سلسلة "دز معاهم ... pousser avec eux" ... العدد 4

[Salah eddin]

السلام عليكم و رحمة الله تعالى و بركاته
جماعة اللمة صحيتو .. وش راكم ؟ بخير ؟ الحمد لله امالا
هي على كل حال الحمد لله مهما يكون
الفايدة ...كي العادة و كومدابيتيد ... المير جاكم بالجديد و بموضوع و ظاهرة جديدة نحكو فيها شوي
و انحو فيها شوي على خاطرنا
و كيما راه شارك معانا الاخ @Skor m@k
و السيدة @أم ياسمينdz
في الحملة ... نتوما ثاني جماعة تحركو شوي و انشطو معانا في الحملة ههه

و هذي دايما في اطار
سلسلة "دز معاهم ... pousser avec eux"
و كيما راكم عارفين ... رانا نحاولو نمرقوها شوي و نبالغو في وصف الاوضاع باه نلطفو الجو
و الامور الاخرى بلا ما نفصلو فيها ...
و على بركة الله موضوع اليوم هو
" جشع التجار "
بسم الله ... يا مخلوق ربي ياك الحوانيت ق هوما ... و التجار ق هوما
و التجارة على نظر عينك على اختلاف انواعها
نبادو بجماعة الخضر و الفواكه ... بن عميييي ... كاين قاشي الله يهديهم .. يطبعلك السلعة المدرحة رايح ... و الراكاي هذاك تاع البطاطا و الزروندية و اللفت و سيدي عبد الله كلي والو
يعطيك يصفي سلعتو برك و نتا الله لا بقيت ... ما علابالوش بيك
دز معاهم
...
نروحو لجماعة اللحم و الزجرة ... هذاك مولى الدجاج يخلي الدجاج يبات في الما نهار و لا زوج حتى يتنفخ بالما و يعاود يبيعو باه يوزن و تزيد السومة ... اه يا الحاج براهيم اه !!! ...حرام في حرام
و هذاك يبيع لحم حاشاكم تاع حمير و لا جحوشة على اساس انو لحم بقري و لا غنمي و القاشي هذاك لي ما يعرفش مقواه يشري برك
هذا راه مرض و غش و سرقة و سحت و الله لا تربحهم ... جماعة الغش و السرقة
و لسان حالهم : دز معاهم
...
نضربو طلة على جماعة الالبسة ... بن عمييي ..سلعة يشريها جملة ب 50 الف ... يبيعها ب 300 الف
هو صراحة الله يسهل عليه رزقو و يبيعو كيما يحب ...بصح يا بن عمي ها شوي
تربح في 100 ماعليش ...150 ماعليش ...ابن عمي تربح فيها 250 يا صاحبي وين طالع ؟؟
و هو يقولك دز معاهم
هذا راه مكر و الله مكر ... خفف على العباد ربي يخفف عليك يا صحابي ...
...
المهم هوما كن دنهدرو عليهم قاع راها ما تفراش
لذلك راني خيرتلكم انواع فقط من التجار الغشاشين

و نتوما ناس اللمة ... وش تقدرو تزيدو فالموضوع ؟؟
...

ايا هذي جماعة ... ان شاء الله يكون عجبكم الموضوع و السلسلة عموما
و
السلام عليكم




​

 

[Skor m@k]

السلام عليكم
صحيت خويا الصالح ممبعد ان شاء الله نولي نمنشرو شويا ​

 

[Salah eddin]

ايا جماعة ... شوي تفاعل !!!
@yaso ياسمين
@صدام بكل فخر
@Skor m@k
@madridista
@بنت سطيف
@يونس قاسم
@chirine zina
@ميلينا
@aYyÖub aDaM
@جيهان جوجو
@لؤلؤة قسنطينة
@امين احمد
@جلال عبدالمنعم
@theking
@saddek06000
@bassem1618
@BTCMADANI
@Hossam 01
@sanaya
@Soumia hadj mohammed
@ليليا مرام
@Ma$Ter
@ماجدة لربها ساجدة
@نعمات
@scorpion16
@أم ياسمينdz
@Asseli Queen
@فيتامين سي
@omaridj27
@NOOR EL Huda
@salima77
@عآشقة الجنـة
@krimo65
@الامين محمد
@صمت المشاعر
@sقطر الندىs
@بشرى ملاك
​

 

[حلم كبير]

