نتائج المرحلة الأولى من مسابقة {اُكتب قصّة}

[لؤلؤة قسنطينة]

السلام عليكم و رحمة الله
شكرا لكم على هذه المسابقة الجميلة سررنا جدا بها
و مبارك للفائزين
و بالتوفيق لهم في المرحلة الاخرى

وعليكم السلام ورحمة الله وبركاته
أهلا أسومتي منورة يا غالية
ربي يحفظك عزيزتي وأنا فرحانة كتر منكم ههههه
كن صبت المسابقة هادي قعدت عام ههههه
الله يسلمك غاليتي والمرة الجاية كي نديروها مادبيك تشاركي معانا
خاطر أكيد كن شاركتي كانت المنافسة تكون اقوى واقوى
ان شاء الله أسومتي بالتوفيق للجميع في المرحلة القادمة بحول الله
شكرا على كرم مرورك
تحياتي​

 

[لؤلؤة قسنطينة]

السلام عليكم
اووووووو مانيش مآمن بلي القصة المملة تاعي ربحت هههههه
الوقت مكانش عندي عليها فيها أخطاء بزاف
ماعاودتش قريتها وصححت كنت نكتب ديركت ماوليتش للوراء
ان شاء الله القصة القادمة تكون مليحة
العنوان مليح عجبني بنين وفيه الفيتامين ومليح للريجيم ولكلش ههههههه
القصص تاع الاعضاء كانت في المستوى
بالتوفيق للجميع​

وعليكم السلام ورحمة الله وبركاته
ههههه مبروك عليك، لعقوبة للمرحلة الثانية ان شاء الله
راني علابالي راكم كامل خليتو للدقيقة الأخيرة وبديتو تجريو هههه
بصح خرجت قصص تحفة ماشاء الله
معولين عليكم المرة الجاية تديرولنا قصص أجمل وأجمل خاطر هادا النهائي
راهو كأس العالم في اللعب هههه
عجبتني تاع بنين ومليح للريجيم هههههه بصح هل يا ترى مليح للفوز
أنا قلت درك تشوفو العنوان تجيفوني مافيهاش
بالتوفيق ليك خويا مالك في المرحلة القادمة بحول الله
تحياتي​

 

[لؤلؤة قسنطينة]

السلام عليكم
الف مبروك للفائزين و الله اسمتعت بكل القصص لي قريتها و بتجربتي في المشاركة في هذا القسم
صحيتو على المسابقة هاذي اكتشفنا فيها اقلام ماشاء الله
مليكو بصحتك ديتهالي خخخخ هايلة القصة تاعك نتا تقول مملة ها شوف ههههه
بالتوفيق للجميع في المراحل المتقدمة
​

وعليكم السلام ورحمة الله وبركاته
اهلا أمونتي الزينة، صراحة من المؤسف أنو مانشوفوش قلمك في المرحلة القادمة
قصتك كانت جد مميزة وصدقيني قريتها أكثر من 3 مرات وراني قتهالك ديجا
شبعت ضحك فيها واختيارك للكلمات كذلك مميز عندك قلم ماشاء الله خاصة في اصعب الأنواع
وهو الفكاهة، الشي الوحيد تغلب فيه مالك عليك هي فكرة القصة
لأنو الفكرة تاعك معروفة ومقتبسة تاع هجوم الجيش في العطل بصح هو جاب افكار جديدة
يعني هذا هو الاختلاف الوحيد بصح المحتوى كان أكثر من رائع يعني نهنيك حبيبتي
وان شاء الله نشوفولك مشاركات أخرى لأنو حرام قلمك يحبس هنا
بالتوفيق عزيزتي وسررت جدا بانضمامك
تحياتي :kiss:​

 

[لؤلؤة قسنطينة]

~

وعليكم السلام ورحمة الله وبركاته

ما شاء الله تبارك الرّحمن، بين تنظيم المسابقة، والمجلّة، وتحكيم المسابقة وموضوع النّتائج

نورمالمو يخلّصولك رحلة إلى شلالات نياغرا p: بصح من جيهة كندا. جيهة الماريكان صامطة خخخ

~

في قسم الدراما والرومنسية، قريت غير قصّة @كارلا للأمانة، وكانت - كما قلت في تعليقي عليها - تستحقّ كلّ ألوان الإكبار والمديح

سعيدٌ بتجاوزِ قصّةٍ كتلك. ونروح نقرا قصص البقية إن شاء الله وبالتّوفيق لهم في قادم المواعيد.

