ناس اللمة ان شاء الله أموركم بخير و عافية
قالو الحمد لله على فضلو اسي ... ااتل قولو الحمد لله
-----
المهم أهلا و سهلا بيكم في عدد جديد من سلسلة
هذي السلسلة الي نشوفو فيها الأمور الايجابية و نشجعو ناسها على المزيد من العطاء
لانو من لا يشكر الناس لا يشكر الله
و موضوع عدد اليوم نشالله ... هو :
--------
" مطاعم الرحمة في رمضان "
--------
بسم الله ... كيما تعرفو جماعة الخير أننا على أبوب الشهر الفضيل و الله يبلغناه و نحن بتمام الصحة و العافية نشالله يا رب
و كيما تعرفو ههه راني قصفت ياسر مؤخرا في السلسلة الأخر سلسلة فقر مونطال الي نسلطو فيها الضو على الأمور المدرحة و السلبية
و بالتالي قلنا لازم نكونو شوية ايجابيين و نسلطو الضو على أمور ايجابية نشوفوها و نقابلوها في حياتنا اليومية
و عدد اليوم خصصناه لمطاعم الرحمة الي تنتشر في الشهر الفضيل ...
لا شك انكم حدث و سمعتو عليهم اذا مش نتوما اصللا لي تلاقيتو بيهم هذو القايمين على مطاعم الرحمة
يعني الانسان كي يشوفهم و يشوف الحرص تاعهم الشديد ... و يشوف هذيك الرغبة فيهم على تقديم المساعدة
و الرغبة في فعل الخير و خدمة الناس في سبيل الله ... يعني الانسان يحس انو الحمد لله ... رغم السلبيات
و رغم العديد من النقائص الكاينة في مجتمعنا ... الا انو الحمد لله مزالت كاين رحمة ربي ...
و مزال كاين خوف ربي ... و مزالت العافية و الحمد لله ...
لذلك خصصنا هذا العدد من السلسلة باه نوقفو وقفة احترام و تقدير ... للناس هذو السباقين الى فعل الخير و الوقف عليه
و الي يستحقو اننا نصنفوهم ضمنفئة ... الناس الملاح ....
