أسراري ويومياتي بين يديك

["viola"]

سلت امونة صافا ميغسي إي طوا ههههههه يسمعونا الفرنسيين ينتاحرو هههه سورتو سلت هادي ماجيت نفهمها بالسيف
أني علابالي على من تهدري لي قاتلهم فاشينستا فاشينيستا وهي لابسة رداء باتمان يدي فيه الريح
ورابطة راسها تقول خرجت من الحمام، ياريت جاو يدير اليوتيوب برك نقولو معليش بينهم بين مولاهم
المشكلة العظمى في الفوخ والزوخ تاعهم اليوتيبوز هادو كاين في المغرب وكاين عند القور بعيدا عن الجانب الديني
تلقايها متواضعة واذا حبت تصورلك غرفتها ولا ديرلك فيديو تاع ماكياج ديرو بنية ولهدف معين تاعنا قاتلهم الفوخ
أما من ناحية مخالفة الدين كاين امور يديروهم بعض اليوتيبوز الجزائريات على المباشر صدقيني حشمت نكتبهم
يعني هدرت ظاهريا برك وتكلمت من جانب كشف الاسرار وكلشي اما كاين حوايج والله عيب بزاف
وزيد تقولك لقيت راحتي هنا نحي على خاطري وهي بيها لقات الحريةن والسؤال لي يبقى مطروح كيفاه عايلتها
يقدرو يتفرجو عليها في النت نورمال وهي تدير فيديوهات كيما هكاك، عيب والله
المهم ربي يهديهم ان شاء الله حنا تكلمنا عليهم كظاهرة فقط وكل واحد بينو وبين مولاه وكل واحد بينو وبين مرتو
شكرا امونتي الزينة على المرور ربي يهنيك حبيبتي
تحياتي​

ههههههههههههههههه قتلتيني هي بالذات ههههههه سيرتو السربيتة فوق راسها
لالا و الله عندك الحق على الصوالح لي تعارض ديننا و اعرافنا علابالي منكر و لا زهم نحكو عليه
بصح لي يهدرو و يلككوا بلا فايدة -بصح بلقدر- هي لي قتلتك زعما انا منيش ضدهم و لا معاهم
يعني وش تستناي من وحدة يصور فيها راجلها و فرحان معندك متقولي
يعاندو زعما فالقور و reality shows تاعهم -_-
ربي يصلح الاحوال هذا وش نقولوا ..و كي تلهاي ارواحي نديروا ليكوغ فغونسي ههههههه
صحيتي مريهام ^^​

 

[لؤلؤة قسنطينة]

السلام عليكم

الملتميديا بشكل عام هي منبر للشهرة و إبراز المواهب ومصدر لربح المال وللترفيه أيضا لهذا اليوتيوب يعتبر بوابة يتم فيها

عرض كل شيء و هي تلفزيون النت و منتسبيها هم من مختلف أصناف الناس لهذا نجد مثل هؤلاء البنات المتحررات أو العلمانيات

يبحثون عن الشهرة في هذا الفضاء المتاح وهذا برضا زوجها أو أبوها الذين ليست لديهم الغيرة على عرضهم لأن عقيدتهم تمنح

حرية للمرأة ، فهذه الأفكار في عرض اليوميات هي مستوردة من البرامج الماجنة مثل ستار أكاديمي التي تعرض يوميات

المشتركين وتبث على المباشر وبتالي يقلدون هذه البرامج تجد فتاة تصور نفسها وهي تتسوق وهي في المطبخ وهي تنام وهي في

البحر وهكذا لأن هذا النمط من الفيديوات التي تنشر الخصوصيات على العامة لقيت رواجا ومشاهدة كبيرة خلافا على عارضات

الماكياج والأزياء و الأشغال اليدوية والطبخ و بظهور خاصية البث المباشر في الفيسبوك حدث ولا حرج لم تعد هناك خصوصيات

بطبعية الحال هذا الشيء مرفوض بالنسبة للناس المحافظة أو الناس التي لها مباديء أخلاقية لأنها ثقافة غربية وليست ثقافتنا

