خالتي الطاوس تقطعلها الصباط"أهدوها واحد جديد"

الحالة
مغلق ولا يسمح بالمزيد من الردود.

همس الوُرود

:: عضو بارز ::
أحباب اللمة
إنضم
29 ماي 2011
المشاركات
15,523
نقاط التفاعل
35,851
النقاط
1,081
محل الإقامة
جزر القمر
الجنس
أنثى
السلام عليكم ورحمة الله وبركاته

وش الأحوااال يا عائلتي الثانية مرييييقلة؟؟:p" قالها خويا:giggle:"
راهي قربت عطلة الصيف إن شاء الله كامل ننجحوا برك واحد مايتخلف لا لراطراباج :sick:لا لوالو
حقا شوفوني شوفوني جاية باهية بهذا الوردي :giggle::giggle::giggle:
اليوم جيت نحكيلكم على موضوع هكا كنت مريحة مع راسي نحكي حتى لقيت حاجة حيرتني:oops: من مدة ماحيرتني حتى حاجة :geek:
اليوم خالتكم علجية راهي فالفراش مريضة روحو زوروها ومتنساوش تجيبو معاكم شوية بانان:Love: بصح البانان غالي وخالتو علجية ضعيفة بزاف عليها مسكينة نديلها معايا شوية معدنوس من بحيرة جارنا هي تحب ريحتو فالشربة:p
ومبعد نضرب طلة على لالة النسا الأخت الفاضلة كارولين هاديك أووه عيب لازم نديلها معايا قفة تع القشقشة بصح بلاك تجيها شوية :unsure: هوما أغنياء الله يبارك عيب نديلها قفة قشقشة برك لازم نديلها كادو معايا أمممممم احترت وش نديلهااا وش تحب هي زعما
المخلوقة عندها كلش :cry:
نظن فهمتو موضوعي هكذا الناس يا عائلتي الثانية الفقير المحتاج ممكن يروحو يطلو عليه يستخصرو فيه راس بصل و الأغنياء الي ميحتاجوش يكلفو نفسهم كي يروحو ليهم ولازم كلش يكون شيك

فالحقيقة هذا الأمر يقلقني بزاف واقع يعيي علاش خالتكم علجية مريضة تحتاج تتقوت والأخرى شابعة نورمالمو حاجة خفيفة قيس الزيارة

تاني الزيارة فهذا الوقت ولات ثقيلة بيسك الناس الي تروح ليهم أنت لازم تكلف نفسك وهوما لازم يكلفو نفوسهم رغم أنو من المفروض يكون كلش بسيط تجي فايتة على طريق خالتك تخافي تدخلي عندها وتتعبيها وهي نورمال كون تحطلك كاس ما وش فيها المهم الطلة وصلة الرحم

الناس كبروها بزاف ولات صلة الرحم واعرة فهذا الوقت ,, وكون متديش حاجة غالية فيديك يهدرو فيك كيما كي ولو تدي حاجة خفيفة للفقير يفرح بيك

صراحة علابيها الفقر مليح في بزاف حالات لأنو الفقير يبقى متواضع و يفرح ولو بالقليل أما الغني تحكمو ديك العقلية تع كلش تاعي لازم
يكون فور يولي أمور تفرح وميفرحش بيها

نتمنى تكون وصلتكم الفكرة راني نخلط برك فالهدرة دوك

إييييه تفكرت حاجة وحدة نعرفها مسكينة فقيرة كي مرضت هي قريب ماتت جاو يزوروها تخيلو أحد الزائرين وش قاللها؟؟ وهو مرتو ميتة الله يرحمها قاللها سلمي على الزوجة كي تروحي تخيلوو شغل قاللها راكي رايحة تموتي وهي رغم أنها كانت فالموت نستعرف بيها قالتلو لالا أنت كي تروح سلملي عليها:ROFLMAO:

إن شاء الله تتغير الأحوال إلى الأحسن برك

في أمان الله :cool::giggle:
 
