كلنا مرضى ..... فمن يعترف لمن يجرأ

[ليليا مرام]

ذلك حلم يا ليليا و ليس مرضا ،من منا لا يحلم و يتمنى الاحسن حتى الشخص الصحيح جسديا و الثري له امنيات اخرى ،كم هو جميل عندما اتحدث مع نفسي و اضحك عندما أرى غيري يتحدث لوحده لانني أفهمه ،فالحديث مع النفس أمان و السر لا يخرج
هكذا نحن البشر مهما مرضنا او تعبنا نتعلق بالامل و ما أجمله ،لانه لا يضع لنا نهاية بائسة

السلام عليكم ميلينا
اكيد أختي لنا نحدث أنفسنا ونكلم أحلامنا وكما قلت حتى الأغنياء لهم أحلام ولهم طموح والمريض والصغيروالكبير
تبقى انفسنا هي التي تختلف هناك من يركض وراء احلامه فيفقد نفسه وهناك من تمرض نفسه وهي تنتظر الحلم وهناك من يهدر نفسه في حلم يعلم انه لن يتحقق
ان شاء الله الامل يبقى فقلوبنا طالما ديننا معنا ونتمسك بالله سبحانه وتعالى
مشكورة أختي على الرد

 

[ليليا مرام]

الحمد الله علي نعمة الصحة والعافية وراحة البال
ربي يشافي كل مريض ويفرج علي كل مهموم
الواحد ما يعرفش قيمة النعمة لي عندو حتي يشوف غيرو يعاني

السلام عليكم أختي صمت المشاعر
الحمد لله على كل شي كلها نعم من الله ونحن مسلمون والمسلم يتقبل كل شي من الله دون إعتراض
صح النعمة اللي عند الإنسان ما يعرفهاش إما كي يخسرها وإما يشوف ناس اخرين محرومين منها يعرف انو في نعمة والكارثة ما يحمدش ربي
عليها لازم اللي يقرا فالموضوع ويعرف ربي من عليه بالنعم اخرين محرومين يحمد ربي كل ثانية
نورت الموضوع أختي شرفتيني

 

[ليليا مرام]

انا نقول للجميع اي انسان عنده تجربة اذا ما كانت مرض تكون فقر او فراق او او يعني اسباب الابتلاء كثيرة صعبة لكنها تقربك لله تعالى اكثر اكثر
نتمنى للجميع العون كل من عاش تجربة يحكي عنها لكي يفيق ويعلم انها اصبحت مجرد ماض وانتهى يا ربي كون في العون

السلام عليكم اهلا وسهلا
فعلا عندك الحق مش عيب كامل عندنا إبتلاءات وكاين امور بزاف ممكن مشكلتي نقرا مشكلة أخرين نسوفها تافهة هذا يعاون هذا مش عيب بزاف امور ممكن وحدة مراهقة تقرا تقولك هذو يهدرو على المرض وهي ممكن متعلقة بإنسان وتحبو وتاعبة نفسيا وتحشم تحكي نقوها احكي نورمال لانو هنا واحد ما يعاتب ويلوم لانو حتى هذيك فترة مراهقة وتجربة راهي مرض للنفس وراح تلقاي خاوة يورولك هوما واش عاناو في فترات مثل سنك
او واحد فارق الاهل بالموت او حاجة يعني الإبتلاء يختلف والنفس مريضة صح كل واحدة فينا راه عيان من داخلو مش عيب يجي يحكي ويقولك على العكس انا نشوفها حاجة مليحة بزاف
ربي يحفظك أختي

 

[ليليا مرام]