على كل حال مايحدث في واقعنا يعكس في العالم الإفتراضي سواء من إنحطاط أخلاقي أو تبرج أو دياثة أو نفاق إلى غير ذلك وكل

إناء بما فيه ينطح خلاصة القول الملتميديا المرئية لا تليق بالمرأة المسلمة لأن ذلك يعارض الدين

حقيقة لابد من استيعابها بأننا نعيش في فتن كبيرة و كبيرة جدا فمن لا يعرف كيف يمشي سيقع فيها حتما

تسلمي ​

وعليكم السلام ورحمة الله وبركاته
مساء الخير خويا عصام وشكرا على مشاركتك القيمة
وغالبا ما نبدا الرد من أول كلمة لكن من ردك رايحة نبدا من آخر سطر ذكرتو
وهو أنو الانسان عاد عايش في فتنة كبيرة عاد كلشي يجيه على طبق من ذهب مايحتاجش حتى يتعب كلشي قدامو
وهادا ربما لي نقدر نطبقو على موضوعي، تلقى وحدة من عادتها خارج البيت تحب تلبس ودير بزاف حوايج وكلما تكون
ملفتة للانتباه قدما تعجبها فمابالك تلقى فرصة انو ملايين الناس من كل ارجاء العالم يشوفوها بضغطة زر على هادي كلشي ولا ساهل
وتلقى البنات لي تعود شوي خفيفة وتهتم بهاد الامور تشوف البنات يديرو فيديوهات ويعرضو حياتهم الخاصة يوليو حتى هوما يحبو
يتعاندو ويعرضو حياتهم ويومياتهم، المشكلة تاعنا حنا مانعرفوض نحكمو التكنولوجيا ونطبقوها بواش يناسب الدين تاعنا وعاداتنا
وتقاليدنا، حنان هزوها كيما راهي ونطبقوها كيما راهي نشوفو فتاة اجنبية دارت اليوتيوب نديرو كاملو اش دارت بالتفصيل
علاه ماتستعملش التكنولوجيا فيما يفيد، مرة لقيت قناة تاع شخص مداير فيديوهات تاع القرآن بالصور وبترجمة انجليزية
تحط الفيديو فيه سورة الرحمن مثلا كل آية يترجمهالك بالعربية ويحطلك معاها صور تعبر على هاديك الآية صراحة قمة في الروعة
ماعييت نتفرج الفيديوهات هاديك نشبع بكا لدرجة اثرت فيا وأنا مسلمة فمابالك بواحد أجنبي حب يدخل للاسلام
يعني لي يحب يستعمل التكنولوجيا فيما ينفع يقدر لكن حنا مادابينا نهزو أمور الغرب كيما راهي بسلبياتها وايجابياتها
ربي يهديهم برك وربي يعافينا وربي يسترنا
شكرا لكرم المرور
تحياتي
​

 

[لؤلؤة قسنطينة]

هدفي في اليوتيوب هو التفرج على برامج مفيدة فاتني في قنوات هادفة لا غير او سماع القران الكريم

مساء الخير اخي الياس نورت الموضوع
صراحة هذا ما يجب على المسلم القيام به وهو تجنب الفتن والفيديوهات غير الاخلاقية التي تعرض على اليوتيوب
ولكن موضوعي أخي الكريم موجه ليس للفئة التي تشاهد الفيديوهات بل للفئة التي تعرض الفيديوهات
خاصة الفتيات اللواتي يفتحن قنوات على اليوتيوب ويعرضن من خلالها حياتهم الشخصية واليومية وحتى الزوجية
يعني كأنك عايش معاهم في البيت تعرف زوايا بيتهم زاوية بزاوية تعرف ملابسهم تعرف افراد عائلتهم
والبيوت اسرار مالازمش كلشي يتعرض على الناس
يعني هذا هو الغرض من موضوعي
وربي يهدينا ويهديهم ان شاء الله
بارك الله فيك على كرم المرور
تحياتي​

 

[لؤلؤة قسنطينة]