السلام عليكم ورحمة الله تعالى وبركاته

خويا صلاح جابها اليوم عڤاب التجار ههههه

وهاذاك اللي يروح يشري الثوم في وقتو بالرخس ويسطوكيه في أماكن معينة وما يبيعوش ،هو يفوت وقتو وهو يخرج بالڤرام تڤول يبيع فالذهب ،واللي حاب يدير شخشوخة لازم يبيع مڤاوس مرتو باه يشري الثوم....
ينطڤلك واحد منهم ويڤولك ما عرف لاه ما تصبش المطر تقول رانا ناكلو فالحرام ...ويط ويط ويط
،تكون ڤاعد معاه تڤولو فز من ڤبالي لنضربك ضربة نكتلك تعشي الحملةتهدر فالدوار

المهم الله يهدي تجارنا ويرحمو ولاد بلادهم
يعطيك الصحة خويا صلاح وربي يعاونك يا ميرنا الجديد
احترامي وتقديري
حلم كبير​

 

[Skor m@k]

السلام عليكم
اواه خويا الصالح رحت للواعر ياو أخطيك نخسرو المعركة هههههه
التجارة هذي فيها بزاف قوانين فالشرع تمشي عليهم
وكاين بزاف بيع حرام والتجار بلاك 99 بالمئة مايعرف حتى حاجة من حرام ولا حلال
هو المهم يبيع ويدخل دراهم ممبعد يروح يشربهم عصير العنب وانواعه
الواحد باش يدخل في تجارة لازم عليه يقرى مليح ويفهم أحكام البيوع والشراء
العلماء ألفو عليهم كتب كبيرة والناس هاملة برك لي جا يولي تاجر
بلاك فالسومة يزيد بزاف هذاك ماشي حقو وراه يعتبر سراق
بصح المشكلة لكبيرة لي يخدع ويغش فالمواد الغذائية
يامحاينك يقتل أمة موراه معلبالوش الى بلي يقدر يسمم ناس ويقدر يقتلهم
والله عيب كبير وزيد تلقاه متفاهم مع الكونطرول
حبيبو الباب فالباب وهو يسمم فالناس
ربي يهديهم ويهدينا​

 

[طموحة]

السلام عليكم و رحمة الله و بركاته
كيما قال الأخ مالك التجارة هادي راهي علم كبيير
والناس المهم تمتهن ما يهمها لا حلال ولا حرام
المهم جشع التجار ظاهرة واسعة وهي أحد أسباب كون السوق أبغض الأماكن عند الله سبحانه و تعالى
لما يحدث من الغش و أخسار في الميزان و الاحتكار .....
عفانا الله وتوصل أحيانا لكوارث خالتي ماتت بنتها و هي بعمرالسنة أو أقل بسبب حليب منتهي الصلاحية زوروه وقاتلي بلي
ماتو بزاف أطفال فهاديك الدربة
لكن الحمد الله يوجد الصالح وان قل فمرة اشترت علبة رب انتبهت لأنو الوزن مصححينو بالمصحح
كي محيت باش نشوف الوزن الأصلي لقيتو بلي أكثر
سما هداك بائع الرب يزن السلع ديالو وكي يلقاها زايدين يصححو باش مايديش ذنوبهم
شكرا ع الموضوع
​

 

[madridista]

هههههههههه راك قلت كلش مخليت والو
ناس ولات تراعي على الربح السريع برك
نزيدلك تاع كي تقولو ديرلي كذا ب 50 الف يقلك اي جات ب 80 الف معليش ههههههههههههه
ولا تشري حاجة يحتملك تدي حاجة اخرى معاها ههه
شعب فريد الاطرش من نوعو

 

[ليليا مرام]

السلام عليكم
صلوحي عجبك ردي اهلا مكا عجبكش دز معاهم
انا خويا قبل ما نلوم الناس هذي نلوم رواحنا حنا كالمعيز نتبعو شعب تبع لو شكارة حليب يقولو 10 آلاف نشروها ونستبنوها نكملو نجو نطرطقو ونهدرو ما نديرو والو الناس هذي مول الخضرة وإلا اللبسة وإلا اي تجارة عارف تروح وترجع وتديها وانت تضحك عليها يقولك دز معاهم
البطاطا في وقت وصلت ل 7 آلاف و 8 آلاف والناس شراتها وطارت
اللبسة ما نحكيش تحت شعار أنا نبات للشر ونليس والزين يقطر بالمليون للحاجة الحر يدور وهو ما يسعاش وهنا يبقى فمك مفتوح
تروح للحوانت ما تلقاش بلاصة معمرين والدبزة يا سيدي كيفاهما يقولكش دز معاهم
اسي المير الفاشل انت الشعب اللماوي هنا راح يقولك دز معايا ههههه بمعنى تلقاني غير أنا صلوح ما تعيا الحالة دور عليك ههه

