آآه يا ربي ...قيام الليل

[Hakan]

السلام عليكم ورحمة الله وبركاته
صلو على رسول الله اما بعد :
خاوتنا ناس اللمة ياك تعرفونا كي نشوفو حاجة ماش مليحة نجيو نحكيولكم وانتوما تعطولنا الراي ياو لازم رايكم سنون مانزيدش نحكيلكم
ياسيدي صديقي خرج يحكي مع صديقته وخليلته ومعشوقته في الهاتف ثم وفجأة يأتيني :
حكيم غدوا نوضو نقومو الليل ااو نقومو الليل ضربا وحدة والفجر رانا نصلوه على ال 7 نتاع الصباح بفف انا قلت صاحبي تاب والحمد لله
ربي استجاب الدعااء المهم وبعد تشاور مع نفسي وبعد ما حكمنا اماكننا نشوف في السيد لا يزال يحكي عبر الموقع السماوي فايسبوك
هيا ولا يزال يحكي مع صحبتو {جميلة باخلاقي }
ومن بعد بعد حكاية اخرى مع نفسي استنتجت انو الحبيبة نصحاتو انو يقومو الليل مع بعض هي تصلي 4 ركعات وهو يصلي 8 هاكم تعرفو ديما ديما الراجل لازم يزيد على المرا كي شغول مرا ضرب 2 يساوي رااجل خخخخ
ومنه نستنتج انو عشااق اليوم راهم تحسنو ورجعو يقومو الليل وحتى ايضا يصومو في بعض الاحياان واكيد مع بعض ومن هنا هذي كاامل مقدمة :
المهم ابليس اعاذنا الله منه كي ما لقاش واش يدير مع الناس اللي تحافظ على الصلاة ومتربية خقا وكل شيء قالك نخليهم يتمعشو بالباقيات الصالحات لذا فالعاشق
تعيطلو المعشوقة نتاعو مع الصباح بون هوما ما يقولوش صباح الخير مي يقولو السلام عليكم هاو لازم تحية الاسلام سينون راهم يغضبو ربي ايا ومن بعد تقلو واش اليوم قريت اذكار الصباح ويبداو يقراوها مع بعض ماشاء الله اميرة باخلاقي وابو ريحانه راهم في عبادة
رغم العشق هيا توصل 2 سوايع من بعد الصباح يعيط ابو ريحانه لاميرة باخلاقي ويقلها اليوم لازم نستغفرو 70 خطرة هيا هي ما يروحلهاش الحساب وهو تالمون عزيزة عليه الطفلة يستغفر 170 هاكم تعرفو البونوس
نزيد نحكيلكم شوياا هوما يحكيو مع بعضااهم دائما غير على فلسطين وكيفاش حابة تموت هي وهو شهيدين ويتلاقاو في الجنة هو مع الحور العين وهي سيدة الحور العين مااشاء الله هذي نعمة ..
ياسيدي والمواضيع نتاعهم الاخرى منين ذاك يحكيو على بعض الفتاوى يسقسيو على افضل الاعمال والفرونسي ما يستعملوهاش خاتش حراام ونتاع المتخلفين ..
ياسيدي ابو ريحانة كي يتوحش ويشتاق لاميرة مع الليل يعيطلها مع منتصف الليل وين تكون هي راقدة ويقلها راني فقت من الليل
وحبيت نفوقك باش نذكرو ربي كيف كيف .... بفففف
نزيدكم حاجة اخرى البروفيل نتاعها في الفايسبوك فتاة انيقة مدايرة جلباب اخضر وهو البروفايل نتاعو في الفايسبوك واحد بلحية بجانب الابنة الصغيرة نتاعو ...
يتمعشقو باسم الدين ويغطيو الاخطاء نتاعهم باسم الدين هوما عاقلين ويشوفو في العشاق لخرين متخلفين هو متربي اذن ماعندوش مشكل انو يحكي مع طفلة والسبب انو هو متربي وما يدير والو للطفلة ...
هي تحكي معاه ولو انو متخلقة وكي تحشم يبانو على خدودها الاحمرار والحجة نتاعها انو هي متربية واذا غلط معاها وقلها كلمة احبك
رايحة تدير هذيك العفسة نتاع {من ترك شيئا لله عوضه الله خيرا منه } دونك هو مالازمش يقلها احبك سينون تصرى كارثة
يعني يقدر يقلها على الاشعار نتاع عنتر الخالية من الفسق كما يقول هو الاشعار الطاهرة العفيفة
والشي المميز في هذا الثنائي هو انو يذكرو ربي في كل شيء راني نقلكم الليل ويقوموه كيف كيف الا انو يذكرو ربي في جريمة التواصل
بيسك هوما متربيين ويعرفو شويا في الدين وقراو في التربية الاسلامية الدرس نتاع القياس والمصالح المرسلة
واستنتجو انو لما يكون الشاب متربي من عائلة محترمة يقدر يحكي مع طفلة متربية ومن عائلة محترمة فقط اذا تجنبو كلمة احبك ..

