الي ماتت أموا يحط جمرة في فموا

[جميلة أنا]

السلام عليكم اخوتي و اهلي

والله خيرت هذا القسم لاني فعلا رح نفرغ قلبي فقط لانوا تعمر و لازم يفرغ اكوا تعرفوا الساشية كي تتعمر راح تتطرطق و انا خيرت نطرطق هنا خير من بلاصة اخرى هههه لانوا سعات انسان لازم يحمل و يكتم و يعرف وين يفرغو عند من يفرغ و وكتاه يفرغ..هذا قانون حياة باه تتفادى عديد من مشاكل و تعيش براحة بال.....
البارح جات ف بالي فكرة مدامني هذا وين كملت امتحاني و زوجي خدام و بعيد قلت نروح عند اهلي نحي شوي على بالي خاصة و انوا اخوتي الذكورة ام ف دارنا و انا قليل وين نشوفهم....هيا اتصلت اولا بزوجي وافقلي و قالي درك نقول لخويا يوصلك،هزيت تلفوني و اتصلت بزوجة ابي ( والدتي متوفية و انا ب10سنوات ربي يرحمها و جميع المسلمين و زوجة والدي الحمدلله انسانة طيبة و خرجت على يدها عروس و نعمة بالله) لما سقسيتها على حالها لقيتها لباس عليها. المهم قتلها اني جاية باذن الله غدوة لاني اشتقت لخوتي حبيت نشوفهم( امي ماتت و تركتني انا زوج اخوتي اكبر و مني و اثنين اخرين ذكور توأم في زوج في عسكررية) و عندي اختان منها،واحدة منهم تزوجت هي الاخرى و قريبة من اهلي.
المهم لما قتلها اني جاية قاتلي اني مريضة و رايحة عن اختك نقعد عندها شوي ايامات...قتلها ايه عادي مهم انا نجي نشوف اخوتي مدام جاو من عسكر....لكن صوتها معجبنيش قاتلي اها مننصحكش تجي ام يظالوا برا و تبقاي وحدك ف دار....سكت انا و قلت معليش منحرجهاش و كوبيت
بعدها اتصلت بوالدي حكيت شوي معاه و قتلوا اني توحشتكم مدامت زوجتك رايحة عند اختي ارواح انت و اخوتي عندي....قالي لا مكلاه ...زدت توسوست و سكت...
لعشية هبطت عند عجوزتي قتلها اني منروحش لدارنا لانوا عندهم ظروف سعا قاتلي مثل: الي ماتت أموا يحط جمرة في فموا....
سمعت مثل و لا كلمة زدت هدرتها طلعت طول لغرفتي و درت كيما وصاتني ماما الله يرحمها( نهار كانت ف فراش مريضة و انا نبكي قاتلي بعد مانغيب متزديش تبكي الا ف سجادتك) .....حطيت سجادتي و صليت ركعتين و بكيييييييييييت و كأنها ماتت هذيك اللحظة ....
فعلا هو مثل لكن حسيتوا سيف زاد كمل عليا

 

[السلطانة]

وعليكم السلام ورحمة الله وبركاته
وسعي بالك اختي
وامشي بوصية والدتك الله يرحمها خلاتلك وصية من ذهب
الله غالب الناس مترحمش

 

[سكون الفجر]

والله حرقتيلي قلبي وبكيتيني، الله يرحم والدتك ويسكنها الجنة
الله يجبرك ويجبر بخاطرك حبيبتي لابأس عليكِ
هونيها تهون أختي، إن شاء الله ما تشوفي شر ولا تشوفي حزن
الله يفرجها عليكِ ويفرح قلبك
​

 

[عشريني متمرد]

وعليكم السلام أختي،

الأم هي الحضن الوحيد اللي دافئ وحنون اللي مهما كبر الإنسان يبقى محتاج ليه

ربي يرحمها وربي يصبرك أختي

تحياتي​

 

[أبو عاتكة]

