- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم أهل اللمة الكرام
واش أحوالكم ؟ ان شاء الله الجميع بخير؟
كاش بحر؟ كاش تحواس ؟ ولا كي حالتي
المغبونين لي كي حالتي يرجعو غمتهم في النت نص مع الفايس بوك ونص يتفرج لي فيديو ولي عندهم الزهر كيفنا عندهم اللمة
المهم على هادي لي رايح يتمحور الموضوع تاعي لي عندي شحال وانا حابة نوضعو وهو متعلق بالفيديوهات على النت
نص الغاشي يدخل يتفرج على الـ "youtube" فيديوهات مختلفة تاع طبخ ولا مباريات كرة قدم وغيرها
وشكون لي قاعد يوضع في هاد الفيديوهات؟ هوما ناس فاتحين قنوات ويوضعو فيديوهات مختلفة
يعني اليوم رايحة نتكلم على هاد اليوتيبر واليوتيبوز (ههههه الفرنسية الباهية)
خاطر يا جماعة فتح مثل هاد القنوات نهار داروهم القور (الاجانب) كان لهدف معين، واحد يحط مثلا هواياتو كيما الرسم كيما الزخرفة ولا العزف على آلات معينة، المهم لي فتح مثل هاد القنوات كان عندو هدف حاب يلحقلو
بصح كي لحقت عندنا ولات تقول كاوكاو لي يوجعو راسو يفتح شان (قناة) يخرط فيها حتى يشبع ويجوز بيها الوقت والناس تبع وخلاص، درك الناس هادو نقسمهم لـثلاثة اقسام
القسم الأول:الناس الجايحة كيما كنت نقول واحد يحط كاميرا يقابلها يحكي يفرغ قلبو ومايشبعش حكايات مسكين يجيبها نص ساعة وهو يشكي ولغدوة يعاود نفس الفيديو وكاين بزاااف الجايحين لي يضيعو وقتهم بلا فايدة، ولا كاين لي يدير فيديوهات تاع ضحك يزهي الغاشي عندو موهبة الكوميديا يحب يخرج المكبوتات
القسم الثاني: الناس لي ماتديرش حساب لربي سبحانو، توضع فيديوهات بدل ماتكسب منها حسنات كوضع فيديوهات تاع قرآن ولا دروس دينية ولا حاجة تفيد تحط حوايج تغضب المولى وتخليها كسيئة جارية
القسم الثالث ولي رايحة نسلط عليه الضوء ولي هو لب موضوعي (لي فات كامل مقدمة هههههه)
هوما هاد البنات اليوتيبوز "youtubeuse" لي ناشرين حياتهم على الملأ، كاين بنات يديرو فيديوهات تاع ماكياج ولا تاع خلطات للبشرة ولا تاع الطبخ كيما أم وليد سيدة محترمة وتقدم وصفات للناس وتنفع بيهم غيرها بلا ماتبين وجها، لكن لدرجة الناس والفت بالفضائح وبتتبع عورات واسرار الناس عبر اليوتيوب ولاو ينتاقدوها ولاو يقولولها علاه ماتوضعيش وجهك وحابين نشوفوك وحابين نتعرفو على خليقتك، يا عباد ربي جايين تستفادو منها وتديو وصفات ولا تخطبوها؟ واش دخلكم في وجها ادخلو هزو الوصفات وروحو، وهادا دليل أنو الناس والفت عبر النت تتبع اسرار الناس
خاطر درك البنات ولات لي ويجعها راسها تفتح قناة، يا سيدي معليش بصح أنك تنشري اسرارك كاملة كيما راهي هادا ماش مليح، ايماجينيو طفلة تصور روحها كي تخرج من الدار ..كي راحت زارت صاحبتها.. كي راحت تشري القش .. كي راحت تزور جداها .. هاهي في الدار .. هاهي في الكوزينة .. هاهي رايحة تتخطب .. تصورلك الخطبة تاعها كاملة .. تصورلك عرسها .. تصورلك زوجها .. تصورلك دارها شوكة بشوكة .. يصرالها مشكل تجي تشكي وتحكي كلشي .. تصور عجوزتها ... تفتح عينيها من الرقاد تفتح الكاميرا وتقولك صباح الخير هادا وين نضت من الرقاد شعري مازال مكشرد ارواحو معايا نروح نمشطو مهلا ديري كاميرا على المباشر وخلينا نعيشو معاك وخلاص، للبيوت اسرار كيما يقولك ماش كلشي يتنشر وزيد كاين امور عيب تتحط
