ما تردوش علـــي هذا موضوعي وحدي

[الامين محمد]

السلام عليكم
ممكن العنوان محيركم ايييه ما نيش حابكم تردوا علـــي
هــذا موضوعي نتاعي وحدي
شوفي انت الصحافية الساخرة رحمة على جدك ماكان لاه تكتبي رد
رايح نعاقبك و نحظر العضوية نتاعك و ممكن نشكي بيك
و انت خويا ملامح شاعر راني نشوف فيك تفكر ترد
غير ما تعبش روحك ماكان لاه تكتب
مانيش مليح
و زاد هذا موضوعي شكون يسالني
ما تردوش علي
تســـــــــــــــــــــــــالونـــي ؟؟؟؟
مانيش حابكم تردوا

ههههههههههههههه

راني نضحك برك
لكن بصدق كاين بعض الأعضاء يكتب موضوع
و ينزعج من الردود
يعني يكتب موضوع و يدور بيه الاسلاك الشائكة
و يجعل فيه حرس
و كل رد ما يعجبهش يقصفه ديراكت كيما قالها قائل
و الله احيانا نحس ان كاتب الموضوع راه حاكمه القولون العصبي
او راه ضرسه منتفخة و عنده الشقيقة
و راه مقلق متحسس و متألم و الردود المخالفة
او اللي فيها شك برك
تعمله توتر

يا اخواني الرد من حق كل عضو
سواء وافقك في الرأي او خالفك

و انت كاتب الموضوع
راك صاحب الدار و الناس جايا ضياف عندك
أحسن ضيافتهم بردود و مناقشة راقية
حتى و ان خالفوك الرأي و الأسلوب و الفهم

 

[Smile Queen]

رغم انو موضوع بصيغة فكاهية لكن والله في الصميم اخي الامين محمد
واعتذر لاني رديت

 

[sanaya]

وي عندك الحق
والإختلاف في الرأي ليس مشكلا
عادي
بالعكس يعجبوني الناس اللي يختلفوا معايا وينتقدوني لأني أحيانا نلقى روحي نستفاد من النقاش معاهم ويلفتوا النظر نتاعي لصوالح مخممتش فيهم
مثال @الصحافية الساخرة يعجبني بزاف تواجدها وتعطي أفكارها بصراحة
وخترة كتبت موضوع كامل لأنو عارضتني في حاجة وبعد النقاش لفتت نظري لصوالح مخممتش فيهم
شنو هو اللي يطرح الموضوع يكون انسان متواضع عندو قابلية يتعلم وعندو قابلية يصحح أخطائوا ويكون ذو بال واسع
وأحب كثيرا هذه المقولة :
نختلف ويبقى الود
سلام

 

[الامين محمد]

رغم انو موضوع بصيغة فكاهية لكن والله في الصميم اخي الامين محمد
واعتذر لاني رديت

شكون قالك ردي
هههههههههههههههه

مرحبا بيك الموضوع موضوعك أختي

 

[الامين محمد]

وي عندك الحق
والإختلاف في الرأي ليس مشكلا
عادي
بالعكس يعجبوني الناس اللي يختلفوا معايا وينتقدوني لأني أحيانا نلقى روحي نستفاد من النقاش معاهم ويلفتوا النظر نتاعي لصوالح مخممتش فيهم
مثال @الصحافية الساخرة يعجبني بزاف تواجدها وتعطي أفكارها بصراحة
وخترة كتبت موضوع كامل لأنو عارضتني في حاجة وبعد النقاش لفتت نظري لصوالح مخممتش فيهم
شنو هو اللي يطرح الموضوع يكون انسان متواضع عندو قابلية يتعلم وعندو قابلية يصحح أخطائوا ويكون ذو بال واسع
وأحب كثيرا هذه المقولة :
نختلف ويبقى الود
سلام

و انت شكون قالك ردي هههههههههههه

و الله عندك الف حق فالنقاش يخلينا نتعلم من بعض
لازم نكون قابلين اللنقد فالكمال لله وحده

شكرا لمرورك الراقي و راه عندك بروسي شكون قالك ردي ههههههههه

 

[أم منيــــــر]

انا الصراحة ما نقدرش نشوف موضوع نتع محمد الامين و ما ندخلش نرد و زيد جكارة فيك كما يقولو السوريين راني جيت نرد
ايه عندك الحق الواحد لما يحط موضوع لازم يتقبل كامل الردود لمليحة و لي ماشي مليحة لازم يكون خاطرو واسع
و اذا ما يقبلش انتقادات و ردود ما كان لاه يدير موضوع
يعطيك الصحة محمد

 

[sanaya]

و انت شكون قالك ردي هههههههههههه

و الله عندك الف حق فالنقاش يخلينا نتعلم من بعض
لازم نكون قابلين اللنقد فالكمال لله وحده

شكرا لمرورك الراقي و راه عندك بروسي شكون قالك ردي ههههههههه

ههههه كتقول للجزائري متردش معناتها يرد
ولبروسي على الإدارة
مشكور أخي سلام

 

[طموحة]

