الحاج و الفارماسي

[Salah eddin]

السلام عليكم و رحمة الله و بركاته
ناس اللمة صحيتو
رواد ركن النكت و الطرائف و محبي الزهو و الضحك مرحبا بيكم
نشالله راكم بخير ... قولو الحمد لله ... اااتل قولو الحمد لله شني ذي الحية ههه
المهم .. كي العادة ... حكاية خفيفة ظريفة نلطفو بيها الجو شوية هذا مكا ههه
راني عارف كن ما نتحركش انا ... القاشي نايمين نوم الكرام راني نقولك
...
بسم الله ... اسيدي و قالك هذا واحد الشيخ .. شيخ راني نقولك كبير في العمر ... عمرو في المليح " المليح مصطلح تاع دومين " ههه
و هذا الشيخ يشتي يتمسخر ساعات و يرقد بالقواشي ... واحد النهار .... حكمتلو على واحد الفارماسي جارهم ... قالك و الله قلا جبت بيه الربع
...
المدار ياسيدي ... هو طلع النهار ... و الشيخ عول يروح للفارماسي ...
المهم دخل الشيخ للفارمسي : ااتل السلام عليكم
قالو و عليكم السلام ... مرحبا الحاج ... تفضل قولها ...
قالو : " اااوليدي عندكم الحشاوش ؟ هههه
( الحشاوش هو كيما المعدنوس و القصبر )
الفارماسيان تبريزا ... قالك شني يتمسخر بيا يحوس ع الحشاوش في الفارامسي !!!
قالو والو يا الحاج ما عنديش ... رانا ما نخدموهش حنا ...
المهم ... الحاج راح في طريقو عادي ..
...
و قدوة مين ذاك راجع ليه : اااتل السلام عليكم ... اااوليدي كاين الحشاوش !! ههههه
الفارماسيان قالك هذا راه دايخ وقيلا ... قالو الحاج راك قالط ما عنديش الحشاوش انا !!!
الحاج قالو السماح و راح في طريقو عادي ههه
...
المهم ياسيدي الحاج ولى كل مرة يجي يضرب دورة ع الفارامسي و يسقسيه ع الحشاوش ...
الفارماسيان هذاك ..قالك هذا الشيخ كل مرة يجي يحوس ع الحشاوش ... انا و الله قلا شريت ربطة ولا زوج تاع حشاوش
و نحطها في الكونطوار و كي يجي الشيخ راني نبيعالهو عادي هههه
...
ايا كيما كان الحال ... الفارماسيان هذاك ... شرا ربطتين ولا ثلاثة تاع حشاوش و بريزونتاهم في الكونطوار و قعد يستنى ق في الحاج يجي
و الحاج هذاك مريقل راني نقولك ... ق تطلع السمش ... ينوض يقضي صوالحو ...يفطر ...و يقول ربي .. و يروح للفارماسي ههه
ايا سيدي ... جا الحاج للفاراماسي هههه اي و الله :
اااتل السلام عليكم ... اااوليدي عندك الحشاوش !!؟؟
الفارماسيان قالو ايه يا الحاج كاين الحشاوش ... راه بألفين فراك الربطة برك
...
وش قالو الحاج ؟
قالو :

ابووي !! عمري ما شفت فارامسيان يبيع الحشاوش !!!




​

 

[Salah eddin]

@حروف تائهة
@acher.dz
@dahman kz
@فيتامين سي
@حمزةusma
@عمر عبد السلام
@ربي اغفرلي
@{هِشام}
@scorpion16
@باتنية و نص
@الحلم الوردي
@إنسانة ما
@زهور الشوق
@Skor m@k
@sقطر الندىs
@يونس قاسم
@صدام بكل فخر
@madridista
@chirine zina
@بنت سطيف
@ميلينا
@بشرى ملاك
@aYyÖub aDaM
@جيهان جوجو
@لؤلؤة قسنطينة
@امين احمد
@جلال عبدالمنعم
@صمت المشاعر
@theking
@saddek06000
@Ma$Ter
@bassem1618
@BTCMADANI
@hakim story
@Hossam 01
@sanaya
@ليليا مرام
@ماجدة لربها ساجدة
@Soumia hadj mohammed
@Asseli Queen
@نعمات
@أم ياسمينdz
@عآشقة الجنـة
@omaridj27
@NOOR EL Huda
@مكان وزمان
@طموحة
@رضا الرحمان غايتي
@الصراحة راحة
@محمد التبسي
@الامين محمد
@حلم كبير
@الصحافية الساخرة
@Twinkle Stars
@طيب الكلام
@فتحي عاشق الجنه
@عاشقة الإحسان
@صفاءdz
@أم منيــــــر
@Princesse Diyor
@Princess nour​