انا اعتقد انو المرض النفسي في شرعنا يعني نقص الايمان والضنك الذي يصاحبه
ممكن لانو الانسان يبتعد عن ذكر الله { ومن اعرض عن ذكري فان له معيشة ضنكا }
وممكن ايضاا لانو الانسان يعطي للامور اكثر من حجمها شعاري في الحياة كان دائما
لا شيء يستحق ان نحزن من اجله للابد ممكن نهار ممكن اسبوع شهر عام لكن ديما ديما ينسى البنادم ويعيش حياتو
حتى والديك ما عندهمش علاقة كاملة بحياتك اذا راحو عليك لانو يوما ما ممكن تكون انت الاب او انت الام
الله يحفضنا ان شااء الله واكثر المراض تأتي بحسب ضني من منافسة النااس
او من معاشرتهم ديما الواحد يخلي فسحة لنفسو ابتعد عن الناس ولو والديك ولو عائلتك بعد عليهم لمدة اسبوع
رايح تريح انا اعتقد انو اجمل شيء او الجامعة في الحقيقة
لانو بالجامعة ننسى هم العائلة وكي نرجع للعائلة نزيد نريح من هم الجامعة يعني تعيش حياتين
كلتاهما مختلفة على الاخرى وديما نحاول نستخرج من كل حيااة الاشياء الي نداوي بيها روحي واخيراا
الاستغفار والصلاة على النبي
وربي يشفي كل مومن ..​

السلام عليكم خويا حكيم
لالا المرض نفسي عمرو ولا كان ضعف فالإيمان تلقى حالات يصلو ومأمنين بربي وقانعين به ويمرو بتجارب تحطم النفس ويروحو للقرآن باه يبراو نعطيك مثال مريومة زادت قربت فالصلاة وما خلاتهاش وهي لما تعبت مش معناها انها ضعيفة فالإيمان لانو اعراض المرض جاتها عادي باه بدات تفيق انو راهي مريضة
ايضا خويا تلقى ناس تبدا تمرض تخمم على طول تروح للراقي وغيرو في وقت هي النفس مريضة لالا انا ما نظنش نقص او ضعف فالإيمان
ولا الإنسان يعطي امور اكثر من حجمها انا نقول النفس تتعب كيما جسمنا يتعب نهار كامل برا وتخدم وتقرا ويتعرض لامور بزاف ومرة على مرة نمرضو وواحد ناقص مناعة يمرض بزاف هكاكا النفس انت انسان الضغط عليه تلقى ماتولو اعز الناس يخسر قرايا يخسر خدمة ممكن يكون باغي يتزوج زيد فرصة تروحلو دراهم ماكانش هذا نفسو كيفاه تكون يصلي وراضي بأمر الله بصح داخليا تعب وعيا
انت قاوي وتقدر وما تقوليش جامي عيييت ولا تعبت ولا خممت لانو ماكانش انسان ولو اللي مرتاح وما عندوش مشاكل هذي نفسو تتعرض لغضوطات كيما الجسم يتعرض لها
آمين ويحفظك

 

[ليليا مرام]

فعلا موضوع حساس جدا فالمرض النفسي معاناة حقا .خصوصا اذا كان الانسان حساس لدرجة كبيرة و اغلبية الناس يعانون منه فمشكلة بسيطة في الحياة تتولد عنها ضغوطات نفسية تكبر بمرور الايام لتتحول الي معانات كبيرة خصوصا اذا كنت لا تستطيع التعبير عن تلك المعاناة لسبب ما و تتظاهر بالسعادة رغم المك و حزنك الشديدين
فقدان شخص عزيز او مرض او هم مهما كانت اسبابه تسبب ازمات نفسية .
ربي يشفيني يشفيكم اخوتي و يفرج همكم و يفرحكم .

السلام عليكم أختي
تشكرين
الله يشفيك ويشفي كل مريض جسديا او نفسيا هي ضغوطات مثلما قلت تمر بنا وتضعف النفس كما يضعف الجسد ونحن مبتلون ومعرضون لهكذا مواقف في الحياة الموت والمرض والفراق الخ يبقى اننا ندعو الله ان يجعل أنفسنا قوية حتى نستطيع أن نتحمل
شكرا لك أختي إضافتك ميزت الموضوع تشكرين

 

[ليليا مرام]

ما من انسان مسلم الا و له اسوة في صبر الأنبياء و الصالحين و من احبهم رب العالمين ،،
و ما اجتباهم و لا اصطفاهم إلا بالبلاء المبين و المحن
الطويلة ، و لا شك بعدها كانت المنح
و اعظم المنح هو رضا رب العالمبن و السكينة الى جواره
ففي الصحيحين عَنْ أَبِي هُرَيْرَةَ أَنَّ رَسُولَ اللّهِ صلى الله عليه وسلم قَالَ: ".... وَيَرْحَمُ اللّهُ لُوطاً، لَقَدْ كَانَ يَأْوِي إِلَى رُكْنٍ شَدِيدٍ،،،،،"
فالضعف اولى بنا ان كان الانبياء يعتريهم الحزن في انفسهم و اليأس ممن حولهم .
الى كل المشاركين
فرج الله عليكم و كانت لكم ابتلاءاتكم ذخرا يوم القيامة
آمين

