المال ... زينة / وسخ ... الدنيا

الحالة
مغلق ولا يسمح بالمزيد من الردود.

Salah eddin

:: عضو شرفي ::
إنضم
27 جانفي 2016
المشاركات
10,190
النقاط
1,886
محل الإقامة
الجلفة
الجنس
ذكر


السلام عليكم و رحمة الله تعالى و بركاته

جماعة اللمة صحيتو وش حالكم و احوالكم ؟ نشالله راكم بخير ... ياااتل قولو الحمد لله :)

الموضوع باين و واضح وضوح الشمس و القمر ...حتى و القمر ساعات يدرق ع الواحد ههه

و راني في موضوعين في واش راك تهدر ههه ق على الدراهم ههه

الله يرزقنا درهم حلايلية نشالله ... قولو آمين ...ههه

المهم ...

يا سيدي كثير ما نسمعو قاشي يهدر و منارفي ... و يقولك الدراهم فساد الدنيا

الدراهم وسخ الدنيا ... و يقولك ما يفرق بين الاحباب قير الدراهم ... و يقولك ويقولك

يعني كلام كبير ... في هجاء كبير للدراهم و للمال

و لو نشوفو جيهة اخرى ... نلقاو ... اولا ربي سبحانو .. ذكر ان المال هو زينة الحياة الدنيا

و نشوف انو الواحد بلا دراهم ما يقدرش يقضي ابسط الامور ...

راها الصحة و العمليات و العلاج بالدراهم ...

الامور الحياتية البسيطة و الاساسية بالدراهم ...

الزواج و سيدي عبد الله بالدراهم ...

و يجي يقول الدراهم وسخ الدنيا ...

انا نشوف بلي الدراهم ماهيش وسخ الدنيا ... الدراهم حاجة زينة و قوة و جاه


و الدرهم تخلي البنادم عزيز ... و تخليه يدو عليا مش سفلى

و نتوما جماعة ؟ ... وش رايكم ؟




 

Skor m@k

:: مشرف ::
منتدى واش راك تهدر
طاقم المشرفين
إنضم
12 جويلية 2010
المشاركات
5,262
النقاط
2,901
السلام عليكم
آه يا خويا الصالح الى لقيت كاش واحد قالك الدراهم وسخ الدنيا
قلو كاين واحد دار البيت ديالو مزبلة تاع الدراهم ههههههه
قولو يجي يرميهم عندي هههه ولا نقولك انا نروح لعندو هو مايشقاش هههههههه
ماتتمسخرش يا خويا الصالح لي قالك هكذا باين بلي ماشافش الدراهم
يعني ماتمتعش بيهم فلحلال طبعا باش يحسلهم ولا يكون ماقدرش يحصلهم عليها هدر هكذا
كيما قلت انت الدراهم من الأولويات فالحيات سورتو الى كانو دراهم حلال وتصرفهم على لحلال
متاع كبير بيهم تقدر تفرح عايلات وناس بزاف وتفرح ولادك وعايلتك ودخل عليهم الفرح

 

"viola"

*أستاذة*
إنضم
9 جويلية 2014
المشاركات
5,768
النقاط
851
محل الإقامة
اوساكا..
الجنس
أنثى
هههههههه لاناستيزي يخدرو فينا خخخ الدراهم هوما الصح خخخخ و اذا مأمنتونيش سقسو دنيا بطمة خخخخخخخخ
لا نظن المثل ينطبق نهار لي يولو الدراهم سبب فالمشاكل و لا الانحراف سي تو
صحيت
 

