مايو !!!؟؟؟

[قرصان الساحل]

كيف هي احوالكم سكان شمال قارتي البائسة ... من قبيل كنت نحوس على تاريخ يصادف يوم ميلادي ومبعد قلت خلي من التمنشير نتبادلو شوية معلومات اخخخ وش يصادف كل يوم من شهر مايو والنتيجة كانت ..

• 1 مايو : اليوم العالمي للعمل .. واحنا الافارقة نشوفوه يوم لعطلة مدفوعة الاجر والرقاد .. في بالي نستاهلو يوم عالمي للتمنشير علخاطر حتى في الخدمة نص نهار كامل رايح في التمنشير والشكى .. وزيد حنا معروفين بعقلية واحد يخدم وعشرة يتفرجو يعني هدا اليوم يستاهلو واحد من بين كل 10 خدامين
• 3 مايو : اليوم العالمي لحرية الصحافة .. اعععع تاريخ بلا معنى وللاسف صادف يوم ميلادي وكل واحد يشوف يوم ميلادو واش من حدث يصادفو نشوفو لي عندهم زهر
• 4 ماي ... سمع صوتك !!
• 7 مايو : اليوم العالمي ليتامى الإيدز .. يا سيدي ربي يعافينا
• 8 مايو : اليوم العالمي للثلاسيميا " أنيميا البحر الأبيض المتوسط " ... معلومة جديد كل بحر مدايرين ليه مرض وحنا نعاني من مرض حرقة في فلوكة البحر المتوسط
• 9 مايو : يوم أوروبا .. ها الهدرة معشوقة الملايين الشعر لصفر والعين زرقة لا فونصابل لا شخشوخة .. وتروادني اليكي احلامي الزهرية
• 10 مايو : اليوم العالمي لمرض للذئبة الحمراء " Systemic Lupuss " .. هنا كي شغل ميلونج بين ليلى والذئب وصاحبة القبعة الحمراء وخرجولنا مرض اللهم تعافينا
• 11 مايو : اليوم العالمي للكائنات المهددة .. شوفو كلش كلش ولا تخربو في الكائنات المهددة الاسد راهو تاعنا مش حابين يصرالو كي الديناصور
• 12 مايو : اليوم العالمي للتمريض .. يقولولها الممرضة ... اهيه مش غير رابح درياسة لي تفكرهم اعطوهم وردة حمرا وحبة ميلفاي في هاد اليون
• 15 مايو : اليوم العالمي للأسرة .. ايه فكروني في حملة جهاز كمبيوتر لكل عائلة -__-
• 17 مايو : اليوم العالمي لمجتمع المعلوماتية أو اليوم العالمي للاتصالات اللاسلكية .. هدا تاعهم حنا نعرفو غير طن جاك ميساج ومبعدا يجيك صوت القلوبة في الفايس بوك اه راك تعشق ديرو سيلونس
• 18 مايو : اليوم العالمي للمتحف .. في حياتي ما دخلتش متحف !!
• 21 مايو : اليوم العالمي للتنوع الثقافي من أجلالحوار والتنمية .. لي فهم يفهمني.
• 22 مايو : اليوم العالمي للتنوع البيولوجي .. معناتو مش كل يوم بطاطا اي نبتت في كروشنا الفريت مليح تنوع في المأكولات الشهية واللذيذة
• 25 مايو :
  • اليوم العالمي للأطفال المختفين.
  • يوم أفريقيا .. شوف اوربا دارولها نهار وحدها عندك حنا كي تقرا يوم افريقيا زادو معاها المآسي الاطفال المختفين غير كون زادولها الفقر والمجاعة والتخلف والاوبئة كامل في نهار واحد
• 28 مايو : اليوم العالمي من أجل تنمية صحة المرأة .. خممو غير في صحة المرأة اما حنا فلتلتهمنا اسماك القرش بحر ياكلنا اخخخخ
• 29 مايو : اليوم العالمي لقبعات الزرق .. واش حاب يقول لابوليس ولي عنها قبعة حمراء خاطيها ...
• 31 مايو : اليوم العالمي بدون تدخين .. ايه ختموها بحبسو دخان او جايكم رمضان

 

[أم أُنٌَيسة]

السلام عليكم ورحمة الله تعالى وبركاته
هههههه
اول مرة نسمع بالمهلومات هدي ،معلومات جديدة بالنسبة ليا
منك بالصح ولا تتمسخر ؟
البارح قالولي صحباتي نهار الاثنين يوم العمال مانقراوش قلتلهم علاه موالفين مانقراوش يوم العمال ؟
قالولي روحي بالمخلوقة الغريبة هاه
جميل موضوعك اخي الكريم ،واصل ولا تفاصل باذن الله
في المتابعة باذن الله حتى لو لم اكن من الاعضاء
تحياتي احترامي وتقديري
في امان الله وحفظه​