مرة لقيت وحدة راحت لمحل بيع ملابس الاعراس (يعني صواغي) وبدات المخلوقة تقيس في الملابس هاديك لي مفضوحة خلاص وكل ماتقيس تجي تتصور وتقول شوفو كيفاه جاتني، يا مخلوقة روحي استري روحك انا حشمت في بلاصتك عيب تلبسي قش عريان حاشاكم كيما هكاك وتنعتيه قدام الملايين، والمشكلة العظمى راهي مخطوبة
يعني راجلها هادا يتفرج عادي مرتو على النت تروح تقيس لي غوب والغاشي يديرلها في لي كومونتار، ولا راجل يشوف مرتو تصورلو في دارو وتفضح اسرارها وتصور يومياتها كلها ثانية بثانية وكي ترقد وكي تنوض وتزيد تقولك كتر خير زوجي شجعني وهو لي يصورلي فيديوهاتي ولا بابا هو لي شجعني كتر خيرو ما الذي يحدث يا بشر؟
يعني مالقيت واش نقول من لي كان الفايس ينشرو فيه صور تاع عرسهم وتاع ماكلتهم وبزاف حوايج درك عادت فيديوهات تخليك تعيش اسرار الناس وتخليك تشوف فضائح الناس، يعني للدرجة هادي مخلية حياتك الواقعية ماعشتيهاش سواء كنتِ متزوجة ولا مخطوبة ولا عازبة وجاية تعيشي اللحظات تاعك في عالم افتراضي، هادي شوفو زوجي واش جابلي في عيد الحب ولخرا شوفو عيد ميلادي كيفاه فات وهي تصور في العايلة (لي هي حرمة) وهوما يديرو باي باي للكاميرا
(تبا لكم) كلشي ولا مفضوح وولا على المباشر .. لا حشمة ولا اخلاق ولا طعم سعادة عايشينو كيما يلزم
المهم نخليلكم الخط قولولي واش رايكم في هكذا موضوع؟ ولا غير انا لي موسوسة
هل تشجعو على فكرة فتح قناة على اليوتيوب؟ وهل تفضلوها تكون عادية فيها استفادة وفقط ؟
ولا تشجعو انو الانسان معليش يشارك حياتو الخاصة والعامة مع الشعب؟
شاركوني اراءكم
تحياتي
واش أحوالكم ؟ ان شاء الله الجميع بخير؟
كاش بحر؟ كاش تحواس ؟ ولا كي حالتي
المغبونين لي كي حالتي يرجعو غمتهم في النت نص مع الفايس بوك ونص يتفرج لي فيديو ولي عندهم الزهر كيفنا عندهم اللمة
المهم على هادي لي رايح يتمحور الموضوع تاعي لي عندي شحال وانا حابة نوضعو وهو متعلق بالفيديوهات على النت
نص الغاشي يدخل يتفرج على الـ "youtube" فيديوهات مختلفة تاع طبخ ولا مباريات كرة قدم وغيرها
وشكون لي قاعد يوضع في هاد الفيديوهات؟ هوما ناس فاتحين قنوات ويوضعو فيديوهات مختلفة
يعني اليوم رايحة نتكلم على هاد اليوتيبر واليوتيبوز (ههههه الفرنسية الباهية)
خاطر يا جماعة فتح مثل هاد القنوات نهار داروهم القور (الاجانب) كان لهدف معين، واحد يحط مثلا هواياتو كيما الرسم كيما الزخرفة ولا العزف على آلات معينة، المهم لي فتح مثل هاد القنوات كان عندو هدف حاب يلحقلو
بصح كي لحقت عندنا ولات تقول كاوكاو
لي يوجعو راسو يفتح شان (قناة) يخرط فيها حتى يشبع ويجوز بيها الوقت والناس تبع وخلاص، درك الناس هادو نقسمهم لـثلاثة اقسامالقسم الأول:الناس الجايحة كيما كنت نقول واحد يحط كاميرا يقابلها يحكي يفرغ قلبو ومايشبعش حكايات مسكين يجيبها نص ساعة وهو يشكي ولغدوة يعاود نفس الفيديو وكاين بزاااف الجايحين لي يضيعو وقتهم بلا فايدة، ولا كاين لي يدير فيديوهات تاع ضحك يزهي الغاشي عندو موهبة الكوميديا يحب يخرج المكبوتات
القسم الثاني: الناس لي ماتديرش حساب لربي سبحانو، توضع فيديوهات بدل ماتكسب منها حسنات كوضع فيديوهات تاع قرآن ولا دروس دينية ولا حاجة تفيد تحط حوايج تغضب المولى وتخليها كسيئة جارية
