الطف______ول____ة

[cosette]

كي كنت صغيرة كنت نخلط تراب بالماء ونخدم بيه القاطو
ونخليه يطيب في الشمس والناس مقيلة وأنا نعس فيه
وندير حجرة في بليغتي كي شغل صباط طالون ونمشي ونزعبل
وكانت عندي بنتي ايه بنتي صنعتها بالقصب وشعرها من الصوف ونلبسلها غير الحطة
وكي كنت صغيرة دارنا نشوفهم غيى في الليل ??
نخرج صباح مانوليش ..ناكل برا كاش حشيشة نلقاها
وزيد كان عندي راجلي يقضيلي برا من زقاق ..يجيبلي كل خير مسكين
هادا مواس هادو مغارف -تاع -سيرو # هادو بايط تاع طوماطيش
وكانت عندو طونوبيل زوج رودات وقصبة هههه
وزيد كي كنت صغيرة كنت ندير طباشير فوق عينيا زعما ماكياج ... ايييه
وكنت نروح قدام الحوانيت نحوس على الكاغط تاع هذاك الفضي والذهبي تاع الدخان باه نصنع بيهم خواتم وحدايد. نديرهم في يديا ??
ايييه وكي كنت صغيرة نحسب جدي وجداتي خاوة الصغر ؟؟؟ ههه
وكنت كي نشري لبسة جديدة الي يجي نلبسهالو يشوفها
وشراتلي يما مرة مساك تاع فراشة كنت نظل نجري ونحرك في راسي هههه
وكنت كي نروح للعرس مع ماما وتضحك معايا العروسة ايييه ياحسراه مانرقدش من الفرحة
وكان عندي صاك مقطع فيه الغطا تاع الماكياج والقرع تاع الريحة الفارغين ومراية مكسرة وبوبية بلا يدين
ذكريات التشرد الطفولي
.منقووووول

 

[إلياس]

 

[❤️كلي أمل❤️]

يعطيك الصحة اختي ولله الصح ايام الطفولة مايتنساوش هههههه
انا كنت صباط ماما نسرقو نعمرو بالقطن باش يجي قدي ونلبسو ونخرج نزوخ علي صحاباتي هههههه
مام تضربني نعاودها هههههههه