ياصاحبي وعلاه ....؟

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
بسم الله والصلاة على رسول الله
السلام عليكم خاوتي اهل اللمة الجزائرية الكرام
عندي مدة ما فرغتش قلبي اليوم حبيت نفرغ شويا من شي وجعني قد السماء
اليوم صباحا خرجت من دارنا باش نفوت على المسبح النصف الاولمبي عندنا هنا في البلاد بغرض نسقسي على
الاشتراك والمسبح هذا يعني مجاور لمركز اعادة التربية او بالاحرى السجن الموجود في المدينة نتاعنا
وهناك كانت لمة كبيرة يعني فهمت من خلال السيارات اللي داخلة وخارجة انو يوم الزيارات نتاع المساجين
ياسيدي رحت لقيت المسبح مغلق دهميت الحانوت نتاع وليد عمي شريت شويا خبز وصوالح للدار وعاودت رجعت
المهم وانا فايت على الناس حبستني مرا ووليدها الصغير المراة تكون وحد 60 سنة والطفيل وحد 14 سنة هكاك
فتت عليهم وشفتها قاعدة تحدق فيا وفهمت انو تحوس على حاجة مي حشمت نحكي معاها حتى اقتربت ليها نطق الطفل الصغير قالي
خويا اعطيلي شويا خبز ومن بعدها الام كذالك قالت نفس الشي {غي شويا خبز }
رحت ليها ديتلها الخبز قتلها ميمتي هاكي واش تحتاجي نحت الطرف نتاع الخبز وقاتلي صحيت
انا من هذا المشهد كاامل ماغاضتنيش لا الخبز لا طلب الخبز الشي اللي غاضني هو هذاك السيد اللي قاعد في الحبس وامو
المسكينة تحت الشمس قاعدة تستنى في فرصة الزيارة نتاعو
والله والله ثلاثا لوكان يشوف الوجه نتاع يماه وهي قاعدة تحت الشمس تستنى فيه وهي جيعانة عطشانة
وهو تحت ظل السجن ماعلابالوش بالاك بيها علاه ا صاحبي وعلاه دمر في حياتك وحياة ناسك ممكن بجريمة
ممكن بجنحة ممكن انت بريء هذاك بينك وبين ربك لكن نحكي على فئة من الناس اللي راهم في السجن بسبب التهور
بسبب الضعف علاه حتى تخلي ناسك واهلك يتحيرو عليك داخل السجن
بالاك يماك قلبها محروق عليك كل يوم تقول وليدي بالاك راهو شاهي ماكلة يدي بالاك وليد نفحتلو في الطعام والمسفوف
بالاك يماك حاباتك تجيبلها حاجة تفرحها بيها مي انت مافرحتهاش حتى بشوفتك
بالاك انت في سجن بعيد على داركم وشفتهم كاينين حتى من ولايات بعيدة جايين غير على جال زوج دقايق هذوك
والله حراام مكانش قد اهلك الواحد راهو يروح للجامعة ساعات ولا يروح يحوس ويماه وخاوتو يتحيرو عليه فمابالك مع المساجين والمجرمين
علاه تورط في روحك على جال ربح سريع او شهوة انتقام تخلي جزء من حياتك يروح
كاين شي ناس راهي تندم على اسبوع راح من حياتها في لعب فمابالك انت اللي محكوم عليك بعامين او اكثر
علاه ا خويا علاه ربي يفرج على كل مسجون بريء وربي يهدي كل مسجون غلط بدون عمد بالاك شهوة داتو بالاك غضب وصلو
لكن ديما ديما الضحية ماهوش المسجون لكن الضحية هوما اهلو واحبابو اللي كل يوم يتحرقو عليه
وحد النهار ثاني في النهارات اللي كانت جداتي مريضة وكانت في الاستعجالات رحت ليها نشوفها حتى نصيب شرطة السجن
في الاستعجالات ونشوف هذاك الانسان نتيج بابا في العمر دايريلو الصروم مريض في فراش المرض غبنة السجن وزيدلها غبة المرض
ياخويا لوكان اهلك دايرين بيك احسن من هذوك الشرطة اللي ماشي خايفين على مرضك ولا خايفين يخسروك وتموت مي خافين على هروبك وهذي واش تسوى ياخويا في حياة البنادم كبيرة كبيرة اخويا وتجرح سلام.
 

