هل الغباء يحدد درجة الذكاء

مناجاتي لسجادتي

:: عضو مُشارك ::
إنضم
17 نوفمبر 2017
المشاركات
250
نقاط التفاعل
716
النقاط
326
العمر
19
محل الإقامة
تبسة
الجنس
أنثى
السلام عليكم


do.php




واش هو المعيار الاصح
الي نقدرو نعرفو بيه وين وصل الفرد في ذكائه
نقولو نسبة الذكاء ولا قيمة الذكاء ولا نضربو رقم من الحيط ونقولو ذكائه كذا
الذكاء هو الشطارة و الفطنة في الترعيف العام
مليح كلمة ترعيف في عوض تعريف عجبتني خليها هكاك
اما ماشي صحيح هذا --ركز معايا كي قلت ماشي صحيح ----
لانو الذكاء عندي هو قدرة الالة و الانسان تاني الة على التصرف و التكيف مع الظروف الخارجية النجاج الوظيفة المنشودة
يعني يخدم مخو ويتصرف ما يحيرش هذا يتسمى كفائة مهنية
روبو قادر يميز بين الخطأ و الصواب و بين اصوات البشر و يحس بمشاعرهم ويحس ر بلي كاين واحد متغشش باش يخبطو بزلاط على راسو يدق ناقوس الخطر يتسمى الة ذكية
----------
مليح نرجعو لميضوعنا علاش قلت --ركز معايا كي قلت ماشي صحيح ----
خاطر الترعيف لذكرتو في البداية هو ترعيف متاع فئة معينة من اصحاب الدماغ
يعني صاحب التعريف هو الدماغ
المشكل هذا الدماغ هو ليقلنا الا هذا صحيح وهذا غالط
مليح انا ضرك كي نبدا حابسة حاشاني و حاشا مخي العزيز كيفاش باش نفيق بروحي حابسة
كي يبدا واحد حابس حاشاني مرة اخرى ماشي باش يفيق بروحو حابس حاشاني مرة ثالثة لانو ببساطة حابس حاشاني مرة رابعة
وهاذي مشكلة وقعت لياسر عباقرة على مر السنين
كي يبدا الاستاذ عندو نوع معين من الذكاء باش يشوف انو تلميذ عندو نوع اخر من الذكاء حابس
ويكون مسخرة
وبعد سنين من ترك الدراسة نلقو انو اغلب التلامذة الحابسين حسب الترعيف العام
ولو امورهم مريقلة كي تعلمو صنعة و دخلو في قرايا جديدة و نلقو انو التلميذ الحابس يفهم في الميكانيك اكثر من استاذ الماط
يعني لو نحينا حالات الامراض العقلية و الاضطرابات النفسية نلقو انو جميع البشر اذكياء او متقاربين في الذكاء لكن كل واحد عندو الذكاء متاعو
واحد عندو الذكاء في الطبخ وواحد عندو ذكاء في الفلاحة وواجد عندو ذكاء في الكورة وواحد عندو ذكاء في العلاقات و الترنديف والبروفيتاج ومريقل جوو حال بانكا ويجبد في القروض و يسمسر في الشارع
ايا شدو عندكم باش نحكيلكم سر
في بالكم أنو القدرة على الرسم بدقة هي قدرة دماغية في الاساس و تدل على الذكاء
زيدو حيرو علاش تلقو واحدما يفهمش في الماط ويعرف يصور
كيف كيف كل شي
فنانة جميلة وصوتها جميل
الجمال قدرة دماغية
تصورو اسيدي اه
الجمال يدل على الصحة و الدماغ تاني تابع الصحة
ههه ما نقصدش الدماغ يخدم في سبيطار
المهم
ما نقدروش نجكمو على ذكاء الاخر ولا نعملو اختبار ذكاء معين باش نقولو هاذا حابس وهذا ذكي
اما في لخر كاين واحد الجماعة لي تقاه بالرسمي حابس
اودي مش فالح في حتى حاجة ملخر حابس

لا يعرف يتكلم لا يتصرف لا يخدم لا يكون لا يصاحب لا يعرس لا يحسب
زيد نشوفو مع الجماعة المشورة باهية
خاطر الادمغة تختلف و كل دماغ يعطي فكرة
ايا في لخر شفتوها الجملة لي بلحمر
ما نحب حد يلصقها فيا خاطيني متفاهمين؟؟
متردونيش معاقة ضربة وحدة هههه
ايا تشاااو .
 