 

[السلطانة]

وعليكم السلام ورحمة الله وبركاته
غير البارح شرينا كيلو طماطم ب 16 الف !!!!!!!!!!
زادو لهبو االاسعار
وكل بائع حاط سعر
ماكانش مراقبة في بلادنا كل واحد يغني بغناه لي يخرجو
ويروح فيها الgليل مسكين

 

[يونس قاسم]

و نزيدلك الخرجة الاخيرة تاع واحد الاستاذ التلاميذ ما فهموش الدرس قالولو يا استاذ عاود فهمنا ما فهمناش واااش قالهم؟
كااااااارثة : كي يعاودولي الشهرية نعاودلكم الدرس و دزو معاهم
ربي يستر يا صلاح و دز معاهم هههههههه

 

[Salah eddin]

السلام عليكم ورحمة الله تعالى وبركاته
و عليكم السلام و رحمة الله اهلا بيك خويا حليم
خويا صلاح جابها اليوم عڤاب التجار ههههه
ههه ها كل مرة نجيبوها عقاب جماعة و اليوم خيرنا التجار ههه
وهاذاك اللي يروح يشري الثوم في وقتو بالرخس ويسطوكيه في أماكن معينة وما يبيعوش ،هو يفوت وقتو وهو يخرج بالڤرام تڤول يبيع فالذهب ،واللي حاب يدير شخشوخة لازم يبيع مڤاوس مرتو باه يشري الثوم....
هذا لي يشيري الثوم و يحتكرو راه اكل فالسحت و العياذ بالله
ناس ما تخافش ربي تاكل في الاموال بالباطل بصخ الشعب ثاني راه يشجع فيهم
لازم كي تطلع كاش سلة الشعب ما يشريهاش باه تهبط
بصح قاشينا العكس كي تطلع يشريها بالكونتيتي
ينطڤلك واحد منهم ويڤولك ما عرف لاه ما تصبش المطر تقول رانا ناكلو فالحرام ...ويط ويط ويط
،تكون ڤاعد معاه تڤولو فز من ڤبالي لنضربك ضربة نكتلك تعشي الحملةتهدر فالدوار
هههه
الضرب و يا ربي ياكل معاهم
ههه
المهم الله يهدي تجارنا ويرحمو ولاد بلادهم
يعطيك الصحة خويا صلاح وربي يعاونك يا ميرنا الجديد
احترامي وتقديري
حلم كبير​

بارك الله فيك خويا حليم و شكرا على الرد القيم​

​

 

[Salah eddin]

السلام عليكم
اواه خويا الصالح رحت للواعر ياو أخطيك نخسرو المعركة هههههه
التجارة هذي فيها بزاف قوانين فالشرع تمشي عليهم
وكاين بزاف بيع حرام والتجار بلاك 99 بالمئة مايعرف حتى حاجة من حرام ولا حلال
هو المهم يبيع ويدخل دراهم ممبعد يروح يشربهم عصير العنب وانواعه
الواحد باش يدخل في تجارة لازم عليه يقرى مليح ويفهم أحكام البيوع والشراء
العلماء ألفو عليهم كتب كبيرة والناس هاملة برك لي جا يولي تاجر
بلاك فالسومة يزيد بزاف هذاك ماشي حقو وراه يعتبر سراق
بصح المشكلة لكبيرة لي يخدع ويغش فالمواد الغذائية
يامحاينك يقتل أمة موراه معلبالوش الى بلي يقدر يسمم ناس ويقدر يقتلهم
والله عيب كبير وزيد تلقاه متفاهم مع الكونطرول
حبيبو الباب فالباب وهو يسمم فالناس
ربي يهديهم ويهدينا​

و عليكم السلام
اهلا بيك خويا مالك شرفتنا اسي ...
بصح و علاه نخسرو والو رانا نلعبو لعبنا و المايور كي gان ههههه
صح قاشي ماهو فاهم فيها والو يدخل عالم التجارة و يبدا يعفس على الخلايق و يردم بالسومة و ارواح نتا و كول معاه كسرة
و القاشي لي يغش في السلعة و يطبع فيها للقاشي هذاك حسابو كبير عند رب العالمين
عيب و عار و رانا مسلمين اسي نورمالمو ماكانش قاع الغش
بصح الله غالب
الله يهدي العباد و بصلح البلاد
بارك الله فيك خويا
​

 

[Salah eddin]

