صريح / صريحة جـــــــــــــداً على اللمة ( العدد العاشر )

[ضآحكة مستبشرة]

السلام عليكم و رحمة الله تعالـــــى و بركاته


كيف أحــــوآلكــــم لبَـآس ؟؟
ان شاء الله ربي يدوم عليكم الصحة والعافية



مرحبــــآ بيكم يآ اعضاء اللمة الكرام في العدد العاشر من صريح / صريحة جـــــــــــــداً على اللمة

في الاعداد السَــآبقة تعرفنا على ارائـكم و وجهات النظر ديالكم في اكثر من موضوع


موضوعــــــي هذا هو : صريح {صريحـة } جـــداً و هي فكرة مستوحاة من برنامج صريح جدا على قناة النهار

و هو برنامج يسألوا فيه الناس في الشارع حول موضوع معين

حبيت نقبس الفكرة و نعتمدها هنا في المنتدى قصـد التفاعل و التعرف على اراء و وجهات نظر الاعضــاء حول مواضيع مختلفة


فكرة الموضوع :


​

و في كل يوميــــن رح نحط سؤال واحد موجه للشباب و الآخر للبنـــات
و على كل عضوة و عضوة الاجابة على الاسئلة كل واحد كيفاش يحب بطابع فكاهي و لا سيريو هههه ولآ نقاشي دبروا روسـكم​

و التعرف على رأي الشاب و الشآبة باش نعرفوا العقليات الجزائرية في شحال من موضوع


​

و سؤآل العدد العاشر { يخص كل الفئات ولاد و بنات } هو :

سؤال هذا العدد رح يكون على آخر حدث راهو صاري و لي هو سماح روسيا للجزائريين باش يدخلو بلادها بدون تأشيرة​

حبيت نعرف رأي الشباب :
مثلا انت بالذات تخمم انك تخلي البلاد ؟ و علاش ؟
و رح تروح بحجة انك تلقى خدمة و لا تحوس عالزين العين الزرقا و الشعر لصفر ههههه ؟؟
او واش رايك في الموضوع ؟؟
___
__
_
-
و انتن يا لبنآت :
واش رايكم في الموضوع ؟؟
و تفكري تخلي البلاد و تقبلي تروحي ؟؟
اذا ايه واش هو السبب لي يخليك تخممي هكا ؟؟


​

الموضوع رح ندير فيه بزاف مواضيع نشوف رايكم فيها و علبالي رح يكون فيه قصف تام من كلا الطرفين ههههههههههههه
ياو غير بشوية متقطعوش في بعضاكم بزاف ندي ذنوبكـــــــــم هههههههه
في أمـــــــــــــــان الله
اتمنى ان ينال الموضوع اعجابكم
​

ملآحظة :
ممنوع الدردشة رجآءا المواضيع للنقاش ماشي للدردشة
لازم تحتارموا القوانين ولا الموضوع يغلق​

​

​

 

[لؤلؤة قسنطينة]

السلام عليكم
اهلا بالقمر اسووم عاش من شافك هههه
صراحة ترددت بزاف اذا نقبل الموضوع ولالا خاطر تكلمت فيه الاخت الصحافية من قبل
ولكن قررت نعتامدو بشرط أنو الاجابة تكون شخصية يعني كل انسان يتكلم على نفسو
ويربط نفسو بالموضوع وفقط اذا حب يتكلم على رأي الشعب الجزائري كاين موضوع الاخت الصحافية
المهم درك نولي للرد على الموضوع ان شاء الله
تحياتي اسوومتي​

 

[Salah eddin]

السلام عليكم
بصراحة ..و ما تقولوش راه يهدر برك
ياو لو كان يعطوني الداراهم و يزيدوني الفيزا فوقا ما نخرجش من بلادي
و الله يسهل على كل واحد
الي يحب يروح لله يسهل عليه
و الي يحب يقعد رحبا بيه
لكن عندي ملاحظة : ...ضروك مثلا الواحد يقلك نروح ندير التاويل ...يا صاحبي ...نتا في بلادك ما درتش التاويل ..راك رايح اديرو في بلاد الناس ...ها قيلونا الرحمة على والديكم
هذا خرطي هذا ...انا نعيش في بلادي معزز مكرم و ندي بنت عمي و ما نروحش لبلاد الناس
و الله يجيب الخير ​

