بعثني ليك سي فلان ( و أمور أخرى ) هي دبلومات التوظيف

[الامين محمد]

السلام عليكم في اللمة العزيزة

خاوتي في الصيف ترتفع الحرارة و معها ترتفع حرارة مسابقات التوظيف
و يكثر الجري و البحث عن مسابقات التوظيف
و الكل يغني على ليلاه

هته ليلاه في الواقع كان لازم يكون الدبلوم أو المؤهل الدراسي و سنوات الخبرة
لكن الحقيقة ماهيش كيما هاك البتة
المؤهل اللي يعمل الفارق في بزاف مسابقات هي

بعثني عندك فلان ... فلان هو الدبلوم و هو الخبرة و هو السبب الرئيس في التوظيف
و للأسف هته الجراثيم راهي ياسرة و ماخلات لأولاد الحلال حتى حاجة

و هناك دبلومات أخرى مثلا تحمير الشفايف و لبس الفاضح
في الحقيقة هو عيب كبير تلقى مرأة من أجل التوظيف تقدم نفسها و شكلها كنوع من الإغراء مقابل الوظيفة

و هناك دبلوم آخر و هو الشكارة ماهيش نتاع الحليب او السميد لالا هي شكارة نتاع الفلوس
كيما يقولوا ناس زمان الدراهم تصنع طريق في البحر

لكن لازم حاجة نفهمها و هي كل واحد يدخل بالواسطة او بالرشوة للوظيفة لازم يعرف
انه اكبر سااارق لأنه سرق رزق و وظيفة إنسان آخر
و عمره ما راح يتهنى بيها

و كاين حاجة أخرى هي الكثير ممن يتحصل على وظيفة بالطرق السابقة
يقول
راهي البلاد كلها هكا
لالالا راك غالط يا ولدي أنت راك تاخذ في حق آخر و ماتكذبش على روحك بهاذ الكلمة
و أكيد يوما ما رايح تصيبك لعنة الظلم اللي لحقته بإنساان آخر

واش نقول الله يهدي هاذ الكائنات المريخية ​

 

[لؤلؤة قسنطينة]

السلام عليكم ورحمة الله وبركاته
والله يا أخي الأمين الناس لم تعد تؤمن بالله عز وجل يعني حاطين قدرة
البشر أقوى من قدرة الله عز وجل، وماش عارفين أن العمل ما يجيش بطرق ملتوية
والعمل رزق من ربي يعني ماش كي قدمت رشوة باه خدمت، لو ما ربي كتبلك هاداك العمل
ما تخدمش حتى ولو بالرشوة، كلشي بمكتوب ربي سبحانو الناس برك لي جاهلة وغير مؤمنة بالله
لما تكون عندك كفاءة وخبرة ومحقور وتحتاج مثلا انسان صاحب منصب مليح على الاقل يمهدلك الطريق
نشوفها ماش عيب، لكن العيب لي يدخل وهو صفر لا عمل ولا كفاءة ولا ديبلوم ويحوس يطلع بالرشوة
أو بطريقة قول لفلان، للاسف معظم المناصب المحكومة درك حاكمينها ناس ماعندهم حتى مؤهلات لذلك
كاينة قصة تاع شخص راح يدير كونكور ويقبلو فيه شخص واحد من بين 10 أشخاص من بعد كي مانجحش
قال والله نروح نشوف شكون من الناس لي شاركو معايا لي نجح في الكونكور ساع لقاه شخص ما شاركش
اصلا هههه وهذا دليل أن المناصب محكومة من الأول من ناس معينة، لكن كيما قلت من قبل كلشي بيد
ربي سبحانو، الانسان لازم يعرف بلي رزقو بيد ربي ومشا بيد العبد ونهار يكتبلو ربي يخدم بلا مزية اي شخص
وربي يهدينا ويهديهم ان شاء اللهن شكرا على الموضوع أخي
تحياتي

​

 

[الامين محمد]