 

[الورد الأحمر]

• 4 ماي ... سمع صوتك !!
• 10 مايو : اليوم العالمي لمرض للذئبة الحمراء " Systemic Lupuss " .. هنا كي شغل ميلونج بين ليلى والذئب وصاحبة القبعة الحمراء وخرجولنا مرض اللهم تعافينا

السلام عليكم

هههه حبيت الموضوع مبدل ع المواضيع لي بالعادة نصادفوهم وفيه فايدة حسيتو كوكتال .

يا سيدي كل عام وانت بخير باين حبيت برك توصلنا ميساج بلي عيد ميلادك فات وكي فات تستحق المعايدة بلا كادو .

نحكي على 1 ماي راني نستنى فيه بفارغ الصبر والأسى على خاطر كيما قلت نشوف فيه عطلة مدفوعة الأجر ... أما 4 ماي هذا تاريخ الشؤم لي في سبتو ما خلاونيش نخرج كونجي قالك حتى يفوت الفوط وبما أني نخدم في البلدية محتمة عليا نسنى يوم الشؤم والبؤس والشقاء هذا باه ندي الكونجي تاعي معرف علاه حاكميني عليه بالاك ناويين يسخروني في آخر لحظة .

و10 ماي هذا عندو علاقة مباشرة بيا ما كنتش علابالي بلي عندي عيد خلاف من غير عيد ميلادي باه نعود نحتفل بيه ويجيبولي فيه كادو مادام فيع شرة عليا .

شفت على عيد ميلادي بما أني من مواليد 27 جويلية معناها نحتفل بيه في 26 جويلية طلع هاذ ال26 جويلية اليوم العالمي لمكافحة المخدرات . أواه العالم هذا عندو مشكل معايا .

بطلت ما عجبنيش الموضوع.

 

[Only me]

ههههههههه مزال غير يوم عالمي للمثلثات القائمة والا الزاوية الحادة
أنا يوم ميلادي 5 ماي وهذا بحد ذاتو يوم عالمي هههههه
5 ماي 1931 تأسيس جمعية العلماء المسلمين
وبالنسبة للمناسبات الأخرى فهو يرمز الى :
_ يوم أوروبا في الاتحاد الأوروبي.​

_ عيد الشهداء في ألبانيا.
_ عيد التحرير في الدنمارك وإثيوبيا وهولندا.
_ عيد ميلاد بوذا في هونغ كونغ، ماكاو، كوريا الجنوبية وتايوان.
_ عيد الصبيان في اليابان​

وهو ايضا عيد ميلاد كل من:
1818 - كارل ماركس، فيلسوف ألماني.​

1962 - كاورو وادا، ملحن ياباني.
1967 - تاكِهيتو كوياسو، مثل أداء صوتي ياباني.

بارك الله فيك على هذا الموضوع​

​

 

[قرصان الساحل]

السلام عليكم ورحمة الله تعالى وبركاته
هههههه
وعليكم السلام ورحمة الله تعالى وبركاته
اول مرة نسمع بالمهلومات هدي ،معلومات جديدة بالنسبة ليا
منك بالصح ولا تتمسخر ؟
تبا وعلاه كاش نهار قلت انا الصح
البارح قالولي صحباتي نهار الاثنين يوم العمال مانقراوش قلتلهم علاه موالفين مانقراوش يوم العمال ؟
اخخخخ انا غير هاد ليام منلعبش فيهم من جانفي وانا نحسب لاول ماي وقتاه يلحق ههه
قالولي روحي بالمخلوقة الغريبة هاه
جميل موضوعك اخي الكريم ،واصل ولا تفاصل باذن الله
الاجمل وجودك بموضوعي اختي
في المتابعة باذن الله حتى لو لم اكن من الاعضاء
تحياتي احترامي وتقديري
في امان الله وحفظه
شكراااااا ... مرحبا بيك ديما​

صحيتي اختي "القلب الضائع" على مرورك ومتابعتك الدائمة . . موفقة
​

 

[ليليا مرام]

