باغي اللبن .. ومخبي الطاس

[قرصان الساحل]

وعليكم السلام ورحمة الله تعالى وبركاته
أهلا بيك يا سيدة كوكب الزمرد والانميات ومسك الليل اخخخ

من وفتاه رجعت سيدة كوكب زمردة ؟؟؟؟؟؟؟؟؟؟؟؟؟؟؟
ادا كان ولابد كوميديا او مغامرات احسن ،لاعلاقة بالجنس اللطيف ههههههههههه

اه من اللحظة لي كتبتي فيها هاد الرد -___- السامط يغلب القبيح ههه
اه وي انتوما حابين تقلبو الاية في تاخر الزمان الجنس الخشين ولانا لطيف والعكس
ايا كل واحد يشد بلاصتو خلونا من هاد التمسخير اخخخخ

والله نحمدو ربي الله يعيشك وانت راكي لباس ؟
تبا انكي تحرمين نفسك من احد اروع المحاسيس الا وهي الاكل هههه ايا صحا صحا كامل طحتو ما تاكلوش حيرتوني برك وهاديك القفة لي تظالو تقولو جيب وجيب
وين راهي تروح ولا غير الرجال لي ياكلو زعما اخخخ فوتوها هادي اممم ولا تعاودو بيها السوق هاديك افار خلاف

الحمد لله على كل حال و يحفظك ويبارك فيك يارب
المحاسيس ؟؟؟؟؟؟؟؟؟ كامة جميلة ماتجيش كما احساس مشاهدة الانيم او قراءة رواية ياحصرااااااااااااااااااه ، الحمد لله قليل وين نطلب في الدار نهار نقول لابي جيبلي حاجة او راني حابة ناكل حاجة ايه مادابيه يدير عرس ههههههههههههههههه
مانعرف خاطر تقدر تقول حاضرة غايبة في الدار
اه انت باباك دار لافار ماشي من الجور لي يكسر راسو يجيبلك شكارة زريعة تركية وتسكتي عليه الحس واااو هنيتي عليه

وي هكدا احسن وانا من جيهتي نشوفها قوة شخصية ان الواحد يكون عايش مشاعرو على طبيعتها من غير ما يهتم لرأي الناس فيه على الاقل بينو بين نفسو يكون مرتاح

رايك اتشرف به لكن وين هي قوية الشخصية ؟؟؟؟؟؟؟؟؟؟؟
امممم ربما انت ما تحسيش بقوة الشخصية لكن الشخص لي يخبي في قلبو او باه يخرجها اي مش حاجة ساهلة يتطلب منو الف تخميمة وتخميمة على هادي نشوفها من قوة الشخصية اوكي

امممم زكاة مالا احم هاتي سلفيني واعتبريهم زكاة هههه

ايه لما يكونو عندي ان شاء الله
وهادي لما يكونو ياك مش مطولة برك اني مزروب انا شوية -___-
من ذوقك اختي الكريمة شكرا
ويعينك ويحفظك يا رب الله لا يغيبك ختي
وااااااه وتحيه عفريقية متبادلة

لا شكر على واجب باذن الله
امين يارب نحن و انتم و كل المؤمنين
الله يحييك يارب

يعطيك الصحة اختي الفاضلة على ردك خفيف ظريف ... اعجبني وراقني هههه ... بوووووووووووركت

الله يعزك يارب اخي الكريم ، سعيدة انه اعجبك ولم يكن مملا
و بارك الله فيك و جزاك كل خير
تحياتي
لا لم يكن مملا على الاطلاق انه شيق جدا وكانك تشاهد النمر المقنع لاول مرة في حياتك
ومبعدا في النهاية ثامر هو النمر اللحظة التي انتظرها الجميع
اعلم انني اخلط فلا داعي للتصفيق​

بوركت اختي على ردك التاني ... سعدت جدا بالتخربيش فيه ولو الالوان تتجه ======>> لتشكيل قوس قزح​

 

[قرصان الساحل]

السلام عليكم
وعليكم السلام مرحبا بيك اختي سوسو بيبيشا
ما هذا هشام رجع آو ماي gود مرحبا بيك في المنتدى و مرحبا بيا في موضوعك ههههه
ههه ياك انت رحبتي بيا وبروحك انا نتفرج وصايي
الله يعطيك الصحة الموضوع الرائع
الله يسلمك اختي وانت الاروع
موضوع الماكلة مناكلش الا عند لافامي قراب بزاف و مشهورة بعبارة متاكليش دوك تموتي ههههه
ما تاكليش دوك تموتي ؟؟؟ هادي ما فهمتهاش طلعت هبطت ما فهمتش هههه مي كولي ما تموتي موالو سقسي مجرب

