راااني زعفاااان

الحالة
مغلق ولا يسمح بالمزيد من الردود.

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
16,681
الحلول
1
نقاط التفاعل
48,640
النقاط
1,886
محل الإقامة
الجزائر الحبيبة
الجنس
ذكر
رااني زعفان الأساتذة يخلصوا ست ملاين و عاملين أضراب و قاعدين يضحكوا بالقهوة فنجان ورا فنجان
راااني زعفان كاين تلاميذ عندهم شهرين ما قراوش و قريب يوصل وقت الأمتحان
رااني زعفان الحراقة ما زالوا رايحين للموت و والديهم عليهم حيرانين و حزنانين يتسناو في خبر او جثمان
رااني زعفان الإمام تصلي وراه و كي تخرج من الجامع تلقاه داير شمة و دخان
رااني زعفان المسؤول في الحملة يبوس راسك و بعد الانتخابات يشبعك مقروك و سبان
رااني زعفان شبابنا يصبح راقد ما يصليش و راسه معمر صيبان
رااني زعفان بناتنا ما حشموش لابسة فيزو منه كلش يبان
رااني زعفان الشيخ بدل اللبسة و حلق اللحية و اصبح عاشق ولهان
رااني زعفان الحاج راح لمكة رياء ماهوش خوف من الديان
رااني زعفان و العمل الخيري أصبح صورة مع الفقير اللي بيته خربان
رااني زعفان الجار ما سأل على الجار اللي حده و راه جيعان
رااني زعفان الأخ ما عنده خبر بخوه المرضان
رااني زعفان و الزوجة نسات زوجها اللي هموم الدنيا خلاته حزنان
رااني زعفان الغيبة و الغتبة راهي في التيلي و الجورنان
رااني زعفان الطبيب تدخل عليه تلقاه معمر راسه عامل كيتمان و قاعد يسمع الألحان
رااني زعفان الراقي تروح ليه عامل لحية و عطر و بخور و في الأأخير تلقاه من اكبر الكهان
رااني زعفان و الشوفار رافد 40 واحد في الكار و هو نعسان سكران
رااني زعفان البطاطا بالكيلو و الحليب بالشكارة و المخدرات بالأطنان
رااني زعفان كي تروح تشري المصروف تحس روحك رايح للإعدام موش للدكان
رااني زعفان من 2009 و مازلت نخدم في لانام و خبر الإدماج ما بااان
رااني زعفان 800 ألف ماهيش خلصة و انا منها راني غلبااان

رااني زعفان كلش أصبح مفرغة الشارع و الغابة و البستان
رااني زعفان تدي شكارة دراهم و تجيب رطل سكر هذا هو القضيان
رااني زعفان تمشي في الليل تخاف مابقاش لامان
رااني زعفان في النهار الكل يجري عجلان
رااني زعفان واحد ما يرد عليك السلام تقول عليهم راه ضاربهم جان
رااني زعفان الناس ما تصلي ما تسمع آذان
رااني زعفان وين تروح تسمع اللعان
رااني زعفان الناس ناسيا أنهم في الأأخير تدي متر كفن كتان
رااني زعفان يا لطيف لطف بينا و منك الغفران

هدينا يا ربي نرجعوا كيما يامات زمان
 
هه والله اجمل شعر رايته في حياتي اخي @الامين محمد ولكن للاسف هذه حقيقة مجتمعنا اليوم بس سؤال هل انت كاتب هذي القصيدة بكل صراحة ؟؟؟؟؟
 
انا لوكان جيت مكان وزيرة التعليم والله غير نطردهم كامل هادو المضربين ونخدّم الناس لي بديبلومها وراهي دور برا وهما ما حمدوش ربي واش باغيين كتر من هاك ويزيدو يضيعو التلاميذ علاه مساكن والله حرام عليهم..
 
هه والله اجمل شعر رايته في حياتي اخي @الامين محمد ولكن للاسف هذه حقيقة مجتمعنا اليوم بس سؤال هل انت كاتب هذي القصيدة بكل صراحة ؟؟؟؟؟
أهلا وليدي عبدالرؤوف .. الله يحفظك حبيبي
نهم أنا اللي كتبتها يا وليدي العزيز
 
انا لوكان جيت مكان وزيرة التعليم والله غير نطردهم كامل هادو المضربين ونخدّم الناس لي بديبلومها وراهي دور برا وهما ما حمدوش ربي واش باغيين كتر من هاك ويزيدو يضيعو التلاميذ علاه مساكن والله حرام عليهم..
ههههههههه السكتي علينا دوك يسمعوك الأساتذة ههههههههههههه
 
عندك الحق تزعف ،انسى الناس و اشتكي للواحد القهار باب الفرج بيده وحده لا شريك له
شكرا اختي ميلينا على طيب المرور
 
سلااام
الله يبارك الأخ @الامين محمد ولا شاعر هههه
صح عندك الحق وراك اختصرت لمعيشة لي رانا عايشينها في دزاير عادي في بلادي
مرسي خويا سلمت يمناك(y)
 