ايه إلى الأخت @كارلا good game, but IN YOUR FACE loser هههههه

هنيئا لنا بالمشاركين في كلّ الأقسام الباقية، وهنيئا للمتأهّلين إلى المرحلة القادمة

@Skor m@k

@حلم كبير

@rycerz

غادي تخسروا إن شا الله، بصح هنيئا إن ذا مين تايم :p

~

ومجدّدًا، شكرا للأخت @لؤلؤة قسنطينة
و @دعاء الجنات
و @أم ياسمينdz

~​

اهلا خويا هشام ومبروك عليك الفوز لعقوبة للمرحلة القادمة ان شاء الله
هههههه زيدلهم تاني كن رايحة نحط مشاركة رمزية في هاد القسم بما أنو مانقدرش نشارك في المسابقة
والله جهزت جزء كبير من القصة وكي جاني الضغط بزاف من كل جهة ماكملتهاش، وكذلك مشاركتي في مسابقة مميزون
جهزت مشاركتي في قسم البوح وبديت نكتب في خاطرة ونتفنن فيها ومن بعد ماكملتهاش بسبب الضغط ههه
من المفروض ندي عطلة مدفوعة الأجر هههه نرتح برك والمشاركات تزيد وحدها هههه
ورايحة تكون أكيد المرحلة القادمة أكثر حماسا وتشويق خاطر لي لحقو لهاد المرحلة راهم تغلبو على اقلام قوية جدا
يسما راني نستنى تقدمو أجمل ما عندكم ان شاء الله
وبالتوفيق لك في المرحلة القادمة
والعفو أخي المسابقة راهي ناجحة بمشاركاتكم ولا كن راهي ماكانش
فالشكر يعود لكم إذن ^^
تحياتي​

 

[لؤلؤة قسنطينة]

السلام عليكم
مبروك للفائزين ....

وعليكم السلام ورحمة الله وبركاته
أهلا بيك أخي وشكرا، كذلك كما قلت لبقية الأعضاء خسارة أنو قلمك ماش رايح
يكون في المرحلة القادمة، لأنو صراحة عندك افكار جد قوية
ورغم التعب ورغم أنك كتبت بالهاتف وهذا الامر اشبه بالمستحيل بالنسبة لينا
ولكن نتا في الأخير قدمت مشاركتك وكانت قيمة وأنا عجبتني القصة
تحس نفسك تتفرج فيلم بوليسي أو فيلم أمريكي تاع هوليود يعني عندك قدرة على التحكم في الأحداث
والسيطرة على عقولنا، كانت مشاركتك بعيدة شوي عن الخيال لكن من ناحية التشويق كانت ممتازة
يعني نتمنى بكل صدق تشاركنا مرة أخرى في قسم المحاولات القصصية ونستمتعو بما يكتبه قلمك المميز
وسررت كثيرا بمشاركتك
بارك الله فيك وبالتوفيق
​

 

[لؤلؤة قسنطينة]

السلام عليكم
الف مبروك للفائزين ، العقوبة لمن بعد زيروا ارواحكم

انا قريت بعض القصص برك تاع حلم كبير عجبتني حقا يستحق الفوز كذلك سكر محروق هههههه هبال في هبال و قصة اميرته و تاع الامين ههههههه معليه الخاسىرين ينتقمو بالدعاء على اللي ربحوهم يخسروا مرة جاية هههخخخ
بالتوفيق للجميع ( رايحة نكمل نقرى القصص راني روطااار )

وعليكم السلام ورحمة الله وبركاته
اهلا فطيطمة، الله يسلمك حبيبتي
للاسف كنت متمنية من قلبي تشاركي معانا وأول ما وضعت المسابقة نتي لي جيتي بين عينيا
بصح الله غالب للأسف كانت عندك ظروف اصعب ولي يهمني أنو ماماك راهي بخير وبصحة وعافية
هادا أهم عندي من كلشي والله العظيم
يكفينا أنو كسبنا قلم مميز راهو يخلينا نستمتعو ونضحكو ويزرع البسمة على وجوهنا
هذا هو الأهم لذلك واصلي الكتابة وأمتعينا أيتها المبدعة
شكرا غاليتي على تشجيعاتك ربي يهنيك
تحياتي​

 

[لؤلؤة قسنطينة]

الف مبرووووك للجميع

شكرا حبيبتي الله يسلمك
المرة الجاية اذا عاودنا هاد المسابقة نتمنى تشاركي معانا
بارك الله فيك عزيزتي
تحياتي​

 

[لؤلؤة قسنطينة]

ألف مباؤك لكل الفائزين تمنيت المشاركة لكني لحقت روطار ههههه معليش المرة القادمة ان شاء الله
شكرا دمتم متميززين

اهلا بيك حبيبتي والله يسلمك
معليش غاليتي ان شاء الله المرة القادمة كي نعاودو هاد المسابقة نديرلك اشارة سبيسيال ليك
وتشاركي معانا ونستمتعو بكتاباتك
وبالمناسبة اذا فعلا تحبي الكتابة خاصة كتابة القصص والروايات
تقدري تحطي مواضيعك في هاد القسم وحنا نقراولك ونشجعوك
يعني مرحبا بيك في أي وقت
شكرا غاليتي ربي يهنيك​

