- إنضم
- 5 جانفي 2017
- المشاركات
- 3,482
- نقاط التفاعل
- 8,102
- النقاط
- 946
- العمر
- 28
- محل الإقامة
- Jijel
- الجنس
- أنثى
السلام عليكم و رحمة الله و بركاته
_ لا أعلم كيف أبدأ لكنني سابدأ ههه منذ كدة و أنا أفكر في عمل قصة يكون أبطالها أنتم أعضاء المنتدى و قد بدأت في كتابتها اليوم ^^ ..
هذا أول جزء :
وقفات احتجاج أمام قسم الشكاوي و العياط ، يبدو أن سكان اللمة غير راضون على هذا المير الجديد
_ "أين هي وعودك يا السي خضراكوس المير
أين وعودك لنا .. "
كان المير صلاح جالسا بغرفته يحتسي القهوة النايلية و قد ازعجته اصوات و صراخ الاعضاء بالخارج و إذا بليلوش زوجته الملقبة بالكحلوشة تزدم عليه و بفستانها الأحمر تلف رأسها بخمار أسود كوجهها تصرخ به " و الله غير غاية ، راك مكسل آلاز و زاد تشرب فالقهوة و العياط هذا برى راسي تشقق منو اخرج سكتهم كما عوايدك بنكتة .. "
لم يكن صلاحا يعبأ بكلامها و لا يزال مسترخيا بفراشه يحتسي قهوته بكل برودة و نيف حتى وجد ما بكأسه مسكوبا على وجهه و ليلوش تزيد من صوت صراخها وقد ازداد غضبها أكثر " زاد داير روحك ما تسمعش واقيلا هذي الضربة فطنتك دوك راني نشوف عينيك خرجوا من راسك دوك روح شوف الناس هذي واش حابة انا حابة نتفرج واحد المسلسل مع بنات اللمة براحتي،نووووض "
نهض صلاح من فراشه بعد أن اصبحت رائحته قهوة نايليه ؛ غسل وجهه ؛ لبس عمامته الخضراء و مشط لحيته و ذهب الى مكتبه ، ليجد حروف مطيشة ( @حروف تائهة ) اليد اليمين له تنتظره عند الباب و تبتسم
المير صلاح " : ها شا خصك أنتيا تاني مسمرة هنا في وجهي على الصباح "
حروف مطيشة : صباح الخير سيدي خضراكو... عفوا اقصد سيدي المير .." و اكملت حديثها بسرعة بينما هو يدخل الى مكتبه : " حاولت نتصل بيك و تيليفونك طافي من البارح ، أنت دوك مير بدل القوطي هذاك .. اااه اببب أقصد أنك تحتاج إلى هاتف جديد كي نستطيع التواصل معك في حالة أي طارئ ..."
قاطعها المير بعد أن مل من ثرثرتها الطويلة : " لا يهم ما تقصدينه ، المهم القوطي هذا عزيز عليا ، هذا ورث اجدادي النايليين فهمتي ، و لوكان تروحي تجيبيلي شارجور تاع خونا @يونس قاسم نديباني بيه رانا في أزمة مالية التشومير ايا ڨلعي بعدا الواحد يفوت شوي وقت فالأنثرنيت و .. " للحظة توقف المير صلاح عن الكلام ووجه نظره لها : " واش بيك تشوفي فيا دتهشة اااه عمرك ما شفتي مير يكونكتي .. ياخي حالة ياخي ، و مازال واقفة مقابلتني ، واش في فمك ثاني ها ڨولي ربي بلاني على الصباح بهدرة النساء .. "
- حروف مطيشة فورا تتكلم : " سيدي المير راني عرفت من خفاش الليل (@يونس قاسم ) بلي ظهر واحد العدو في هذا القصر اللماوي ، و السبب في هذي الفوضى هو "سكر محروق" ( @Skor m@k ) ، واش نكمل نحكيلك واش زيدت عرفت ؟؟"
- ايييه روحي برك ، كملييي ..