هيا سلاام انا حكيم نحبكم كاامل وجامي نسمح فيكم طيط طيط الماشينة جات العودة تدينا ...سلام عليكم موااح ​

 

[ضآحكة مستبشرة]

السلام عليكم ههههههههههههههه
قتلتني بالضحك سبحان الله
لي عودة فيما بعد
شكرا على الموضوع​

 

[الامين محمد]

فعلا و الله غير كاااين منها
لكن مع الوقت و يبان المعدن نتاعهم انهم مجرد
ذئاب متعطشين للعشق الهمج و للشهوة
و هته كلها تمويهات
مريت بحالة مثل هاذي اتلأخ قال منها تعلمت الصلا و الأربعين النووية
لكن مع الوقت بانت الحقيقة و وقع في المحضور
اخي ناس تؤمن ببعض الكتاب و تغض الطرف عن بعضه
زعما تحفظ حديث و تتفرج في امرة ماهيش من محارمك و تخلوا بيها
و تهتف ليها نص ليل
اذا كان فعلا متأكد انه على صواب يخلي اخته تكون داعية ايضا لرجل آخر
يخلوا بيها و يهتف ليها نص ليل
نجكيلك قصة
كاين واحد حاج مكة يلبس قميص و مربي لحية بيضا و حامل سبحة
و يبيع الخمر و هو يسبح
سبحان الله سبحان الله سبحان الله
يجيه الزبون يقوله اهلا يا سي الحاج يرد عليه سبحان الله و عليكم السلام
كان ..............
سبحان الله كااااااين
و بارد
سبحان الله و بارد سبحان الله سبحان الله
هاك خلص
يضع السبحة و يسربي الخمر هههههههههههههههه
تقدر تسميها انفصام في الشخصية

 

[aljentel]

هههههههههههههههههههههه
ياخي وسائل التواصل سهلت تواصل الناس وصارت اكثر سترا
لكن كله كوم والتظاهر بالاخلاق الجميله والعمل على الواقع عكس الادعاء كوم
ايام جدي وجدك كان يتقابلوا في مضارب الابل او يتقابلوا في مواقع الحطب حينما تروح جدتي تحطب تختار موضعا قصيا عن الناس
حتى لايراها احد ويقابلها جدي هناك ويقعدوا يهدروا واذا ما رآهم احد اتهمهم بالفسق والفجور فلا وسيله يتواصلوا من خلالها الا بالمقابلات
اليوم يتقابلوا بمواقع النت ولا من رأى ولا من سمع ...
وكل منهم يضع شعار التدين وهما عن الدين ابعد ما يكون ... لكن كيف يصلوا مع بعض وهم متباعدين ههههههههههههههه

( لي وجهة نظر حول الموضوع لكن لسنا بصددها الان )

اضحكتنا واسعدتنا حكيم ... شكرا .