السلام عليكم خونا هشام ان شاء الله امورك بخير
ايه يا خويا على ماي انا تزامن 18 مع المتحف واااااااااااع عيد ميلادي مع اليوم العالمي للمتحف سافوديغ انا قديمة والا كيفاه هههه ويا نندب انا على ماي كلو اعياد
دزاير لو يلمو الاعياد اللي فيها كل يوم عندنا زردة
المشكل انو امور تافهة ما يلقاوش واش يديرو يخترغو نهار
انا نامن بالعيد الصغير والعيد الكبير وبرك
مشكور

 

[Only me]

السلام عليكم خونا هشام ان شاء الله امورك بخير
ايه يا خويا على ماي انا تزامن 18 مع المتحف واااااااااااع عيد ميلادي مع اليوم العالمي للمتحف سافوديغ انا قديمة والا كيفاه هههه ويا نندب انا على ماي كلو اعياد
دزاير لو يلمو الاعياد اللي فيها كل يوم عندنا زردة
المشكل انو امور تافهة ما يلقاوش واش يديرو يخترغو نهار
انا نامن بالعيد الصغير والعيد الكبير وبرك
مشكور

ههههه ترقدي وتنوظي تلقاي يوم جديد في الجزائر والكارثة راح يكون على أمر تافه ، يعني أنت ماتتفاجئيش اذا لقيتي روحك في يوم للبناءات الهشة والا يوم للدالة التآلفية هههه​

 

[قرصان الساحل]

السلام عليكم

هههه حبيت الموضوع مبدل ع المواضيع لي بالعادة نصادفوهم وفيه فايدة حسيتو كوكتال .
كوكتال الخوخ والبرتقال مع عسل سان فرانسيسكو وقصب السكر اخخخ
يا سيدي كل عام وانت بخير باين حبيت برك توصلنا ميساج بلي عيد ميلادك فات وكي فات تستحق المعايدة بلا كادو .
لا راكي غالطة سيدتي مزال ما لحق عاودي اقراي مليح مالا نستحق المعايدة والكادو اون بليس اعتذار رسمي -____-

نحكي على 1 ماي راني نستنى فيه بفارغ الصبر والأسى على خاطر كيما قلت نشوف فيه عطلة مدفوعة الأجر وييي بطبيعة الحال مزية لي مجاش في نهار ويكاند ... أما 4 ماي هذا تاريخ الشؤم لي في سبتو ما خلاونيش نخرج كونجي قالك حتى يفوت الفوط وبما أني نخدم في البلدية محتمة عليا نسنى يوم الشؤم والبؤس والشقاء هذا باه ندي الكونجي تاعي معرف علاه حاكميني عليه بالاك ناويين يسخروني في آخر لحظة ... اممم حاكمينك علاه ربما انت الجوكر وفي اخر لحظة تسجلي هدف الفوز ولما لا يعيطولك باه تولي نائب في البرلمان وربما اكثر اخخخ كل عطلة فيها خير​

و10 ماي هذا عندو علاقة مباشرة بيا ما كنتش علابالي بلي عندي عيد خلاف من غير عيد ميلادي باه نعود نحتفل بيه ويجيبولي فيه كادو مادام فيع شرة عليا . ههه كي قريت هاد اليوم العالمي تفكرتك وي تستاهلي كادوات بالصح لازم تتهلاو في المتحدث قبل ومبعدا نحكيو

شفت على عيد ميلادي بما أني من مواليد 27 جويلية معناها نحتفل بيه في 26 جويلية طلع هاذ ال26 جويلية اليوم العالمي لمكافحة المخدرات . أواه العالم هذا عندو مشكل معايا .
ههههه كافحي كافحي المخدرات اي ولات آفة كبيرة ضيعت الشباب

بطلت ما عجبنيش الموضوع صايي دوك نردو 26 جويلية اليوم العالمي لأم درمان وما جاورها باه يعجبك الموضوع.

مشكورة السيدة المديرة المكلفة بمكافحة المخدرات لي شرفتي شهر ماي في انتظار الشهور الاخرى
تحياتي​

 

[أم منيــــــر]

اولا مرحبا بيك و الله القسم اشتاق لمواضيعك لي دايمن تنشطو
ما شاء الله عندك اجندة فراسك وزيد
8 ماي مظاهرات 1945
يعطيك الصحة تغيب و ترجع بحاجة جديدة

 

[قرصان الساحل]