- ايه ، كما قلتلك خفاش اللمة كان ساهر البارح في صالة النكت و الترفيه ، وكي العادة كي جا مروح للدار راح لعند عمي @رابح66 باش يدي معاه وحدة قهوة بونال و .. "
المير يقاطعها بغضب : " قهوة بونااال ؟؟ شا داه صاحبي لبونال و القهوة النايلية معمرتلهش عينيه ؟؟ ، ايه روحي كملي وخفي فالهدرة و اختصري بن عمييي راكي داخلتها عليها مسلسل باب الحارة اودي "
- سامحني على الاطالة سيدي المير بصح هذا سكر محروق راه يحاول يحكم بلاصتك كي خسر فالانتخابات قدامك باين راه مزال حاقد عليك ، خفاش الليل شافوا كي اركب ترامواي اللمة وراح جهة الجنوب و معاه قابة شوي صغيرة ، نظن راه معول يجيبلك داعش يزرڨولك عينيك اسي.."
و قبل أن تكمل حديثها قاطعهما مستر ضبابة كحلاء ( @السحاب العابر ) ، ووجهه يبشر أنه في أخبار سارة يحملها معه ، و بعد أن ألقى التحية على المير صلاح و حروف مطيشة وجه نظره إلى المير و ضحك بقوة و هذا ازعج هذا الأخير فصرخ به صلاح : " أتأتي متأخرا و تضحك لتبرز لي أسنانك الصفراء ، شوف اقسم بالله الحالة اللي راهني فيها اليوم نقدر نغرسك بحذا الشجرة هذي اللي مع القصر " ثم اعتدل المير جيدا بعد ذلك الصمت الذي عم المكان وقال مجددا مخاطبا ضبابة كحلاء بهدوء : " ما الأخبار عندك هل هناك جديد .. "
ضبابة كحلاء : " عندي ليك أخبار سارة سيدي المير ، مستعد تسمعها ؟ "
كان ضبابة كحلاء يبدو واثقا من أن الأخبار التي يحملها للمير سوف تفرحه و يسر بها كثيرا لكن حدث العكس تماما ..
ضبابة كحلاء : " ما بك يا سيدي المير لماذا انفهلت بهذا الشكل لقد كنت أظن .. "
المير صلاح يقاطعه في غضصب : " هل تهزأ بي ، هل أنت تملك عقلا حقا ، ما راكش تشووف واش رانا فيه دوك جايي تحكيلي على البارصا ربحت الريال تتمسخر بيا ، روح شوف البرى واش كاين تخرج يطير راسك الناس راه تعيط برا و الأعداء بداو ينصبولنا فالافخاخ و انت تبعلي فالبالون ، الله يعطيك ضربة ، أنت صح أستاذ ؟! روووح من قدامي قبل ما ندفنك تحت الماء حي "
تصحح له حروف مطيشة وقد انفجرت ضحكا : " لا سيدي المير ههههخخ يقال هههخ ندفنك تحت تلتراب حي ههخخهههه "
المير صلاح : " بلعي فمك انتيا عليا جايا تعلميني أنا قاري 100 سنة عليك ، و في ديجا تسمرتي هنا في وجهي مازال ما رحتي تشوفي شغلك ، ياااو الخدمة ياا ربي عندنا خدمة ، انتم تحبوا ترقدوا و تعمروا الشكاير دراهم و الله نحلف فيكم دورو ما نقسمه معاكم .. " ، ثم يوجه نظره إلى ضبابة كحلاء وو يصرخ به : " بن عميييي ما زالك تشوف فيا ، روح سكت القاشي اللي برا و من بعد ارجع لهنا اشرب فيها معاي قهوة نايلية اطلق كرعيك للريح )
خرج ضبابة كحلاء و حروف تائهة من مكتب المبر صلاح بسرعة البرق قبل أن يفاجآ منه بلكمة أو صرخة مدوية تصرعهما ..