 

[زهرة اللمة]

السلام عليكم
بون اسومة انا لو كاان يعيطولي باسمي و يقولوي ارواحي
ما نروحش هنا يموت قاسي
نموت على بلادي و ماعندي واش نروح ندير
نقعد في بلادي و نعيش واش داني لبلاد الناس
هذيك لي نخدمها لهيك و نتعب عليها نخدمها هنا
و بيناتنا انا حكاية هذي روسيا بلا تاشيرة مادخلتليش قاع في راسي

تقبلي مروري ​

 

[ضآحكة مستبشرة]

السلام عليكم
شكرا لك مريوم على الاعتماد بارك الله فيك
يعطيكم الصحة على المرور خاوتي
اسمحولي النت ثقيلة متزعفوش اذا مرديتش عليكم

شكرا على الاراء و ربي يحفظكم هكا نحب انا ولاد و بنات بلادي يحبو بلادهم ميغرهم والو
لا زين لا دراهم
لي بغا يعيش يعيش في بلادو و يحمل المليح و القبيح
و مزيرية تاع الجزائر ولا تقلاش تاع لهيه
هنا يسموك dz و لهيه يسموك شيات
و الحديث قياس

 

[Djaouida]

سلام عليكم اسومة نشالله تكوني بخير

و انتن يا لبنآت :
واش رايكم في الموضوع ؟؟ بنسبة ليا موضوع تافه راجل لي يسمح في بلادو وعايلتو ويروح لهيه علا جال لعيشة و باه يديها شعر صفر و لعين زرقا معندوش حاجة سموها روجولة و قادر حتا يسمح فيا تاني ويدير شي عفايس مرنكين نورمال علا خاطر دارها وسمح في بلاده وراهي غارتهم لمادة و ولكواعط نساو بلي روسيا يروحلها غير لي قادر علا روحو هههه طبعا كل واحد ورايه ^^
و تفكري تخلي البلاد و تقبلي تروحي ؟؟
نن جامي زت هنا ونموت هنا و غير بلادي لي منسمحش فيها علا حوايج تافهين و ربي هو قسام الرزاق
اذا ايه واش هو السبب لي يخليك تخممي هكا ؟؟
طبعا انا قلت لا

 

[محمد إبن الصحراء]

خصني نستورد 1000 روسية باش نزوج رجال اللمة البايرين كيفي
كل واحد عندو ربعة ولي متزوج بجزايرية نزيدو 03 روسيات
كونطرا على الجزائرياااااااااااااااااااااات هههههههههههههههههه

 

[Malika Tlm]

السلام عليكم
ايه حبوبتي عرفتي تختاري السؤال
انا عن نفسي والله منخيل راسي نروح نعيش فالخارج ابدا
نعيش فبلادي حرة وبقيمتي
ايا حابا نعرف راي مالك واش هو ههههه
ربي يهنيك حبيبتي

 

[ضآحكة مستبشرة]

السلام عليكم
ايه حبوبتي عرفتي تختاري السؤال
انا عن نفسي والله منخيل راسي نروح نعيش فالخارج ابدا
نعيش فبلادي حرة وبقيمتي
ايا حابا نعرف راي مالك واش هو ههههه
ربي يهنيك حبيبتي

و عليكم السلام
ههههه خصارة عليك ختيتو علبالي بلي نعرفلها
ههههه متخميش مالك ياك عالعام يقول نجيبها ألمانية عين زرقا و شعر لصفر ههههه
هاي جاتو الفرصة يديها روسية هههههه
مسكين ميحملش البرد بصح روسية تنسيه نيههاهاهاهاها

 

[بشرى ملاك]

انا ضد ترك البلاد نقعد هنا حتى نموت حتى ولو كانت بلاد عربية منروحش نبغي بلادي لي مكانش كيفها.