ربي يعطيك الصبر ولكل من فقد أحد والديه.
اختي الكريمة ربما لوكان رحتي لدار والدك ميعجبكش الحال اكثر واكثر مادام زوجة امك وابوك موش حابين مجيتك معناه الامور موش مساعدة وممكن تضايقي اكثر . زيني نيتك اختي فاحوال الناس متقلبة وواحد ماهو هاني ومرتاح في بيته.
مادامك اختهم فيمكنك طرق الباب والدخول في اي وقت وتجمعي كل اخوانك وتغيري الجو اللي عايشينوا وتضحكوا وتزهاو وتفوتي نهارات وتروحي لمنزلك.
واما فقدان الأم فلا كلام يعزي من افتقدها سوى الايمان بقضاء الله وقدره. زوجتي فقدت امها بعد وضع الحمل لاول ابنائنا بعد اسبوع فقط موت فجأة ومثلما قلتي رغم ان زوجة الاب طيبة ونية لكن تبقى الام حاضنة الجميع في كل الاوقات.لكن مازالت ابنتها اللي هي زوجتي تجمع العائلة والاخوة في اي ضرف كان. ولن تحل زوجة الاب مكان الام وكذلك مكان الاخت فالاخت هي شبيهة الام امام اخوتها.البكاء لن يغير شيء فقط العزيمة والقوة والصبر والايمان والسعي لجمع العائلة وصلة الرحم والابقاء على روح العائلة حتى مع فقدان أحد ركائزها. وربي يعلم.
ربي يرحمها ويرحمهم ويرحم جميع أمة محمد صلى الله عليه وسلم.

 

[جميلة أنا]

وعليكم السلام ورحمة الله وبركاته
وسعي بالك اختي
وامشي بوصية والدتك الله يرحمها خلاتلك وصية من ذهب
الله غالب الناس مترحمش

الله يخليك اختي فعلا ناس مترحمش والحمدلله ربي زرع ف قلوبنا النسيان وتالي والله منجموا نعيشوا الله يحفضك على مرورك

 

[جميلة أنا]

ربي يعطيك الصبر ولكل من فقد أحد والديه.
اختي الكريمة ربما لوكان رحتي لدار والدك ميعجبكش الحال اكثر واكثر مادام زوجة امك وابوك موش حابين مجيتك معناه الامور موش مساعدة وممكن تضايقي اكثر . زيني نيتك اختي فاحوال الناس متقلبة وواحد ماهو هاني ومرتاح في بيته.
مادامك اختهم فيمكنك طرق الباب والدخول في اي وقت وتجمعي كل اخوانك وتغيري الجو اللي عايشينوا وتضحكوا وتزهاو وتفوتي نهارات وتروحي لمنزلك.
واما فقدان الأم فلا كلام يعزي من افتقدها سوى الايمان بقضاء الله وقدره. زوجتي فقدت امها بعد وضع الحمل لاول ابنائنا بعد اسبوع فقط موت فجأة ومثلما قلتي رغم ان زوجة الاب طيبة ونية لكن تبقى الام حاضنة الجميع في كل الاوقات.لكن مازالت ابنتها اللي هي زوجتي تجمع العائلة والاخوة في اي ضرف كان. ولن تحل زوجة الاب مكان الام وكذلك مكان الاخت فالاخت هي شبيهة الام امام اخوتها.البكاء لن يغير شيء فقط العزيمة والقوة والصبر والايمان والسعي لجمع العائلة وصلة الرحم والابقاء على روح العائلة حتى مع فقدان أحد ركائزها. وربي يعلم.
ربي يرحمها ويرحمهم ويرحم جميع أمة محمد صلى الله عليه وسلم.

صدقت استاذي و اخي فعلا ذاك ماحصل الحمدلله بعد يومين روح زوجي و عرضت اخوتي و والدي و زوجتوا و درتلهم غداء عندي و عانقتتتتهم بزاف و فضلت اني نقابل الحسنة بالسيئة و نتجاوز الامر لانوا الشيطان ينتظر هذه الفرص باه يزيد الطين بلة و ناديت حتى لعزوزتي و شيخي و الحمدلله.
الله يجازيك على كلامك راني خدمت بيه الله يحفضك

 

[جميلة أنا]

والله حرقتيلي قلبي وبكيتيني، الله يرحم والدتك ويسكنها الجنة
الله يجبرك ويجبر بخاطرك حبيبتي لابأس عليكِ
هونيها تهون أختي، إن شاء الله ما تشوفي شر ولا تشوفي حزن
الله يفرجها عليكِ ويفرح قلبك
​

الله يخليك اختي الحمدلله كله خير من ربي و نعمة بالله الله ينورك على دعواتك

 

