بياعين اخر زمان

[،كارينا،]

اليوم داخلة ديراكت يخي ديما هنا لواش كل يوم وشراكم وشرانا ايا ديراكت .....
اولا نقولكم حاجة بياعين ماشي معناتو لي يقولو لناس وشراك دير زعما يبيعوك نو تاع الدزاير خاطيهم جامي يبيعوك احم احم الاخوة زعما التضحية يموتو ومايبيعوكش
هنا تكونو فهمتو انو انا نهدر على بياعين لحوانت تاع اخر زمان
ايا نهار نضت صباح تقهويت رحت للخزانة مالقيتش واش تلبس ايا والله نروح كاش مانشري يامحاينك تروح تندم عالنهار لولدت فيه يبدا هداك لبياع مايجيكش بالعقل ويعطيك رايه أنو ديراكت اشري هادي جبناها من لمريكان وجهك وجه مريكان ياواحد الباندي
وهادي من فيتنام معمرة قنابل تهرب تجري ....وهادي من الترك لبستها لميس علاش ياخيي تشوف فيا في حريم السلطان وهادي لفيستا بمليون مي نساعدك ايا معليش شحال تساعدني يبدا يعوج في فمو ويلعب بعينيه الفوق والتحت حنا والله لوكان كذا نساعدك بصح علبالك تقشف والوضع الاقتصادي والحكومة ويدخلك سلال مع بوتفليقة والبترول وهتلر و جورج بوش ويروح حتى لصدام حسين المسكين الله يرحمو ميت ومدفون وحنا ونتوما ولغلا ولفامي والدراري الله الله هاك خمسين مليون وخلي لفيستا عندك غير اسكت يرحم والديك ايا نروحو للكوسميتيك رايح تشري تكون ترونكيل تدخل باب الكوسمتيك دوخ الواي واي وكادير جابوني مع الgارو على جهة "ديسكو" مع هديك الظلمة والدخان تعمى قرعة الريحة ماتشوفهاش
والسيد لاتي بالفيس بوك مع زخروفة تشوف غير سنيناتو يضحك كالمجنون تدخل تبقى تموت هداك لبياع لاحياة لمن تنادي الله غالب لمساكن دوخهم الحب هههههههه
نروحو للمواد الغذائية اه هدا وحدو هدا يدوخ كلشي منتهي الصلاحية كلشي مام لبياع منتهي الصلاحية ميت وهو حي لترفدها ميتة وقتها خلاص وهو ولا علبالو يهمو يجيب الدراهم وخلاص
تشري بنانة تفتحها تلقاها كاملة دودة من الحجم الضخم دايرة استجمام وتضحكلك دودة مغلفة بجلوف البنان
تلقاه مخلطلها جديمها يخرجلك كلاشينكوف من وسط سلة الخبز ويقلك هدا للبيع تحير تاع الصح..ايا نخطو عمو الغذائي ونروحو
لتاع الحلويات ماشي ليبيع الحلويات هداك اخطوني منو مانهدرش عليه خلي البير بغطاه نروحو لبييع قش القاطو تروح تشري ليكيسات مايزينة زبدة بزاف حوايج ويبدا هادي واش ديري بيها
علاش هاد اللون
علاش البقلاوة ديري قلب اللوز ..ياجدك قلب اللوز في عرس ..وش لعندكم طهور ولا عرس و لا فيونساي
وشكون خطبتوها شابةولا والو
وفي الاخير ماتنسايش حقي هههه يا بابا ضحكتني تخلصيه يحسبهالك بالدورو واومبعد يقلك ماتنسايش حقي من القاطو لرايحة طيبيه
تزطلي بالمايزينة نورمال وقبل لانروحو نولو لهداك تاع القش لي تلقاه راجل يبيع في قش النسا لاحشمة ولاهم يحزنون طير تحشم على روحك :p
انا نظن اليوم هادو يكفو و نقلكم حاجة مانكونش ظالمة ماشي كامل هاك كاين لي الله يبارك هايلين تدخل مليح تخرج مليح المهم في الاخير بلاكم تبيعوني لاصحاب لحوانت هدوك يجو يزرقوني ههههههههه

 

[،كارينا،]

يا الله وشكون هاد الزين ولا الزينة لي حطلي ختم التميز واخيرا ...قربب يأست هههه معليش يعتبر اشارة مليحة

 

[Mademoiselle carbone]

هههههههههه ربي ينورك

 

[،كارينا،]

هههههههههه ربي ينورك

وينووورك غاليتي
اهلا وسهلا نووورتي

 

[أم أُنٌَيسة]