 

[Salah eddin]

السلام عليكم
و الله يا خويا حكيم
هذو القوم ...الاسلام و الاخلاق دايرينها باش ...باه يقضو صوالحهم تحت غطاء العفة و الخلق الكريم
لا حول و لا قوة الا بالله
هذا يسموه التحايل على دين الله
شوف ذيك الامة كي دايرة شوف
جميلة باخلاقها...وشمن اخلاق هذي ؟؟ تهدر مع السيد في نص الليل
ياو خلاص ..راحت الاخلاق بمجرد كلام نص الليل
الله يهدينا و يهديهم ...
هذو لي هلكو البلاد و هدرولها اييامها
دايرين قالبهم التحت التحت
و الدين دايرينو باش ...
الفيس بوك و الطريق القدام
ياو عندو الحث مازوني كي دار اغنية *ي...بوك .يا الفيس بوك .*.ههه
الله يهدي و خلاص
شكرا خويا حكيم على الالتفاتة
​

 

[Hakan]

السلام عليكم ههههههههههههههه
قتلتني بالضحك سبحان الله
لي عودة فيما بعد
شكرا على الموضوع​

اهلا بيك ننتظرك من جديد ان شااء الله ​

 

[Hakan]

فعلا و الله غير كاااين منها
لكن مع الوقت و يبان المعدن نتاعهم انهم مجرد
ذئاب متعطشين للعشق الهمج و للشهوة
و هته كلها تمويهات
مريت بحالة مثل هاذي اتلأخ قال منها تعلمت الصلا و الأربعين النووية
لكن مع الوقت بانت الحقيقة و وقع في المحضور
اخي ناس تؤمن ببعض الكتاب و تغض الطرف عن بعضه
زعما تحفظ حديث و تتفرج في امرة ماهيش من محارمك و تخلوا بيها
و تهتف ليها نص ليل
اذا كان فعلا متأكد انه على صواب يخلي اخته تكون داعية ايضا لرجل آخر
يخلوا بيها و يهتف ليها نص ليل
نجكيلك قصة
كاين واحد حاج مكة يلبس قميص و مربي لحية بيضا و حامل سبحة
و يبيع الخمر و هو يسبح
سبحان الله سبحان الله سبحان الله
يجيه الزبون يقوله اهلا يا سي الحاج يرد عليه سبحان الله و عليكم السلام
كان ..............
سبحان الله كااااااين
و بارد
سبحان الله و بارد سبحان الله سبحان الله
هاك خلص
يضع السبحة و يسربي الخمر هههههههههههههههه
تقدر تسميها انفصام في الشخصية

اهلا بيك الاخ محمد والله تصدك قبيل كنت نراجع قلت الاخ محمد عندي مدة ما شفتوش في موضوع من مواضيعي
هيا ساع لقيتك
والله ياخويا موضوعي يعني كنت معول نديرو في 14 فيفري على شكل سلسلة لقصف العشااق نتاع هاذ الزمان
مي نديرو هاذ الايامات مع كل فراغ نحطو نوعية من النوعيات
كي شغل اقصف لعلهم يستحون وربي يبعدنا على هاذ الشي صراحة في وحد الوقت كنت نصدق هذ الشي وكنت نضنو حب طااهر لكن تاكدت انو شيء خرطي
حتى انو وربي يغفرلي كنت واقع في هاذ النوعية لكن الحمد لله ربي عفانا وحبيت نقصف نفسي نتاع الماضي ومعاها الناس اللي مازالها عايشا هاذ الشي
باش نقلهم مكان لاه نخرطو على رواحنا بيسك ربي راهو يشوف في كل شيء
ربي يهدينا اما صاحب الخمر كاين قصة اخرى
المهم في وحد البلاد كاين واحد يبيع الخمر وقلك من اجمل الاشياء فيه انو ما يكذبش وكي ينقصلك الصرف يرجعولك حتى انو ما يحلفش في تجارة الخمر
باش ما يدخلش في حديث اللي يحلف على البيع هاك تعرف تدين وقلك غير ياذن يسكر الحانة وعندو مدة حج بيت ربي كذالك وكي رجع دار لحية مي مازال يبيع الشرب
قلك احسن من انو نسرق الناس خخخخ ربي يهنيك
زيد عندي طلب بما انك مشرف انو تريقلي الموضوع بيسك جهة خارجة على جيهة
ربي يهنيك سلام​