 

[آمِيْرَتُه]

السلام عليك
ماشي روسيا قاع اقليم برك راهم عايشين في حالة باغين يحرثو عليهم
قوليلي سويسرا كندا لانقليز منقولكش لا هههه
منروحش نقعد هنا هههه

 

[rycerz]

الإجراء يخص فقط مقاطعة فلاديفوستوك و هي في أقصى روسيا يعني بعيدة جدا جدا ، و هي بها ميناء لأسطول بحري عسكري كبير (يعني لمدينة نصها عسكر) .. و هي منطقة تعاني من هروب رؤوس الأموال و المستثمرين ..و تعاني من ركود إقتصادي و سياحي ..
و للتنبيه روسيا سمحت لرعايا 18 دولة بينهم الجزائر باش يروحو لهاذيك المنطقة (فقط) بدون تأشيرة باش تشجع الناس لي باغية تستثمر .. يعني لباغي يحلم و يحوس عليها راقدة و تمونجي غير ينسى .. يعني لي راح ثمّا بغير شغل رايح يوكل دراهمو في الأسبوع الأول و من بعد يا يروّح يا يموت بالبرد .. لأنو ثمّاك ماكانش جمعيات ولاّ منظمات ولاّ مؤسسات تعنى بالمشردين (نتاوعهم و ما قاموش بيهم)
هذا لتصحيح الفكرة عن هذا الخبر
--
أما عن الأسئلة .. (أنا نشوف فيها عادي و ماهيش جريئة خلاص)
بالنسبة ليا أنا سبقلي من قبل و خممت في لخروج لبرّا لأجل العمل و كسب رأس مال نرجع بيه لبلادي و نستثمر بيه .. (لكن ما كتبتش و الحمد لله) .. و كيما قلت فلاديفوستوك بعيدة جدا و ما فيهاش رفاهية إقتصادية معناها ما تخرجش على لي باغي يخدم
أما بخصوص قصة الزين و العين الزرقا و ما نعرف واش .. و الله نبهك يا الأخت بلّي في روسكم فكرة غالطة .. تحسبو فالراجل هذا كي لبهيم رايح قاطع عشرة آلاف كيلو متر على جال (...) .. هاي الجزاير فيها من كل زي الصفرا الحمرا الزرقا الوردي الخضرا و حتى الكحلا كاينة و باهية (الله يبارك) ...
و فرضا حتى و لو كان خممت فالخرجة على جال نتزوج بمرأة غير جزائرية فالأحسن رايح نخير موريتانيا خير من أوروبا .. (أولا هي مسلمة و في موريطانيا لمرا هادية و مولات عقل و الله يبارك لوحدة فيها ميترا و تسعين)
و لكن أنا عازم على الجزايرية .. يعني إذا كنت أنا فور و مستوى عالي رايح نحوس عليها فور و مستوى عالي لكن لازم جزايرية .. و إذا كنت أنا عادي و نورمال رايح نجيبها عادي و نورمال و لكن جزايرية .. و إذا كنت أنا جدرة و حلّوف كيف كيف نحوّس على وحدة جدرة و حلوف كيفي لكن الأكيد جزايرية
(كيما يقولو ما تصلح بيك غير بنت دوّارك -يقصدو بنت بلادك-)
​

 

[aljentel]

يقال الرزق يحب الخفيه ...
والناس تبحث عن رزقها حينما تضيق افاقه ببلدهم ...
والعمر قصير مما جعله يغتنم فرصة شبابه للبحث عن ما يحفظ كرامته ...

 

[أم أُنٌَيسة]

السلام عليكم ورحمة الله تعالى وبركاته
نموت على دارنا
تحياتي​

 

[البحر الهادي]

شكرا لك
لكن هدي بروحها فتنة
المسلم يبق في بلاده
علاه ماعندناش الشقروات وووووو
النساء الجزائريات أفضل من الروسيات البايرات
هههههه
شكرا لك

 

[aljentel]

شكرا لك
لكن هدي بروحها فتنة
المسلم يبق في بلاده
علاه ماعندناش الشقروات وووووو
النساء الجزائريات أفضل من الروسيات البايرات
هههههه
شكرا لك

مساء الخير اخي العزيز
ههههههههههه معك حق والله

 

[آمِيْرَتُه]