آخر تعديل:
مساء النور عبورة ان شاء الله احوالك بخير
موضوع مميز الله يبارك وعندو مغزى كذلك وصح ظاهرة منتشرة
المهم كيما تكلمت مع ختي ليليا راني نعاني مع التيليفون غير نكونيكتي من الميكرو ران نرجع نرد على ختي بربي ان شاء الله :giggle:
شكرا عبورة
 
مساء النور عبورة ان شاء الله احوالك بخير
موضوع مميز الله يبارك وعندو مغزى كذلك وصح ظاهرة منتشرة
المهم كيما تكلمت مع ختي ليليا راني نعاني مع التيليفون غير نكونيكتي من الميكرو ران نرجع نرد على ختي بربي ان شاء الله :giggle:
شكرا عبورة

مساء الفل حبيبتي مريم

الله يبارك فيك غاليتي

أوك أختي ربي يكون فعونك إن شاء الله عاينولك التلفون واقيلا هههه
 
سلاموووو
شعب موسوس بزاااف
ولا كي يروح يدير زيارة يدي معاه (ديسار + باتسري + قرعة جي + دجاج ...الخ :))
واهل دار كي متجبلهمش حاجة يبداو في هدرة عليك
ياخي ناس هو جاي يضرب طلة وعلى اخباركم ونتوما تمنشرو فيه
ربي يحفظ حياة الزوالي ديما فرحان بلقليل وديما شاكر ربي على وش عطاه مهم كان
وربي يهديهم هادو ناس لي يحبو يتكبرو ويزوخو
إييييه تفكرت حاجة وحدة نعرفها مسكينة فقيرة كي مرضت هي قريب ماتت جاو يزوروها تخيلو أحد الزائرين وش قاللها؟؟ وهو مرتو ميتة الله يرحمها قاللها سلمي على الزوجة كي تروحي تخيلوو شغل قاللها راكي رايحة تموتي وهي رغم أنها كانت فالموت نستعرف بيها قالتلو لالا أنت كي تروح سلملي عليها:ROFLMAO:
وهذا سيد وش حكايتو
حابها تموت بسيف يالطيف ويشوف احوال مرتو خخخخ شعب مقود الى درجة تمهبيل :p
دمتم بخير @مشاغب ;)
 
السلام عليكم ورحمة الله وبركاته

وش الأحوااال يا عائلتي الثانية مرييييقلة؟؟:p" قالها خويا:giggle:"
راهي قربت عطلة الصيف إن شاء الله كامل ننجحوا برك واحد مايتخلف لا لراطراباج :sick:لا لوالو
حقا شوفوني شوفوني جاية باهية بهذا الوردي :giggle::giggle::giggle:
اليوم جيت نحكيلكم على موضوع هكا كنت مريحة مع راسي نحكي حتى لقيت حاجة حيرتني:oops: من مدة ماحيرتني حتى حاجة :geek:
اليوم خالتكم علجية راهي فالفراش مريضة روحو زوروها ومتنساوش تجيبو معاكم شوية بانان:Love: بصح البانان غالي وخالتو علجية ضعيفة بزاف عليها مسكينة نديلها معايا شوية معدنوس من بحيرة جارنا هي تحب ريحتو فالشربة:p
ومبعد نضرب طلة على لالة النسا الأخت الفاضلة كارولين هاديك أووه عيب لازم نديلها معايا قفة تع القشقشة بصح بلاك تجيها شوية :unsure: هوما أغنياء الله يبارك عيب نديلها قفة قشقشة برك لازم نديلها كادو معايا أمممممم احترت وش نديلهااا وش تحب هي زعما
المخلوقة عندها كلش :cry:
نظن فهمتو موضوعي هكذا الناس يا عائلتي الثانية الفقير المحتاج ممكن يروحو يطلو عليه يستخصرو فيه راس بصل و الأغنياء الي ميحتاجوش يكلفو نفسهم كي يروحو ليهم ولازم كلش يكون شيك

فالحقيقة هذا الأمر يقلقني بزاف واقع يعيي علاش خالتكم علجية مريضة تحتاج تتقوت والأخرى شابعة نورمالمو حاجة خفيفة قيس الزيارة