 

[Hakan]

هههههههههههههههههههههه
ياخي وسائل التواصل سهلت تواصل الناس وصارت اكثر سترا
لكن كله كوم والتظاهر بالاخلاق الجميله والعمل على الواقع عكس الادعاء كوم
ايام جدي وجدك كان يتقابلوا في مضارب الابل او يتقابلوا في مواقع الحطب حينما تروح جدتي تحطب تختار موضعا قصيا عن الناس
حتى لايراها احد ويقابلها جدي هناك ويقعدوا يهدروا واذا ما رآهم احد اتهمهم بالفسق والفجور فلا وسيله يتواصلوا من خلالها الا بالمقابلات
اليوم يتقابلوا بمواقع النت ولا من رأى ولا من سمع ...
وكل منهم يضع شعار التدين وهما عن الدين ابعد ما يكون ... لكن كيف يصلوا مع بعض وهم متباعدين ههههههههههههههه

( لي وجهة نظر حول الموضوع لكن لسنا بصددها الان )

اضحكتنا واسعدتنا حكيم ... شكرا .

نعم يصلو مع بعضاهم مي في وقت واحد اما المكان كل واحد والغرفة نتاعو
وهو يبكي ويدعيها وهي كذالك بففففف تيتانيك مسلم يا محاينك
اما وجهة نظرك غي قولها رانا هنا نستفادو وعلابالي
واش هي وجهة نظرك لانو كانت وجهة نظري في يوم ما لكن تغيرنا يااخي
وربي يصلح الاحوال
بارك الله فيك ​

 

[Hakan]

السلام عليكم
و الله يا خويا حكيم
هذو القوم ...الاسلام و الاخلاق دايرينها باش ...باه يقضو صوالحهم تحت غطاء العفة و الخلق الكريم
لا حول و لا قوة الا بالله
هذا يسموه التحايل على دين الله
شوف ذيك الامة كي دايرة شوف
جميلة باخلاقها...وشمن اخلاق هذي ؟؟ تهدر مع السيد في نص الليل
ياو خلاص ..راحت الاخلاق بمجرد كلام نص الليل
الله يهدينا و يهديهم ...
هذو لي هلكو البلاد و هدرولها اييامها
دايرين قالبهم التحت التحت
و الدين دايرينو باش ...
الفيس بوك و الطريق القدام
ياو عندو الحث مازوني كي دار اغنية *ي...بوك .يا الفيس بوك .*.ههه
الله يهدي و خلاص
شكرا خويا حكيم على الالتفاتة
​

اهلا بيك خويا صلاح وليد الولاية
هاك تشوف واش دار العشق الممنوع هذا قلك عشق حلال لازم برك ما تقولش المودباس نتاع احبك سنون يرجع حراام هههه
ولازم تحكي غير على السيرة النبوي​

 

[Hakan]

السلام عليكم
و الله يا خويا حكيم
هذو القوم ...الاسلام و الاخلاق دايرينها باش ...باه يقضو صوالحهم تحت غطاء العفة و الخلق الكريم
لا حول و لا قوة الا بالله
هذا يسموه التحايل على دين الله
شوف ذيك الامة كي دايرة شوف
جميلة باخلاقها...وشمن اخلاق هذي ؟؟ تهدر مع السيد في نص الليل
ياو خلاص ..راحت الاخلاق بمجرد كلام نص الليل
الله يهدينا و يهديهم ...
هذو لي هلكو البلاد و هدرولها اييامها
دايرين قالبهم التحت التحت
و الدين دايرينو باش ...
الفيس بوك و الطريق القدام
ياو عندو الحث مازوني كي دار اغنية *ي...بوك .يا الفيس بوك .*.ههه
الله يهدي و خلاص
شكرا خويا حكيم على الالتفاتة
​