السلام عليكم و رحمة الله تعالى و بركاته
هههههههههههه قتلتيني ضحك اضحك الله سنكي غاليتي
الحوانت قليل وين نروحلهم
قبل الحجاب الشرعي كان ابي ديما هو اللي يشريلي الملابس يجيبلي للبيت من عند صديقو و انا نخير و اكيد اللي قدي بثلاث او اربع مرات
وحتى الاحذية اكرمهم الله من عند صاحبو تان
اما نهار كره مني بابا و قاللي دبري راسك روحي تشري وحدك
نروح لاول حانوت ادا عجبتني حاجة فيه نشريها ونجي مروحة جامي نقللو طيحلي
امور البنات تشريهم اختي لكبيرة لاعلاقة لي بهم
وضوك بالحجاب ابي يروح يشريهولي من العلمة انا خاطيني تماما
جامي صراولي امورهكدا يعني
كاينين وحايد يبيعو حيران لي لما نروح نشري يسالو واش راكي وماعلاباليش واش نتبسم وخلاص ساعات مانردش
الامور تع الدار يشريهم بابا
ايه ربي يكون في عونك
هههههههههههه
مبارك ختم التميز تستحقين غاليتي
دمتي ودام تميزكي
تحياتي القلبية​

 

[ام راس يابس]

وقبل لانروحو نولو لهداك تاع القش لي تلقاه راجل يبيع في قش النسا لاحشمة ولاهم يحزنون طير تحشم على روحك :p

ركزيلي على هاذي ....على جالها نكره النهار لي نخرج فيه نشري ....نعيف روحي...

 

[،كارينا،]

السلام عليكم و رحمة الله تعالى و بركاته
هههههههههههه قتلتيني ضحك اضحك الله سنكي غاليتي
الحوانت قليل وين نروحلهم
قبل الحجاب الشرعي كان ابي ديما هو اللي يشريلي الملابس يجيبلي للبيت من عند صديقو و انا نخير و اكيد اللي قدي بثلاث او اربع مرات
وحتى الاحذية اكرمهم الله من عند صاحبو تان
اما نهار كره مني بابا و قاللي دبري راسك روحي تشري وحدك
نروح لاول حانوت ادا عجبتني حاجة فيه نشريها ونجي مروحة جامي نقللو طيحلي
امور البنات تشريهم اختي لكبيرة لاعلاقة لي بهم
وضوك بالحجاب ابي يروح يشريهولي من العلمة انا خاطيني تماما
جامي صراولي امورهكدا يعني
كاينين وحايد يبيعو حيران لي لما نروح نشري يسالو واش راكي وماعلاباليش واش نتبسم وخلاص ساعات مانردش
الامور تع الدار يشريهم بابا
ايه ربي يكون في عونك
هههههههههههه
مبارك ختم التميز تستحقين غاليتي
دمتي ودام تميزكي
تحياتي القلبية​

هههه يا اختي انتي عندك الزهر انا تريستي ويقولولي روحي خلصيها نولي نتعارك معاهم هههه
وين ماتروحي يبداو يهدروا معاك ياسي عبد اول مرة تشوفيه في حياتك يدخلك في القلب هادي وين تتلبسيها نشفى مرة رحت لواحد قتلو اعطيني الحجابات نشوف قالي انتي ماشي تاع حجاب يخرج عليك السروال خرجتلوا قلبو من بلاصتو من هداك النهار جامي فتت ليه بلوكيتووو هههه
مليح كي تلاقي لي يشريلك والله انا غير مباصية في كلش لخاطر الطفلة الوحيدة في دارنا والباقي شباب قاع اصغر مني معناتو كلشي عليا
وبالنسبة لختم التميز الله يبارك فيك لعقوبة ليك غاليتي ودمتي متميزة متألقة
ومووووفقة

 

[،كارينا،]

ركزيلي على هاذي ....على جالها نكره النهار لي نخرج فيه نشري ....نعيف روحي...

اه شفتي سرتوو هادي نكرها نحاول نهرب منها قد مانقدر وندبر وحدة تروح تشريلي بصح اذا تحتمت الله غالب بسيف ..لوكان دارور حانوت ولازوج يبيعو فيهم بنات هاك داك تولي مليحة ....
مشكوورة على المروور نوورتي
اهلا وسهلا

 

[حلم كبير]

السلام عليكم و رحمه الله تعالى وبركاته
مبروك عليك ختم التميز تستاهلي
بلا بيه متميزة
ضحكتينا بموضوعك اللي كون يسمعوه اصحاب المحلات ،ينتاحرو ولا يشمخو رواحهم من الحشمة.

الله يعطيك عام ربح .....والله يا يجبدلك سلاح مع الخبز ،هاذي كاين منها محل نتاع كلش يعني ما تخرجش من عندو لازم تشتري.
مليحة هاذي عفسة السوبيرات بصح لازم تكون ممرحة ،قالو لمصاروة شرحة وبرحة،يعني نلقى الحوايج ثمثم وميش بيريمي اكل.
والزبون من المفروض ملك يعني هو اللي راه يمد فالدراهم،ميش يزيد يشنف عليك ،ولا يقلك ما نبيعلكش
الله يهديهم ويهدينا معاهم .
يعطيك الصحة وبارك الله فيك على الموضوع
تقبلي مروري مع فائق الاحترام والتقدير
حلم كبير​