ههههههههه مزال غير يوم عالمي للمثلثات القائمة والا الزاوية الحادة
اييببه وعلاه لالا حتى المثلثات والزوايا القائمة خاوتنا وساهمو في التطور لي رانا فيه فلولا المثلث ما كان ليكون المربع اخخخخ وزيد خير من اليوم العالمي لمرض الذئبة
أنا يوم ميلادي 5 ماي وهذا بحد ذاتو يوم عالمي هههههه
ايه بيناتنا يومين -_- كل عام وانت بخير مسبقا
5 ماي 1931 تأسيس جمعية العلماء المسلمين
وهي أعظم جمعية بتاريخ الوطن
وبالنسبة للمناسبات الأخرى فهو يرمز الى :
_ يوم أوروبا في الاتحاد الأوروبي.
اوروبا العمر والكبدة محظوظة انت هه
_ عيد الشهداء في ألبانيا.
مليح
_ عيد التحرير في الدنمارك وإثيوبيا وهولندا.
_ عيد ميلاد بوذا في هونغ كونغ، ماكاو، كوريا الجنوبية وتايوان.
حتى بوذا يعتبر شخصية مؤثرة جدا في اسيا
_ عيد الصبيان في اليابان
ههههه عيد الذر
وهو ايضا عيد ميلاد كل من:
1818 - كارل ماركس، فيلسوف ألماني.
ههه فكرتيني فيه صاحب الفكر الشيوعي والمؤسس تاعو ان لم تخني الذاكرة من نهار فوت الباك
1962 - كاورو وادا، ملحن ياباني.
1967 - تاكِهيتو كوياسو، مثل أداء صوتي ياباني.
هادو جامي سمعت بيهم
بارك الله فيك على هذا الموضوع
وفيكي بارك الله
​

يعطيك الصحة ختي فاطمة على ما يبدو اسمك تاريخك مليئ بالمناسبات العظيمة لكن متأكد عرفتيهم غير هاد المرة اخخخ
تحياتي​

 

[Only me]

يعطيك الصحة ختي فاطمة على ما يبدو اسمك تاريخك مليئ بالمناسبات العظيمة لكن متأكد عرفتيهم غير هاد المرة اخخخ
تحياتي​

ههههههههه راك تفيق ياو
أنا بغيت نعاونك أنت درت الايام كامل تاع ماي غير الـ 5 ،، امالا من الغيض استنجدت بعمي غوغل
يعطيك الصحة على الموضوع والله غير عجبني ​

 

[قرصان الساحل]

السلام عليكم خونا هشام ان شاء الله امورك بخير وعليكم السلام مرحبا ختي ليليا لباس الحمد لله سوال عليك
ايه يا خويا على ماي انا تزامن 18 مع المتحف واااااااااااع عيد ميلادي مع اليوم العالمي للمتحف سافوديغ انا قديمة والا كيفاه هههه ويا نندب انا على ماي كلو اعياد هههه هيه راهم بغاو يقولو قديمة على ساحة الشهدا
دزاير لو يلمو الاعياد اللي فيها كل يوم عندنا زردة
المشكل انو امور تافهة ما يلقاوش واش يديرو يخترغو نهار
انا نامن بالعيد الصغير والعيد الكبير وبرك
ايه هادو كي شغل دارو ايام عالمية لأمراض ولا عفايس هكا باه العالم كل عام يتوقف عندهم يتفكرهم بالصح كاين ايام تبانلي ما عندهاش معنى
مشكور

يعطيك الصحة ختي ليليا على مشاركتك ليا موضوعي .. انت ثاني من مواليد ماي اييييه عندنا ما نشوفو كادوات هاد الشهر ههه
موفقة​

 

[Only me]

يعطيك الصحة ختي فاطمة على ما يبدو اسمك تاريخك مليئ بالمناسبات العظيمة لكن متأكد عرفتيهم غير هاد المرة اخخخ
تحياتي​

كارل ماكس قريتو في الجامعة ونسيت جدو واش يكون
المهم هو مؤسس المدرسة النقدية الماركسيستية واقيل
أخطيني من جدهم
وأنت ثان كل عام وانت بخير ​

 

[قرصان الساحل]

ههههه ترقدي وتنوظي تلقاي يوم جديد في الجزائر والكارثة راح يكون على أمر تافه ، يعني أنت ماتتفاجئيش اذا لقيتي روحك في يوم للبناءات الهشة والا يوم للدالة التآلفية هههه​

ههه وها انت ذا مريضة بالرياضيات من الزوايا للدوال والخطان المتوازيان عمرهم ميتلاقاو اخخخ حتى انا من هواة الرياضيات على فكرة ​

 

[Only me]

ههه وها انت ذا مريضة بالرياضيات من الزوايا للدوال والخطان المتوازيان عمرهم ميتلاقاو اخخخ حتى انا من هواة الرياضيات على فكرة ​