آخر تعديل بواسطة المشرف:
السلام عليكم
تم الاعتماد حبيبتي
ههههههه عبالك قتلتيني ضحك بحاشاني مرة اخرى و الترعيف .. زربت اعتمدت موضوعك ههه وسيتم اعادة قراءة موضوعك بتركيز اكبر هههه لكن الفكرة الاساسية فهمتها انو كل شخص عندوميول لشيئ معين وين يقدر يكون فيه ذكي مليحة فكرتك حبيبتي ما شاء الله
موضوعك عجبني حبيبتي تستاهلي ختم التميز ^^
 
آخر تعديل:
السلام عليكم
تم الاعتماد حبيبتي
ههههههه عبالك قتلتيني ضحك بحاشاني مرة اخرى و الترعيف .. زربت اعتمدت موضوعك ههه وسيتم اعادة قراءة موضوعك بتركيز اكبر هههه لكن الفكرة الاساسية فهمتها انو كل شخص عندوميول لشيئ معين وين يقدر يكون فيه ذكي مليحة فكرتك حبيبتي ما شاء الله
موضوعك عجبني حبيبتي تستاهلي ختم التميز ^^
اهلا
شكرا على الاعتماد اخيتي
مليح لعجبك السوجي
في انتظار عودتكي
اسعدني كثيرا ختم التميز في موضوعي
بارك فيكي الرحمان حبيبتي
 
اولا وقبل دخولي للموضوع اسم معرفك روعة هو مالفت انتباهى للموضوع

نولو الفاهمة ديالك آه قصدي لموضوعك ختيتي
الذكاء ماعندوش نسبة باسكو متفاوت من شخص لاخر ويختلف تقييمه بحسب الشخص المقيم
يعني نقدر نمدلك عشرة ف حين اخر يعطيك خمسة وهذا راجع بالضبط لمعايير
كيما قلتي تفلحي ف الطياب والشغل لالا ولا العكس هههه اتسمى لازم تكوني خايبة ف حاجة حشاني هههه(عجبتني)
زيد كلمة حابس هاذي غير ف بلادنا يبريزونا بيها
الكل يحاولو يبرزو الطاقات الكامنة لهنا لالا يقتلو الاحلام
تبا خرجت بزاااف ع الموضوع اسمحيلنا ع الباصااج هه
سلامي
 
وعليكم السلام ورحمة الله وبركاته
عجبني موضوعك بزاف
صح كاين الذكاء وحسن التفكير
كاين واحد ذكي في مجال الدراسة مثلا من ناحية الرياضيات والعلوم والفيزياء
ومتلقايهش يعرف يخمم في امور تخص الحياة مثلا
ماشي شرط ذكي يعرف يخمم ويكون تخمامو صائب
تاني كاينة حاجة اسمها الموهبة
كاين انسان ماقراش لكن يعرف يخدم حرفة ما
يعرف يبني ولايصمم منازل ولا عندو موهبة الرسم يعرف يرسم
ولاوحدة تعرف تخدم بالكروشي بالرغم من انها مقراتش
وتبدع فيه ووحدة قرات تعرف تحكم غير القلم ومتعرفش تخدم الكروشي وهاذ المواهب
يعني الموهبة وحدها والذكاء وحدو منقدرش نحكم على واحد بالغباء او الذكاء من نقطة وحدة وكاين لي حابس الله غالب عليه تلقايه ميعرفش يخمم ومعندوش ميولات ووو حسب ظروفو وحالتو
كل واحد واش عطاه ربي سبحانو
تقبلي مروري
 
خخخخ حاشاك و حاشا قدرك كي نشوف هذا الموضوع تاع الذكاء نتفكر طول ليكزاما تاع علم نفس تاعنا
شحال ريحت فيه كي قدرت نعبر فيه على روحي على أنني انسانة ذكية و مش حابسة حاشاني و حاشاك ههه
مهم كيما قلتي الذكاء عندوو أنواااع و أي انسان قادر يكون ذكي فحاجة فالحياة هاذي
حتى فالحيلة و السرقة و التبزنيس كاين لي تلقايهم يطيرو الوغ هذا ثان ذكاء
اينشطاين كيما قالهم مراد اودية و دخل راطراباج فالفرونسي خخخ يعني حابس حاشاك فالفرونسي بصح من جيهة الفيزيك عبقري
و منه نستنتج انو الحكم على الذكاء او الغباء يكون من عدة زوايا او من كل زاوية مستقلة وحدها معناتها منقدروش نحكمو عمووما
صحيتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top