اهلا بيك خويا صلاح وليد الولاية
هاك تشوف واش دار العشق الممنوع هذا قلك عشق حلال لازم برك ما تقولش المودباس نتاع احبك سنون يرجع حراام هههه
ولازم تحكي غير على السيرة النبوية العطرة كي تتواصل مع الفتاة
هبلونا معاهم ربي يغفرلنا اجمعين بارك الله فيك ​

 

[الامين محمد]

تم التعديل حبيب القلب حكييم

 

[Hakan]

تم التعديل حبيب القلب حكييم

ربي يهنيك حبيبي محمد بارك الله فيك ​

 

[ضآحكة مستبشرة]

السلام عليكم حكيم
بارك الله فيك على الموضوع

صراحة الشي لي قلتو كلو صحيح الله يهدينا و يثبتنا
الانسان ميشوفش العيوب لي فيه يدير في بالو بلي هو انسان صالح و متربي و يصلي و يقرا قران و انو الحب او المحادثات في الحب بين الطرفين عادي
لكن لما يشوف نصائح و ارشادات و حملات توعوية مثل لي درتها اليوم يحس بالذنب و من المفروض يرجع و يخمم واش رآه يدير
ان شاء الله ربي يهدي شباب اليوم رآهم ينجروا وراء المعاصي واحد تلو الاخر
معرفتش مين نبدا اشخاص صح صالحين و متربيين يحبو بعضهم و لما يحكو مع بعض يريد كل من الاخر ان ينبه غيره بامور تفيده لكن مننساوش بلي حرام و لا دوام الا للحلال
و كاين لي ظاهر شيء و الباطن شيء اخر تلقاه في نفسو يعمل معاصي و قدام الناس انسان متخلق و حاجة متنقصو
الخلل أين خويا حكيم ؟؟
شكون المسؤول على كل هذا ؟؟
الله غالب موضوع اكثر مني و من أن أتحدث فيه ربما حديثك و تنبيهك و كلام الإخوة الأعضاء الباقيين كفيل
و أسأل الله أن يثبتنا على النهج الصحيح
و أن يهدينا و يهدي الجميع
ملازمش نضحكو عليهم و نقولوا بلي حنا أحسن منهم لانو قادر الانسان يتبلا بلا ما يحس
الدعاء افضل نصيحة و رد
و ان شاء الله ربي يرزقك زوجة صالحة تنوضك تقوم الليل هههه و تذكرك بالاذكار
ان شاء الله الحلال خو الحلال
و ربي يرزقنا وإياكم ازواجا و زوجات صالحين و صالحات

شكرا حكيم بارك الله فيك​

 

[Hakan]

السلام عليكم حكيم
بارك الله فيك على الموضوع

صراحة الشي لي قلتو كلو صحيح الله يهدينا و يثبتنا
الانسان ميشوفش العيوب لي فيه يدير في بالو بلي هو انسان صالح و متربي و يصلي و يقرا قران و انو الحب او المحادثات في الحب بين الطرفين عادي
لكن لما يشوف نصائح و ارشادات و حملات توعوية مثل لي درتها اليوم يحس بالذنب و من المفروض يرجع و يخمم واش رآه يدير
ان شاء الله ربي يهدي شباب اليوم رآهم ينجروا وراء المعاصي واحد تلو الاخر
معرفتش مين نبدا اشخاص صح صالحين و متربيين يحبو بعضهم و لما يحكو مع بعض يريد كل من الاخر ان ينبه غيره بامور تفيده لكن مننساوش بلي حرام و لا دوام الا للحلال
و كاين لي ظاهر شيء و الباطن شيء اخر تلقاه في نفسو يعمل معاصي و قدام الناس انسان متخلق و حاجة متنقصو
الخلل أين خويا حكيم ؟؟
شكون المسؤول على كل هذا ؟؟
الله غالب موضوع اكثر مني و من أن أتحدث فيه ربما حديثك و تنبيهك و كلام الإخوة الأعضاء الباقيين كفيل
و أسأل الله أن يثبتنا على النهج الصحيح
و أن يهدينا و يهدي الجميع
ملازمش نضحكو عليهم و نقولوا بلي حنا أحسن منهم لانو قادر الانسان يتبلا بلا ما يحس
الدعاء افضل نصيحة و رد
و ان شاء الله ربي يرزقك زوجة صالحة تنوضك تقوم الليل هههه و تذكرك بالاذكار
ان شاء الله الحلال خو الحلال
و ربي يرزقنا وإياكم ازواجا و زوجات صالحين و صالحات