السلام عليكم و رحمة الله و بركاته
و عليكم السلام و رحمة الله اهلا بالاخت طموحة
كيما قال الأخ مالك التجارة هادي راهي علم كبيير
والناس المهم تمتهن ما يهمها لا حلال ولا حرام
صحيح ... دخول عالم التجارة يتطلب وعيا تاما بكافة الاحكام الشرعية التي تخصها
لكن للاسف الناس تدخل غمار التجارة بدون اي علم سابق و هذا ما جعل الفوضى تعم هذا المجال
المهم جشع التجار ظاهرة واسعة وهي أحد أسباب كون السوق أبغض الأماكن عند الله سبحانه و تعالى
لما يحدث من الغش و أخسار في الميزان و الاحتكار .....
عفانا الله وتوصل أحيانا لكوارث خالتي ماتت بنتها و هي بعمرالسنة أو أقل بسبب حليب منتهي الصلاحية زوروه وقاتلي بلي
ماتو بزاف أطفال فهاديك الدربة
لا حول و لا قوة الال بالله نسأل الله العفو و العافية
لكن الحمد الله يوجد الصالح وان قل فمرة اشترت علبة رب انتبهت لأنو الوزن مصححينو بالمصحح
كي محيت باش نشوف الوزن الأصلي لقيتو بلي أكثر
سما هداك بائع الرب يزن السلع ديالو وكي يلقاها زايدين يصححو باش مايديش ذنوبهم
شكرا ع الموضوع
بارك الله فيك اختي و نسال الله الهداية
شكرا
​

 

[Salah eddin]

هههههههههه راك قلت كلش مخليت والو
ناس ولات تراعي على الربح السريع برك
نزيدلك تاع كي تقولو ديرلي كذا ب 50 الف يقلك اي جات ب 80 الف معليش ههههههههههههه
ولا تشري حاجة يحتملك تدي حاجة اخرى معاها ههه
شعب فريد الاطرش من نوعو

اهلا بيك خونا المدريدي
ههه
ها انا قلت و نتوما كاشما تحطو ثاني ههه
بصح الخضارة يوزنلك بالاضافي يا جدك هههه
تقولو دير كيلو... يقولك كيلو و رطل ماعليهش ؟؟ هههه
يادي شعب فريد جدا جدا ههههه
شكرا خويا ​

 

[صدام بكل فخر]

و الله يا خويا لعزيز انا نسكن في بلاصة اقسم بالله الزوالي يموت
الاسعار صاروخية ضاربة في القمر .... الغلة يا حبيبي و الله العظيم
ولات عبارة على امنية شخصيا نشري غير بالرطل و نص الرطل ههههههه
ربي تستر يا خويا مع العلم البلدية الي عايش فيها من اغنى بلديات دزاير
و للاسف نسبة الزواولا اضعاف نسبة الاغنياء و هنا مشكل خاطر تجار
ميحسبوش للزواولا عبارة مش موجود " نكرة " حتى الطبقة الوسطى
تتفرج بعيناها و فرات ربي تستر انا حاس راح تتوخد اد بلاد على قريب
** صحيت لاثارة الموضوع **​

 

[Salah eddin]

السلام عليكم
صلوحي عجبك ردي اهلا مكا عجبكش دز معاهم
انا خويا قبل ما نلوم الناس هذي نلوم رواحنا حنا كالمعيز نتبعو شعب تبع لو شكارة حليب يقولو 10 آلاف نشروها ونستبنوها نكملو نجو نطرطقو ونهدرو ما نديرو والو الناس هذي مول الخضرة وإلا اللبسة وإلا اي تجارة عارف تروح وترجع وتديها وانت تضحك عليها يقولك دز معاهم
البطاطا في وقت وصلت ل 7 آلاف و 8 آلاف والناس شراتها وطارت
اللبسة ما نحكيش تحت شعار أنا نبات للشر ونليس والزين يقطر بالمليون للحاجة الحر يدور وهو ما يسعاش وهنا يبقى فمك مفتوح
تروح للحوانت ما تلقاش بلاصة معمرين والدبزة يا سيدي كيفاهما يقولكش دز معاهم
اسي المير الفاشل انت الشعب اللماوي هنا راح يقولك دز معايا ههههه بمعنى تلقاني غير أنا صلوح ما تعيا الحالة دور عليك ههه

و عليكم السلام
واش مرام راكي دخلتي من الاول دخلة خشينة ياك ق الخير ؟؟ هههه
صح ف يهذي عندك الحق
الشعب ق يتبع
اذا زادو يزيد و اذا نقصو ينقص
بصح الله غالب ....
بصح و علاه راكي تقولي عليا مير فاشل ؟؟ ههههه
خلي نشوف قبل و نقولك نلقاك نتي برك و لا نلقى غيرك ههه
شكرا اختي ليليا ​