#يتبع
تابعوا الجزء الثاني ( بلعقل برك ههه ) ان شاء الله ينال اعجابكم الجزء الاول
مزال الاحداث شوي طويلة و الشخثيات كذلك بزاف يدخلوا فالقصة هههه
_ لا أعلم كيف أبدأ لكنني سابدأ ههه منذ كدة و أنا أفكر في عمل قصة يكون أبطالها أنتم أعضاء المنتدى و قد بدأت في كتابتها اليوم ^^ ..
هذا أول جزء :
وقفات احتجاج أمام قسم الشكاوي و العياط ، يبدو أن سكان اللمة غير راضون على هذا المير الجديد
_ "أين هي وعودك يا السي خضراكوس المير
أين وعودك لنا .. "
كان المير صلاح جالسا بغرفته يحتسي القهوة النايلية و قد ازعجته اصوات و صراخ الاعضاء بالخارج و إذا بليلوش زوجته الملقبة بالكحلوشة تزدم عليه و بفستانها الأحمر تلف رأسها بخمار أسود كوجهها تصرخ به " و الله غير غاية ، راك مكسل آلاز و زاد تشرب فالقهوة و العياط هذا برى راسي تشقق منو اخرج سكتهم كما عوايدك بنكتة .. "
لم يكن صلاحا يعبأ بكلامها و لا يزال مسترخيا بفراشه يحتسي قهوته بكل برودة و نيف حتى وجد ما بكأسه مسكوبا على وجهه و ليلوش تزيد من صوت صراخها وقد ازداد غضبها أكثر " زاد داير روحك ما تسمعش واقيلا هذي الضربة فطنتك دوك راني نشوف عينيك خرجوا من راسك دوك روح شوف الناس هذي واش حابة انا حابة نتفرج واحد المسلسل مع بنات اللمة براحتي،نووووض "
نهض صلاح من فراشه بعد أن اصبحت رائحته قهوة نايليه ؛ غسل وجهه ؛ لبس عمامته الخضراء و مشط لحيته و ذهب الى مكتبه ، ليجد حروف مطيشة ( @حروف تائهة ) اليد اليمين له تنتظره عند الباب و تبتسم
المير صلاح " : ها شا خصك أنتيا تاني مسمرة هنا في وجهي على الصباح "
حروف مطيشة : صباح الخير سيدي خضراكو... عفوا اقصد سيدي المير .." و اكملت حديثها بسرعة بينما هو يدخل الى مكتبه : " حاولت نتصل بيك و تيليفونك طافي من البارح ، أنت دوك مير بدل القوطي هذاك .. اااه اببب أقصد أنك تحتاج إلى هاتف جديد كي نستطيع التواصل معك في حالة أي طارئ ..."
قاطعها المير بعد أن مل من ثرثرتها الطويلة : " لا يهم ما تقصدينه ، المهم القوطي هذا عزيز عليا ، هذا ورث اجدادي النايليين فهمتي ، و لوكان تروحي تجيبيلي شارجور تاع خونا @يونس قاسم نديباني بيه رانا في أزمة مالية التشومير ايا ڨلعي بعدا الواحد يفوت شوي وقت فالأنثرنيت و .. " للحظة توقف المير صلاح عن الكلام ووجه نظره لها : " واش بيك تشوفي فيا دتهشة اااه عمرك ما شفتي مير يكونكتي .. ياخي حالة ياخي ، و مازال واقفة مقابلتني ، واش في فمك ثاني ها ڨولي ربي بلاني على الصباح بهدرة النساء .. "
- حروف مطيشة فورا تتكلم : " سيدي المير راني عرفت من خفاش الليل (@يونس قاسم ) بلي ظهر واحد العدو في هذا القصر اللماوي ، و السبب في هذي الفوضى هو "سكر محروق" ( @Skor m@k ) ، واش نكمل نحكيلك واش زيدت عرفت ؟؟"
- ايييه روحي برك ، كملييي ..
