الحاج قويدر و المارسيداس

[Salah eddin]

السلام عليكم و رحمة الله و بركاته
ناس اللمة صحيتو .. وش راكم ؟ وش احوالكم ؟ بخير ؟ ق العافية ؟
...
الحمد لله اسي ... رحمة ربي ...
اربحو يا سيدي من صلاة النبي ... عليه الصلاة و السلام
و يا سيدكش ... هذي كيما العادة حكاية نزهاو بيها و نزهو بيها الحالة
راني عارف اذا ما تحركتش انا ماكانش الي يتحرك ههه
و الحكاية تاع اليوم ... هي حكاية الحاج قويدر الموّال ...
ياسيدي الحاج قويدر هذا انسان كبير الله يبارك ... و ربي باسطلو في الرزق ... ها الله يزيدو حنا ما قلنا والو ههه
و عندو القااليم ذيك على نظر عينك ... روح وين نجيك مااا ياودي حكاية " القاليم هي قطيع الغنم الكبير ياسر "
و هذا الشيخ راني نقولك ق لي تنفحلو فيها يجيبها ... سكنة جديدة يشريها ... ارض تبانلو يشيريها ... ياااتل مقلش روحو راني نقولك
و فحشوش !! ههه ...
المدار يا سيدي ... الحاج واحد النهار مريح مع بنو في الصالون ... و مـڤاسير ... يا سيدي و يقرا الطفل في الجورنال بلي مرسيداس راها خرّجت كروسة جديدة ...
و الشيخ هذاك يطلّع حاجبو و يخزر في بنو : " يسموك ضرك تروح تجيبيها !! و جيبهالي سخونة ق كي خرجت ماذابيك"
ههه
والطفل هذاك ق يستنا هههه و بدا يكلّم ...منا طا طا كذا منا ملهيه
كلّم الالمان قاع ههه قالهم الحبة الاولى الي تخرج خلوهالنا للشيخ يرحم والديكم ههه
راك عارف جابوهالو جديدة سخونة ق كي خرجت في كاقط تاع اليمينيوم ههه و دارولو كيردو من الفوق خخخ
ههه
المهم كذا اتصالات منا طلعات هبطات .... المهم جابوهالو للدار ...
الحاج عجباتو الكروسة ياوو !! ههه
و سمى بسم الله و ركب فيها و دار المفتاح و بدا ينوّض فيها
هو مع لي دور المفتاح و بدات الكروسة تنطق : " شناختن زلوفن اقش طاع هاي كذا روبن بايرن ميونيخ "
و الحاج ما هو فاهم فيها والو ههه ق يبوّه ههه
المهم الحال تقول ما عجبوش الحال ...قالو هذي الحية راها تتحدث مسكونة و لا مش عارف وش بيها
بنو قالو ياابوي هذي راها التكنلوجيا و الحية و راها تهدر توريلك برك وش لازم ادير
قالو باط باط جيبوهالي تهدر بالعربية و لا ماكاش
المهم ولديو هذاك عاود كذا منا يكلم في الالمان باه يموديفو الكروسة و تهدر بالعربية
ايا يا سيدي خدموها و جابوهالو ... عادي ها راهم لالمان ههه اطبخ يفوح ...
المهم الحاج جابوهالو ... ركب فيها كي قبيل ... دور المفتاح و بدات الكروسة :
" صباح الخير حاج قويدر !!"
"اربط حزام الامان "
"تفقد المرآة الجانبية"

الحاج قالك شني هذي ؟؟ ههه و عيط لبنو : "باط باط ق شوفلي حاجة اخرى ... هذي لي تهدر هدرة التلفزيون قاع ماشلالي بيها
اديها عليا ... انا نحوس على كروسة تتحدث حديثنا ... حديث الشويخات اسي تاع رحمة ربي "

