- إنضم
- 27 جويلية 2014
- المشاركات
- 15,117
- نقاط التفاعل
- 39,535
- النقاط
- 13,026
- محل الإقامة
- العاصمة
- الجنس
- أنثى
السلام عليكم و رحمة الله تعـــــــــــــــــالى و بركاته
واش راكم يا اعضاء اللمة الكرام
اليوم رح نخرج عن صمتي و نشاركم ذلك الحلم الذي لطالما خبئته و صنتًــــــه في اعمـآق قلبي
عندي وحد الحلم و وحد الطموح حابة نوصلـــــو مهما كلفني الثمن
منين ذاك نقول انا طفلة و المجتمع لي عايشة فيه صغير و زيد محافظ و متشدد و مزيـــــــرين ناســــوا
و مرات نقول مكاش الامكانيات و اكيد مراحش نلقا شكون يعاوني خاطرش يد وحدة متصفقش
و مرات نقول مكاش حاجة تجي بالساهل لازم نواجهوا كل العراقيل و نتحداو كل الصعوبات باش نوصلوا
انا فتاة حساسة بزاف و نتأثر بالحالات الاجتماعية خاصة الفقر و الحرمان و يغيضوني الناس لي عايشين في مزيرية و الفقراء ايضا
دايمن نحب نساعد بالشيء لي قدرت عليه
هدفي و حلمي و طموحي هو اني نأسس جمعية ولو صغيرة لمساعدة المحتاجين و الفقراء
اول خطوة كنت رح نخطيها قررت باش نفتح صفحة عالفيسبوك و حساب جديد نسميه باسم لي كنت حابة نسمي بيه الجمعية الخيرية ديالي و يحمل اسم بلديتي و صممت الغلاف و صورة الحساب و بديت نخمم كيفاش نوصل الصفحة لكامل اولاد البلدية ديالي و كان قريب رمضان قلت هذي هي الفرصة ديالي رمضان كاول خطوة نديرها نساعدوا الناس في رمضان
قلت من الفيسبوك نبدا ان شاء الله بعد ما نجمع اكبر عدد من المتطوعين و ناس الخير نبدا على بركة الله لانو علبالي شباب و ناس بلديتي فيهم الخير و ناس ملاح بزاااااااف
لكن امبعد خممت قلت انا طفلة و مهما يطول الزمان و يقصر يقولولي يا صاحب الفكرة ارواح نشوفوك نتفاهموا معاك نديروا مكان نتجمعوا فيه نتفاهموا كيفاش
قلت واش رح نقوللهم في هذي اللحــــــظة بحكم اني طفلة منقدر ندير وآلو و زيد صغر سني ثاني عندو دور
هذي فكرة راحت و منجحتش
العام الماضي قلت لصديقتي ايا نقولك على فكرة بما انو آخر عام دراسي لينا نديروا حاجة مليحة و منها نستفاد و نبدا مشروعي على بركة الله
قتلها لينو واش رايك لوكان نتفاهموا احنا التارمينال و حتى السنوات الاخرى 1 و الثانية مع الادارة و نديروا حملة لجمـــع الاموالو في آخر السنة نطموا هذوك الدراهم و نشوفوا مع الاساتذة و الادراة يعاونونا بالشي لي قدروا عليه و نشروا اغراض و مستلزمات للناس الفقراء و نوزعوهم عليهم آخر العام
و لكن كلامي من البلاص مهزاتوش كنت متفائلة بهذي الخطوة قلت اكيد رح نلقى شكون يعاوني و يحط يدو فوق يدي و نديروا خطوة مليحة
آآآآآآه يا لوكان نجحت آآآآآآآآآه لكن للاسف
خاوتي و خياتي اهل اللمة الكرام انا بنت هذا المنتدى من 2013 تعلمت بزاف من هذا المنتدى و رفدت عقلية منو
اليوم جيت قاصدتكم تعاونوني تنصحوني ترشدوني ولو بكلمةةة
حابة تعاونوني باش ندير اول خطوة نحو تحقيق حلمي و الي هو : تأسيس جمعية خيرية لمساعدة الفقراء و المحتاجين و اليتامى و حتى المساهمة في بناء المساجد و تعميرها
في منطقتي كاين بزاف ناس مرضى باش يتعالجوا ملقاوش باش الله غالب الفقر حابة نساعدهم
عاونوني و قولولي كيفاش ندير اول خطوة علما أن عمري لم يصل الى 19 { 18 و كذا شهرا }