Hakan

:: مشرف ::
منتدى فرغ واش فى قلبك
منتدى بـوح الـقلم الحـر
طاقم المشرفين
إنضم
10 أوت 2013
المشاركات
9,530
النقاط
2,201
الجنس
ذكر
انا بوي من صغري يقلي :
المال هو اللسان لمن اراد فصاحة وهو السلاح لمن اراد قتال
وكذالك هو فضل الله يعني مايشقاش الواحد يمرض روح اذا ربي ما عطالوش
لكنيسعى الانسانباش يكون غني عن النااس
اما الجماعة نتاع وسخ الدنيا فيكون احد النوعين :
اما انسان صالح تقي يعرف بلي المال قادر يفتنو
واما يكون شخص مناافق سيتو ربي يهنيك ويرزقنا المال الححلال لانو بدون مال حلال والله ودير المليارات ق رايح تشبع من حياة الذل
لانو اي مال يجي عن طريق الحرام يتبعو ربي بالذل ...
 

الصحافية الساخرة

:: نجمة اللمة ::
إنضم
5 جانفي 2017
المشاركات
3,487
النقاط
1,441
العمر
24
محل الإقامة
Jijel
الجنس
أنثى
السلام عليكم

( عليها راك داير صوميل ههههههههه )

ايه نولوا للموضوع المالي هههه تسما الواحد كي راه يحب الدراهم ماشي عيب كما يقولوا شي ناس ، الدراهم عندهم قيمة و شابين ههههه سيرتوا كي تجمع منهم بعرق جبينك والله تحس بحلاوتهم لما تصرفهم و تفرح يماك و نفسك اولا ..

اللي يقولك وسخ راه هو قلبه موسخ و عقله تان ، سينورمال كي تولي تشري بيهم غير الحرام اكيد تشوفهم وسخ .. بالنسبة ليا تان الدراهم لازم بويسك يفكوا الواحد ما تحتاجش تمد يدك ( اليد العليا خير من اليد السفلى ) دوك ككي تولي ما عندكش صباط باش تشريه تما نشوفوا ما يقولو دراهم وسخ الدنيا !! ،، وكي تلقى روحك محير كيفاه تكسي ولادك و تخلص المرى و الماء تما قولي وسخ الدنيا اه !!!

صح الدراهم ما يرجعولكش صحتك الى راحت بصح على الاقل يعالجوك وحتى لو ما تبراش مي ما يخلوكش تذل و لا تمد يدك لحتى واحد باش تشري دوا ولا تتعالج برى ..

( ها شفت اصلاح علاه النساء يحوسوا على اللي عنده الدراهم ياو يسلكوا غدوا ان شاء الله هههههه ، مهم حتى انتم تحبوا الدراهم بويسك ملاح هههه )

مرسي على الموضوع ^^​
 

ضيوف وسـنغادر

:: عضو فعّال ::
إنضم
18 أكتوبر 2013
المشاركات
1,735
النقاط
171
محل الإقامة
skikda
الجنس
أنثى

السلام عليكم و رحمة الله تعالى و بركاته
موضوع مليح ووش حكآية الميآتلف وش قعد من لآبورس ولا وش ههههه
هآلمهم
نبدا بقول الله الكريم(المال والبنون زينة الحياة الدنيا)
الدرآهم والله راهم كيما قال ربي زينة ومايقدرش الانسان يعيش بلا بيهم
كلشي بيهم الدراهم جآمي يكونوا حاجة مش مليحة الا اذا راحوا فالحاجة المش مليحة
الانسان اول حاجة لازم يعرف كفاه يتصرف فيهم كما قال ربي زكاة وصدقة وعدم اسراف وو
ماعيبش الواحد انو يحب الدرآهم علآجال بش يفرح عايلتو ويشري حوايج خاصينو
ولكن العيب أنو يحتسب انو المآل راه كلش كي نقول كلش يعني يقدر يضحي بعايلتو من أجل الدراهم
وفي النهآية بعد الموت من يذكره؟ امواله لن تذكره الا =>ان ترك صدقة جارية أو أهله
اللي يقول المال وسخ الدنيآ هو نفسو اللي شآف بلي علاجآل الدرآهم طآحت الرّوح أو شيء من هذا القبيل
صح المآل يفتّن وهنا نتفكرو القصّة في سورة الكهف خاصة أمام انسان ضعيف ...
المآل زينة:لما يلبي الانسان حآجيات عايلتو ويفرّح اقاربو يدآوي بيهم صحتو يدير بيهم حوآيج يخبيهم لآخرتو
المآل وسخ:لمآ يوسخهم الانسان بتصرفآتو قآدر يقتل علآجآلهم أو يقطع صلّة رحم أو يُعصى علاجالهم الوآلدين أو...
ربي يرزق الجميع الدراهم الحلآل ويبآرك في رزقهم
شكرا على الموضوع
^^
 