المهم الطفل هذاك الله يبارك قافز و طايع ابويو ... عاود كي قبيل ...كلّم لالمان .. كذا منا اطلع اهبط
المهم لالمان قالك هذا وش يحوس هذا ؟
قالهم لانجينيور لازم نروحو نشوفو هدرتهم كفاه ... و نخدمو برنامج على ذيك الهدرة و نركبوه في الكروسة
المهم لالمان بعثو 6 جناير من خيار الناس تاعهم ... و جابوهم هنا برك لسوق الاثنين ههه
و بداو يعسو في هذوك الشيوخة كفاه يتحدثو ... المدار يا سيدكش ... قيدو ياسر كلمات من الكلمات تاع الشيوخة
كيما ... خييير ... و ق العافية ... و و شراكم ... و وصبحتو ... يااتل ههه
المهم عرفو قاع الهدرة كفاه
و رجعو للالمان و خدمو كروسة كيما يحب الحاج
قعدو قريب شهر ... و جابوهالوو
...
الحاج راك عارف كي سمعهم جابو الكروسة زهى ...ههه و ناض يقيّط
المهم عوّل يجربها ... هو مع لي طلع ... و دور المفتاح
و بدات الكروسة : " خييير االحاج !!! وصبحت ؟؟؟ ق العافية ؟؟ ااا اليوم راك الله يبارك هههه "
و الحاج زهاتلو ..هاهو تفكر حديث امو الله يرحمها ههه... هذيي هي لي يحوس عليها هههه
المهم الحاج هذاك ديمارا و قال يعڤب في الفيتاسات
هههههه
...
و ڤبض الطريق و ڤال يبط ...برومريار ... دوزايم ... طروازيام ... كاطريام ... راه لحقها لل 250 كيلو في الساعة
و الحاج موش قاع حاس روحو يمشي ( ها لالمان الله قالب ههه) ... المهم .. سانكيام ...
و ق يزيد في الفيتاس ... 300 .... 350 .... 400....ههه

هو لحق لل400 ....و بدات الكروسة تترعد ... و قالت تعيط هههه :

" ااالحاج قويدر ڤواااايمي ...ااالحاج ڤوااايمي ...ااالحاج ما هوش هاك !!!"
هههههههههههههه
هههه

المهم قالك الحاج تقلّب ... و منها ما زادش شرا كروسة و هذي هي حكاية الحاج قويدر و المرسيداس
ههههه

....

و هذي هي ... ان شاء الله تكون عجبتكم الحكاية
و
السلام عليكم​

 

[Salah eddin]

جماعة ارواحو تضحك شوي !!
ههه
@حروف تائهة
@حمزةusma
@عمر عبد السلام
@ربي اغفرلي
@{هِشام}
@scorpion16
@Mårőųā Řāhïł
@باتنية و نص
@الحلم الوردي
@إنسانة ما
@زهور اليآسمين
@sقطر الندىs
@صدام بكل فخر
@Skor m@k
@madridista
@بنت سطيف
@يونس قاسم
@chirine zina
@ميلينا
@بشرى ملاك
@aYyÖub aDaM
@جيهان جوجو
@لؤلؤة قسنطينة
@امين احمد
@جلال عبدالمنعم
@theking
@saddek06000
@bassem1618
@BTCMADANI
@Hossam 01
@sanaya
@Soumia hadj mohammed
@ليليا مرام
@Ma$Ter
@ماجدة لربها ساجدة
@نعمات
@hakim story
@habchisalaheddin
@أم ياسمينdz
@Asseli Queen
@فيتامين سي
@omaridj27
@NOOR EL Huda
@salima77
@عآشقة الجنـة
@krimo65
@Mustapha Bita
@مكان وزمان
@طموحة
@امين احمد
@رضا الرحمان غايتي
@acher.dz
@الصراحة راحة
@محمد التبسي
@صمت المشاعر ​

 

[حلم كبير]

هههههههههههههههه
والله يا هاذي غير وحدها خويا صلاح
هههههههههههههههه
عجبتني غير الجناير الالمان اللي جاو داو هدرة الشيوخة من سوڤ الاثنين خخخخخ
تخيلتها خخخخخ وحدها هاذي
نحيتلي على خاطري وخاصة المؤثرات الصوتية ههههه
والاخرة ڤوايمي ،ڤوايمي ههههههه
.....
شوف

عشرة على عشرة وزيد
لقب طبيب الڤلوب والخواطر الاول
عن جدارة واستحقاق

​

 

[حروف تائهة]

هههههههههههههه الله يعطيك رحمة ياصلاح خويا لكبير هههههه
الله يبارك على بنو القافز خخخ (ياك راهو نايلي هع هع )
و تحير راني بقيت نقرا في هذيك زعما الالمانية شاخن باخن ههههه تقول صح ههههههه
و تاع ياااقوااايمي ههههههه وحدها
الله يسعدك صلاحو دايما تنحيلنا على خواطرنا

 

[Malika Tlm]

هههههه الله يعطيك الخير

 

[❤️كلي أمل❤️]

ههههههههه
فهمت ومافهمتش بصح يعطيك الصحة هههههه

 

[زهرة اللمة]

يعطيك الصحة صلاح الدين
هدرتك فكرتني بوحد الانسان يحكي هاك
ربي يسعدك
تقبل مروري

 

[Salah eddin]