اتمنى ان تساعدوني و أن تقفوا الى جانبي لبداية مشروعي و تخطي العقبات لتحقيق هدفــــــــي
و شكرا لكم جميعـــــــــــــا
واش راكم يا اعضاء اللمة الكرام
اليوم رح نخرج عن صمتي و نشاركم ذلك الحلم الذي لطالما خبئته و صنتًــــــه في اعمـآق قلبي
عندي وحد الحلم و وحد الطموح حابة نوصلـــــو مهما كلفني الثمن
منين ذاك نقول انا طفلة و المجتمع لي عايشة فيه صغير و زيد محافظ و متشدد و مزيـــــــرين ناســــوا
و مرات نقول مكاش الامكانيات و اكيد مراحش نلقا شكون يعاوني خاطرش يد وحدة متصفقش
و مرات نقول مكاش حاجة تجي بالساهل لازم نواجهوا كل العراقيل و نتحداو كل الصعوبات باش نوصلوا
انا فتاة حساسة بزاف و نتأثر بالحالات الاجتماعية خاصة الفقر و الحرمان و يغيضوني الناس لي عايشين في مزيرية و الفقراء ايضا
دايمن نحب نساعد بالشيء لي قدرت عليه
هدفي و حلمي و طموحي هو اني نأسس جمعية ولو صغيرة لمساعدة المحتاجين و الفقراء
اول خطوة كنت رح نخطيها قررت باش نفتح صفحة عالفيسبوك و حساب جديد نسميه باسم لي كنت حابة نسمي بيه الجمعية الخيرية ديالي و يحمل اسم بلديتي و صممت الغلاف و صورة الحساب و بديت نخمم كيفاش نوصل الصفحة لكامل اولاد البلدية ديالي و كان قريب رمضان قلت هذي هي الفرصة ديالي رمضان كاول خطوة نديرها نساعدوا الناس في رمضان
قلت من الفيسبوك نبدا ان شاء الله بعد ما نجمع اكبر عدد من المتطوعين و ناس الخير نبدا على بركة الله لانو علبالي شباب و ناس بلديتي فيهم الخير و ناس ملاح بزاااااااف
لكن امبعد خممت قلت انا طفلة و مهما يطول الزمان و يقصر يقولولي يا صاحب الفكرة ارواح نشوفوك نتفاهموا معاك نديروا مكان نتجمعوا فيه نتفاهموا كيفاش
قلت واش رح نقوللهم في هذي اللحــــــظة بحكم اني طفلة منقدر ندير وآلو و زيد صغر سني ثاني عندو دور
هذي فكرة راحت و منجحتش
العام الماضي قلت لصديقتي ايا نقولك على فكرة بما انو آخر عام دراسي لينا نديروا حاجة مليحة و منها نستفاد و نبدا مشروعي على بركة الله
قتلها لينو واش رايك لوكان نتفاهموا احنا التارمينال و حتى السنوات الاخرى 1 و الثانية مع الادارة و نديروا حملة لجمـــع الاموالو في آخر السنة نطموا هذوك الدراهم و نشوفوا مع الاساتذة و الادراة يعاونونا بالشي لي قدروا عليه و نشروا اغراض و مستلزمات للناس الفقراء و نوزعوهم عليهم آخر العام
و لكن كلامي من البلاص مهزاتوش كنت متفائلة بهذي الخطوة قلت اكيد رح نلقى شكون يعاوني و يحط يدو فوق يدي و نديروا خطوة مليحة
آآآآآآه يا لوكان نجحت آآآآآآآآآه لكن للاسف
خاوتي و خياتي اهل اللمة الكرام انا بنت هذا المنتدى من 2013 تعلمت بزاف من هذا المنتدى و رفدت عقلية منو
اليوم جيت قاصدتكم تعاونوني تنصحوني ترشدوني ولو بكلمةةة
حابة تعاونوني باش ندير اول خطوة نحو تحقيق حلمي و الي هو : تأسيس جمعية خيرية لمساعدة الفقراء و المحتاجين و اليتامى و حتى المساهمة في بناء المساجد و تعميرها
في منطقتي كاين بزاف ناس مرضى باش يتعالجوا ملقاوش باش الله غالب الفقر حابة نساعدهم
عاونوني و قولولي كيفاش ندير اول خطوة علما أن عمري لم يصل الى 19 { 18 و كذا شهرا }
اتمنى ان تساعدوني و أن تقفوا الى جانبي لبداية مشروعي و تخطي العقبات لتحقيق هدفــــــــي
و شكرا لكم جميعـــــــــــــا