السلام عليكم أخي الكريم أهلا وسهلا نورت الموضوع
نعم فعلا أنا أقرأ قصص الأنبياء وآخذ العبر منهم كيف وهم الأقرب إلى الله ونجد كل واحد منهم قد عاني وأبتلي من نحن أمامهم فأجدنا قد تحملت البعض مما أعانيه
وادعوا لكل مريض او متعب نفسيا أن يقرأ لقصص الأنبياء والرسل ويتابع الناس المرضى في كل العالم فيرى أمور يحتار ويحمد الله مهما كان مرضه وإبتلائه
امين وفرج الله عنك وعنا ورزقك ورزقنا دوام الصحة والعافية
شكرا لك

 

[ليليا مرام]

ليليا مرام
أرجو منك ديرلنا موضوع علي الناس لي تتكسل وعلي الناس لي تشوف معلومة ومتشكرناش علي تعبنا واضاعة الوقت علا جالهم
هههههه موضوعاتك حلوين وفيهم غير الكوتبي يسعد مسائك يا احلي اخت

مشاهدة المرفق 71777​

اهلا عماد

ههه اوك حاضر خليني برك نكمل الموضوع هذا وندورها معايرات هههههه
والله يا الكوتبيي ياك راني مدقدقة يا عماد يزينا من الفضاضيح قدام الغاشي ههههه
وانت اعز اخ تسلم

 

[ليليا مرام]

قاع لي قلتيه صح الحمد لله على كل الحال ولي يضحك عليك سمحيلي على هاد الكلمة حمار باسكو هادو حوايج ربي واليوم ضحكت عليك غدوة ماتحصيش كامل باش ربي يبليها.... الله يشافيك ويعافيك ويا سعدك ڨاع الذنوب راحتلك بمرضك...

اهلا بشرى
انا هذو الناس اللي تضحك ما نشوفهم اصلا ولا يهموني يا أختي انا راضية بواش اعطاني ربي وقانعة وعارفة عند ربي ما درت والو وانو اللي فيا مش عقاب ولو كان فرضا عقاب نقبل ربي يعاقبنا هنا ولا هناك الحمد لله فرحانة انو ربي اعطاني مرض حتى نعرف روحي مقربة منو
آمين يا رب ويهنيك ويسعدك يا رب

 

[عماد خطاب]

أمين يارب ربي يجازيك

ربي يشفيك اخي وربي يرزقك الصحة والعافية
المرض ابتلاء من ربي وان شاء الله يزيد يقويك ويمدلك ايمان اكبر
ربي يعوضك ان شاء الله​

​

 

[أم أحمــــد يــسّ]

مسا مسا...
وانا ماجيتش نقرعج...آسفة كنت مع الخدمة
آآه يا ليليا لو تعرفي شحال طاحت دموعي في موضوعك هذا...الله لا يوريك دموع يااارب
وكل من @بشرى ملاك @لؤلؤة قسنطينة
@ميلينا @عماد خطاب @ربي اغفرلي
ربي يفرج عليكم كامل..
وشكون ماعندوش حالة نفسية متعباتو؟؟
وشكون كاملتلوا؟؟وشكون ولد في فمو مغرفة ذهب؟؟
ساعات الانسان يهرب من همّ ويتناساه بصح يجي وقت يتلم كلشي ..والانسان من لحم ودم لازمو يحس موش حجرة
الله غالب كلنا مرضى ومش بايدينا
واللي يلوم نقصنا ولا يشوفها نقص نقلو ماعفستش مزال على جمرة غيرك ومانتمناها لحتى واحد..
ربي كبير حبيبتي ميرسي على المساحة

 

[عماد خطاب]

