حكاية الحفّاف

[Salah eddin]

السلام عليكم
ههههههههههههههههههههه " يتزعبط " ههههههههههههههههههههههههههههه
هذي الكلمة وحدها قتلتني ههههههههههه
بن عمي هذا الحفاف واعر هههه وقيلا عندو عقدة من الوذنينات خخخخ كل مايروح السينيال يحبس عند الوذنين هههههه
يعطيك الصحة خويا لكبير " فتحي اللمة" كيما قال خفاش هههه

أهلا اختي زكية
امالا عجباتك ق كلمة " يزعبط " ههه كاين يفيبري و كاين السينيال ههه
بصح الحفاف هذا مصيبة ...امالا عسي روحك بالاك تروحي للحفافة ولا
ههه
شكرا اختي زكية
بارك الله فيك​

 

[zohor kfz]

khasna eljdiiiiiiiiiiiiiiiiiiiid hadi m 2008 ya khon
hhhhhhhhhhhh bassa7 man bakri ta3jabni

 

[Salah eddin]

khasna eljdiiiiiiiiiiiiiiiiiiiid hadi m 2008 ya khon
hhhhhhhhhhhh bassa7 man bakri ta3jabni

ههههه
ايا امالا تحوسي على الجديد ههه
روحي شوفي حكاية الحاج قويدر و المارسيداس هههه​

 

[zohor kfz]

ida kima hadi w 9dima matcha9inich yar7am babak :p

 

[Salah eddin]

ida kima hadi w 9dima matcha9inich yar7am babak :p

ههههه والو مش قديمة هههه ق روحي شوفيها ههههه
و كاين اخرى تاع الكبش و الفروج هههه

 

[zohor kfz]

nta3 الكبش و الفروج
khaliha l ghada
rak 3araf bchnadman 7aja tda7ak hhhh

 

[Salah eddin]

nta3 الكبش و الفروج
khaliha l ghada
rak 3araf bchnadman 7aja tda7ak hhhh

ههه ما فهمتكش ههه كتبي بالعربية اوو ههه

 

[zohor kfz]

قتلك بلي الحكيات لي بقيين نخليهم لغدا باش نضمن حاجة تضحكني :p :p

 

[Salah eddin]

قتلك بلي الحكيات لي بقيين نخليهم لغدا باش نضمن حاجة تضحكني :p :p

خلاص كيما تحبي ههه

 

[manal1993]

ههههههههههه الزاوج كون جا قافز كون فحت هيهيهيهيهيهيهيه
مشكور الاخ

 

[Salah eddin]

ههههههههههه الزاوج كون جا قافز كون فحت هيهيهيهيهيهيهيه
مشكور الاخ

شكرا جزيلا ههه​

 

[صانعة الإبتسامة]

السلام عليكم و رحمة الله
....
صحيتو وش راكم وش احوالكم ؟ ...لاباس ؟ الحمد لله
ها قولو الحمد لله اسي ... حـڤا ساهلة ... الحمد لله و هي فرات
المهم ياسيدي و هذي حكاية جديدة نضحكو بيها شوي ... ماهيش طويلة كيما الاخرين ق ما تخافوش ههه
...
المهم ياسيدكش ... قالك هذا واحد حفاف ...و الحفاف هذا شني .. هو صح حفاف ..بصح في الحقيقة يخلط شوي في الدومان تاع المخدرات و كذا ... الله يبعد علينا و عليكم ههه
المهم من كثرة تخلاطو ... ولى ساعات يروحلو السينيال ههه و يولي ق هايشة ... يخلط يضرب يااودي وش نحكيلكم ههه
المهم واحد النهار ... جاوه زوج مشترية مع بعضهم ... جاو يريقلو لاكوب كي العادة...
تقدم الاول وقعد في الكرسي تاع الحفافة ... و الزاوج ريح يستنى في دالتو ...
بدا الحفاف صاحبنا يخدم في خدمتو عادي ... طوندوز ...مقص ... كذا منا ...تور دوراي ... تور ديزيو ... المهم يخدم خيرات الله يبارك و هو اصلا ناظر في خدمتو ياوما العفسة تاع السينيال هذيك ههههه
ايا و هو يخدم نورمال ... مااارة هاك ... ااوووب... جاتو حيتو ... و بدا يفيبري ... ( ها هو راحلو السينيال ) ههه
المهم ق حكماتو الحالة ... صد للسيد الي راه يخدم معاه ( يعني المشتري الاول ) : " االمعلم ... و ذنتك هذي تحتاجها ؟ "
ههه
السيد يحسبو يقجم معاه ... قالو " ما نحتاجهاش " ههه
ايا الحفاف قطعهالو و لاحها في البوبال ههههه
المهم السيد هذاك بدا الدم يسيل و كذا و صرا الانكر راني نقولك كارثة ههه
يااتل راه قتلو قاع هههه و بدا يلـڤـف و يزعبط ههه ق قول مات ههه

و السيد هذاك الزاوج الي قاعد يستنى خلع .. قالك هذا السيد مريض في راسو و ق يطفرها فيا ... لازمني نديرلو راي ههه
المهم الحفاف المش طايق سكر الباب ... و صد للمشتري الاخر ههه وقالو ارواح ريح نريقلك شعرك ههه
السيد ق يطاوع فالحفاف ... راح قعد كيما قالو ...
مااارة هاك ... و الحفاف سقسا السيد الزاوج نفس السؤال " ااالمعلم ... وذنتك هذي تحتاجها ؟ " هههه
( السيد قالك كن نقولو ما نتحاجهاش كيما صحابي .. يقطعها و يوخذني )
ههه
قالو : ايه نحتاجها
الحفاف وش دار ؟ ...هههه

قطعها و عطاهالو

ههههه

هذي هي ان شاء الله تكون عجبتكم الحكاية
ايا السلام عليكم جماعة

​

هههههههه ههههههههه هههههه
أنا راك قتلتني بضحك هههه ...سورتو الحفاف كي راحلو سينيال. هههههه ربي يحفظك تجور ضحكني ..هههههه

 

[Salah eddin]

هههههههه ههههههههه هههههه
أنا راك قتلتني بضحك هههه ...سورتو الحفاف كي راحلو سينيال. هههههه ربي يحفظك تجور ضحكني ..هههههه

شكرا على مرورك الجميل اختي صفاء
ههه​

 

[Cristal BR]

ههههههههه
مالا ننصحكم تقعدو هك

خير لتروحو بلا وذن خخ
يعطيك الصحة خويا صلاح على النكتة الزينة

 

[Salah eddin]

ههههههههه
مالا ننصحكم تقعدو هك

خير لتروحو بلا وذن خخ
يعطيك الصحة خويا صلاح على النكتة الزينة

شكرا على مرورك الجميل اختي ميسم
ههه
​