 

[Salah eddin]

وعليكم السلام ورحمة الله وبركاته
غير البارح شرينا كيلو طماطم ب 16 الف !!!!!!!!!!
زادو لهبو االاسعار
وكل بائع حاط سعر
ماكانش مراقبة في بلادنا كل واحد يغني بغناه لي يخرجو
ويروح فيها الgليل مسكين

اهلا بالسيدة ام ياسمين
و علاه تشرو في الكيلو تاع الطماطيش ؟؟ ههه كنتو ما تشروش و ادير واضراب حتى تهبط ههه
صح ماكاش مراقبة
و الgليل راح في كيل الزيت
ربحت دزاير
هههه
شكرا سيدة ام ياسمين ​

 

[Salah eddin]

و نزيدلك الخرجة الاخيرة تاع واحد الاستاذ التلاميذ ما فهموش الدرس قالولو يا استاذ عاود فهمنا ما فهمناش واااش قالهم؟
كااااااارثة : كي يعاودولي الشهرية نعاودلكم الدرس و دزو معاهم
ربي يستر يا صلاح و دز معاهم هههههههه

هههههه
الله يستر و ندزو قاع معاهم
ههه
شكرا خويا يونس​

 

[Salah eddin]

و الله يا خويا لعزيز انا نسكن في بلاصة اقسم بالله الزوالي يموت
الاسعار صاروخية ضاربة في القمر .... الغلة يا حبيبي و الله العظيم
ولات عبارة على امنية شخصيا نشري غير بالرطل و نص الرطل ههههههه
ربي تستر يا خويا مع العلم البلدية الي عايش فيها من اغنى بلديات دزاير
و للاسف نسبة الزواولا اضعاف نسبة الاغنية و هنا مشكل خاطر تجار
ميحسبوش للزوالا عبارة مش موجود " نكرة " حتى الطبقة الوسطى
تتفرج بعيناها و فرا ربي تستتر انا حاس راح تتوخد اد بلاد على قريب
** صحيت لاثارة الموضوع **​

ياودي في دزاير كاين طبقتين
طبقة الاغنياء
و الطبقة الكادحة
المتوسطة ماكانش
يا تاكل اللوكس من الاول يا تاكل الدنجال و الماقاطوس
و الgليل خلات عليه و المعيشة زايدة ق تصعب
و التجار يحسبو على مولى التيقوان و الداستر ....و ما يحسبوش على الي يمشي على كرعيه
هذي هي المعايير
و الله يجيب الخير
شكرا خويا صدام​

 

[بشرى ملاك]

ايا جماعة ... شوي تفاعل !!!
@yaso ياسمين
@صدام بكل فخر
@Skor m@k
@madridista
@بنت سطيف
@يونس قاسم
@chirine zina
@ميلينا
@aYyÖub aDaM
@جيهان جوجو
@لؤلؤة قسنطينة
@امين احمد
@جلال عبدالمنعم
@theking
@saddek06000
@bassem1618
@BTCMADANI
@Hossam 01
@sanaya
@Soumia hadj mohammed
@ليليا مرام
@Ma$Ter
@ماجدة لربها ساجدة
@نعمات
@scorpion16
@أم ياسمينdz
@Asseli Queen
@فيتامين سي
@omaridj27
@NOOR EL Huda
@salima77
@عآشقة الجنـة
@krimo65
@الامين محمد
@صمت المشاعر
@sقطر الندىs
@بشرى ملاك
​

والله ماوصلتني اشارة...
التجاااااااااارة يا لطيف منهم بصح كيما قالت ليليا سكتنالهم بزاف وهما زعما يخمو علينا ابدا يخمو يربحو برك يهمهم لا زوالي لا ڨليل كاين ليتروح تشري عليه يقولك ماكنش الصرف امالا واش يدير يمدهالك سلعة يا لوكان حلوى وهاك هو توجور رابح.....
@أم ياسمينdz يا حبيبتي ديري كيفي طماطم الغالية ڨاع مانقربهاش نشري طايبة بزاف لي ڨاع لغاشي مايحبوهاش انا نديها بارخص ثمن ونعاود فدار نطيبها ونخدمها مليح وندسها فلفريڨو ونطيب بها كي نسحق لاصوص لاي حاجة نخدم بيها وحتى طواجين مانخدمش كامل بطماطم المصبرة ڨاع مانشريهاش اما الطماطم الغالية نشري حبات فقط للسلطة...