حلم كبير

:: نجم اللمة ::
إنضم
24 ديسمبر 2016
المشاركات
5,068
النقاط
2,751
العمر
34
محل الإقامة
فرنسا الجزائر وطني
السلام عليكم ورحمة الله تعالى وبركاته
بارك الله فيك خويا على الموضوع
الدراهم ماهمش ملاح إذا استعملناهم في حاجة تغضب ربي اكيد
بصح انا مع كسب المال الحلال وبكثرة ثاني ،لانو المؤمن القوي خير عند ربي من المؤمن الضعيف وقوة المال اليوم راها من اكبر القوى فالعالم ..
كيما اليهود حكمو العالم باموالهم وسيروه كيما يحبو هوما
والمال يقضي كل شيء في اقصر الاوقات طبعا بما يرضي الله
ميش يعني عندي المال نمد الرشوة ،ولا نشري العباد ولا نعڤب قبل عباد لالا
كان يهودي في عهد الاستدمار الفرنسي عند حانوت مرفه يعني
كي يجيوه اليهود يطلبو يتلفهم ما يعطيلهمش يڤولهم روحو تخدمو
وكي يجيوه المسلمين يمدلهم ويڤولهم اڤعدو هنا كل يوم نمدلكم
يعني الخدمة هي اللي تخرج الانسان من اي ازمة
والدراهم ملاح واذا كانو وسخ الدنيا راه على ناس ما تحبش تخدم
يعني الشحمة كي تبعد الڤط يڤولك ما انتنها
ربي يرزقنا مال الحلال اللي ننتفعو بيه آمين
بارك الله فيك خويا على الموضوع
احترامي وتقديري

 

أشــواق 19

:: مشرفة ::
منتدى المطبخ الجزائري
طاقم المشرفات
إنضم
28 مارس 2010
المشاركات
8,956
النقاط
1,556
محل الإقامة
Setif
الجنس
أنثى
السلام عليكم اخي..
ساكتفي بقول ربنا الكريم ( المال والبنون زينة الحياة الدنيا..)
كيف يكون المال وسخ دنيا وربي قال بلي راهم زينة الحياة..
يا خويا انا ممعهاش هذي الهدرة..كيما قال الأخ حكيم

" المال هو اللسان لمن اراد فصاحة وهو السلاح لمن أراد القتال "
شكرا يا أخي على الموضوع..
تقبل مروري :)
سلام..!
 

ليليا مرام

:: مشرفة ::
منتدى فرغ واش فى قلبك
مجتمع اللمة العام
طاقم المشرفات
إنضم
16 جوان 2009
المشاركات
8,663
النقاط
1,951
محل الإقامة
اللمة
الجنس
أنثى
السلام عليكم
يا صلاح خدمتهالك اسيدي قول ليليا اعطاتني الإلهام نكتب الفكرة كي عايرتني بودراهم اضافة لونساوي