يزيد 05

:: عضو مُتميز ::
إنضم
10 جوان 2011
المشاركات
920
النقاط
551
محل الإقامة
Batna
الجنس
ذكر
صحيت خويا بصح شكون يسمع راه واحد الوقت رانا فيه والجيل هذا لقاو الراحه والماكله والشراب في ديارهم وفالحباس رايحين يطيرو
قلوبهم حجر يهلك روحو و يهلك عايلتو معاه
وانا لي نحير فيهم الناس لي كبار فالعمر سبحان الله يتعجب الواحد واش كاين في راسو عقل ولا مانعرف
ربي يهدي ما خلق
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
صحيت خويا بصح شكون يسمع راه واحد الوقت رانا فيه والجيل هذا لقاو الراحه والماكله والشراب في ديارهم وفالحباس رايحين يطيرو
قلوبهم حجر يهلك روحو و يهلك عايلتو معاه
وانا لي نحير فيهم الناس لي كبار فالعمر سبحان الله يتعجب الواحد واش كاين في راسو عقل ولا مانعرف
ربي يهدي ما خلق
اهلا بيك خويا هيالله لا يبلي مومن بالحبس لكن اغلب المساجين ماهمش يشوفو حالة العائلات نتاوعهم
يعني ام في سن كبيرة نورمالمون تحت الكليماتيزور مي هي تحت الشمس تستنى باش تشوف
وليدها وتفرح بشوفتووهو بالاك ماعلابالوش اصلا لكن ممكن هته الرسائل تخلي البعض منهم يفيق
على روحو ويرجع للطريق لانو صعيبة بزااف تقيس البنادم في عايلتو ممكن هو ما يحسش كي يتهان في السجن لكن لما يتهان العايلة نتاعو
في الانتظار وقدام السجون ثم يعرف حق ربي وين شكرا خويا يزيد
 

يزيد 05

:: عضو مُتميز ::
إنضم
10 جوان 2011
المشاركات
920
النقاط
551
محل الإقامة
Batna
الجنس
ذكر
اهلا بيك خويا هيالله لا يبلي مومن بالحبس لكن اغلب المساجين ماهمش يشوفو حالة العائلات نتاوعهم
يعني ام في سن كبيرة نورمالمون تحت الكليماتيزور مي هي تحت الشمس تستنى باش تشوف
وليدها وتفرح بشوفتووهو بالاك ماعلابالوش اصلا لكن ممكن هته الرسائل تخلي البعض منهم يفيق
على روحو ويرجع للطريق لانو صعيبة بزااف تقيس البنادم في عايلتو ممكن هو ما يحسش كي يتهان في السجن لكن لما يتهان العايلة نتاعو
في الانتظار وقدام السجون ثم يعرف حق ربي وين شكرا خويا يزيد
صحيح اخي كما قلت الانسان لازم دايما يعيد ويعيد الكلام فهكذا حالات راك ذكرت حاله تنفطر لها القلوب لعلهم يقراو ويتعضو منها وتكون سبب فهدايتهم
ربي يبارك فيك
 