تاني الزيارة فهذا الوقت ولات ثقيلة بيسك الناس الي تروح ليهم أنت لازم تكلف نفسك وهوما لازم يكلفو نفوسهم رغم أنو من المفروض يكون كلش بسيط تجي فايتة على طريق خالتك تخافي تدخلي عندها وتتعبيها وهي نورمال كون تحطلك كاس ما وش فيها المهم الطلة وصلة الرحم

الناس كبروها بزاف ولات صلة الرحم واعرة فهذا الوقت ,, وكون متديش حاجة غالية فيديك يهدرو فيك كيما كي ولو تدي حاجة خفيفة للفقير يفرح بيك

صراحة علابيها الفقر مليح في بزاف حالات لأنو الفقير يبقى متواضع و يفرح ولو بالقليل أما الغني تحكمو ديك العقلية تع كلش تاعي لازم
يكون فور يولي أمور تفرح وميفرحش بيها

نتمنى تكون وصلتكم الفكرة راني نخلط برك فالهدرة دوك

إييييه تفكرت حاجة وحدة نعرفها مسكينة فقيرة كي مرضت هي قريب ماتت جاو يزوروها تخيلو أحد الزائرين وش قاللها؟؟ وهو مرتو ميتة الله يرحمها قاللها سلمي على الزوجة كي تروحي تخيلوو شغل قاللها راكي رايحة تموتي وهي رغم أنها كانت فالموت نستعرف بيها قالتلو لالا أنت كي تروح سلملي عليها:ROFLMAO:

إن شاء الله تتغير الأحوال إلى الأحسن برك

في أمان الله :cool::giggle:
ههه، الله لاتربحو ليقال للمريضة سلمي على الزوجه كي تموتي واااااش هذا معندوووش قلب ،أصلا المرأة ضعيفة وتقلق من كلمه كيما هاذي ،علابالي تقولولي رانا كامل نموتو راني عاارفه ،بصح إذا زرت مريض أولا إدعيلو بااش يبرى وثاني حاجة خفف الزياااارة .
 
مساء الخير غاليتي
موضوعك قمة والله جبتيها سوا سوا في الشبكة
هاذي لي قالك فلان يزيد الماء للبحر والا يزيد الحطب للنار ،، لي عندو لاباس بيه يزيدولو ويقيموه واللي ماعندوش يكمل عليه قطرة الماء ويحسدوه فيها
والله كاين ناس يروحو يطلو على مريض فقير كي تسقسيهم واش احوالو يقولولك واش بيه لراه كل خير قدامو راه خير مني انا البنان وماكليتوش وهو كلاه :cautious::censored:
بالصح سيدهم الغني لوكان ينحيو جلودهم ويمدولهم ،، عبدة المادة ربي يجيرنا منهم
ربي يبعد عليك وعلينا هاذ الشاكلات
:confused:
 
السلام عليكم
خالتي الطاوس حكاية الاغلبية انتاع الناس الي يعيشوا بالوجوه مع الغني يحمار و يصفار و يسلف و يتكلف و ميتهناش و يقول قليل في العرضة ولا الهدية و لا الزيارة و مع الفقير هات الرخيس بزايد عليه معنديش و راني.مديون و يقعد مرتاح و متكسل كيلي ادا لو.مال.الدنيا و ربي سبحانه راه.يشوف فيه ساخط عليه.فشر عباد الله من أكرم الغني و أهان الفقير.با حليلهم الناس وين يروحو.بافعايلهم الدنيا بللجوه و الاخرة بالفعايل.
 
50451_1288444526-1.gif
 
صدام بكل فخر، تم حظره "حظر دائم". السبب: سب وقذف وتهديد والتطاول على الإدارة بألفاظ نابية، والتحريض ضدها سواء في المنتدى أو في الشبكات الإجتماعية. تم التنبيه مرارًا وتكرارًا ولكن دون جدوى.
للاسف الشديد واقع مر أختي لعزيزة .... فكرتيني في واحد الحاجة تشبه شوية لموضوعك
تلقاي واحد فقير و مهموم و ربي يعلم بيه ساكت و حامد ربي و ميشكيش و تلقاي واحد الدراهم للرقبة
و على النهار و هو يشكي ههههه كي شغل يطير في العين .... و الغريب في الامر يتلاقاو الزوز
الفقير ضاري ساكت و مبلع و الغني يشكي و يبكي و الله غريبة كرة القدم ههههه