نجو للصح الدراهم هوما كل شي وشفتها من روحي المرض لازملو دراهم .....يجيك ضيف تروح ضيف لازم دراهم ....مناسبة فرح او قرح أو دير واجب لازم دراهم ماكانش حاجة باطل وخلي قيمتك بين الناس شوف حتى الجنازات المرفه الطريق تنقطع عليه والزوالي ربعة رافدين النعش يا حسراه الفرق يا صلاح
راني في شهر نروح ونولي للسبيطار باه ندير عملية رجلي راح تتكسر قالك ماكانش فرامل ما عندنا ما نديرولكم كي درتلهم شقلالة قالي روحي ديريها فالبريفي كي خفت تتكسر رجلك هذي من التالي رفدت روحي زدت يومين خدمتلي قلت نروح نسقسي برك ياااا صلاح مسمار 12 مليون وخلي نبات ليلة وحدة بعد العملية ونخرج مش هذي االلي همتني نمشي ونهدر وحدي قلت يااااا صح لو دراهم كاينة لو درت عمليتي نخلص ندخل ديركت نديرها ونتهنى السبيطار نتاع باطل ماكانش فرامل وغلقو السيرفيس وزاد الإضراب هنا نقول الدراهم زينة الحياة لأنو دراهم خلاوني هاما الشفا من ربي بصح تسعى لو درت عمليتي مش راني كل مرة نتكسر
والحمد لله
الله يرزقنا ويرزقكم ويمدنا ربي باه نصدقو منهم ونكفو انفسنا ماشي نجهلو بيهم خاطر دراهم بزاف وواحد فاسد يولي جاهل
شكرا ومن بعد ابعثلي سيلفي مع 200 ههههه
 

فريد أبوفيصل

:: عضو شرفي ::
إنضم
1 أوت 2008
المشاركات
6,213
النقاط
1,551
الجنس
ذكر
ربي قرن المال بالاولاد فهل يعني بقولنا المال وسخ الدنيا ان الاولاد ثاني وسخ الدنيا
مثلا تجيب ولد ينفعك ويبقى ينفعك حتى بعد الموت فكذلك المال .
المال وسخ الدنيا لا يعني ان وصف المال هو الوسخ لكن الالتهاء به عن الواجبات وحقوق الناس في الدنيا هو الوسخ
المال نضيف ومفيد ومعين في الدنيا وعلى الاخرة لانو اللي عندو مال ويتصدق بيه هاو ربحت الناس منو في الدنيا هو ربح في الاخرة
كي نقولو وسخ الدنيا هل يعني نرموه والا منقبلوهش ولا منحبوش نكونو اغنياء والا منخدموش ولا كيفاش .
الغالب انو لما نقولو وسخ الدنيا نقولوها في المواقف اللي يكون في الانسان هو الوسخ

ربي سبحانه قال لا تلهِكم اموالكم ....

القضية تتعلق بالانسان موش بالمال والخطاب موجه ليه موش للمال .

كاين زوج معاملات في الدنيا بالمال
تتعامل بالمال
المال يتعامل بيك

وربي يعلم .
يعطيك الصحة راهم زادوا في دراهم الزواج :)
 

ليليا مرام

:: مشرفة ::
منتدى فرغ واش فى قلبك
مجتمع اللمة العام
طاقم المشرفات
إنضم
16 جوان 2009
المشاركات
8,663
النقاط
1,951
محل الإقامة
اللمة
الجنس
أنثى
ربي قرن المال بالاولاد فهل يعني بقولنا المال وسخ الدنيا ان الاولاد ثاني وسخ الدنيا
مثلا تجيب ولد ينفعك ويبقى ينفعك حتى بعد الموت فكذلك المال .
المال وسخ الدنيا لا يعني ان وصف المال هو الوسخ لكن الالتهاء به عن الواجبات وحقوق الناس في الدنيا هو الوسخ
المال نضيف ومفيد ومعين في الدنيا وعلى الاخرة لانو اللي عندو مال ويتصدق بيه هاو ربحت الناس منو في الدنيا هو ربح في الاخرة
كي نقولو وسخ الدنيا هل يعني نرموه والا منقبلوهش ولا منحبوش نكونو اغنياء والا منخدموش ولا كيفاش .
الغالب انو لما نقولو وسخ الدنيا نقولوها في المواقف اللي يكون في الانسان هو الوسخ

ربي سبحانه قال لا تلهِكم اموالكم ....