prince of love

:: عضو فعّال ::
إنضم
30 أكتوبر 2011
المشاركات
1,715
النقاط
71
الغلطة دقيقة والندامة اعوام .. المشكل انو الواحد كي يكون في طريق ماشي مليحة ما يديرش في بالو انو الوالدين يتقاسو اكثر من نتائج الطريق لي نمشيو عليها
و هي اصلا لي دير عفسة توصلو للحبس وما يخممش في والديه ما راحش يخمم في امو كي تكون في موقف كيما لي حكيت عليها ..
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
الغلطة دقيقة والندامة اعوام .. المشكل انو الواحد كي يكون في طريق ماشي مليحة ما يديرش في بالو انو الوالدين يتقاسو اكثر من نتائج الطريق لي نمشيو عليها
و هي اصلا لي دير عفسة توصلو للحبس وما يخممش في والديه ما راحش يخمم في امو كي تكون في موقف كيما لي حكيت عليها ..
ايه ياخويا كلامك كبير كبير الغلطة دقيقة والندامة اعوام
والله مشهد تشمئز ليه كل القلوب الحية الام نتاعك تقبل تربيك معوق لعشرين سنة وما تقبلش تشوفك في الحبس نهارين
لانو صعيب يشيرولها الناس بالاصابع ويقولوها وليدها محابسي وهذي واش تسوى ربي يهديهم ان شااء الله ويرجعو للطريق المستقيم
 

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
12,663
النقاط
2,061
محل الإقامة
الجزائر الحبيبة
ربي يحفظك حبيبي حكيييم
واش نقول كلش اللي في القلب قلته
ليش هاذ العجلة و الاستعجال في أخذ قرارات إرتجالية نهايتها سجن
و مأسات للأهل
نعرف واحد في قريتنا كنت نلقاه دايما مخمور
مشكلته لما يسكر يتشاجر مع الناس و كل ما كان يلقاني يوصيني بأولاده
و يقول لي رحمة على والديك كاش ما يصرالي تهلا في اولادي
المهم ذات يوم سكر و كان في السيارة وقع خلاف بينه و بين صاحب دراجة نارية
و في حالة سكر راح يطارد فيه و ضربه بالسيارة و قتله
حكموه و راه في السجن و تارك زوجة صغيرة و أولاد ضعاف و الله مصفارين
تحس أنه من الداخل مدمرين و ما همش عايشين

لا إله إلا الله
الله يهدي شبابنا
بارك الله فيك حبيبي حكيييم
 
  • أعجبني
التفاعلات: Hakan

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
ربي يحفظك حبيبي حكيييم
واش نقول كلش اللي في القلب قلته
ليش هاذ العجلة و الاستعجال في أخذ قرارات إرتجالية نهايتها سجن
و مأسات للأهل
نعرف واحد في قريتنا كنت نلقاه دايما مخمور
مشكلته لما يسكر يتشاجر مع الناس و كل ما كان يلقاني يوصيني بأولاده
و يقول لي رحمة على والديك كاش ما يصرالي تهلا في اولادي
المهم ذات يوم سكر و كان في السيارة وقع خلاف بينه و بين صاحب دراجة نارية
و في حالة سكر راح يطارد فيه و ضربه بالسيارة و قتله
حكموه و راه في السجن و تارك زوجة صغيرة و أولاد ضعاف و الله مصفارين
تحس أنه من الداخل مدمرين و ما همش عايشين

لا إله إلا الله
الله يهدي شبابنا
بارك الله فيك حبيبي حكيييم
اهلا بيك خويا محمد
والله عدد السيارات اللي كانت مركونة يعلم بيه ربي
واغلب مقاعد السيارات كانت ممتلئة يعني يدل على تعلق الناس هذو بهذا السجين
وحابين يشوفوه لكن هيهيات يشوفو هذا المنظر في الحقيقة كنت حبيت عوض انو نجيب لهذو الناس اطباء نفسنيين
او معلمين او او روح صورلهم حالة الناس برا وهوما يستناو في هذيك الزيارة البسيطة
وخليهم يتفرجو راحين يعرفو قيمة وجودهم مع اهاليهم
ربي يفرج على كل مسجون ويهديهم ان شااء الله
 

لاريمان

:: نجمة اللمة ::
إنضم
20 ماي 2016
المشاركات
1,715
النقاط
421
الجنس
أنثى
سبحان الله اليوم صرالي تقريبا نفس المشهد
احنا عندنا رايحين يحاكموهم واهاليهم مقابلين المحكمة
والله يغيضو منرف لراهم حاسين باهاليهم ومعاناتهم ولالا ربي يفرج عليهم
 
