تحلية خفيفة ظريفة

[أم منيــــــر]

عجبتني هاد التحلية حبيت ننقلها لكن
طريقة التحضر : كاس سكر+ كاس حليب+ كاس زيت .+2 علب فلان فاني 50غ نظربهم با لخلاط ونحتفظ با كاس من هاد الخليط نخليه با جيه
بقية الخليط نزيد معاه 4 بيض 2خميرة حلوة .2 كيسان فرينة .نخلط اكل ونفرغوا في صنبة الفرن تكون مدهونة ومرشوشة با لفرينة .نحطها طيب على نار قليلة نكون سخنت الفرن من قبل
لما طبيب وتبدر تماما هداك الكاس لي خليتوا من قبل نزيد معاه 2 علب كريم ديسير فاني ونخلطهم با لخلاط ونفرغ فوق الكيك وهي فسنيوا ونزينها با خطوط با شكولا .ونحطها في ثلاجة 4 سا ومن الأحسن نخليها تبات هاداك الخليط لي ملفوق يتشرب شوية
ملاحظة .أنا في كل مرة نبدل الذوق لما ندرها chocó نخلط مع الخليط الأول 2 علب فلان شكولا وكاس لي نخليه نخلط معاه 2 علب كريم ديسار chocó
ولما نستعملها fraise نخلط 2 علب فلان ذوق فرولة .ولكاس لي نخليه نخلط معاه 2 علب yaourt ( ممزوج ) ذوق فرولة.
منقوول​

​

 

[ضآحكة مستبشرة]

السلام عليكم خالتو
يعطيك الصحة

 

[زاد الرحيل]

الله يبارك يا أم منير منظرها رائع
في المساء نوجدها كرهنا الفلان

 

[أم منيــــــر]

عندك الحق مرة على مرة الواحد يبدل شويا
بصحتكم

 

[أم منيــــــر]

تحلية سهلة ومكونات بسيطة ....
.المقادير
2 بيض + نص كأس سكر+ نص كأس زيت+ فانيليا +وحدة خميرة +وكأس فرينة + باطا ياهوغت
طريقة التحضير
نخلطو المقادير ومن بعد كي تحطيها اطيب فالفرن و تخرجيها خليها تريح و انت في ذاك الوقت جيبي باطة فلون تاع فاني خلطيه
مع نص لتر حليب كي تغلي فرغيه فوق الجينواز لي طيبتيه
وخليهم يشربو ودخليه لفريجيدار يبرد مليح وديري كرام شونتي
كاس مع كاس ماء بارد وطلعيه وحطيه فوقهم وزيني كيما تحبي تحلية سهلة ومكونات بسيطة ....
منقول

 

[السلطانة]

تحلية رائعة مشكورة خالتي العزيزة

 

[ناصر dz]

يعطيك الف عافية على الحلا الرااااااائع

 

[theking]

الله يبارك
ما أحلاها من حلوى و ما أشهاها
أبعثلي شوية برك مع الحمام الزاجل لأنو لن يسرقها
أما إن بعثتيها مع الإنسان فلن تصلي لي

 

[سكون الفجر]

تحلية سهلة فعلاً بارك الله فيكِ خالتو أم منير

 

[theking]

أنتظر أن تصل حصتي عند السحور

 

[أم منيــــــر]

ملاحظة
الوصفة الاولى درتها بصح جات ناشفة من الداخل
من الاحسن مرة تانية نسقيها بشويا شاربات و من بعد ندير الطبقة نتع الياوورت

 

[البحر الهادي]

بارك الله فيك
رااائعة
شكرا لك
بصحتكم الفطور