 

[*amani*]

السلام عليكم
ههههخخههه ياخي حاج ياخي
شكرا اخ صلاح كالعادة على القصة الجميلة ​

 

[Salah eddin]

السلام عليكم
ههههخخههه ياخي حاج ياخي
شكرا اخ صلاح كالعادة على القصة الجميلة ​

و عليكم السلام و رحمة الله

شكرا اختي اماني على مرورك الجميل

​

 

[زهور الشوق]

ههههههههههههههههههههههههه بريزااه مسكين
هادي كيما نقولوعندنا يــــgـــــمبر بيه *يجوز بيه الوقت*
يعطيك العافية خويا صلاح ضحكتني نحيت علي الغمة تاع الزيرو اللي افيشاوهولي اليوم هههههه

 

[Salah eddin]

ههههههههههههههههههههههههه بريزااه مسكين
هادي كيما نقولوعندنا يــــgـــــمبر بيه *يجوز بيه الوقت*
يعطيك العافية خويا صلاح ضحكتني نحيت علي الغمة تاع الزيرو اللي افيشاوهولي اليوم هههههه

اهلا اختي زهور ههه رانا قاع مع المكر تاع لافيشاج ههه
الله يجعل الخير و خلاص ههه بصح انا خير منك مش زيرو ههه
راني في ال7 و ال8 ههه
شكرا على مرورك الجميل
يعطيك الصحة


​

 

[زهور الشوق]

اهلا اختي زهور ههه رانا قاع مع المكري تاع لافيشاج ههه
الله يجعل الخير و خلاص ههه بصح انا خير منك مش زيرة ههه
راني في ال7 و ال8 ههه
شكرا على مرورك الجميل
يعطيك الصحة


​

اهلاا بيك خيي
ياودي 7 في ليكزاما ديك وحدها هههههههه
ياو افيشالي زيرو فالتيدي مافهمت والو خسارة الساعات اللي دخلتهم وصوتي لي تبحبح وانا نشارك وجه الشر

 

[Salah eddin]

اهلاا بيك خيي
ياودي 7 في ليكزاما ديك وحدها هههههههه
ياو افيشالي زيرو فالتيدي مافهمت والو خسارة الساعات اللي دخلتهم وصوتي لي تبحبح وانا نشارك وجه الشر

ههه
تستاهلي ههه على خاطر تشاركي ههه
فالتيدي قليل وين نشارك انا ههه
نحضر باه نبوانتي برك ق باه ما نعقبش ايكسكلي ههه
هذا الشي و ما ديتش زيرو ههه
اقعدي شاركي ههه

​

 

[cosette]

ههههه مسكين هههههه
راني جيت بلا عرضة مش من عوايدك خخخ
يعطيك الصحة
:Love:

 

[Salah eddin]

ههههه مسكين هههههه
راني جيت بلا عرضة مش من عوايدك خخخ
يعطيك الصحة
:Love:

اهلا و سهلا بالاخت زهرة
ياودي الاشارات راني نكوبيي فيهم برك
و المرة الجاية نشالله نديرلك اشارة سبييسال كتعويض
ههه
بارك الله فيك و شكرا

​

 

[زهور الشوق]

ههه
تستاهلي ههه على خاطر تشاركي ههه
فالتيدي قليل وين نشارك انا ههه
نحضر باه نبوانتي برك ق باه ما نعقبش ايكسكلي ههه
هذا الشي و ما ديتش زيرو ههه
اقعدي شاركي ههه

​

ههههههههههههه
نستهل الكية انا لي بغيت

 

[Salah eddin]

ههههههههههههه
نستهل الكية انا لي بغيت

ههه
ربي يجبهالك زينة نشالله هههه

​

 

[أم منيــــــر]