- ايه ، كما قلتلك خفاش اللمة كان ساهر البارح في صالة النكت و الترفيه ، وكي العادة كي جا مروح للدار راح لعند عمي @رابح66 باش يدي معاه وحدة قهوة بونال و .. "
المير يقاطعها بغضب : " قهوة بونااال ؟؟ شا داه صاحبي لبونال و القهوة النايلية معمرتلهش عينيه ؟؟ ، ايه روحي كملي وخفي فالهدرة و اختصري بن عمييي راكي داخلتها عليها مسلسل باب الحارة اودي "
- سامحني على الاطالة سيدي المير بصح هذا سكر محروق راه يحاول يحكم بلاصتك كي خسر فالانتخابات قدامك باين راه مزال حاقد عليك ، خفاش الليل شافوا كي اركب ترامواي اللمة وراح جهة الجنوب و معاه قابة شوي صغيرة ، نظن راه معول يجيبلك داعش يزرڨولك عينيك اسي.."
و قبل أن تكمل حديثها قاطعهما مستر ضبابة كحلاء ( @السحاب العابر ) ، ووجهه يبشر أنه في أخبار سارة يحملها معه ، و بعد أن ألقى التحية على المير صلاح و حروف مطيشة وجه نظره إلى المير و ضحك بقوة و هذا ازعج هذا الأخير فصرخ به صلاح : " أتأتي متأخرا و تضحك لتبرز لي أسنانك الصفراء ، شوف اقسم بالله الحالة اللي راهني فيها اليوم نقدر نغرسك بحذا الشجرة هذي اللي مع القصر " ثم اعتدل المير جيدا بعد ذلك الصمت الذي عم المكان وقال مجددا مخاطبا ضبابة كحلاء بهدوء : " ما الأخبار عندك هل هناك جديد .. "
ضبابة كحلاء : " عندي ليك أخبار سارة سيدي المير ، مستعد تسمعها ؟ "
كان ضبابة كحلاء يبدو واثقا من أن الأخبار التي يحملها للمير سوف تفرحه و يسر بها كثيرا لكن حدث العكس تماما ..
ضبابة كحلاء : " ما بك يا سيدي المير لماذا انفهلت بهذا الشكل لقد كنت أظن .. "
المير صلاح يقاطعه في غضصب : " هل تهزأ بي ، هل أنت تملك عقلا حقا ، ما راكش تشووف واش رانا فيه دوك جايي تحكيلي على البارصا ربحت الريال تتمسخر بيا ، روح شوف البرى واش كاين تخرج يطير راسك الناس راه تعيط برا و الأعداء بداو ينصبولنا فالافخاخ و انت تبعلي فالبالون ، الله يعطيك ضربة ، أنت صح أستاذ ؟! روووح من قدامي قبل ما ندفنك تحت الماء حي "
تصحح له حروف مطيشة وقد انفجرت ضحكا : " لا سيدي المير ههههخخ يقال هههخ ندفنك تحت تلتراب حي ههخخهههه "
المير صلاح : " بلعي فمك انتيا عليا جايا تعلميني أنا قاري 100 سنة عليك ، و في ديجا تسمرتي هنا في وجهي مازال ما رحتي تشوفي شغلك ، ياااو الخدمة ياا ربي عندنا خدمة ، انتم تحبوا ترقدوا و تعمروا الشكاير دراهم و الله نحلف فيكم دورو ما نقسمه معاكم .. " ، ثم يوجه نظره إلى ضبابة كحلاء وو يصرخ به : " بن عميييي ما زالك تشوف فيا ، روح سكت القاشي اللي برا و من بعد ارجع لهنا اشرب فيها معاي قهوة نايلية اطلق كرعيك للريح )
خرج ضبابة كحلاء و حروف تائهة من مكتب المبر صلاح بسرعة البرق قبل أن يفاجآ منه بلكمة أو صرخة مدوية تصرعهما ..
#يتبع
تابعوا الجزء الثاني ( بلعقل برك ههه ) ان شاء الله ينال اعجابكم الجزء الاول
مزال الاحداث شوي طويلة و الشخثيات كذلك بزاف يدخلوا فالقصة هههه