ربي يهدينا أجمعين و بارك الله فيك على الموضوع​
 
سلاموووو
شعب موسوس بزاااف
ولا كي يروح يدير زيارة يدي معاه (ديسار + باتسري + قرعة جي + دجاج ...الخ :))
واهل دار كي متجبلهمش حاجة يبداو في هدرة عليك
ياخي ناس هو جاي يضرب طلة وعلى اخباركم ونتوما تمنشرو فيه
ربي يحفظ حياة الزوالي ديما فرحان بلقليل وديما شاكر ربي على وش عطاه مهم كان
وربي يهديهم هادو ناس لي يحبو يتكبرو ويزوخو

وهذا سيد وش حكايتو
حابها تموت بسيف يالطيف ويشوف احوال مرتو خخخخ شعب مقود الى درجة تمهبيل :p
دمتم بخير @مشاغب ;)
وعليكم السلام ورحمة الله وبركاته
هههه وي بصح مفهمتش علاش التخمام هدا كامل هداك الشي الي يديهه معاه غير للناس الأغنياء يا أخي
البقية قرعة جو يجيبلك باط تع ألف ويستخصرو فيك ههه
ايه المشكل فلاباز كامل كل واحد يفكر تفكير يعيي من كل الجوانب ربي يعافينا على كل حال
تاني كي تلقى ناس يميزو ناس عليك تزعف و هكا
والمشكل وين راح فالأساس هو الزيارة وصلة الرحم مش البنان والتفاح
الله يعافينا على كل حال

أما حكاية السيد والله مافهمت علاش قاللها هكاك شغل موتي نتهناو منك الله يهدينا يا رب
شكرا على المروور^^
 
ههه، الله لاتربحو ليقال للمريضة سلمي على الزوجه كي تموتي واااااش هذا معندوووش قلب ،أصلا المرأة ضعيفة وتقلق من كلمه كيما هاذي ،علابالي تقولولي رانا كامل نموتو راني عاارفه ،بصح إذا زرت مريض أولا إدعيلو بااش يبرى وثاني حاجة خفف الزياااارة .
شفتي كيفاش ختييي ,, تشوفي العجب فهاد العباد كواارث ,, وي كامل نموتوا بصح مشي هكا تروح تقول لواحد هكا أزرب موت والله كارثة
بارك الله فيك أختي على المرور الحلو
:p​
 
مساء الخير غاليتي
موضوعك قمة والله جبتيها سوا سوا في الشبكة
هاذي لي قالك فلان يزيد الماء للبحر والا يزيد الحطب للنار ،، لي عندو لاباس بيه يزيدولو ويقيموه واللي ماعندوش يكمل عليه قطرة الماء ويحسدوه فيها
والله كاين ناس يروحو يطلو على مريض فقير كي تسقسيهم واش احوالو يقولولك واش بيه لراه كل خير قدامو راه خير مني انا البنان وماكليتوش وهو كلاه :cautious::censored:
بالصح سيدهم الغني لوكان ينحيو جلودهم ويمدولهم ،، عبدة المادة ربي يجيرنا منهم
ربي يبعد عليك وعلينا هاذ الشاكلات
:confused:
مساء النور حبيبتي
الله يحفظك أختي أنتي الي رايك فالصواب هههه
أييوة هادي هي والله كل واحد عاد يحوس على مصلحته دوك
ميهمهمش
ايييه تطرقتي أختي لفكرة مليحة تع المريض الفقير وشبيه والو مابيه ههههه كون يلقاوه فالكومة يقولو لباس عليه راهو فاتح عين وعين برك شوية حمرة هدا مكان شوية مشوه برك

وآخر غني يتجرح شوي ييااااه يطلو عليه وراه في حالة هههههههه الله يهدينا ويعافينا يا رب
آمين أختي وإياك ربي يحفظك الزينة:giggle:
 
السلام عليكم
خالتي الطاوس حكاية الاغلبية انتاع الناس الي يعيشوا بالوجوه مع الغني يحمار و يصفار و يسلف و يتكلف و ميتهناش و يقول قليل في العرضة ولا الهدية و لا الزيارة و مع الفقير هات الرخيس بزايد عليه معنديش و راني.مديون و يقعد مرتاح و متكسل كيلي ادا لو.مال.الدنيا و ربي سبحانه راه.يشوف فيه ساخط عليه.فشر عباد الله من أكرم الغني و أهان الفقير.با حليلهم الناس وين يروحو.بافعايلهم الدنيا بللجوه و الاخرة بالفعايل.