القسم الثالث ولي رايحة نسلط عليه الضوء ولي هو لب موضوعي (لي فات كامل مقدمة هههههه)
هوما هاد البنات اليوتيبوز "youtubeuse" لي ناشرين حياتهم على الملأ، كاين بنات يديرو فيديوهات تاع ماكياج ولا تاع خلطات للبشرة ولا تاع الطبخ كيما أم وليد سيدة محترمة وتقدم وصفات للناس وتنفع بيهم غيرها بلا ماتبين وجها، لكن لدرجة الناس والفت بالفضائح وبتتبع عورات واسرار الناس عبر اليوتيوب ولاو ينتاقدوها ولاو يقولولها علاه ماتوضعيش وجهك وحابين نشوفوك وحابين نتعرفو على خليقتك، يا عباد ربي جايين تستفادو منها وتديو وصفات ولا تخطبوها؟ واش دخلكم في وجها ادخلو هزو الوصفات وروحو، وهادا دليل أنو الناس والفت عبر النت تتبع اسرار الناس
خاطر درك البنات ولات لي ويجعها راسها تفتح قناة، يا سيدي معليش بصح أنك تنشري اسرارك كاملة كيما راهي هادا ماش مليح، ايماجينيو طفلة تصور روحها كي تخرج من الدار ..كي راحت زارت صاحبتها.. كي راحت تشري القش .. كي راحت تزور جداها .. هاهي في الدار .. هاهي في الكوزينة .. هاهي رايحة تتخطب .. تصورلك الخطبة تاعها كاملة .. تصورلك عرسها .. تصورلك زوجها .. تصورلك دارها شوكة بشوكة .. يصرالها مشكل تجي تشكي وتحكي كلشي .. تصور عجوزتها ... تفتح عينيها من الرقاد تفتح الكاميرا وتقولك صباح الخير هادا وين نضت من الرقاد شعري مازال مكشرد ارواحو معايا نروح نمشطو
مهلا ديري كاميرا على المباشر وخلينا نعيشو معاك وخلاص، للبيوت اسرار كيما يقولك ماش كلشي يتنشر وزيد كاين امور عيب تتحطمرة لقيت وحدة راحت لمحل بيع ملابس الاعراس (يعني صواغي) وبدات المخلوقة تقيس في الملابس هاديك لي مفضوحة خلاص وكل ماتقيس تجي تتصور وتقول شوفو كيفاه جاتني، يا مخلوقة روحي استري روحك انا حشمت في بلاصتك عيب تلبسي قش عريان حاشاكم كيما هكاك وتنعتيه قدام الملايين، والمشكلة العظمى راهي مخطوبة
يعني راجلها هادا يتفرج عادي مرتو على النت تروح تقيس لي غوب والغاشي يديرلها في لي كومونتار، ولا راجل يشوف مرتو تصورلو في دارو وتفضح اسرارها وتصور يومياتها كلها ثانية بثانية وكي ترقد وكي تنوض وتزيد تقولك كتر خير زوجي شجعني وهو لي يصورلي فيديوهاتي
ولا بابا هو لي شجعني كتر خيرو ما الذي يحدث يا بشر؟يعني مالقيت واش نقول من لي كان الفايس ينشرو فيه صور تاع عرسهم وتاع ماكلتهم وبزاف حوايج درك عادت فيديوهات تخليك تعيش اسرار الناس وتخليك تشوف فضائح الناس، يعني للدرجة هادي مخلية حياتك الواقعية ماعشتيهاش سواء كنتِ متزوجة ولا مخطوبة ولا عازبة وجاية تعيشي اللحظات تاعك في عالم افتراضي، هادي شوفو زوجي واش جابلي في عيد الحب ولخرا شوفو عيد ميلادي كيفاه فات وهي تصور في العايلة (لي هي حرمة) وهوما يديرو باي باي للكاميرا
(تبا لكم
) كلشي ولا مفضوح وولا على المباشر .. لا حشمة ولا اخلاق ولا طعم سعادة عايشينو كيما يلزمالمهم نخليلكم الخط قولولي واش رايكم في هكذا موضوع؟ ولا غير انا لي موسوسة
هل تشجعو على فكرة فتح قناة على اليوتيوب؟ وهل تفضلوها تكون عادية فيها استفادة وفقط ؟
ولا تشجعو انو الانسان معليش يشارك حياتو الخاصة والعامة مع الشعب؟
شاركوني اراءكم
تحياتي