الحشمة مش بزاف مانيش ديناصورة مي اذا حبيت نقول كاش حاجة بالاك نخمم سمانة قبل في الاحداث لي تصرا بعدها مي في الاخير نجيب واش راني حابة هههه
ها ناس لي توزن الهدر قبل ما تخرجها ماشي كيما لي تيري برك وين جات جات ... ايييه وتجيبي وش حابة يمالا منخافوش عليك قد روحك يا لالة
عنوان الموضوع مثل و لا حكمة و لا واش علاه خيرو اللبن بالتحديد
والله وش راح نقلك هي هدرة قالوها ناس بكري مي علاه خيرو اللبن معرف بالصح نرجح ان بكري كان عندهم غير اللبن
يعني ادا ضرب طاس لبن انت هو كلش والله اعلم مجرد تخمين
وانت علاه تسقسي فيا هاد السؤال اخخخخخ

شكرا على الموضوع
في امان الله
​

يعطيك الصحة ختي سوسو على ردك الجميل كيما عودتينا دائما .. سعدت جدا لمرورك .. والمرة الجاية بلا أسئلة محرجة اخخخخ نقسر برك
تحياتي​

 

[قرصان الساحل]

يويويويويويوي عاش من شافك وشاف ستيلو لخضر هههه جشمتيني بالتزغريد هدا كامل وزيد في الليل وناس راقدة المgروض لي دايما يدي ختم التميز بفففف راني نحسد ونغير ونخرج فالمشاعر تاعي ههه ولي غارو منا ويديرو كيفنا وها راااي ههه يا ختي وش راح نقلك الدنيا دوك كامل تمشي بالمعارف وخوك اكي عارفة معريفة مع السي سكر منين داك نسلكولو قهوة او لازم يتهلا فينا بالكاشي تاعو ههه توحشناك خويا هشام بفف علابالي ضرك يديروني حلة وشرة خاوتنا الافارقة اييييه يتوحشكم الخير يا انتم اخخخ انت تاني ليك وحشة ختي شاعرة الامل ان شاء الله تكوني مليحة
نولو للميضوع تاعنا راك في بلاد شعارهم الفم المزموم ماتدخلو دبانة بمعنى شد فمك وخلي مشاعرك عندك تهدر تولي موضوع الشهر وراك فاهم القضية كفاه مدايرة الوغ خلي طاسك عندك وخلي اللبن عند اللبان
نخلي طاسي عندي ونخلي اللبن عند اللبان اممم هكا كي شغل ما درت والو ... وانا قلبي ياكلني ما يطاوعنيش لازم ندير حاجة هه وخلي يردوني موضوع الشهر المهم ندير شا يقلي راسي
وفيما يخص هادوك لي يحبو يتسلفو عليك الدراهم كاين لي وجوههم صحاح يقولك ويزيد يتبلعط عليك
اييييييه هاد الصنف شبعنا منو واصبحو كالفطريات شوف في جيبك تصيبهم هههه
المهم قالك تفاؤلو خيرا تجدوه نتا العام كامل ونتا بؤساء بؤساء قول علينا حاجة مليحة بلاك نتسgمو
والله وش راح نقلك انا بروحي نبغي البؤساء والمغبونين من عند ربي ههه ما نفارقهم ما يفارقوني
تقبل تخربيشتي هنا بسيف عليك وي اني متقبل ما قلت والو خربشي قد ما تحبي واش هو خليلي ستيلو لخضر برك ههه
سلام

على سلامتك اختي شاعرة الامل نورتي الموضوع بردودك من زمان ما شفتهم ها طلي مرة على مرة
ربي يهنيك ويبارك فيك ... تحياتي​

 

[قرصان الساحل]

السلام عليكم
وعليكم السلام مرحبا بيك خويا
موضوع جميل
ذوقك الاجمل
ويقولون ايضا - الي ينسف في اللبن يشتاقه - هذا ايضا نهايته مؤساوية
المهم اللبن دعوتوا خطيرة ....
هههه وين حضر اللبن الدعوة تزيد غير تقراس وي حكايتو حكاية اللبن
تحياتي ......​

ولا كيما قالو اللبن عنوان الفساد يكون حليب يدير 30 دج كي يخسر يولي لبن يولي يدير 70 دج ههه وانت افهم
تحياتي​