  • أعجبني
التفاعلات: Hakan

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,312
النقاط
821
محل الإقامة
الشرق-الوسط
الجنس
أنثى
وعليكم السلام ورحمة الله وبركاته
الوالدين صعاب بزاف
وكي يديرولهم ولادهم هك يتقاسو وينضرو بزاف
سورتو لي يهلك في روحو بيدو
تخيلت موقف هاذ المرا مسكينة ربي يكون في عونها
جارتنا تاني ابنها تهور وباع السموم هاذيك حكمو عليه بعشر سنين والديه عادو يهبطو راسهم كي يمشيو قدام الناس كان لاباس بيه الشيطان غواه ربي يهديهم ويكون في عون كل مومن .
(البارح وصلت وين البلاكة تاع عين وسارة ايا قلت خويا حكيم يعود هنا خخخخ )
تقبل مروري
 
  • أعجبني
التفاعلات: Hakan

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
سبحان الله اليوم صرالي تقريبا نفس المشهد
احنا عندنا رايحين يحاكموهم واهاليهم مقابلين المحكمة
والله يغيضو منرف لراهم حاسين باهاليهم ومعاناتهم ولالا ربي يفرج عليهم
اهلا بيك ختي لاريمان والله المشاهد حقيقة مؤلمة
ممكن مايغيضكش المحابسي لكن يغيضوك اهل هذا الانسان
والسؤال اسكو هذا الانسان شايف هذي المعاناة ولا راهو يحسب اهلو غي يوصلو يدخلو
يشوفوه وقيلا عند بالو يماه غي يحكمها الليل ترقد
او زوجتو او انسان يحبو ماهوش مهني عليه مع ممكن بعض الوحوش البشرية ربي يهدي ما خلق ...
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
وعليكم السلام ورحمة الله وبركاته
الوالدين صعاب بزاف
وكي يديرولهم ولادهم هك يتقاسو وينضرو بزاف
سورتو لي يهلك في روحو بيدو
تخيلت موقف هاذ المرا مسكينة ربي يكون في عونها
جارتنا تاني ابنها تهور وباع السموم هاذيك حكمو عليه بعشر سنين والديه عادو يهبطو راسهم كي يمشيو قدام الناس كان لاباس بيه الشيطان غواه ربي يهديهم ويكون في عون كل مومن .
(البارح وصلت وين البلاكة تاع عين وسارة ايا قلت خويا حكيم يعود هنا خخخخ )
تقبل مروري
شفتي يااختي التهور واش يدير ضركا عشر سنين راحو من حياتو علاه حتى يوصل روحو واهلو
كيفاش رايحين يعيشو خلال هذي المدة كااملة وكيفاش الناس رايحين يعاشروهم
اسئلة جد صعبة اسكو رايح يطرحها هذا البنادم ربي يهدي ويحمي الشباب اجمعين
{جيتي لوسارة ولا غي البلاكة نتاع وسارة 100 كلم ههه الا جيتي هاراكي لازم تعتاذري بيسك ماخبرتيناش باش نستقبلوك
واذا بعيدة نتمناو تزورينا قريبا... ربي يهنيك }
 

Salah eddin

:: عضو شرفي ::
إنضم
27 جانفي 2016
المشاركات
10,188
النقاط
1,886
محل الإقامة
الجلفة
الجنس
ذكر
السلام عليكم
و الله يا خويا حكيم ق يقضيك الحال كي تشوف ناس كبار و صقار و شيوخ و عزايج يستناو تحت السمش تاع القايلة هذي
و الصهد و سيدي عبيد الله و السيد عاملها و متكسل في الحبس
لا اله الا الله
و الله نحير .. هذاك المظلوم الله يفرج عليه
رانا نهدرو على الناس الي طايبين في الاحباس
يدخل عام و يخرج عام
هذاك الي ما خافش ربي في والديه و خاوتو و بهدلهم مع القواشي
الله لا تربحهم هذو الي يخرجو والديهم في القوايل و يبهدلوهم بالوقفة عند الاحباس
و الله يطلق سراح كل مظلوم و يغر لكل مخطئ...
شكرا خويا حكيم على الموضوع
 