وعليكم السلام ورحمة الله وبركاته
أهلا أختي ملينا صح واعرة بزاف تلقاي الناس تمشي كيما هكا بالوجوه بالدراهم وين يكونو هوما يكونوا شغل مغناطيس
صدقتي عزيزتي الدنيا بالوجوه والآخرة بالفعايل .. الحمد لله إن الله ينظر إلى قلوبنا ولا ينظر لنا إن كنا أغنياء أو فقراء ووو
الله يحفظك أختي بارك الله فيك أسعدني مرورك (y)
:giggle:
 
للاسف الشديد واقع مر أختي لعزيزة .... فكرتيني في واحد الحاجة تشبه شوية لموضوعك
تلقاي واحد فقير و مهموم و ربي يعلم بيه ساكت و حامد ربي و ميشكيش و تلقاي واحد الدراهم للرقبة
و على النهار و هو يشكي ههههه كي شغل يطير في العين .... و الغريب في الامر يتلاقاو الزوز
الفقير ضاري ساكت و مبلع و الغني يشكي و يبكي و الله غريبة كرة القدم ههههه

ربي يهدينا أجمعين و بارك الله فيك على الموضوع​
السلام عليكم ورحمة الله وبركاته
صح واقع يعيي صح ربي يهدينا ويعافينا إن شاء الله يتوعى شوية هذا المجتمع
وييي صح بيسك كل ماكان الإنسان في محنة يتفكر ربي سبحانه
الله إذا مال عباده الذين يحبهم ابتلاهم ليستقيموا
أما الغني مايقدر يحس بوالو قليييل الي يحسوا و يعرفوا مسؤولية وش رافدين أنهم لازم عليهم هدو الدراهم يصرفوهم فوش راح ينفعهم فالآخرة
مش يحرقوهم فالأكل والشرب وو
علابيها الغني تقيسو حاجة يهبل
أما الفقير يبقى دايما حامد ربي ويعرف لكل نعمة عندو
الله يهدينا يا رب,,ويثبتنا
وفيك بارك الله ,, جزاك الله خيرا على المرور
 
صدام بكل فخر، تم حظره "حظر دائم". السبب: سب وقذف وتهديد والتطاول على الإدارة بألفاظ نابية، والتحريض ضدها سواء في المنتدى أو في الشبكات الإجتماعية. تم التنبيه مرارًا وتكرارًا ولكن دون جدوى.
و الله أختي فكرتيني في حكاية واقعية صرالتي انا شخصيا ... في الباك تاعي عندي خالي أستاذ
نجحت في الباك تصوري أختي لعزيزة واش جابلي هدية جابلي كادر تهنئة هههه متسواش 100 دج
ايا ملعليش بعدها خرجت النتيجة تاع الbem و نجحت بنت خالتي ( عندهم الدراهم مساكن ههه )
نفس الخال تصوري واش هدالها ... هدالها أيفـــــــون ... مع العلم فرق كبير مابين الباك و البييام
و فرق كبير بين الذكر و الأنثى و فرق تاني في المستوى المادي الحمدلله على كل حال و ربي يزيد الي عندهم
مي هنا تشوفي التخمام تاع الناس كيف ما قلتي انتي
مي صراحة هههه الهدية تاعو لضرك راني مخبيها من ال 2012 ضرك راني متخرج و الحمدلله
ولدو العام جاي يعقب باكالوريا ربي ينجحوا باذن الله نعطيه الهدية تاع باباه ( مش مكرة للعبرة برك )
 
