السلام عليكم و رحمه الله تعالى وبركاته
موضوعك اقصد صورك اثارت حفيضتي
حايدو لهيه
الا من رحم ربي
زايدين ويتنطعو .
ويقولك التقشف
، وين راه التقشف.
وزيد هاذ اللي لازم يدير لبنتو هكذ تلقاه ماهوش ياكل مليح
،ويشريلها فريكتيز نتاع سبعين الف ولازم بالبلسم نتاعها .
فوقو يا ناس وين راكم رايحين.
ميش الرسول صلى الله عليه وسلم قال: اعظم النساء أجرا أيسرهن مؤونة.
راه ولا البدع صاري الله يستر .
هاذي تعاند في هاذي وفلانة دارت والاخرى كرات .
ولازم القاعة ، والليموزين والكاليش ، والشاب قزديرة ،يقلبلهم السهرة زاهية بالشواطن
والاخرى تحوس على الفورور (الوبر) الامريكي .
والاخرى بطاقات الدعوى وحدهم يخرجو بربع ولا خمس ملاين (الله لا جيتو)
خليني يا خويا نبرد قلبي في بنات اليوم فواه راهم يتسابقو .
وفي الاخير تجي تشكي لمها اه اه
يا ماما عجوزتي قاتلي هزي البالية وبحثي ولا أمسحي الغبار ،حقرتني عجوزتي
لاه كي كنت تطرزي خمس سنين في فراشك
،وعامين توجدي قنادر نأكدلكم ما تلبسهمش غير مرة ولا زوج
.....خايفة فلانة وفلانة يضحكو عليك،
لاه ما اطلعتيش لاه ما قريتيش على الحياة الاسرية والزوجية....
وخلي على البورتابل والتلفاز والتابلات والبشماق نتاع النيلو
ربي يهديهم ويهدينا ويجعلنا من اللي ينفقو المال في حاجة تصلح
اللهم امين
تقبل مروري مع فائق الاحترام والتقدير
حلم كبير