لو كان نحكيلك حكايتي ونعطيك صور الحادث والفديوهات تاوعي طيحي بقلبك الحمد الله اختي هكذا ولا كثركاين ناس اكثر منا ناس لي معندهومش ارجل ولا ايدي ونتذكر صاحبي لي كان راكب معيا انا منعت وهو توفي بعد ما دخل للكومة رحمه الله نوصي كل سائق درجات النارية ان يتوقف عن اللعب بها خطراكش بعد تجربتي تربيت مانيش مصدق ك راني عايش نطلب الشفاء لكل مريض ونطلب الرحمة لكل متوفي ولصديقي عادل رحمه الله والسلام عليكم

مسا مسا...
وانا ماجيتش نقرعج...آسفة كنت مع الخدمة
آآه يا ليليا لو تعرفي شحال طاحت دموعي في موضوعك هذا...الله لا يوريك دموع يااارب
وكل من @بشرى ملاك @لؤلؤة قسنطينة
@ميلينا @عماد خطاب @ربي اغفرلي
ربي يفرج عليكم كامل..
وشكون ماعندوش حالة نفسية متعباتو؟؟
وشكون كاملتلوا؟؟وشكون ولد في فمو مغرفة ذهب؟؟
ساعات الانسان يهرب من همّ ويتناساه بصح يجي وقت يتلم كلشي ..والانسان من لحم ودم لازمو يحس موش حجرة
الله غالب كلنا مرضى ومش بايدينا
واللي يلوم نقصنا ولا يشوفها نقص نقلو ماعفستش مزال على جمرة غيرك ومانتمناها لحتى واحد..
ربي كبير حبيبتي ميرسي على المساحة

 

[Cristal BR]

ربما اذا شافونا الاشخاص من الخارج نبانو اشخاص عاديين نضحكو و كأنو ما كاين والو .. و لكن الحقيقة هيا كي يقعد الشخص مع نفسو و تختلط عليه الافكار .. في لحظة ما نعودو نحسو اننا مجانين او مرضى حقيقة .. و هاذا كله بسبب الضغوطات و المشاكل لي ما عندهاش نهاية .. تنتهي وحدة يجيو 10 من وراها .. هو ليس عيبا فقط الشخص وصلت بيه لدرجة ما عادش يقدر يتحمّل و كل شي عندو حدود .. يعني مثلا الشخص كان يفرغ واش في قلبو في شكل دموع حتى الدموع جفت .. ما كان حتى شخص يسمعلك .. أكيد رح تولي مريض نفسي رغما عندك .. الظروف التي جعلتنا هكذا ... أما عن الذهاب لطبيب نفسي هه كيما قلتيها الطبيب في حد ذاتو مريض يعني لا فائدة من الامر .. اصلا في الفترة الاخيرة كنت نقول عن نفسي مريضة نفسية و بالصدفة لقيت موضوعك .. عادي يعني =)

 

[أم أحمــــد يــسّ]

لو كان نحكيلك حكايتي ونعطيك صور الحادث والفديوهات تاوعي طيحي بقلبك الحمد الله اختي هكذا ولا كثركاين ناس اكثر منا ناس لي معندهومش ارجل ولا ايدي ونتذكر صاحبي لي كان راكب معيا انا منعت وهو توفي بعد ما دخل للكومة رحمه الله نوصي كل سائق درجات النارية ان يتوقف عن اللعب بها خطراكش بعد تجربتي تربيت مانيش مصدق ك راني عايش نطلب الشفاء لكل مريض ونطلب الرحمة لكل متوفي ولصديقي عادل رحمه الله والسلام عليكم

رحمه الله واسكنه فسيح جنانه...
الحمد لله على سلامتك
اكيد درسك يحتاجه الكثير من شبابنا
الله يحميهم ويحميك انشالله...

 

[عماد خطاب]

ربما راكي في عوض الوالدة تاعي ردي عليك وهو جزاك الله خيرا وشكرا من القلب علي دعائك

رحمه الله واسكنه فسيح جنانه...
الحمد لله على سلامتك
اكيد درسك يحتاجه الكثير من شبابنا
الله يحميهم ويحميك انشالله...