و الله أختي فكرتيني في حكاية واقعية صرالتي انا شخصيا ... في الباك تاعي عندي خالي أستاذ
نجحت في الباك تصوري أختي لعزيزة واش جابلي هدية جابلي كادر تهنئة هههه متسواش 100 دج
ايا ملعليش بعدها خرجت النتيجة تاع الbem و نجحت بنت خالتي ( عندهم الدراهم مساكن ههه )
نفس الخال تصوري واش هدالها ... هدالها أيفـــــــون ... مع العلم فرق كبير مابين الباك و البييام
و فرق كبير بين الذكر و الأنثى و فرق تاني في المستوى المادي الحمدلله على كل حال و ربي يزيد الي عندهم
مي هنا تشوفي التخمام تاع الناس كيف ما قلتي انتي
مي صراحة هههه الهدية تاعو لضرك راني مخبيها من ال 2012 ضرك راني متخرج و الحمدلله
ولدو العام جاي يعقب باكالوريا ربي ينجحوا باذن الله نعطيه الهدية تاع باباه ( مش مكرة للعبرة برك )
هههههههههههههه صح والله كاين هدو الفئات بزاف
منهم حكايتك هادي والله كارثة كادر ياخاه والأخرى أيفون يعني عنصرية من الدرجة الأولى
الله يهدينا يا رب
هههههههه كنت رايحة نقوللك أهديها لإبنه أووووو يقول خالك هدا مزال شادهالي لدوك ههههه
بصح والله كارثة صح الله يهدينا ويعافينا يا رب
بورك فيك على المرور والنشاط
 
السلام عليكم ورحمة الله وبركاته

بعد لعباد هذو مرات تقعد معاهم يحكولك على عباد أخرين جاو عندهم ضياف ويقولولك واش جابو في يدهم ويستغربو ويقولولك استخسرو فينا يجيبولنا كذا وكذا !! ياخوتي سخفتو على ديك الكذا وكذا روحو اشريو لاه تسناو الضيف يجيبلكم !! مبعد تفهم بعد بلي رح يحكو بيك مع ناس أخرين ويقولو فلانة جات وجابت في يدها كذا وكذا ويا درا واش شافوك استخسرتي فيهم ! والمشكل أنهم هوما كي يروحو يضيفو معروفين يضيفو بقرعة جي ما تفوتش 100 دج ! وطامعين في الناس يجو يضسفو عندهم بما مقدارو فوق 1000 دج !!

والله لبنادم عاد باه يروح طريق عند شي واحد يسنى حتى يخلص ويطلع حسابو على خاطر ما جاتش تدخل بيدك كي شغل رايح بوجهك وتاني الناس عادت ما تتقبلش الشي الرمزي وما تفرحش بيك ع قد ما تفرح بالساشي لي جبتيه !

كي تدخل وتمدلهم الشي لي جبتيه يقولولك اوو علاع كلفتي روحم وجيتي برك هكاك لاه جاية عند البراني ! وكون جيتي هكاك يبشعو بيك بين لجناس !

هذي وحدة جات عندها بنتها وراجل بنتها مالا جابو في يدهم قالتلهم اوو لاماه عليكم جايبين جيتو برك لاه جايين عند البرانية هيا نطق راجل بنتها قاللها انا او قلتلها خلي برك ما نشريو والو لاماه علينا وهي ما حبتليش ! المهم بشعت بيه بين لجناس بلي او كان ناوي يجي بيدو فارغ وبنتي لي ما حبتش :ROFLMAO:

هيا مغسي ع الموضوع.
 
و الله أختي فكرتيني في حكاية واقعية صرالتي انا شخصيا ... في الباك تاعي عندي خالي أستاذ
نجحت في الباك تصوري أختي لعزيزة واش جابلي هدية جابلي كادر تهنئة هههه متسواش 100 دج
مي صراحة هههه الهدية تاعو لضرك راني مخبيها من ال 2012 ضرك راني متخرج و الحمدلله
ولدو العام جاي يعقب باكالوريا ربي ينجحوا باذن الله نعطيه الهدية تاع باباه ( مش مكرة للعبرة برك )
@صدام بكل فخر ههههههههههههه هذا إنتقام يا صدام إنتقام ، الوديعة اللي خلاها عندك خالك راح ترجعها لو كنت مكانك أعيدها وأضيف له واحدة أخرى ..صدقة جارية :p حتّي يحس خالك بالعبرة عبرتين :geek:
جمعتك مباركة
 