السلام عليكم ورحمة الله وبركاته
والله يا أخي الأمين الناس لم تعد تؤمن بالله عز وجل يعني حاطين قدرة
البشر أقوى من قدرة الله عز وجل، وماش عارفين أن العمل ما يجيش بطرق ملتوية
والعمل رزق من ربي يعني ماش كي قدمت رشوة باه خدمت، لو ما ربي كتبلك هاداك العمل
ما تخدمش حتى ولو بالرشوة، كلشي بمكتوب ربي سبحانو الناس برك لي جاهلة وغير مؤمنة بالله
لما تكون عندك كفاءة وخبرة ومحقور وتحتاج مثلا انسان صاحب منصب مليح على الاقل يمهدلك الطريق
نشوفها ماش عيب، لكن العيب لي يدخل وهو صفر لا عمل ولا كفاءة ولا ديبلوم ويحوس يطلع بالرشوة
أو بطريقة قول لفلان، للاسف معظم المناصب المحكومة درك حاكمينها ناس ماعندهم حتى مؤهلات لذلك
كاينة قصة تاع شخص راح يدير كونكور ويقبلو فيه شخص واحد من بين 10 أشخاص من بعد كي مانجحش
قال والله نروح نشوف شكون من الناس لي شاركو معايا لي نجح في الكونكور ساع لقاه شخص ما شاركش
اصلا هههه وهذا دليل أن المناصب محكومة من الأول من ناس معينة، لكن كيما قلت من قبل كلشي بيد
ربي سبحانو، الانسان لازم يعرف بلي رزقو بيد ربي ومشا بيد العبد ونهار يكتبلو ربي يخدم بلا مزية اي شخص
وربي يهدينا ويهديهم ان شاء اللهن شكرا على الموضوع أخي
تحياتي

​

أهلا أختي مريومة واش راكي انت و العايلة
فكرتيني بحاجة و هو مستوى هاذ الناس لما يتوظفوا يعني واش راح ننتظر من أستاذ ربح الوظيفة بالواسطة
و هو محدود الإمكانيا هنا تقع كوارث أخرى و رايح يترتب أجيال من التلاميذ كلها عندها مستوى محدود
بسب هاذاك الأستاذ

كنت نعمل في متوسطة في عقود لانام كيما تعرفي دخلت وحدة تخدم معانا زعمة مشرفة
و قارية في الجامعة الله يبارك
الأخت هاذي والله يا مريم ما تعرفش تكتب جملة صحيحة يعني كي تملي عليها مثلا
ورقة الدخول تكتبها هكا ورقة ادخول
أو سجل التسجيل تكتبها هكا سجل ادخول
و لما دخليها في التاء المربوطة و الممدودة و الهمزة راح تشوفي العجب
كلفناها في الأخير بمراقبة بنات النصف داخلي زادت كملت عليهم لما بدات تقري فيهم هههههههههه

 

[Ma$Ter]

في هاذ البلاد بعثتي ليك فلان تعادل شهادة ماستر 2 ?

 

[HAMZA USMA]

مراا بعثني ليك فلان متنفعش
ويعوضها كيما راك قلت التشيبة
الله لا تربحهم
خويا امين ربي يرزقك​

 

[الامين محمد]

في هاذ البلاد بعثتي ليك فلان تعادل شهادة ماستر 2 ?

هههههههههه و أحيانا تعادل ما هو أعلى من ذالك هههههههههههه
سرني مروركم أخي

 

[الامين محمد]

مراا بعثني ليك فلان متنفعش
ويعوضها كيما راك قلت التشيبة
الله لا تربحهم
خويا امين ربي يرزقك​

فعلا أستاذ حمزة
عندنا مديرية التربية لولايتنا لازمك شهادتنين معا
سي فلان و التشيبة مع بعض فواحدة لوحدها لا تكفي ههههههههههه

 

[Hakan]

بسبب المحسوبية والبيرقراطية فالشعب الاعواج راهو يخلص في بزاف صوالح
طبيب بالمعريفة يقتل بخطا طبي
مهندس بالمعريفة يهدم بيوت الناس عليهم
شرطي بالمعريفة السرقة في وضح النهار وتجارة المخدرات في وضح النهار
كلش بالمعريفة وكل منصب الشعب يخلص منو والله يعين الزوالي مسكين
وربي يخرجنا من هذي الظلمة ​

 

["viola"]

يا حي يا خويا الامين صح علابالنا باللي كارثة و المعريفة هاذي خلات البلاد بصح الله غاااالب كون مدبرلكش كاش خيط كلاك بوبي في بلاد ميكي هاذي
تدي الزوجة للسبيطار تكون رح تولد صاي و الله و ميكونش عندك خيط مع كاش طبيب و لا فرملي يخلوها تموت فالبلوك نووورمال و صراتلنا مع مرت خالي
و حنا لي رانا نقراو بكونطرا وااااضحة كي تتخرج و تروح للاكاديمي ميقيمك ني نتا ني الكونطرا تاعك قولو بعثني فلان و خطاتك
هاذي هي بلادنا تعفنت و السلام
ابداها مالفووق كااامل لآخر واحد شعبي بسيط
ربي يصلح الاحوال برك ​

 

[السلطانة]

وعليكم السلام ورحمة الله وبركاته
هذا الذي جعلنا نبقى في الدرك الأسفل آخر الشعوب
للأسف