[ناصر dz]

يا جماعة الخير السالفة بسيطة لا تستاهل كل هذا
وبعدين هى قالت زوجة ابوها ربتهم وقامت بالواجب معهم على خير وجه
بس يمكن عندهم ظروف معينة سببت الك سوء فهم
وبالنهاية ارمى كل كلمة سيئة او مو قف مو حلوو مر عليك خلف ظهرك وانظرى لللامام موفقة انشاء اللة

 

[اسماء يحي مبارك]

الله يرحمها ويوسع عليها مايحس بجمرة غي لي كواته حتااناالوالدة متوفية في عشرة سنين،وخطرات نسمعو الهدرة بصاح بسيف تقولي يخصني نطل على خوتي،الله يصبرك ويكون في عونك اختي

 

[classic girl]

السلام عليكمم و رحمة الله تعالى و بركاته
الله يرحمها و يدخلها فسيح جنانه
وسعي خاطرك الاخت و بالك باسكو كامل رايحين ليها
وديري بالوصية تاعها ، والله مالقيت مانقول
سلام ​

 

[جميلة أنا]

الله يرحمها ويوسع عليها مايحس بجمرة غي لي كواته حتااناالوالدة متوفية في عشرة سنين،وخطرات نسمعو الهدرة بصاح بسيف تقولي يخصني نطل على خوتي،الله يصبرك ويكون في عونك اختي

فعلا اختي الله يحسن عونك و عون الجميع الله يخليك شكرا على مرورك اعتذر هذا وين رجعت للمنتدى

السلام عليكمم و رحمة الله تعالى و بركاته
الله يرحمها و يدخلها فسيح جنانه
وسعي خاطرك الاخت و بالك باسكو كامل رايحين ليها
وديري بالوصية تاعها ، والله مالقيت مانقول
سلام ​

متشكرة اختي على مرورك الله يخليك و يوسع خاطرنا اجمعين اعتذر عن عدم ردي كنت غائبة بوركتي

 

[HAMZA USMA]

ربي يكون في عونك
صح الا راحت لميمة راح كل شيئ

 

[dahman kz]

وعليكم السلام وفقدان الام فعلا لا يعوض وتواجدها لا يقدر بثمن لكن هذه مشيئة الله وقدره وقدر الله وما شاء فعل.وما حدث لك مع زوجة والدك يحدث في اغلب البيوت التي غابت عنها الام فهوني عليكي الامر واهتمي بالوالد جيدا وبري به وتذكري الوالدة كثيرا بالدعاء والصدقة والعمل الصالح فهذا ما يحتاجه الميت ونسأل الله لها الجنة و اارحمة والمغفرة ولجميع موتى المسلمين.

 

[جميلة أنا]

ربي يكون في عونك
صح الا راحت لميمة راح كل شيئ

الله يعينك أخي حمزة و ربي يحفضلك الوالدة الكريمة و الوالد ايضا دمت طيب

وعليكم السلام وفقدان الام فعلا لا يعوض وتواجدها لا يقدر بثمن لكن هذه مشيئة الله وقدره وقدر الله وما شاء فعل.وما حدث لك مع زوجة والدك يحدث في اغلب البيوت التي غابت عنها الام فهوني عليكي الامر واهتمي بالوالد جيدا وبري به وتذكري الوالدة كثيرا بالدعاء والصدقة والعمل الصالح فهذا ما يحتاجه الميت ونسأل الله لها الجنة و اارحمة والمغفرة ولجميع موتى المسلمين.

الحمدلله فرغم كل شيء هناك الرحمان من يعوضنا...متشكر اخي على مرورك و نصحك دمت متألق

 

[سندس نور الهدى]