السلام عليكم ورحمة الله وبركاته

بعد لعباد هذو مرات تقعد معاهم يحكولك على عباد أخرين جاو عندهم ضياف ويقولولك واش جابو في يدهم ويستغربو ويقولولك استخسرو فينا يجيبولنا كذا وكذا !! ياخوتي سخفتو على ديك الكذا وكذا روحو اشريو لاه تسناو الضيف يجيبلكم !! مبعد تفهم بعد بلي رح يحكو بيك مع ناس أخرين ويقولو فلانة جات وجابت في يدها كذا وكذا ويا درا واش شافوك استخسرتي فيهم ! والمشكل أنهم هوما كي يروحو يضيفو معروفين يضيفو بقرعة جي ما تفوتش 100 دج ! وطامعين في الناس يجو يضسفو عندهم بما مقدارو فوق 1000 دج !!

والله لبنادم عاد باه يروح طريق عند شي واحد يسنى حتى يخلص ويطلع حسابو على خاطر ما جاتش تدخل بيدك كي شغل رايح بوجهك وتاني الناس عادت ما تتقبلش الشي الرمزي وما تفرحش بيك ع قد ما تفرح بالساشي لي جبتيه !

كي تدخل وتمدلهم الشي لي جبتيه يقولولك اوو علاع كلفتي روحم وجيتي برك هكاك لاه جاية عند البراني ! وكون جيتي هكاك يبشعو بيك بين لجناس !

هذي وحدة جات عندها بنتها وراجل بنتها مالا جابو في يدهم قالتلهم اوو لاماه عليكم جايبين جيتو برك لاه جايين عند البرانية هيا نطق راجل بنتها قاللها انا او قلتلها خلي برك ما نشريو والو لاماه علينا وهي ما حبتليش ! المهم بشعت بيه بين لجناس بلي او كان ناوي يجي بيدو فارغ وبنتي لي ما حبتش :ROFLMAO:

هيا مغسي ع الموضوع.
وعليكم السلام ورحمة الله وبركاته
أهلا بيك أختي نور
ههههه أسكتي برك هدوك بعد العباد راهم ميتعاشروش
تع يحكولك على الناس ويزيدو يحكو عليك
وزيد كاينة تع كيما تلقاي ناس عنصريين ها نتي يعاملو فيك من فوق لفوق وناس وحدوخرين يعاملو فيهم معاملة الأمراء تغيضك
من المفروض كلش يكون خفيف والتعامل يكون مع الناس كامل بخفة والي تقدر عليه ديرو بدون تكليف ..
كيما قلتي ولينا حتى تسلكي الشهرية بش تزوري الناس هههه
علابيها فالأعياد برك ولينا نتلاقاو
ههههههههه عجبتني حكايتك هادي والله مسكين الراجل عبالك بيسك الرجال كلش عندهم نورمال ميقلقوش روحهم ومعندهمش ديك الفهامة تع النقص .. عقلية باهية
بصح النسا كيما تديري معاهم متسلكيش
النسا واعراااات بزاف متقدريلهومش ههه
حتى فالعرضة مثلا يقولو لوحدة كولي كولي تقوللهم لالا شبعانة وهي في قلبهاااا هههه تحوس على هداك القاطو الي منهيك هههه ومسكينة تبقالها حرقة في قلبها علاش ماحاولوهاش
تلقايها تحب بزاف تحاوليها تقوليلها والله تاكليي تعيييشي كولي يرحم والديك هههه

ايه والله نحكيلك هادي برك هههه
هادي وحدة فالخطبة تعها ههه قالولها أهل العريس تخيلي وهي قاعدة هكاك كيما أي عروس تبقى عاقلة ومتحكيش بزاف
قالولها علاش ماعرضتيناش ههههههه

قالتلي تخيليني نقوللهم والله تاكلووو الله يستركممم ههههه تخيلي عروسة هكا هههه
كااارثة
الله يعافينا يا رب ويهدي هدي الأمة

بارك الله فيك أختي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top