 

[قرصان الساحل]

السلام عليكم
وعليكم السلام مرحبا خويا صلاح
وش خويا جاك سبارو
لاباس
لاباس الحمد لله سوال عليك خويا
سلكت من ينبوع الشباب و جيت
ايا الحمد لله
ههه اي والله انت تعرفلها فقتلي بالخف
بصح يا صاحبي راك داخل عليها تقول طبيب نفسي يا بن عمي
راك درست العباد كما ينبغي
ههه
وي كيما ينبغي فكرتني في المعلق هداك لي يعلق على ماتشات الحمراوة توزالين ولا كي يسموه كرة مسددة كيما ينبغي ههه
اه راك تشوف درت العباد وما لقيت لي يدرسني ههه
المهم
ما عندي ما نزيد
راك تقريبا ذكرت كلش
الله يعاونك في دراسة المخلوقات في القارة البائسة
بالعافية
وي القارة البائسة هادي كتاب مفتوح كل تتعلم الجديد المهم وسخ حوايجك وزيد ههه​

مشكور خويا صلاح على مرورك الجميل .. تحياتي​

 

[أم أُنٌَيسة]

نظن راهي مطولة شوي باه نسلفلك اصبر حتى تدخل لابورص ان شاء الله
ايه شحال تحتاج ومن بعد لانو اني فقيرة باللابورص برك هههههههه​

 

[الصحافية الساخرة]

السلام عليكم و رحمة الله
عجبني الموضوع في طريقة طرحه
يعني نهدروا على حقيقة تتعلق بواش هدرت عليه , من الدار تعلمنا نكونوا هكذا فمثلا بخصوص الاكل , واحد يحب الحلوى بزااف وميذوقهاش غير فالعيد ههه وكي يروح عند لافامي ولا توقفله يماه وقفة "حذاري الاكل" يعني ها رد بالك نص حبة متزيدش ههخخههخخخ , ها يعلموك تعيش بائس في هذه القارة السمطاء هههه , مي معلبلهمش بلي نكبروا وتتبدل العقلية وولينا كما قلت "خلقنا لنفترس" هههههه وشي اخر كي تخبي الطاس خير ما تجبده و الناس تطيحك بالهدرة والنميمات , يااو ولاو كلشي يهدرو عليه وكما تدير متخرجش واحد يحشم يقولو اه مهكذاش ومتحشمش وتخرجهلهم طاي طاي يقولوا اواه وزوج من ما هكذاش
كما تدير ما تصلحش خبي الطاس ولا جبده تشم الحريق تاع الهدرة الزايدة تشم هههه
مي نقولك اللي يبغي حاجة ما يخبيش احسن , قال اجبد الطاس وعمر ليك ولخاوتك ههههه
مشكور على الموضوع
تحياتي

 

[الامين محمد]

أهلا بحبيبنا الغالي واش هاذ الغيبة
و راني سمعت بلي كنت سلطان على واحد القوم
من جهة برمودا جزيرة بائسة كيما حال القارة نتاعنا
و سمعت ان هاذيك القبيلة تاكل مخ الضفادع و تتعيف من التشينة وااااااااااااع
خبرني منها بصح و في طريقك دبرلي فيزا حاب نبعث
الكحلوشة ليليا تماك ههههههههههههه لأنها كحلة كيفهم ههههههههه

 

[قرصان الساحل]

نظن راهي مطولة شوي باه نسلفلك اصبر حتى تدخل لابورص ان شاء الله
ايه شحال تحتاج ومن بعد لانو اني فقيرة باللابورص برك هههههههه​

اييييه يا ملكة الكوميكات والبيبيتو اخخخخ قالك الجود بالموجود ههه بالصح هكداك ومزال في شوية رحمة ربي مندورش بالطلبة يتبعو غي في لابورص مساكن
ههه لازمني نطيح في كاش تويو صحيح تاع بترول لتماك انعم لتماك نضرب ضربتي ههههه
ربي يهنيك زمردة​

 

[قرصان الساحل]