السلام عليك
صح كلام
أنا نروح لشاطئ خاص بالرجال
لكن المشكل لما تشوف راجل جاي مع زوجته واخواته إلى شاطئ فيه غير الرجال
لم؟ أنت منعت نفسك من الذهاب إلى شاطئ به النساء لكن المصيبة انك جئت بزوجتك إلى شاطئ به فقط الرجال اي عقل يملكه مثل هؤلاء الرجال[اللهم عافنا واعف عنا]
والله كنا نضطر إلى طردهم إلى شاطئ قريب فيه عائلات لكنه لم يخل من المنكر

وعليكم السلام ورحمة الله وبركاته
اهلا بيك أخي نورت الموضوع
صراحة كلامك في محلون الغيرة عند اشباه الرجال معدومة والحياء عند اشباه النساء معدومة كذلك
ربي يهدينا ويهديهمن ولكن كما تحدثت مع الاخ موضوعي مايخصش غيرة الرجل على زوجته او اخته وفقط
بل يحكي على البنات لي تفتح قنوات على اليوتيوب وتعرض فيديوها تتفضح فيهم كل امورها بما فيها العائلية والزوجية
يعني هاد الامر معارض لديننا وتقاليدنا وعاداتنا وحبيت نستشيركم في الامر
بارك الله فيك على كرم المرور ربي يهنيك
تحياتي​

 

[لؤلؤة قسنطينة]

ههههه ضحكتيني المهم ولاّ العالم كاملة فجأة أكاديمية ورح نخيرو شكون الستار فيهم كي شغل ستار أكاديمي هههه

مغسي ع الموضوع الطويل مي مليح سلآمي .

اهلا حبيبتي نور عاش من شافك ان شاء الله راكي لاباس؟
ههههه ربي يدوم ضحكتك ان شاء الله، والله ماش غير أكاديمية تستغربي منهم اذا هادو في دار ولا في عرس
يوميا شعرهم مصبوغ ومسشور والماكياج كل يوم كي ما تخربتش البشرة تاعهم راهم ملاح
بلا الفوخ والزوخ تاع وحدة تنعت فيلتهم ووحدة تنعت نهار راحت رحلة لدبي
كارثة والله، ربي يهديهم برك ويهدينا
شكرا حبيبتي على المرور ربي يهنيك
تحياتي​

 

[لؤلؤة قسنطينة]

السلام عليكم و رحمة الله

صراحة رانا كامل حايرين في الناس نتع دركا
لا حياء لا حشمة لا والو
صور و انشر و خلي الناس تشوف
هي صح كاين ناس محترمة و واعية
يديروا حاجات ملاح نتع دين و طبخ و غيرها
بصح يبقاو كاينين هذوك الجماعة اللي يخسروها
انا عندي مدة طويلة ماضربتش دورة لليوتيوب
كنت نشوف معلومات و أم وليد ممبعد وليت نسمع القرآن
أيا طلعت كامل السور نتع القرآن وليت نسمع بلا ماندخل لليوتيوب هذا
لأني كرهتو
كيما قلتي
تصور كل دقيقة و كل ثانية من حياتها
و كل حاجة شراتها و كل حاجة دارتها وووو
الناس ولات ماتعرف والو
هكاك برك
جثة هامدة تمشي ماتعقل على حتى شي
طفلة اللي نورمالمو تكون مثال و قدوة في العفاف و الأخلاق
يعني درة مصونة ولات دير هكا و تصور روحها وو
العصر اللي رانا فيه راها خدعتهم مظاهر الحضارة و التكنولوجيا
نساو كل شي حتى الصلاة ا سيدي
تلقى غير فئة هكذا باينة و البقية والو