  • أعجبني
التفاعلات: Hakan

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
السلام عليكم
و الله يا خويا حكيم ق يقضيك الحال كي تشوف ناس كبار و صقار و شيوخ و عزايج يستناو تحت السمش تاع القايلة هذي
و الصهد و سيدي عبيد الله و السيد عاملها و متكسل في الحبس
لا اله الا الله
و الله نحير .. هذاك المظلوم الله يفرج عليه
رانا نهدرو على الناس الي طايبين في الاحباس
يدخل عام و يخرج عام
هذاك الي ما خافش ربي في والديه و خاوتو و بهدلهم مع القواشي
الله لا تربحهم هذو الي يخرجو والديهم في القوايل و يبهدلوهم بالوقفة عند الاحباس
و الله يطلق سراح كل مظلوم و يغر لكل مخطئ...
شكرا خويا حكيم على الموضوع
اهلا خويي صلاح راك شفت بالاك رحت السجن نتاع سونميزو ذوبالاك شفت السجن نتاعنا
والله يالكرارس دايرين رايهم هذي عايلة تدخل هذي عايلة تخرج
شيخ كبير يستنى عزوج مسكينة نستنى
والسيد مسطالي ولا علبالو على الاقل يشوف في ماليه
اللي قلوبهم محروقة على جالو وهو لاهم يحزنون
ربي يهدي كل محابسي ويرجعو لطريق الحق ..
 

**laila**

:: عضو فعّال ::
إنضم
4 جوان 2009
المشاركات
2,101
النقاط
111
العمر
31
محل الإقامة
tebessa
الله يهدي الاولاد ويبعد عليهم رفقاء السوء
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
الله يهدي الاولاد ويبعد عليهم رفقاء السوء
آمين ويبعد عليهم الغضب وقلة الوعي ويبصرهم بالعلم النافع
ويفرج على كل مظلوم ..
 

ليليا مرام

:: مشرفة ::
منتدى فرغ واش فى قلبك
مجتمع اللمة العام
طاقم المشرفات
إنضم
16 جوان 2009
المشاركات
9,066
النقاط
2,151
محل الإقامة
اللمة
الجنس
أنثى
السلام عليكم
والله يا حكيم قد ما نحكي قليل فالموضوع هذا لكن نفول شي واحد
الدولة من حقها تعاقب اللي غلط سينو بلادنا تولي فوضى لكن راهم يعاقبو فأهاليهم لما المسجون هو من العاصمة ويدو فيه الاغواط شكون يتعذب ذيك الام اللي تبات تمشي فالكار ويا عالم ترجع لدارها والا ما ترجعش تقولو ساهلة ما تروحش اواه لالا الام هذي ذاك المسجون وليدها قلبها يتقطع عليه لما تشوف بلاصتو فالدار فارغة رمضان هو غايب والعيد ولما تمرض تخاف تموت وما تشوفش وليدها من يومين توفات وحدة نعرفوها زوج ولادها وراجلها فالحبس حاولو يجيبو تصريح باه راجلها يخلوه يجي للجنازة لكن المحكمة رفضت وهي كانت ايام تبكي على وليدها واحد الصغير فيهم راه محبوس وماتت مشتاقة وجه ولادها وراجلها وبقات بنتها الوحيدة وحدها خاوتها وباباها فالحبس وامها ماتت هذي لازم يخمم فيها اي واحد يجي يظابز ويغلط اللي يروح للمخدرات اللي يسرق راح هو بيديه يعاقب اهلو ويمرمدهم
يا حسراه اللي حكيتو كلو صح وراني شفتو بعيني وماين امور أسوأ
ربي يطلق سراحهم ويهديهم ويكون مع الامهات ربي معاهم
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
السلام عليكم
والله يا حكيم قد ما نحكي قليل فالموضوع هذا لكن نفول شي واحد
الدولة من حقها تعاقب اللي غلط سينو بلادنا تولي فوضى لكن راهم يعاقبو فأهاليهم لما المسجون هو من العاصمة ويدو فيه الاغواط شكون يتعذب ذيك الام اللي تبات تمشي فالكار ويا عالم ترجع لدارها والا ما ترجعش تقولو ساهلة ما تروحش اواه لالا الام هذي ذاك المسجون وليدها قلبها يتقطع عليه لما تشوف بلاصتو فالدار فارغة رمضان هو غايب والعيد ولما تمرض تخاف تموت وما تشوفش وليدها من يومين توفات وحدة نعرفوها زوج ولادها وراجلها فالحبس حاولو يجيبو تصريح باه راجلها يخلوه يجي للجنازة لكن المحكمة رفضت وهي كانت ايام تبكي على وليدها واحد الصغير فيهم راه محبوس وماتت مشتاقة وجه ولادها وراجلها وبقات بنتها الوحيدة وحدها خاوتها وباباها فالحبس وامها ماتت هذي لازم يخمم فيها اي واحد يجي يظابز ويغلط اللي يروح للمخدرات اللي يسرق راح هو بيديه يعاقب اهلو ويمرمدهم
يا حسراه اللي حكيتو كلو صح وراني شفتو بعيني وماين امور أسوأ
ربي يطلق سراحهم ويهديهم ويكون مع الامهات ربي معاهم
اهلا ختي ليليا والله قطعتيلي قلبي مع هذي العشوة
الدولة من حقها تعاقب كيما قلتي لكن المساجين يحسبو انهم يتعاقبو وحدهم في حين انو الاهل كذالك يتعاقبو ربي يفرج على كل مظلوم ويهدي كل مسجون غلط
.
 

