- الأوسمة
- 1
صحا فطوركم اهل اللمه وصحا صحوركم مقدما
انا ليوم حبيت نشارك في مسابقة مهبول ومهبوله
ههههههه ونحكيلكم قصتي مع التحول وواش دار فيا
كيما تعرفو علابالكم الطفلة في الدار يلاحظوها بزاف في كبيره وصغيره وخصوصا إذا خرجت برا مع صحاباتها ولا راحت تقرى وطولت ١٠دقايق برك تلقاهم دايرين حاله ويقولو وين راحت هاذي الطفله
وكي تروح تلقاهم يستناو فيها عند الباب ويبداو المحاضرات نتاوعهم
وين كنتي ياك تخرجي من المدرسه على ١٢ونورمالمو توصلي وعشره
علاه وصلتي غير عشرين
ولا خرجت مع صحاباتها نفس الشي
انا جا النهار لي كرهت وبديت نعيط ونقولهوم علاه تحرزوني في كلش خويا سليم يروح على ١٢نتاع الليل ويدير واش يحب وانا تحاسبوني على كل صغيره وكبير ههههه وبديت نعيط ونقول كوغار جيت راجل واحد مايحوس عليا وهدرتها ثلاث خطرات ومالغش هاداك رحت نرقد
وغدوا صباح نضت عادي وكي فطنت صبت روحي في شومبرت خويا سليم وراقده في فراشو انا ستغربت وقلت بالاك البارح كي كنت متغشه خلطت في شنابر وجيت رقدت لهنا
رحت لدوش نغسل وجهي وشفت في لمري ههه. وتأتي المفاجأه الكبرا شرين ولات سليم أي وليت راجل بقيت ٥دقايق وانا نشوف في لمري ونحك في عينيه ونضرب في روحي بالكفوف وكي تأكدت بلي هدا صح ماشي كدب نضت نعيط ماما جات تجري وقاتلي وشبيك سليم وشبيييك قلتلها آآآآه ه ه سليييم م م م ما ااا ببياا واااوااا لوو
رحت ومنبعدتفكرت كي انا وليت سليم سليم وين راح فجأة خبطت في راسي ورحت نجري لغرفتي لي كانت غرفتي ولقيت واحد راقد في سريري وهزيت لغطا ونلقا سليم ولا شيرين فجأه فطن وبدا يعيط عليا ويقولي وشبيك سليم اخرج خليني نرقد ولي كان محيرني انو اكل كانت جايتهم عادي حتى سليم لي ولا انا .
ومن بعد رحت لغرفة سليم وبديت نقول ييي تقوحولت وشوي هكدا بديت نضحك ههههههههه ونفرح والنط قوق السرير ونقول وااااي واخيرا وليت راجل وواحد مايصرف فيا
رحت لبست قش سليم وهزيت تيليفونو الله الله ودرت الجال وظربتها بتسريحه شابه ومن بعد جيت نفرز الشومبرا بصح تفكرت بلي انا سليم ضحكت الضحكه الصفرا وخليتها
فوضه ومنبعد رحت للكوزينه لقيت ماما وجدت لفطور وكيشافتني قاتلي اوووه ليوم راك حطا واقيلا روح نخطبلك انا حشمت ونضت نضحك ههههه وقلتلها مازال الحال ماما
وماما بقات التشوف فيا ومستغربه قلتلها واشبيك قاتل اولا ماكش مالف تقولي ماما مالف تقولي لعجوز ثانيا انا كي نجبدلك على الزوا ج تشبع فرح وتقولي من غدوا شوفيلي وحده
اناغطيت على الموضوع وقلتلها نبدلو شوي علاه ديما نقعدو في نفس الريتم . ومنبعد رحت للجاميعه نتاع خويا وجاو ليا صحابي لي هوما صحاب خويا يقولولي صباح الخير ودخلنا للمحاضره وانا كي قعدت فوق الكرسي البروفيسورقالي سليم برا
قتلو علاه قالي كي تتربا ادخل للمحاضره نتاعي ونشوف في صحابي يتغامزو ويضحكو ويقولو ضرك تشوف سليم واش يدير للبروفيسور انا ما فهمت فيها والو وقل اكي راني خارج وكي خرجت حتى لبروفيسور قعد يستغرب فيا
وكي خلاصت المحاضره جاو صحابي واحد فيهم مسني على جبيني وبداو يسقسيو سليم راك مريض يخي مابيك والو هههه وانا علامة الإستفهان في وجهي قلتلهم مابيا والو علاه؟ قالولي مالف لبروفيسور يقلك اخرج ونتا تقلبلو الهدرة وتعيط ومتخرجش وتغلبو للبرفيسور وليوم خرجت عادي هههه حكيت راسي وعاودت ضحكت الضحكه الصفراه وقلتلهم معليش علابالي واش راني ندير فجأه جاراجل ضخم وكبير وكيشافو واحد من صحابي قالي ييي سليم راهو جا هاداك هيا نهربو نطق واحد اخر متهربوش ياك سليم مالف يدبر راسو معاه وانا يا حليلي ماني فاهما والو وكي لحق الراجل بدا يعيط ويقول وين راهم دراهمي لي سرقتوهم ضرك الجيبوهم ونشوف في صحابي يضحكو ويتغامزو ثاني وقولو ضوركا سليم يمرمد بيه الارض وانا غير قدم ليا وراح يضربني علاجال دراهمو بديت نبكي ونقول غدوا نجيبهملك غدوا نجيبهملك صحابي حارو ومن الخلعه هربو
وخلاوني وحد ي نبكي ونحاولي فيهاداك الراجل فجأه سمعت صوت شيرين شيرين نوضي نضت نلقاماما قدامي ومنبعد قاعدت نشوف في روحي ورحت نجري للمري لقيت روحي وليت كيما كنت ومتحولتش
وبديت نفرح ونضحك ونعيط ونقول
ههههههههه
الحمدلله كي خلقني ربي طفله
هههههه وماما قاعده مستغربه وتشوف فيا وتقول واقيلا هادي الطفله هبلت
هههههههههههه
هذه هي قصتي مع التحول