السلام عليكم و رحمة الله وعليكم السلام مرحبا بيك اختي الصحافية الساخرة
عجبني الموضوع في طريقة طرحه من ذوقك ايا مزية لي عجبك صينو كنت راح نقطع الموضوع
يعني نهدروا على حقيقة تتعلق بواش هدرت عليه تفضلي يا السي الجورناليستا تهدرينا على حقيقة اللي تتعلق بواش هدت عليه اخخخ وينو الفاعل والمفعول به , من الدار تعلمنا نكونوا هكذا فمثلا بخصوص الاكل , واحد يحب الحلوى بزااف وميذوقهاش غير فالعيد ههه وكي يروح عند لافامي ولا توقفله يماه وقفة "حذاري الاكل" يعني ها رد بالك نص حبة متزيدش ههخخههخخخ , ها يعلموك تعيش بائس في هذه القارة السمطاء هههه هههه فكرتيني بكري كي كنا صغار في العيد ولا كاش مناسبة عند لافامي وتشوف فيك امك الشوفة تاع الاشرار وانت طايح على هداك القاطو تحساب ميت بالشر جيت من الصومال وهي تشوف وتشوف ومبعدا تقلك يا طفل ياسر عليك القاطو او موش مليح ليك ومبعدا يشوفو تاع لافامي يقولولها خلي ياكل ههه وانت تزيد تاكل كي تروح للدار الخطوة لولى عند الباب تدي تبهدايل حتى تشبع والجملة شهيرة لي متفكرها "هاي عيني لزدت تبعتني ومشيت معايا طريق تحساب قاتلينك بالشر هنا " هههه وهوما يخبو علينا القاطو في دارنا ههههههه تبا ايام بائسة وحلوة, مي معلبلهمش بلي نكبروا وتتبدل العقلية وولينا كما قلت "خلقنا لنفترس" هههههه وشي اخر كي تخبي الطاس خير ما تجبده و الناس تطيحك بالهدرة والنميمات , يااو ولاو كلشي يهدرو عليه وكما تدير متخرجش واحد يحشم يقولو اه مهكذاش ومتحشمش وتخرجهلهم طاي طاي يقولوا اواه وزوج من ما هكذاش وي عندك حق كيما قلت في رد سبق ادا انا من بكري ماشي مليح كيما درت خلي يشوفوني ماشي مليح وندير وش في راسي خير ههه انا رابح رابح العيب حتى ونقطع صباع يديا على جالهم
كما تدير ما تصلحش خبي الطاس ولا جبده تشم الحريق تاع الهدرة الزايدة تشم هههه
مي نقولك اللي يبغي حاجة ما يخبيش احسن , قال اجبد الطاس وعمر ليك ولخاوتك ههههه
اي والله ها الهدرة لي حبيت نقولها اجبد طاس وعمر وخلي يهدرووووو واووو واووووو
مشكور على الموضوع
تحياتي

يعطيك الصحة اختي الصحافية الباخيرة على ردك الساخر اخخخخ والجميل فكرتيني في ايامات حلوين رغم البأس​

 

[قرصان الساحل]

أهلا بحبيبنا الغالي واش هاذ الغيبة
اهلا بيك خويا محمد الامين الله لا يغيبك
و راني سمعت بلي كنت سلطان على واحد القوم
من جهة برمودا جزيرة بائسة كيما حال القارة نتاعنا
و سمعت ان هاذيك القبيلة تاكل مخ الضفادع و تتعيف من التشينة وااااااااااااع
اووووو وشكون لي يخرج عليا في هاد الدعايات اواه كنت في الشيسل
نظال راقد تحت شجر الكيوي والبنان او باطل تماك حاطها التقشف لي ضاربكم هنا
ايا وتوحشت ريحة البلاد زعما جيت ندير طلة ونرجع -___-
خبرني منها بصح و في طريقك دبرلي فيزا حاب نبعث
الكحلوشة ليليا تماك ههههههههههههه لأنها كحلة كيفهم ههههههههه
ههههه يا خويا تماك غير الزين انا برك لي في وسطهم كحلوش

مشكور خويا محمد الامين على مرورك وما قلت ليا والو على خلق ليفترس ههههه شفتني كي نطيح في الصح​

 

[الصحافية الساخرة]

يعطيك الصحة اختي الصحافية الباخيرة على ردك الساخر اخخخخ والجميل فكرتيني في ايامات حلوين رغم البأس​

هههههههههههههههه الباخييرة عجبتني شبعتوني اسامي معوجة لي يجي يحرفلي الاسم ههههه مي الباخيرة عجبتني هههه
وتاع الفاعل والمفعول به يا حسرا تطورنا ولينا متقشفين هههه
وكما قلت اللي يمشي بعقليتو خير ميخبيش دير فالعلن سيرتو الماكلة متخليش المعدة تلومك على ما حرمتها من بنة و شهية حتى يوجعك راسك هههه
تحياتي