 

[أم أحمــــد يــسّ]

ربما راكي في عوض الوالدة تاعي ردي عليك وهو جزاك الله خيرا وشكرا من القلب علي دعائك

مشاهدة المرفق 71811

ولك خير الجزاء...
مقام اعتز شكرا
يا وليدي هههه

 

[أم أحمــــد يــسّ]

@لؤلؤة قسنطينة انتي بنتي ثاني ؟؟؟

 

[همس الجفون 93]

الانسان يجب ان ينتهب في كل شئ دراجة نارية او شئ اخر انا زوجي كان يخدم بلامين الة تقطيع الخشب ويضحك مع صحابو في لحظة خلصها غالية دارت. لامين ليده ثم رجله الحمد الله لم تقطع ولكن بقي اثرها فينا هذي علمتني انا وهو ياسر حوايج درس ما ننساهش ابدا الحمد اللله

 

[لؤلؤة قسنطينة]

@لؤلؤة قسنطينة انتي بنتي ثاني ؟؟؟

هههههههه راكي مازلتي صغيرة الله يبارك عليك
كبرناك خلاص، انا ختك الصغيرة ​

 

[ليليا مرام]

مسا مسا...
وانا ماجيتش نقرعج...آسفة كنت مع الخدمة
آآه يا ليليا لو تعرفي شحال طاحت دموعي في موضوعك هذا...الله لا يوريك دموع يااارب
وكل من @بشرى ملاك @لؤلؤة قسنطينة
@ميلينا @عماد خطاب @ربي اغفرلي
ربي يفرج عليكم كامل..
وشكون ماعندوش حالة نفسية متعباتو؟؟
وشكون كاملتلوا؟؟وشكون ولد في فمو مغرفة ذهب؟؟
ساعات الانسان يهرب من همّ ويتناساه بصح يجي وقت يتلم كلشي ..والانسان من لحم ودم لازمو يحس موش حجرة
الله غالب كلنا مرضى ومش بايدينا
واللي يلوم نقصنا ولا يشوفها نقص نقلو ماعفستش مزال على جمرة غيرك ومانتمناها لحتى واحد..
ربي كبير حبيبتي ميرسي على المساحة

اهلا اختي قمر
ابكي مليح منين ذاك البكى والواحد يعتبر من الناس والله يشفيك يا أختي
انا تأمن درت الموضوع وما كنتش نتوقع أعضاء انهم مرضى والله قلبي وجعني لما عرفت حكايتهم خويا عماد وبشرى ماتو اولادها ومريومة والاخت رب أغفرلي والله توزجعت ليهم بقدر ما نتوجع على نفسي ربي معانا والحمد لله
ايه كل واحد فينا لم في قلبي ويجي نهار وين يطرطق وين يمرض ويعيا خلي المرض نتاع برا راه جاي من داخل وراضيين بيه النفس تمرض كيما الجسم وربي كبير ومعانا وراح يعوضنا بالصبر إن شاء الله
الله يفرج عليكم كامل
حبيتك كي بكيتي بغيت الكحل يطيح هههه امزح

 

[ليليا مرام]

لو كان نحكيلك حكايتي ونعطيك صور الحادث والفديوهات تاوعي طيحي بقلبك الحمد الله اختي هكذا ولا كثركاين ناس اكثر منا ناس لي معندهومش ارجل ولا ايدي ونتذكر صاحبي لي كان راكب معيا انا منعت وهو توفي بعد ما دخل للكومة رحمه الله نوصي كل سائق درجات النارية ان يتوقف عن اللعب بها خطراكش بعد تجربتي تربيت مانيش مصدق ك راني عايش نطلب الشفاء لكل مريض ونطلب الرحمة لكل متوفي ولصديقي عادل رحمه الله والسلام عليكم

والله يا عماد خويا ربي سلكك من الموت الحمد لله يا رب على كل حال وانت ما تزيدش تسوق الندبة هذيك يا خويا
بصح سؤال معليش علاه اسمائكم شابين رومانسسن عماد وعادل اواه انا رايحة نسكن فسطيف مات قبل ما نعرفو ويااا على زهري يا أنا ياك ذوك الشابين والصغار يموتو وانا هنا قلبي يتحرق
الله يجعل مثواه الجنة وبلاك راه يستنى فيا هناك ههه
ربي يرحمو يا رب نخفف جو برك
ربي يشفي كل مريض ونصيحة للناس الللي تلعب بروحها فالموطوات أخطيكم اخطيكم خكو غير فالأم هذيك وحرقة قلبها
مشكور خويا