادك
بلادك انت و اللي كيفك هما لي فسدوها .... يا وحد الحيوان
تحياني احترامي و تقديري​

 

[rycerz]

هذا من زمرة الديوثين .. الذين يملكون إستعدادا فطريا للخيانة .. و بما أن الرجال بتوفيق من الله طردوا الإحتلال ، فإن هذا المنافق و الذين على شاكلته لم يتسنى لهم ممارسة التحراك (دور الحركي) ، لكنهم لم يفوتوا إرتكاب ما إستطاعوا عليه من نذالة و نفث سم عبر وسائل الإعلام .. و هذا يثبت حقدهم الدفين و إصرارهم على الخيانة و معادات الوطن مثلهم مثل أسلافهم الحركى المرميين في الضواحي الفرنسية و الذين هم في آخر العمر يتجرعون ليس الندم على ما إقترفوه من خيانة و إنما يتجرعون خيبة الأمل و الأسى على إستقلال الجزائر أكثر من قدماء الأقدام السوداء أنفسم !!!!
تحيا الجزائر و يحيا الشعب الجزائري و رحم الله الشهداء الأبرار
اللهم أهلك كل من أراد بالجزائر و أهلها شرّا
اللهم إحفظ وطننا و شعبنا و اهدنا لكل خير و سدد خطانا.​

 

[الورد الأحمر]

السلام عليكم ورحمة الله وبركاته

مشكورة على الموضوع أختي وأتفهم غيرتك على بلدك لكن نحن في المنتدى ننقاش ظواهر ونعطي آراءنا فيها لا نناقش أشخاص لنعطي آراءنا فيهم أو لنرد عليهم.

آسفة مضطرة لغلق الموضوع رغم ما يحمله من معاني جميلة لأنه موجه لشخص بالاسم.