السلام عليكم نعم فعلا توجد هاته الظاهرة
و كأن صاحب الموضوع لم يطرح الموضوع لرؤية جوانبه ومناقشته
وانما للموافقة على أفكاره فقط و الثناء عليها
و أناأرى أنه بالضرورة يجب أن تكون ليونة ومرونة في المناقشة
وأن يكون للصاحب الموضوع وحتى
للأعضاء ثقافة الحوار وتقبل آراء الآخرين
السلام ​

 

[Tama Aliche]

السلام عليكم ورحمة الله
ههههههههههه ههههههههههه ضحكتني يا خويا
واش نقولك لازم نهدر باش نعاونك تفرغ الشحنات المزعجة هههههههه
هذي يسموها "الحساسية المفرطة" تجاه اراء الغير ههههه
يااو اللي ميعرفش يناقش اكيد يولي يشطح بحال كبش هذا وين انذبح
وما يتقبلش الرأي
اه مي تحط موضوع اكيد اكيد راح تلقى اراء تختلف معاك وهذا باش تصحح نظرتك للامر هذاك مثلا كاين اللي تلقاه يظل يطيح فالدولة ومنا ولكن كي يبدا يتناقش مع ناس ويخالفوه تتبذل نظرته تماما خاطش كي يقنعك واحد بفكرة متظلش متمسك بفكرتك ولا ناقش ووسع المناقشة اكثر
شغل بعض عباد نشوفهم بحال قناة النهار يروحوا يسقسوا الغاشي على حاجات ومن بعد يقولولهم علاه دير هكا وووووو ميتقبلوا والو قلنا هكا هكا اقتنع ولا اتخنق
وعلاه انا منردش اه تسما انت متقتنعش بردودي اه راسك خشين تاكل سردوك اوه قصدي جاج االا دوك كول خبز يابس والراس يبقى يابس هههه
تحياتي يا كريم

 

[Malika Tlm]

مساء الورد
محبيتش نرد كيما طلبت اخي ولكن كلاوني يديا هههههههههه
صح كلامك والله كاين لي ميقبلش النقد
لالا لازم نتناقشوا بكل حرية وثقافة
ومنزعفوش من بعضانا وهكدا نتعلموا
ربي يخليك اخي
ليلة مباركة

 

[عاشقة الإحسان]

السلام عليكم

أخي الفاضل @الامين محمد

أعذرني أخي الأمين لأني تطفلت على موضوعك ففضولي أقوى مني عند رؤية مواضيعك المميزة .

شكرا على موضوعك الذي نفس عني و أضحكني و أنا في قمة حاجتي إلى الترويح و الضحك .

والله صدقت في قولك و لا فُضّ فوك ، فقد صادفنا هذا النوع في لمتنا الغالية و أنا لا أخفيكم أني أتوجس خيفة من الرد على مواضيعهم ،ههه خصوصا أن طبعي لا يستحمل الكلمات القاسية و الردود الجارحة ،و كيما نقولو بالعامية تغيضني عمري .

لكن أحيانا أصاب ببعض التناقض فيحلو لي الجدال معهم حتى يصل إلى أوجه .
على كل كاتب أن يتصف بالأخلاق الحسنة فيتقبل الرد المخالف له مثلما يتقبل الرد الموافق ، و ليس من الأخلاق في شيء أن يتهجم على الآخر مهما كان رأيه .

أجدد شكري لك أخي الفاضل و أعتذر عن المرور و الرد هههه .

 

[الأزرق الملكي]

السلام عليكم

المناقشات لها آدابها فعلينا ان نفرق بين النقد و الاختلاف وهذا لا يفسد للود قضية وبين أن تهاجم الشخص

وتتبع عوراته بالإستفزاز فمن لا يمتلك حجة يلجأ إلى الشتم و الصراخ او الخروج عن اللب .

شخصيا في ساحات النقاش ليس لدي مشكل مستعد ان أناقش الجن و الإنس لمدة 24 ساعة وفي أي موضوع كان

لكن لا مكان للمتسلقين في حياتي ومن يتسول له نفسه سأنهي حكايته في بداية الطريق لأن إذا غاب الاحترام

فلا مجال للمناقشات مع هؤلاء من الأساس لان ذلك سيفتح باب الخصامات و الكره اللذان في غنى عنهما.​

 

[لاريمان]

بارك الله فيك على الموضوع

 

[دعاء الجنات]

صح كاين غير تقولو مثلا ماعجبتنيش هاذيك النقطة قبل ماتكمل الكلام تلقاه يرد ويشرح لازم حتى يقنعك ولا انت ماشي مليح الله يهدينا

 

[حكاية قمر]

السلام عليكم
كاين فرق بين النقد والهجوم لي يعتمد عليه البعض وممكن أنه يخالفك فقط لانك انت ولو طرح الموضوع من عند غيرك نورمال يتقبله وهاذي كاع ماشي مونتاليتي باسكو كاين فرق بين الشخص وأفكاره ناس بزاف هنا خصها تتعلم تنقد الفكرة لا الشخص
وثاني حاجة ماشي كيختالفو في موضوع يتعاداو ايا وتولي عداوة في اي موضوع
لا رانا كبار وعقلية فاش خاطيتنا ^^
نورمال هنا ضدك ومن غاد معاك وهي رايحة
ع كل موضوعك باجمال علامة شباب يناقش نقطة مهمة
بارك الله فيك