 

[لؤلؤة قسنطينة]

السلام عليكم

مبروك للفائزين استحقو وعن جدارة
المهم مسابقة كانت روعة واستمتعنا كيما قالت فيولا

اما ​

{هِشام} وبكل روح رياضية ههه توقعتك تربح
وكيما يقولو ابتسامتك في وجه الرابح تفقده لذة الانتصار وهاهي ابتسامات :p
ق نقسر مبروك ..لقد واجهت منافسة في ال18 من عمرها
ربما سانتصر عليك حين اكبر هيهيييييي

مجددا مبارك الجميع استحقو

تحياتي

​

وعليكم السلام ورحمة الله وبركاته
أهلا بالجميلة كارلا نورتينا
صراحة نتي من بين الناس لي فرحت كي درت المسابقة خاطر خرجتهم من صمتهم
وابدعتي صراحة
حتى أنو الفرق بينك وبين الاخ هشام ضئيل جدا
كنتو متقاربين بزاف
عندك قلم أكثر من رائع وحرام أنك حابستو غير في المدونة خليه يتنفس المخلوق
علاه غابنتو مسكين هههه
سررت جدا بقراءة قصتك ومازال عنوانها محفورا بذاكرتي
أتمنى لك كل التوفيق في هذا المجال لأني ارى فيك مشروع كاتبة مميزة
فواصلي ولا تتوقفي
تحياتي ​

 

[لؤلؤة قسنطينة]

مبارك للفائزين

مبروك للفائزبن

شكرا إخوتي بارك الله فيكم على التشجيع
ربي يهنيكم​

 

[الصحافية الساخرة]

وعليكم السلام ورحمة الله وبركاته
اهلا فطيطمة، الله يسلمك حبيبتي
للاسف كنت متمنية من قلبي تشاركي معانا وأول ما وضعت المسابقة نتي لي جيتي بين عينيا
بصح الله غالب للأسف كانت عندك ظروف اصعب ولي يهمني أنو ماماك راهي بخير وبصحة وعافية
هادا أهم عندي من كلشي والله العظيم
يكفينا أنو كسبنا قلم مميز راهو يخلينا نستمتعو ونضحكو ويزرع البسمة على وجوهنا
هذا هو الأهم لذلك واصلي الكتابة وأمتعينا أيتها المبدعة
شكرا غاليتي على تشجيعاتك ربي يهنيك
تحياتي​

الله يهنيك اختي مريومة الغالية ، لا بأس كانت مقدرة ما نشاركش ، المهم رانا شفنا أقلام متنوعة هبال ، رعب ، رومانسية ههههه يعني قمة ماشاء الله

نتمنى التوفيق للجميع في المرحلة القادمة ، ومشكورة على مجهوداتك المبذولة ^^

 

[جميلة أنا]

اهلا بيك حبيبتي والله يسلمك
معليش غاليتي ان شاء الله المرة القادمة كي نعاودو هاد المسابقة نديرلك اشارة سبيسيال ليك
وتشاركي معانا ونستمتعو بكتاباتك
وبالمناسبة اذا فعلا تحبي الكتابة خاصة كتابة القصص والروايات
تقدري تحطي مواضيعك في هاد القسم وحنا نقراولك ونشجعوك
يعني مرحبا بيك في أي وقت
شكرا غاليتي ربي يهنيك​

شكرااااااا حبوبتي
نعم انا من هواة الكتابة و خاصة القصص و السيناريوهات فقط لم اجد مخرج تركي لها هههههههههه
باذن الله هذه الليلة ناوية نكتب قصة واقعية هنا سترينها باذن الله و لنا لقاء بها باذن الله

 

[لؤلؤة قسنطينة]

ههههههههههههه مع الأخ هشاام أكيد حتى لو كان بعضنا لبعض ظهيرا ما راح نربحه
ما شااء الله عليه و الله فنان فناااان هذا الرجل
الأهم هو أننا لمسنا مواهب أنا شخصيا سعيد جدا جدا بها
و المسابقة كانت فرصة لجعل بعض الأقلام تظهر
رايح نفرض عليكم الكتابة الله يسهل عليكم دبروا روسكم هههههههههههه
شكرا مريووومة و اشكرك فأنت صاحبة الفكرة

اهلا بيك أخي الامين، والله سعيدة جدا بمشاركتك
وأكيد قصتك لا تقل أهمية عن قصص الأخوين لكن الفرق الوحيد أنو الاخ هشام والاخت كارلا
كي قاعدين يحكيو كأنك تقرا في قصة أو تشاهد فيلم لكن قصتك نحسو كأنو رانا جالسين قدام الأخ الامين
وراهو يسردلنا في حاجة مرت عليه، يعني المحتوى تاعك مافيهش خلل خلاص بالعكس قصة جميلة وفيها عبرة
ولكن نحسوها اقرب للموضوع من القصة، ولكن تبقى محاولة جميلة جدا وسررت جدا بتواجدك وبمشاركتك
بارك الله فيك وان شاء الله نشوفولك مشاركات في القريب العاجل في قسم المحاولات القصصية
بالتوفيق​

 

[لؤلؤة قسنطينة]

الف مبروك للفائزين المهم المشاركة وحقا لي ربحوا اقلام ذهبية وتستاهل الربح فمبروك مرة اخرى...