شكرا حكيم بارك الله فيك​

اهلا بيك سينيوريتا اسماء
ان شااء الله راكي مليحة وقيلا نسيتي روحك بلي راكي في واش تهدر ودخلتي عليها لغة عربية خخخخ انقشعي من هنا :p
المهم الخلل باين وهو الشيطان يعني يلعب بالانسان ويحب يعطيه الحجج من الدين وهذا اصعب وسواس باسكو راهو يدخل في الاخلاق نتاع بنادم
يروح يوسوس للطفلة يقلها انت تلبسي جلباب ومتمسكة بالدين وتحفظي قرآن يعني واش رايح يديرلك هذا الشاب وزيد هو ايضا انسان متربي
وخلوق وخاطياتو المشااكل وهذا هو الرجل الصالح اللي راكي تحوسي عليه وتحب وتعشق بكل صدق
ممكن حتى في الصلاة تدعيلو من قلبها لكن المشكلة في التواصل باسكو تتواصلي مع هذا الشاب وتحطي روحك مكان الزوجة نتاعو هنا
الشيان يضرب فيها شطحة نايلي راعي ليا لهون والطفلة والطفل يروحو في الحراام
وكاين حتى اللي يصر على انو ماراهوش مداير الحرام وهذي الكارثة
شكرا شكرا ختي وربي يقبل دعائك
اظافة الى انو ما نيش نضحك على هاذ الناس بالعكس في وقت ما كنت مثل هذو الناس مقنع نفسي بفكرة انو انا انسان مانقدرش ناذي طفلة دونك كي تحكي معايا طفلة مافيها والو
مي فقت مؤخرا انو الشيء اللي كنت ندير فيه حراام ما يرضاهش اي راجل لختو وربي يسترنا كاامل ويغفرل لخاواتنا سلام ​

 

[دعاء الجنات]

لا ينبغي أن نمزح أو نظحك في كلام فيه ذكر الله ومانتاخدوش آيات الله هزؤا ،الله يهدي ما خلق

 

[حلم كبير]

السلام عليكم و رحمه الله تعالى وبركاته
والله اخي شوك لحمي وانا نقرأ في موضوعك وزعفت صح على الدين في يد من راه اليوم .
لا عجب لاعجب أن الغرب احتل العقول والقلوب ،من عباد كيما هاذو ،والمشكل علابالو بقيام الليل ما علابالوش بلي التكلم مع أجنبية حرام مستحيل يكون ما علابالوش مستحيل.
لهذا جا الدين وعاقب بالجلد للرجل غير المتزوج والرجم حتى الموت للرجل المتزوج ،ليكونو عبرة للي داير روحو ما هوش عارف.
ما كانش ردع ولا خوف ولا حشمة ولا حيا ولا ملة ولا عرض ولا شيء انتهى الامر.
امر يحزن ويبكي ويمرغنا كأمة محمد في التراب.
اعذرني اخي حرقة القلب ورؤية الإنحطاط الفكري للشباب يجعلني اغضب.
اتمنى ان تنصحه ما دام صديقك وتعينه على طريق التوبة ،ما دام يحكي لك كل شيء وملم بكل الامور حاول معه (بهدل بينا وبالدين الله يهديه ويرجعو للطريق).
تقبل مني فائق الاحترام والتقدير
حلم كبير

 

[نعمات]

