الطلاق يتم لأتفه الاسباب

شكرا اخي على الموضوع الرائع
لازم منتخلعوش من الطلاق خاطرش لازم اتشوف قبل شكون الي راهم يتزوجو ( بالطبع منقصدتش كامل الفئة المقصودة باينة فالمجتمع) ترقاهم لا عقلية لا تربية يتزوجو و يكونو اسرة و دك عباد كما هادو ايربو الاولاد منبعد فالزواج هاداك الكلام المعسول ايروح خاطرش الانسان مايقدرش ايمثل كل يوم امالا يبداو المشاكل فتنتهي بالطلاق لان دعائم الزواج لم تكن مثينة من الاساس
شكرااا لك اختاه على ترك البصمة في موضوعي

لقد اصبتي لطرحك لاحد الاسباب فيما نحن عليه الان

اصبح شباب يتزوجزن و هم غير مؤهلين لذالك و نفس الشيء للفتيات

الله يجعل لخير

شكرااا لك مرة اخرى على المرور الطيب
 
الماديات طغت على العلاقات بين الناس، زواج قائم على مصلحة لا تنتظر منه الكثير غير الطلاق و القضايا في المحاكم.
 
السلام عليكم ورحمة الله

أولا يا أخي الزواج لا يكون لأتفه الأسباب اممم ممكن الخطأ في التسرع فقط

أما بالنسبة للطلاق فأغلبيته عدم الأهلية و مشقة المسؤولية من الطرفين يؤدي إما للإنفصال أو العيش تحت سقف الزوجية الفاشل
و ما الاسباب التافهة - حسب قولك - التي تذاع ما هي إلا اسباب صورية ، لأنه من حق المرأة و الرجل إعادة بناء حياته و عليه يجب مراعاة السمعة و السيرة الحسنة لكليهما

بوركت أخي على إلتفاتتك الجميلة في حسن الانتقاء
 
downloadfile.gif

اخى بطبع راح تزداد نسبة ابطلاق في المجتمع ديالنا وذا كل المتزوجين يتزوجو وهوما ماهوش بانيين قاعدة لهدا الزواج اودى راهم غير ذر دووك تلقاها في عمرها واحد 16 وهو فالعشرين وفرحانين برواحتيهم ويقولولك العمر المناسب للزواج خرطى تلقاها قاعدة تتسدر وفرحانة بروحة حاسبة اللى غير كى يروحو دووك الغاشي ساي تولى لحياتها عادى معرفتش اللى كاين مسؤولية ولازمها تكون قدها ربي يهدينا كل
 
السلام عليكم أخي
ماعرفتش كيفاش اليوم تفكرت هذ المنتدى توحشتو بزاف خاصة هذ الركن "واش راك تهدر" كان الاعضاء كالعائلة وكتن التنافس على طرح المواضيع وشكون لي يكتب تعليق في الصفحة الأولى و صح كيما قلت نقص التفاعل الناس كل راها في الفيس والانستغرام ووو...المهم نرجع لموضوعك
موضوع هام وخطير جدا ,,,وانا واحدة من ضحاياه للاسف كيما قلت أسباب تافهة وهذا لي غايضني كيفاش تضيع اسرتي باسباب غير منطقية، لطول عمري اتمنى ابني اسرة على اساس صحيح ومتين واكون في رعايتها مثال الاسرة الناجحة للاسف وهذا حكم الله وقدره ..
نعطيك الاسباب من تجربتي
تدخل أسرة الزوج في حياة الزوجية ، وهذا السبب 80 بالمئة لي وصلني للفراق خاصة ام الزوج عجوز جد متسلطة دايما كانت تحرض في ابنها علي لاشياء والله عادية لكن هي تضخمها وتكبرها حتى بدا يكرهني لانه ضعيف شخصية ويتاثر بالكلام ، وانا والله مش رايحة نسامحها ولقائي معاها يوم القيامة
وحاجة اخرى عدم تحمل المسؤولية للزوج، كان مايخدمش ومش حاب يخدم يالرغم انو عندو شهادة جامعية ، والسبب انو ماتعلمش كيفاش يتحمل المسؤولية لانو والديه كانو كلش هما لي يقومو بيه ويفرضو رايهم عليه حتى وهو متزوج و حتى اموره بينو وبين مرتو لازم يتدخلو فيها وخاصة امو.
طبعا الضحية بنتي لي ددايما قلبي يتقطع عليها، كيف انو باباها تخلى عليها ببساطة، حتى زيارتو ليها بالشهور
واش نقول حسبي الله ونعم الوكيل
دولة ماليزيا قلصت نسبة الطلاق ب70 بالمئة ، كيفاش؟ شرطت في عقد الزواج شهادة تكوين ل 6 اشهر ربما في دورة تدريبية عن الحياة الزوجية. لانه الدولة حست انو الطلاق هو من اسباب التراجع الاقتصادي ، والاسرة هي قوة الدولة
اما حنا ماكان لا توعية لا تكوين لا توجيه.لا والو ، والمحكمة بكثرة ملفات الطلاق ماولاش عندها دور في الاصلاح لي حاب يطلق يسهلولو كلش.
شكرا على طرح الموضوع والله لوكان الدولة تحس بخطورة الوضع ودير حلول واستراتيحيات
اسف عن الاطالة حبيت نفرغ من قلبي شوي لمنتداي الغالي
تقبل مروري اخي
 
السلام عليكم
الاسباب الاولى للطلاق هي الكدب والتعرف قبل الزواج المبني على الكدب والتنيفيق وبعد التقرب والزواج ينكشف المستور وتبدا المشاكل
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top