ههههههه هادي شابة
تمسخر بيه نتع الصح
فكرتني بلحكاية نتع هاداك السيد لي راح للقهوة يسقسي
عندكم قهوة باردة يقولو لقهواجي لالا
المهم يومين ول تلت ايام و هو يديرهالو
حتى نهار قال هاداك لقهواجي و الله غي ندير القهوة تبرد لهاذاك السيد و هاكداك كان الحال
كي جا قالو عندك قهوة باردة قالوا ايييه كاين
قالو انا جامي شفت واحد قهواجي يسربي قهوة باردة
ايا روح سخنها و جيبها ههه
مشكور على لحكاية رانا بحاجة لهاد الجو المرح

 

[Salah eddin]

ههههههه هادي شابة
تمسخر بيه نتع الصح
فكرتني بلحكاية نتع هاداك السيد لي راح للقهوة يسقسي
عندكم قهوة باردة يقولو لقهواجي لالا
المهم يومين ول تلت ايام و هو يديرهالو
حتى نهار قال هاداك لقهواجي و الله غي ندير القهوة تبرد لهاذاك السيد و هاكداك كان الحال
كي جا قالو عندك قهوة باردة قالوا ايييه كاين
قالو انا جامي شفت واحد قهواجي يسربي قهوة باردة
ايا روح سخنها و جيبها ههه
مشكور على لحكاية رانا بحاجة لهاد الجو المرح

اهلا بالخالة أم منير
ايه هذيك هي هههه راها نفس الفكرة ق وشني ههه هذيك فارماسي و هذي قهوة
هي على كل حال الحكايات تاع التمسخر من هذا النوع راهم ياسر
شكرا على مرورك الحميل
و الله يعطيك الصحة و ساعة و اضربي دورة كاشما تلقاي الجديد نشالله ههه
ايا بالعافية



​

 

[لؤلؤة قسنطينة]

السلام عليكم
ههههههه كن أنا كن وكلتلو الحشيش هاداك
ولا نمدهولو يديه بالسيف للدار
ولا نخرج نجري وراه بالعصا
نعتلو التمسخير ههههه
يعطيك الصحة خويا صلاح على القصة الظريفة
واصل هكا راك مزهي قسم النكت الله يبارك
تحياتي ​

 

[Salah eddin]

السلام عليكم
ههههههه كن أنا كن وكلتلو الحشيش هاداك
ولا نمدهولو يديه بالسيف للدار
ولا نخرج نجري وراه بالعصا
نعتلو التمسخير ههههه
يعطيك الصحة خويا صلاح على القصة الظريفة
واصل هكا راك مزهي قسم النكت الله يبارك
تحياتي ​

و عليكم السلام
اهلا اختي مريم هههه و الله اسي
شيخ المكر جاي يتمسخر بالسيد ههه
ياو العصا و قليلة عليه
شكرا اختي مريم
بارك الله فيك
​

 

[حروف تائهة]

تلسلام عليكم
ههههههههههه مسكين السيد هههههه قلب الفارماسي لحنوت حشاوش ههههههه
بصح الشيخ هذا واعر هههههههه
يعطيك الصحة خويا لكبير على الحكاية خفيفة ظريفة هههه

 

[Salah eddin]

تلسلام عليكم
ههههههههههه مسكين السيد هههههه قلب الفارماسي لحنوت حشاوش ههههههه
بصح الشيخ هذا واعر هههههههه
يعطيك الصحة خويا لكبير على الحكاية خفيفة ظريفة هههه

و عليكم السلام
اهلا اختي الصغيرة ههه
مليح كي عجباتك الحكاية ههه
و الشيخ راهم ياسر كيما هو ههه
شكرا على مرورك الجميل


​

 

[حلم كبير]

ههههههههههه
شيخ كعكوع يا محاينك وڤلبو مزال حار ويدير فالطراطڤ ههههه
والله هايلة هاذي ،وشوف الفرماسي الطماع هههههه ها أطمع ضرك خخخخ
هاو لعبها عليك وخلاك تنحي الطابلية البيضا هههههه
نتخيل في شكل الفارماسي بعدها
تصلح سكاتش
شويخ هايل كون راكم تتبعوه وتحكيولنا واش راه يدير فالغاشي

يا خويا راك زهيتني مع الصباح الله يزهيك بنقاط زينين نشالله
ربي يحفظك
في امان الله ​

 

[صانعة الإبتسامة]

ماقريتش الحكاية

بسكو مدرتليش إشارة