الله

السلام عليكم اخوتي و اهلي

والله خيرت هذا القسم لاني فعلا رح نفرغ قلبي فقط لانوا تعمر و لازم يفرغ اكوا تعرفوا الساشية كي تتعمر راح تتطرطق و انا خيرت نطرطق هنا خير من بلاصة اخرى هههه لانوا سعات انسان لازم يحمل و يكتم و يعرف وين يفرغو عند من يفرغ و وكتاه يفرغ..هذا قانون حياة باه تتفادى عديد من مشاكل و تعيش براحة بال.....
البارح جات ف بالي فكرة مدامني هذا وين كملت امتحاني و زوجي خدام و بعيد قلت نروح عند اهلي نحي شوي على بالي خاصة و انوا اخوتي الذكورة ام ف دارنا و انا قليل وين نشوفهم....هيا اتصلت اولا بزوجي وافقلي و قالي درك نقول لخويا يوصلك،هزيت تلفوني و اتصلت بزوجة ابي ( والدتي متوفية و انا ب10سنوات ربي يرحمها و جميع المسلمين و زوجة والدي الحمدلله انسانة طيبة و خرجت على يدها عروس و نعمة بالله) لما سقسيتها على حالها لقيتها لباس عليها. المهم قتلها اني جاية باذن الله غدوة لاني اشتقت لخوتي حبيت نشوفهم( امي ماتت و تركتني انا زوج اخوتي اكبر و مني و اثنين اخرين ذكور توأم في زوج في عسكررية) و عندي اختان منها،واحدة منهم تزوجت هي الاخرى و قريبة من اهلي.
المهم لما قتلها اني جاية قاتلي اني مريضة و رايحة عن اختك نقعد عندها شوي ايامات...قتلها ايه عادي مهم انا نجي نشوف اخوتي مدام جاو من عسكر....لكن صوتها معجبنيش قاتلي اها مننصحكش تجي ام يظالوا برا و تبقاي وحدك ف دار....سكت انا و قلت معليش منحرجهاش و كوبيت
بعدها اتصلت بوالدي حكيت شوي معاه و قتلوا اني توحشتكم مدامت زوجتك رايحة عند اختي ارواح انت و اخوتي عندي....قالي لا مكلاه ...زدت توسوست و سكت...
لعشية هبطت عند عجوزتي قتلها اني منروحش لدارنا لانوا عندهم ظروف سعا قاتلي مثل: الي ماتت أموا يحط جمرة في فموا....
سمعت مثل و لا كلمة زدت هدرتها طلعت طول لغرفتي و درت كيما وصاتني ماما الله يرحمها( نهار كانت ف فراش مريضة و انا نبكي قاتلي بعد مانغيب متزديش تبكي الا ف سجادتك) .....حطيت سجادتي و صليت ركعتين و بكيييييييييييت و كأنها ماتت هذيك اللحظة ....
فعلا هو مثل لكن حسيتوا سيف زاد كمل عليا[/QUOT
الناس جامي تحس بالاخرين حتى تجرب

 

[همس الوُرود]

السلام عليكم
عليك بالصبر اختي والله وش نقولك صح راهي صعيبة
ونقولك جربي عيطي لخوتك ديراكت هدري معاهم قوليلهم حابة نشوفكم ولا رفدي روحك وروحي ديراكت ياك داركم مشي مشكل كي تروحي
والله يرحم امك ويصبرك

 

[وۣۗهۣۗہۣۗم]

ربي يرزقكم الصبر ختيتوو وطولت البال
قالك اللى فقد ميمتو فقد ماه
وربي وصي بصلة الرحم جامى لاتقطعى خوتك وبوك هوما عزوتك ختيتوو وريحة يماك كيما يقولو وداركم يبقى داركم اوموان كى تدخلى تشمى ريحت يمات وتحي بيها في وسطكم معليش زيرى على قلبك وطبقي وصية يماك

 

[دعاء الجنات]

الله يرحم يماك ويسكنها الجنة
صحيح واحد مايجي في بلاصة الأم بصح واش تديري هكذا هي الدنيا ، لي يلحق الأجل تاعو يروح ، المهم الآن راكي متزوجة وعندك زوجك قايم بيك امالا احمدي ربي لي عوضك ورزقك خير ملي لوكان بقيتي تخدمي على مرت باباك الحمد لله ،وربي يوفقك في حياتك كلها اختي الحبيبة​

 

[sanaya]

ربي يرحمها حبيبتي
صح مكاش كما حنانة الأم هي اللي تلم العايلة هي اللي تجمعهم
الحمد لله راكي في دار راجلك معززة مكرمة و تقراي
لوكان متزوجتيش بالاك كنتي راح تحسي روحك ثقيلة
مصح خاوتك توجور روحيلهم و بسيف عليهم راهي دارك وباباك عايش واللي معجبوش الحال يندب
ربي وفقك لحبيبة