الإجراء يخص فقط مقاطعة فلاديفوستوك و هي في أقصى روسيا يعني بعيدة جدا جدا ، و هي بها ميناء لأسطول بحري عسكري كبير (يعني لمدينة نصها عسكر) .. و هي منطقة تعاني من هروب رؤوس الأموال و المستثمرين ..و تعاني من ركود إقتصادي و سياحي ..
و للتنبيه روسيا سمحت لرعايا 18 دولة بينهم الجزائر باش يروحو لهاذيك المنطقة (فقط) بدون تأشيرة باش تشجع الناس لي باغية تستثمر .. يعني لباغي يحلم و يحوس عليها راقدة و تمونجي غير ينسى .. يعني لي راح ثمّا بغير شغل رايح يوكل دراهمو في الأسبوع الأول و من بعد يا يروّح يا يموت بالبرد .. لأنو ثمّاك ماكانش جمعيات ولاّ منظمات ولاّ مؤسسات تعنى بالمشردين (نتاوعهم و ما قاموش بيهم)
هذا لتصحيح الفكرة عن هذا الخبر
--
أما عن الأسئلة .. (أنا نشوف فيها عادي و ماهيش جريئة خلاص)
بالنسبة ليا أنا سبقلي من قبل و خممت في لخروج لبرّا لأجل العمل و كسب رأس مال نرجع بيه لبلادي و نستثمر بيه .. (لكن ما كتبتش و الحمد لله) .. و كيما قلت فلاديفوستوك بعيدة جدا و ما فيهاش رفاهية إقتصادية معناها ما تخرجش على لي باغي يخدم
أما بخصوص قصة الزين و العين الزرقا و ما نعرف واش .. و الله نبهك يا الأخت بلّي في روسكم فكرة غالطة .. تحسبو فالراجل هذا كي لبهيم رايح قاطع عشرة آلاف كيلو متر على جال (...) .. هاي الجزاير فيها من كل زي الصفرا الحمرا الزرقا الوردي الخضرا و حتى الكحلا كاينة و باهية (الله يبارك) ...
و فرضا حتى و لو كان خممت فالخرجة على جال نتزوج بمرأة غير جزائرية فالأحسن رايح نخير موريتانيا خير من أوروبا .. (أولا هي مسلمة و في موريطانيا لمرا هادية و مولات عقل و الله يبارك لوحدة فيها ميترا و تسعين)
و لكن أنا عازم على الجزايرية .. يعني إذا كنت أنا فور و مستوى عالي رايح نحوس عليها فور و مستوى عالي لكن لازم جزايرية .. و إذا كنت أنا عادي و نورمال رايح نجيبها عادي و نورمال و لكن جزايرية .. و إذا كنت أنا جدرة و حلّوف كيف كيف نحوّس على وحدة جدرة و حلوف كيفي لكن الأكيد جزايرية
(كيما يقولو ما تصلح بيك غير بنت دوّارك -يقصدو بنت بلادك-)
​

الله أكبر
والله يسلم الكرش لي حملاتك و جابتك خويا
ربي يوفقك ويهنيك
هذا هو الجزائري المثقف المتربي ماشي كيما شي وحدين لا زين لا دين ويحل في فمه ويسب فالبنات

 

[aljentel]

خصني نستورد 1000 روسية باش نزوج رجال اللمة البايرين كيفي
كل واحد عندو ربعة ولي متزوج بجزايرية نزيدو 03 روسيات
كونطرا على الجزائرياااااااااااااااااااااات هههههههههههههههههه

ههههههههههههههههههههههه
ياويلك من الجزائريات

 

[rycerz]

الله أكبر
والله يسلم الكرش لي حملاتك و جابتك خويا
ربي يوفقك ويهنيك
هذا هو الجزائري المثقف المتربي ماشي كيما شي وحدين لا زين لا دين ويحل في فمه ويسب فالبنات

هههههه

​

 

[لؤلؤة قسنطينة]

السلام عليكم
مساء الورد اسومتي
اعتذر على التأخير في الرد كل يوم نقول نرد ولكن للاسف ظروف
المهم بالرجوع للسؤال أنا عن نفسي مانحبش نعيش في غير بلادي
اذا على سفر يعني تحويسة معليش يعني تروحي تشوفي البلدان تتعرفي على دول أخرى وعلى ثقافات اخرى معليش
يعني على اساس العودة للوطن، اما اني نعيش تما ولا نفكر بالزواج بواحد اجنبي لالا
هاد الامور ماعندها حتى معنى، انا تربيت وسط مدينتي ووسط وطني وحتى ولو فيه العيوب السبعة مانبدلوش
تراب بلادي اعز عندي من اي بلد اجنبي
هادا رايي باختصار
شكرا عزيزتي ربي يهنيك

​