ilina loulou

:: عضو مُشارك ::
إنضم
13 نوفمبر 2014
المشاركات
348
النقاط
13
محل الإقامة
skikda
صراحة خويا نهنيك من قلبي على خاطر راك حكيت على موضوع حساس بزاف و ناس قليلة تفهمو ولاتهدر عليه المهم الدولة راهي تقوم بالواجب تاعها لي يغلط لازم يسلك و كيما قلت نتا لوكان جا يشوف يماه ولا عايلتو كيفاه راهم مايديرش عمايلو هادوك مي الله غالب ماهوش يشوف و كاين عباد مالغري علابالهم مي يديرو الصوالح هادوك و الله تحير واش تهدر و واش تخلي فالدنيا هادي و كيما علابالنا كامل الوالدين حاجة ماتعوضهم و لي يروح صعيبة باه يعاود يولي المهم ربي يهدينا كامل علابالنا صح بلي الانسان ماشي كامل فيه غلطات و تاني لازم يغلط باه يتعلم مي غلطة من غلطة تفرق و حط عقلك في راسك تعرف خلاصك .. ليسونسيال انا مانطولش بزاف فالهدرة هادي هيا بلادنا و هادو هوما الشعب تاعنا و هادي هيا العقليا لي راهي عاجباتهم زعما مي ماهيش تخرج فيهم لوالو مالغري واش تهدر و واش ادير كل شي في مهب الريح .. ربي يفرج عليهم و يرجعو لاهلهم نشالله و نزيد نقولك برااااااافو مرة خلاف على هاد السوجي لي صح رجع حاجة شايعة بزاااف و نتمنى مانكونش برك كاشما قلقتك و طولت بزاف فالهدرة على خاطر هادي اول مشاركة ليا بعد غياب
 
  • أعجبني
التفاعلات: Hakan

lahcine

:: عضو منتسِب ::
إنضم
5 ديسمبر 2016
المشاركات
84
النقاط
31
محل الإقامة
البيض
الجنس
ذكر
والله غي صح
نشوفهم مساكين يستنو غي باش يشوف كبدتهم
وهم مايسواوش حتى تتثفل في وجوهم
احنا مرحين وعند والدينا وهم محروق قلبهم علينا فما بالاك تكون في الحبس
ومع أرازل القوم
ربي يحفظك على الموضوع خويا لعزيز
 
  • أعجبني
التفاعلات: Hakan
Top