إياد يعني أنت فهمت واش(ماذا) كتب
@الامين محمد هههه
هههههههههه
دبة ، انا بفهم بشكل عام بس التفاصيل مو كثير ، فهمت ان المدرسين مضربين يريدوا زيادة بالراتب والوقت يضيع على الطلاب ، فهمي صح هيك ولا غلطت؟
 
هههههههههه
دبة ، انا بفهم بشكل عام بس التفاصيل مو كثير ، فهمت ان المدرسين مضربين يريدوا زيادة بالراتب والوقت يضيع على الطلاب ، فهمي صح هيك ولا غلطت؟
هههههه إيه فهمت صح هههه بدأت تفهم علينا هههه اصبر فقط وستتكلم اللهجة ديالنا
(خاصة بنا ) بطلاقة ههه إياد أنت منا وفينا
 
هههههه إيه فهمت صح هههه بدأت تفهم علينا هههه اصبر فقط وستتكلم اللهجة ديالنا
(خاصة بنا ) بطلاقة ههه إياد أنت منا وفينا
يشرفني كثيرررر هاي اختى بارك الله فيك
 
سلااام
الله يبارك الأخ @الامين محمد ولا شاعر هههه
صح عندك الحق وراك اختصرت لمعيشة لي رانا عايشينها في دزاير عادي في بلادي
مرسي خويا سلمت يمناك(y)
أهلا أختي صفاء
أسعدني مرورك يا طيبة
 
ربي يرفع الزعف ، ويصلح الحال ، ويهدي البال ، ويحقق الآمال
تسلم اخي الامين محمد
اهلا أخي إياد مرورك كريح المسك
حياك الله
 
موضوع جميل اخي و باينة كي بديت بالاستاد كوالك قلبك صح انا استادة و راني ضد الاضراب خاطرش حق التلاميذ ضاع
بصح فالحقيقة ماشي كامل نخلصو 6 ملاين
 
رااني زعفان الأساتذة يخلصوا ست ملاين و عاملين أضراب و قاعدين يضحكوا بالقهوة فنجان ورا فنجان
راااني زعفان كاين تلاميذ عندهم شهرين ما قراوش و قريب يوصل وقت الأمتحان
رااني زعفان الحراقة ما زالوا رايحين للموت و والديهم عليهم حيرانين و حزنانين يتسناو في خبر او جثمان
رااني زعفان الإمام تصلي وراه و كي تخرج من الجامع تلقاه داير شمة و دخان
رااني زعفان المسؤول في الحملة يبوس راسك و بعد الانتخابات يشبعك مقروك و سبان
رااني زعفان شبابنا يصبح راقد ما يصليش و راسه معمر صيبان
رااني زعفان بناتنا ما حشموش لابسة فيزو منه كلش يبان
رااني زعفان الشيخ بدل اللبسة و حلق اللحية و اصبح عاشق ولهان
رااني زعفان الحاج راح لمكة رياء ماهوش خوف من الديان
رااني زعفان و العمل الخيري أصبح صورة مع الفقير اللي بيته خربان
رااني زعفان الجار ما سأل على الجار اللي حده و راه جيعان
رااني زعفان الأخ ما عنده خبر بخوه المرضان
رااني زعفان و الزوجة نسات زوجها اللي هموم الدنيا خلاته حزنان
رااني زعفان الغيبة و الغتبة راهي في التيلي و الجورنان
رااني زعفان الطبيب تدخل عليه تلقاه معمر راسه عامل كيتمان و قاعد يسمع الألحان
رااني زعفان الراقي تروح ليه عامل لحية و عطر و بخور و في الأأخير تلقاه من اكبر الكهان
رااني زعفان و الشوفار رافد 40 واحد في الكار و هو نعسان سكران
رااني زعفان البطاطا بالكيلو و الحليب بالشكارة و المخدرات بالأطنان
رااني زعفان كي تروح تشري المصروف تحس روحك رايح للإعدام موش للدكان
رااني زعفان من 2009 و مازلت نخدم في لانام و خبر الإدماج ما بااان
رااني زعفان 800 ألف ماهيش خلصة و انا منها راني غلبااان

رااني زعفان كلش أصبح مفرغة الشارع و الغابة و البستان
رااني زعفان تدي شكارة دراهم و تجيب رطل سكر هذا هو القضيان
رااني زعفان تمشي في الليل تخاف مابقاش لامان
رااني زعفان في النهار الكل يجري عجلان
رااني زعفان واحد ما يرد عليك السلام تقول عليهم راه ضاربهم جان
رااني زعفان الناس ما تصلي ما تسمع آذان
رااني زعفان وين تروح تسمع اللعان
رااني زعفان الناس ناسيا أنهم في الأأخير تدي متر كفن كتان
رااني زعفان يا لطيف لطف بينا و منك الغفران

هدينا يا ربي نرجعوا كيما ايام
الأساتذة رايحيين يطيروا كل عام إضراب ومن المفروض يطردوهم .....
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top