المهم الله يهدي ما خلق
و بوركتِ أختي على الموضوع الطويل العريض =)
​

وعليكم السلام ورحمة الله وبركاته
اهلا حبيبتي نورتيني بمرورك العطر
يعطيك الصحة كل كلمة حبيت نقولها في موضوعي ذكرتيها خاطر كيما قلتي بنات اليوم تفتح قناة على اليوتيوب
وتنعتلك كلشي سواء مشترياتها كيما قلتي ولا رحلاتها ولا عطلتها الصيفية ولا في دار ها ولا كي تعود تطيب
كلشي تنقلو بالتفصيل حتى اسرارها الزوجية تنقلها وهادا عيب، المرأة اسرارها الزوجية لوالديها وماترجعهمش
وين لناسا جانب ولملايين الناس في العالم، تجي تتخطب تحط صورة خطيبها علاه؟ باه ترضي المتابعين زعما
نجي انا نوضع صور خطيبي إرضاءا للمتابعين ؟ واش هاد الجهل ولا ننشر صور بنتي من وهي صغيرة ارضاء
للمتابعين، هادا كامل خطأ، التكنولوجيا حاجة مليحة ولكن وفق قواعد، وهادا للمجتمع تاعنا ماش فاهمو
نقولو ربي يهديهم وربي يهدينا ان شاء الله
شكرا حبيبتي على كرم مرورك ربي يهنيك ان شاء الله
تحياتي​

 

[لؤلؤة قسنطينة]

السلام عليكم ورحمة الله وبركاته
والله يعطيك الصحة أختي مريم على الموضوع الشباب هدا
بصح يا أختي ياو كل الحالات الي قلتيهم وحكيتي عليهم شفتهم ههههههههه قريب نقولك متقوليليش راكي تحكي على هاديك الي دارت ودارت هههههههههه

كل وش حكيتيه شفتو وشفت أكتر منو يعني بصح أغلب وش لاحظت الي يبينو وجوههم يكونوا عايشين فالخارج يعني رافدين الثقافة تع الخارج تع الغرب نورمال في بالها تشوفيها
ولاو الناس ميهمهم ولا شيء يعني

بصح منخفيوش أنو كاين بنات بلاد وبنات تع بلدان مسلمة ويديرو هكا ماعرف بعد أنا نخمم كيفاش صوتهم عورة ويسمعوا فيه للعالم فما بااالك الصورة وزيد لباس فاضح مفهمتش أنا ويلا ميخافوش على روحهم كيما هكا المشكل إذا نصحتي خلات عليك ياكلوك ويبلعوك ههههه
كيما فالفيس وحدة في قروب هكا حطت منشور عاااااااادي مافيه والو وفالأخير هلكتو بصورة رجلين لابسين سروال سيري هههههههه شغل صورت روحها من تحت

قلتلها فالكومونتار والله يا أختي تستطيعين وضع المنشور دون صورة فاتنة كهاته حذاري أخيتي وكنت نستنا فيهم ياكلوني بصح خرجت سلامات ههههههه

بارك الله فيك على الموضوع المميز حبيبتي وإن شاء الله نشوفوك فمواضيع أخرى​

وعليكم السلام ورحمة الله وبركاته
اهلا حبيبتي عبير ان شاء الله احوالك بخير؟
والله يا اختي راكي قلتي الصح، يعني انا ركزت على الجانب تاع كشف الاسرار وكلشي
لكن ماتكلمتش على الجانب الديني من ناحية الملابس والرقص وغيرها من الامور يعني هادوك ديجا راهم موضوع وحدهم
يعني لو تجي تجمعي الاخطاء الموجودة في مثل هاد الامر تلقايها كثيرة وبناتنا يتبعو برك
وكيما قلتي تجي تنصحي تولي غالطة ويوليو يسبوك ويعايروك، النصيحة في وقتنا ولات صعبة بزاف
وفيما يخص هاد البنات ماش غير لي عايشين في الخارج لي يديرو هاد الامور حتى لي عايشين هنا وحتى لي عايشين في السعودية
مع احترامي لهاد البلد الطاهر ولكن عندهم كذلك هاد الظاهرة، يعني منتشرة في كل مناطق العالم كي الفيروس هههه
واش نقولو ربي يهديهم برك وربي يهدينا ويعافينا
شكرا عبورة على كرم المرور ربي يحفظك الزينة
تحياتي

​

 

[ربي اغفرلي]