ههههههه والله نحبها بالصح من عام الباك ماتلاقيتها هذا الوحش تاعها لي دارلي هكا
ومنها عرفت بلي أنا وهي كيما قلت انت خطان متوازيان ​

 

[قرصان الساحل]

اولا مرحبا بيك و الله القسم اشتاق لمواضيعك لي دايمن تنشطو الله ينورك ختي ام منير القسم ديما ناشط الله يبارك بيك وبالاعضاء هنا
ما شاء الله عندك اجندة فراسك وزيد اخخخخ مش راسي خالتي الويكبيديا وعمي الغوغل انا غير نعلق برك -___-
8 ماي مظاهرات 1945 ايييييه اكيد الماهرات لي راح ضحيتها ازيد من 45 الف شهيد وخلات القضية الجزائرية قضية عالمية فضحت ممارسات الاستدمار الله يرحم شهداء الواجب الوطني
يعطيك الصحة تغيب و ترجع بحاجة جديدة
الله يسلمك ختي ام منير جديدي بلا معنى بلا تفاعلكم الشيق

مشكورة ختي ام منير على تنويرك موضوعي​

 

[قرصان الساحل]

[/

ههههههههه راك تفيق ياو
أنا بغيت نعاونك أنت درت الايام كامل تاع ماي غير الـ 5 ،، امالا من الغيض استنجدت بعمي غوغل
يعطيك الصحة على الموضوع والله غير عجبني ​

ههههه وكيفاه دوك يزعفو مني ايام ماي تاني وش نرضي وش نخلي ههه من اليوم صايي غير 5 ماي ميروحش من بالي او ديجا جاري ​

كارل ماكس قريتو في الجامعة ونسيت جدو واش يكون
المهم هو مؤسس المدرسة النقدية الماركسيستية واقيل
أخطيني من جدهم
وأنت ثان كل عام وانت بخير ​

ههههه وعلاه اخطيك من جدهم عمك كارل ماركس هدا او علامة كبير اخخخ كرهتو واحد الوقت يتفلفس ياسر​

ههههههه والله نحبها بالصح من عام الباك ماتلاقيتها هذا الوحش تاعها لي دارلي هكا
ومنها عرفت بلي أنا وهي كيما قلت انت خطان متوازيان ​

وي اني نشوف الوحش كيف ساهل والفراق ما قدرت عنو .. اي رداتك تنامي بيها المات هادي مون جا فيثاغورس مزالو عايش او طلب يدك اخخخ​

 

[Only me]

وي اني نشوف الوحش كيف ساهل والفراق ما قدرت عنو .. اي رداتك تنامي بيها المات هادي مون جا فيثاغورس مزالو عايش او طلب يدك اخخخ

هههههههه فكرتني البارح خويا يحكيلنا على طفلة تقرا عندو هو يقري رياضيات
قوتلو لوكان دارت نظرية فيثاغورس وخلاص، قاتلي ماما واش واش قلنالها فيثاغورس، مزالها لضرك حايرة في أسمو هههههههه
ماشي غير أنا لي راني نخمم فيه هو ثاني راه يخمم فيا احلف ماهو هو لي بعثك تهدرلي عليه ههههه​

 

[قرصان الساحل]

هههههههه فكرتني البارح خويا يحكيلنا على طفلة تقرا عندو هو يقري رياضيات
قوتلو لوكان دارت نظرية فيثاغورس وخلاص، قاتلي ماما واش واش قلنالها فيثاغورس، مزالها لضرك حايرة في أسمو هههههههه
ماشي غير أنا لي راني نخمم فيه هو ثاني راه يخمم فيا احلف ماهو هو لي بعثك تهدرلي عليه ههههه​

هههه ربي يطولك في عمر مميتك ويرزقها الصحة
بلاك حتى ماماك حسباتو جاي يخطب .. اووو مش هو لي قالي نهدرلك عليه مي القلوب اي عند بعضاها ياو زاويتان متناظرتان متجاورتان وربي يدوم للمحبة اخخخخ​

 

[Only me]

هههه ربي يطولك في عمر مميتك ويرزقها الصحة
بلاك حتى ماماك حسباتو جاي يخطب .. اووو مش هو لي قالي نهدرلك عليه مي القلوب اي عند بعضاها ياو زاويتان متناظرتان متجاورتان وربي يدوم للمحبة اخخخخ​

الله يسلمك ويحفظك
زاويتان متقابلتان بالرأس هههههه
متناظرتان متجاورتان ( مخي حبس أ صاحب فيثو)​