طريقة تنظيـم لاكوافوز في شمبرتك يا عروس ^^

[ضآحكة مستبشرة]

السلام عليكم و رحمة الله تعالى و بركاته
يا عرائس اللمة و زائراتها جبتلكم موضوع مهم بزاف لقيتو في احدى مواقع التواصل الاجتماعي
تفضلو
------
----
--
-



فحلوشاتي زينوشاتي الشاطرات اليوم نحكيو على تنظيم لا كوافوز نستيكوها الله الله راهي هي نبع الأنوثة تاعنا لازم تكون صح تعبر على انوثتنا نبداو باسم الله

امسحيها مليح بمشنفة جافة معطرة من داخل و من برا
امسحي المراية بمنظف الزجاج و جرنان
ليكيدي عليك قرع البارفاتون الفارغين و ماكياج لي تپيريما
ماكياجك لي راه مخلط في pochette افرزيه لي غوجالافغ وحدو الأقلام وحدها طلاء الاظافر وحدو....

رايحين نستفوهم بطريقة جميلة في لقجور بصح كيفاش؟ ديري كل حاجة فسلة صغيرة ولا باطات مفتوحين ملفوق و ستفيهم فلقجر يجو يهبلو حتى نتي كي تحبي تستيكي لكشرودك تلقاي كلشي فبلاصتو و ماتبقايش تحوشي وين راهي ذيك و ذيك

هاد السلل يبتاعو عند لحوانت تاع الماعن وماشي غاليين اشريهم تقدري تغلفيهم من برة بورق شباب ولا تزيينهم بالحاشية

الآن راهم قدامنا المشاطي اول شي لازم نظفوهم بصح وين تخبيهم؟ ديريهم في سلة صغيرة كيما الماكياج بصح ماتحطيهمش فوق لاكوافاز ديريهم فلقجر
سيشوار- ليسوغ هادو الأفضل كي تشريهم تخليهم في باطتهم بصح ادا راحتلك الباطة تاعهم تقدري تخدمي باطة بعلب الأحذية وتغلفيها وانت وذوقك في التزيين و نخبوهم في الدرج وادا ماعندكش مكان ديرلهم بلاصة في الخزانة

الأكسسوارات : الذهب راه في مالات باين لكن الاكسسوارات الأخرى اما تخدميلها علبة شابة مقسمة اوتخدمي منظم اكسسوارات ادا لقيتيه يتباع فذلك احسن والا فابتكري اشري علاقة يبيعوهم مع الدوزان تاع الماعن لا تتجاوز 100 دج ماتشريش لي فيهم فاكهة اشري واحدة سامبل تجي فيها لصقة من اللور لصقيها داخل البيبان تاع لاكوافز ادا كانت من النوع لي يجي فيه بيبان من التحت او في بيبان تاع الخزانة من الداخل بالطبع ادا لقيتها كبيرة تقدري تكسري على زوج مثلا وتعلقي فيها - المساسك
وles epinglesدايما يتبحرو ويلصقو في حوايج اخرين كي تجي تجبدي حاجة يلصقو زوج في يدك الحل النهائي هو ليبونج و زينيه مايكلف ماوالو

-الكريمات والبودرات ماتحطيهاش في الحمام لانو لازم تحفظ في مكان خالي من الرطوبة خصصي لها درجا وادا ما عندكش مكان ديري علبة شابة وحطيهم في الخزانة و لي بروس تع الفوندوتان و فارابوبيار ديربهم فكاس شباب فوق الكوافوز

و ظرك بقاولنا العطور بيناتنا البنات التدكاس هذا ليس فيه

شيء من الجمال :
حبيتي بيتك تبان منظمة وأنيقة خلي سطح لاكوافوز تاعك فارغ قدر الإمكان ، حطي فاز شباب الله الله


#منقـول { دعواتكم لصاحبة الموضوع الاصلي }​

 

[السلطانة]

وعليكم السلام ورحمة الله وبركاته
لاكوافوز كون منفرزهاش منتهناش نكره منظرها وهي مخلطة
يعطيك الصحة اسوم ان شاءالله الاخوات يستفادو منها

 

[ضآحكة مستبشرة]

وعليكم السلام ورحمة الله وبركاته
لاكوافوز كون منفرزهاش منتهناش نكره منظرها وهي مخلطة
يعطيك الصحة اسوم ان شاءالله الاخوات يستفادو منها

ايه صح كي تكون منظمة تمد منظر باهي خاصة كي متكونش معمرة بزاف
حاجة خفيفة و خلاص
ان شاء الله حنونتي
نورتي ربي يحفظك ​

 

[cosette]

االسلام عليكم
يااااااااي الله يبارك هدي لا كوافوز ولا كوسميتيك تاع الحومة
هههههه
تهبل الله يبارك كل شي مرتب
يعطيك الصحة
'ـ'​

 

[Naz iha]

سلام عليكم
وااااااااااااااااااااااو الله يبااارك
هديك لا كوافز حطة الله الله
داتلي عقليي​