أهلا حبيبتي بشرى نورتيني غاليتي
بصراحة يا حبيبتي نتي بالذات من الاقلام لي تستحق التشجيع
تعرفي لو جات عندك خبرة في كتابة القصص كانت قصتك هي لي رايحة تفوز
لأنو بالفعل تستاهل تكون قصة رعب وخاصة أنو أحداثها حقيقية
وحقا الأحداث لي فيها مخيفة صراحة، يعني ربما كانت ماعندكش خبرة في سرد القصص هادا ماكان
لو مالفة ومعتادة على كتابة القصص صدقيني قصتك تفوز
يعني أهنئك لأنك اتحديتي نفسك وشاركتي في قسم صعب وهو قسم الرعب ومديتي لي عندك
تستحقي كل الاحترام والتقدير وننصحك تبعي هاد المجال لأنو عندك موهبة فيه
تحتاجي تتمرني برك
وسعيدة جدا بمشاركتك غاليتي وسررت بقراءة قصتك
بالتوفيق
​

 

[لؤلؤة قسنطينة]

السلام عليكم
الف مبرووك للجميع

وعليكم السلام ورحمة الله وبركاته
الله يسلمك غاليتي
بارك الله فيك على التشجيع
ومازالت المرحلة النهائية يمكنكِ متابعتها
وبقاو فيها اقلام مميزة والتحدي صعب
كوني بالقرب
تحياتي​

 

[لؤلؤة قسنطينة]

ألف مبروك للفائزين..
للأسف الوقت خانني لقراءة كل المشاركات والمشاركة لذا اعتذر من الاخوة المشاركين
مع ان مشاركتي لن تزيد ولن تنقص من قيمة تلكم المشاركات الانيقة بأناقة أنامل خطتها..
تمنياتي بالتوفيق للمشاركين في المرحلة القادمة..

أهلا حبيبتي أحلام منورة يا غالية
الله يسلمك حبيبتي وناقصة لمستك في هاد المسابقة
وناقصة لمسة العديد من الأعضاء
لكن معليش المهم هو تواجدكم ولو بالتشجيع وبالانتقادات القيمة
شكرا غاليتي على تشجيعاتك
وننتظر انتقاداتك القية في المرحلة القادمة
وانتظر مشاركاتك في قسم المحاولات القصصية لأن قلمك يمكنه أن يبدع بأجمل القصص
بالتوفيق عزيزتي​

 

[بشرى ملاك]

أهلا حبيبتي بشرى نورتيني غاليتي
بصراحة يا حبيبتي نتي بالذات من الاقلام لي تستحق التشجيع
تعرفي لو جات عندك خبرة في كتابة القصص كانت قصتك هي لي رايحة تفوز
لأنو بالفعل تستاهل تكون قصة رعب وخاصة أنو أحداثها حقيقية
وحقا الأحداث لي فيها مخيفة صراحة، يعني ربما كانت ماعندكش خبرة في سرد القصص هادا ماكان
لو مالفة ومعتادة على كتابة القصص صدقيني قصتك تفوز
يعني أهنئك لأنك اتحديتي نفسك وشاركتي في قسم صعب وهو قسم الرعب ومديتي لي عندك
تستحقي كل الاحترام والتقدير وننصحك تبعي هاد المجال لأنو عندك موهبة فيه
تحتاجي تتمرني برك
وسعيدة جدا بمشاركتك غاليتي وسررت بقراءة قصتك
بالتوفيق
​

والله حبيبتي كي عجباتك القصة هدا هو نجاحي ونزيدك حاجة انا جامي كتبت وشاركت فقط على خاطرك والله العظيم :kiss:

 

[لؤلؤة قسنطينة]

الأخ @rycerz أنت كذلك من الفائزين ربما لم تصلك الإشارة​

 

[rycerz]

الأخ @rycerz أنت كذلك من الفائزين ربما لم تصلك الإشارة

--
.. أنا سعيد بذلك ..
أشكرك الأخت لؤلؤة على التنبيه
مبروك للفائزين تحياتي للمشاركين و باقي أعضاء اللمة
بالتوفيق إن شاء الله للجميع​