السلام علبكم
بارك الاه فيك موضوع قيمة
ربي يهديهم ويهدنا الى الطريق الصواب ويحمي بنات والذكور المسلمين جميعا صح جيل هدا واعار عنبالوا كل شى سهل وماداروش حساب الزمن. راهى الدنيا الدورى وما يلقوا غير الصح
لخلقوا ربي ما يضيع
يعني ربي كي خلق الإنسان سوى كان طفلة أو طفل كتب لو نصببوا أمال عله السريعة هدى وسهر الليلي في تضيع الوقت
ربي يهدين

 

[Hakan]

لا ينبغي أن نمزح أو نظحك في كلام فيه ذكر الله ومانتاخدوش آيات الله هزؤا ،الله يهدي ما خلق

طيط طيط
وين اتخذت آيات الله هزؤا حكيت على النااس اللي يلعبو بهاذ الآيات شكرا لعبقريتك ​

 

[Hakan]

السلام عليكم و رحمه الله تعالى وبركاته
والله اخي شوك لحمي وانا نقرأ في موضوعك وزعفت صح على الدين في يد من راه اليوم .
لا عجب لاعجب أن الغرب احتل العقول والقلوب ،من عباد كيما هاذو ،والمشكل علابالو بقيام الليل ما علابالوش بلي التكلم مع أجنبية حرام مستحيل يكون ما علابالوش مستحيل.
لهذا جا الدين وعاقب بالجلد للرجل غير المتزوج والرجم حتى الموت للرجل المتزوج ،ليكونو عبرة للي داير روحو ما هوش عارف.
ما كانش ردع ولا خوف ولا حشمة ولا حيا ولا ملة ولا عرض ولا شيء انتهى الامر.
امر يحزن ويبكي ويمرغنا كأمة محمد في التراب.
اعذرني اخي حرقة القلب ورؤية الإنحطاط الفكري للشباب يجعلني اغضب.
اتمنى ان تنصحه ما دام صديقك وتعينه على طريق التوبة ،ما دام يحكي لك كل شيء وملم بكل الامور حاول معه (بهدل بينا وبالدين الله يهديه ويرجعو للطريق).
تقبل مني فائق الاحترام والتقدير
حلم كبير

وعليكم السلام اهلا بيك اختي
انعم كاين شي ناس غرهم الشطان مش لانو حابين يديرو هذا الشي
مي غرهم ولبسلهم الحرام بثوب الحلال
وي الاسلام بين انو الحديث مع اجنبية حرام شرعا لغير ضرورة
مي كاين شي ناس اتخذو هذا الدين ضرورة يقلك ننصح الطفلة باش تستقيم كيما قالي واحد
راني ننصح فيها علة الحجاب بفففف يعني الحجاب ما قنتعش بيه هي يقنعها
المعشوق نتاعها ربي يهدي وخلاص ..شكرا اختي ​

 

[Hakan]

السلام علبكم
بارك الاه فيك موضوع قيمة
ربي يهديهم ويهدنا الى الطريق الصواب ويحمي بنات والذكور المسلمين جميعا صح جيل هدا واعار عنبالوا كل شى سهل وماداروش حساب الزمن. راهى الدنيا الدورى وما يلقوا غير الصح
لخلقوا ربي ما يضيع
يعني ربي كي خلق الإنسان سوى كان طفلة أو طفل كتب لو نصببوا أمال عله السريعة هدى وسهر الليلي في تضيع الوقت
ربي يهدين

وعليكم السلام
يااختي هاكي تشوفي هذي يسموه الوقوع في حبائل الشيطان وشباكه
يعني يصورهم كل شيء مليح
وكل شيء حلال مادام ماهمش يوصلو لبعض الحرام
يقلهم انتوما ماراكم ديرو في والو الراجل راك تنصح فيها على والديها وطاعة خوها وقرايتها
وهي يقلها راكي تنصحي فيه باش يرفد روحو ويكون رااجل
مي كل شيء خرطي وكل شيء هباءا وربي يهدينا كاامل ..​