القضية تتعلق بالانسان موش بالمال والخطاب موجه ليه موش للمال .

كاين زوج معاملات في الدنيا بالمال
تتعامل بالمال
المال يتعامل بيك

وربي يعلم .
يعطيك الصحة راهم زادوا في دراهم الزواج :)
أهااااا يا خونا ابو فريد وفيصل ها انت تزوجت وجبت فريد وفيصل واحنا تبورنا لالا راهم نقصوا فدراهم الزواج:ROFLMAO:
 

أشرقت نفسي

:: عضو فعّال ::
إنضم
4 ماي 2017
المشاركات
2,325
النقاط
1,011
محل الإقامة
ذكريات الماضي
الجنس
أنثى

السلام عليكم و رحمة الله تعالى و بركاته

جماعة اللمة صحيتو وش حالكم و احوالكم ؟ نشالله راكم بخير ... ياااتل قولو الحمد لله :)

الموضوع باين و واضح وضوح الشمس و القمر ...حتى و القمر ساعات يدرق ع الواحد ههه

و راني في موضوعين في واش راك تهدر ههه ق على الدراهم ههه

الله يرزقنا درهم حلايلية نشالله ... قولو آمين ...ههه

المهم ...

يا سيدي كثير ما نسمعو قاشي يهدر و منارفي ... و يقولك الدراهم فساد الدنيا

الدراهم وسخ الدنيا ... و يقولك ما يفرق بين الاحباب قير الدراهم ... و يقولك ويقولك

يعني كلام كبير ... في هجاء كبير للدراهم و للمال

و لو نشوفو جيهة اخرى ... نلقاو ... اولا ربي سبحانو .. ذكر ان المال هو زينة الحياة الدنيا

و نشوف انو الواحد بلا دراهم ما يقدرش يقضي ابسط الامور ...

راها الصحة و العمليات و العلاج بالدراهم ...

الامور الحياتية البسيطة و الاساسية بالدراهم ...

الزواج و سيدي عبد الله بالدراهم ...

و يجي يقول الدراهم وسخ الدنيا ...

انا نشوف بلي الدراهم ماهيش وسخ الدنيا ... الدراهم حاجة زينة و قوة و جاه


و الدرهم تخلي البنادم عزيز ... و تخليه يدو عليا مش سفلى

و نتوما جماعة ؟ ... وش رايكم ؟




أولا يعطيك الصحة
ثانيا الله لاتربحك وعلاش مدرتليش إشارة هههه بصح ماعليه راك بن عمي ومقبولة منك زكارة في الغيارين ههههه
أنا نشوف بلي المال زينة الحياة الدنيا
ولي معندوش دراهم للأسف حبابو ماشي بزاف في زمن ناس ولات تصاحب غير لعندو دراهم وزوالي يشد الحيط لايطيح
أنا نحب دراهم والله صراحة هههه
المرا الجزائرية كي يخطبها زوالي تقلو نشرط غير الهناء وكي تتزوج تلعن الهناء وساعتو ههههههه


 

بشرى ملاك

:: عضو شرفي ::
إنضم
18 أفريل 2016
المشاركات
1,977
النقاط
341
محل الإقامة
سعيدة
الجنس
أنثى
ربي قال سبحانه: ~الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا ~
ما قالش المال وسخ الدنيا كيما يقول البعض ولاسيما تولي وسخ الدنيا كي تستغل فالحرام او تعلي مولاها متكبر ويظلم الناس او تكون سبب في خراب البيوت والاسر هنا نقولو وسخ الدنيا..
واخر الاية ربي فضل الباقيات الصالحت لاننا كلنا ذاهبون ونخلو كلش هنا فالدنيا وتروح معانا فقط الاعمال نتاعنا...
شكرا صلوح مع ان الاشارة ما وصلتنيش شفت موضوعك صدفة برك
 
الحالة
مغلق ولا يسمح بالمزيد من الردود.
Top