هههههههههههههههه
والله يا هاذي غير وحدها خويا صلاح
هههههههههههههههه
عجبتني غير الجناير الالمان اللي جاو داو هدرة الشيوخة من سوڤ الاثنين خخخخخ
تخيلتها خخخخخ وحدها هاذي
نحيتلي على خاطري وخاصة المؤثرات الصوتية ههههه
والاخرة ڤوايمي ،ڤوايمي ههههههه
.....
شوف

عشرة على عشرة وزيد
لقب طبيب الڤلوب والخواطر الاول
عن جدارة واستحقاق
مشاهدة المرفق 72098
​

اهلا خويا حليم

راك تشوف ااا ؟ هههه الحاج مخلوع بالمارسيداس حتى حرقلها قوايمها
ههه
يعطيك الصحة خويي على المرور الجميل
بارك الله فيك​

 

[Salah eddin]

هههههههههههههه الله يعطيك رحمة ياصلاح خويا لكبير هههههه
الله يبارك على بنو القافز خخخ (ياك راهو نايلي هع هع )
و تحير راني بقيت نقرا في هذيك زعما الالمانية شاخن باخن ههههه تقول صح ههههههه
و تاع ياااقوااايمي ههههههه وحدها
الله يسعدك صلاحو دايما تنحيلنا على خواطرنا

اهلا اختي زكية
و الحمد لله اسي كي ضحكتي معانا هنا
ههه
و نتي ما لقيتي ما تشوفي ق بنو اا ؟؟ ههه
ها شوية خلي البير يقطاه وش بيك ههه
شكرا اختي زكية
و بلا مزية هذيك حاجتي هه ​

 

[Salah eddin]

هههههه الله يعطيك الخير

شكرا
ههه​

 

[Salah eddin]

ههههههههه
فهمت ومافهمتش بصح يعطيك الصحة هههههه

وش ما فهمتيش ؟ نفهموك اسي ماكاش مشكل
ههه
يعطيك الصحة عبير​

 

[Salah eddin]

يعطيك الصحة صلاح الدين
هدرتك فكرتني بوحد الانسان يحكي هاك
ربي يسعدك
تقبل مروري

شكرا على المرور الجميل
بارك الله فيك​

 

[Salah eddin]

عشرة على عشرة وزيد
لقب طبيب الڤلوب والخواطر الاول
عن جدارة واستحقاق

هههه
خويا حليم
هذي راني شفتها ق من بعد
ههههه
ابووي جرتني لاباس بيا هه
بارك الله فيك خويي
هههه​

 

[Princesse Diyor]

هههههههههه مليحة هادي
و برافو على وليدو الابن البار هههههههه
ميرسي ليك خويا ضحكتنا و نحيتلنا على قلوبنا

 

[zarzoura]

يعطيك العافية والله غير تقتل بالضحك
خموس وجبرين عليك

 

[Salah eddin]

هههههههههه مليحة هادي
و برافو على وليدو الابن البار هههههههه
ميرسي ليك خويا ضحكتنا و نحيتلنا على قلوبنا

ههه
شكرا اختي بارك الله فيك
شفتي طاعة الوالدين ههههه​

 

[Salah eddin]

يعطيك العافية والله غير تقتل بالضحك
خموس وجبرين عليك

شكرا اختي زرزورة ههه
بارك الله فيك
​

 

[Salah eddin]

خويا @الامين محمد
راه طايحلك شوي المورال
ارواح هنا باه يطلع
شوف الحاج قويدر وش دار مع المرسيداس
ههه
ا
شرفنا بمرورك اسي ههه
ههه​

 

[الامين محمد]

ههههههههههههههههههه
هههههههههههههههههه
الله يهديك خليتني نضحك وحدي قدام الميكرو ضروك المدام تحسبني هبلت ههههههههههههههههه
المهم سلملي على الحاج قويدر و سقسيه بلاك همل ولد و ممكن نكون أنا
**** كاش ما نورث ههههههههههههههه
ما تنساش وصايتي هههههههههههههههه
و الله نسيتني في الزعاف راني نضحك من قلبي هههههههههههههه

 

[Salah eddin]

ههههههههههههههههههه
هههههههههههههههههه
الله يهديك خليتني نضحك وحدي قدام الميكرو ضروك المدام تحسبني هبلت ههههههههههههههههه
المهم سلملي على الحاج قويدر و سقسيه بلاك همل ولد و ممكن نكون أنا
**** كاش ما نورث ههههههههههههههه
ما تنساش وصايتي هههههههههههههههه
و الله نسيتني في الزعاف راني نضحك من قلبي هههههههههههههه

اهلا خويا امين
اسي اخرزنا برك
ههه
يعطيك الصحة خويا
​