 

[الامين محمد]

انا الصراحة ما نقدرش نشوف موضوع نتع محمد الامين و ما ندخلش نرد و زيد جكارة فيك كما يقولو السوريين راني جيت نرد
ايه عندك الحق الواحد لما يحط موضوع لازم يتقبل كامل الردود لمليحة و لي ماشي مليحة لازم يكون خاطرو واسع
و اذا ما يقبلش انتقادات و ردود ما كان لاه يدير موضوع
يعطيك الصحة محمد

هههههههههههههههه
أهلا خالة
فعلا خالة لازم الانسان يكون خاطره واسع يقبل كل الآراء
و حتى اذا ما لم تعجبني أتجاوزها و لا أقف عند كل حرف أحلل
و أضع عليه الزوم و اجعله قضية جدلية

و انت خالة شكون قالك ردي في موضوعي ههههههههههه
أشكرك خالة

 

[الامين محمد]

السلام عليكم نعم فعلا توجد هاته الظاهرة
و كأن صاحب الموضوع لم يطرح الموضوع لرؤية جوانبه ومناقشته
وانما للموافقة على أفكاره فقط و الثناء عليها
و أناأرى أنه بالضرورة يجب أن تكون ليونة ومرونة في المناقشة
وأن يكون للصاحب الموضوع وحتى
للأعضاء ثقافة الحوار وتقبل آراء الآخرين
السلام ​

فعلا هذا هو الشي الواضح
يعني رد علي على المقاس و لازم توافقني و الا سأقصفك ديراكت
ههههههههه
و هذا هو الخطأ
يعني كل موضوع و عنده معرض و رؤى مختلفة
و الاختلاف اختلاف الافكار و ليس عداوة

 

[الامين محمد]

السلام عليكم ورحمة الله
ههههههههههه ههههههههههه ضحكتني يا خويا
واش نقولك لازم نهدر باش نعاونك تفرغ الشحنات المزعجة هههههههه
هذي يسموها "الحساسية المفرطة" تجاه اراء الغير ههههه
يااو اللي ميعرفش يناقش اكيد يولي يشطح بحال كبش هذا وين انذبح
وما يتقبلش الرأي
اه مي تحط موضوع اكيد اكيد راح تلقى اراء تختلف معاك وهذا باش تصحح نظرتك للامر هذاك مثلا كاين اللي تلقاه يظل يطيح فالدولة ومنا ولكن كي يبدا يتناقش مع ناس ويخالفوه تتبذل نظرته تماما خاطش كي يقنعك واحد بفكرة متظلش متمسك بفكرتك ولا ناقش ووسع المناقشة اكثر
شغل بعض عباد نشوفهم بحال قناة النهار يروحوا يسقسوا الغاشي على حاجات ومن بعد يقولولهم علاه دير هكا وووووو ميتقبلوا والو قلنا هكا هكا اقتنع ولا اتخنق
وعلاه انا منردش اه تسما انت متقتنعش بردودي اه راسك خشين تاكل سردوك اوه قصدي جاج االا دوك كول خبز يابس والراس يبقى يابس هههه
تحياتي يا كريم

و انت راني قلت ليك ماكان لاه تردي ههههههههه
جيتي رديتي بمقال صحفي ههههههههههه

و الله عنك حق ننقد العصبية و نحن لمجرد رأي واحد مخالف
ننزعج و يقع معنا عسر هضم و هستيريا
لازم نفهم ان الخلاف امر صحي و منه نتعلم و نستفيد

 

[الامين محمد]

مساء الورد
محبيتش نرد كيما طلبت اخي ولكن كلاوني يديا هههههههههه
صح كلامك والله كاين لي ميقبلش النقد
لالا لازم نتناقشوا بكل حرية وثقافة
ومنزعفوش من بعضانا وهكدا نتعلموا
ربي يخليك اخي
ليلة مباركة

أهلا أختي مليكة المقلشة نتاعنا ههههههههههه
ركزيلي على الحرية البعض يراها في مجالات أخرى
و ينسى ان الرأي هو أهم حرية يريدها الغير
فاذا قيدت رأيي قيدت حريتي

اشكرك أختي على المروووور

 

[زاد الرحيل]

الموضوع اللي ماعندهش ردود موضوع ماعندهش معنى و لا طعم و لا تأثير في القراء يعني بمعنى اوسع موضوع فاشل ما استقطبش اهتمام القراء .
اما (القصف) فهو يأتي من الناس المتعصبة لرأيها كالمثل : معزة و لو كان طارت
ايضا القارء كي ينتثد لازم يكون نقده بناء ماشي هدام و يقصد اهانة الكاتب لا اكثر او لفت الانتباه اليه كيما يقولوا : خالف تعرف ، او احراجه بكلمات و اهانات امام الجميه . و يقول علاه ماعجبوش ردي ، هذا الاسلوب مرفوض .
دائما نطبقوا قاعدة الاحترام بين الكاتب و القارء
تحياتي