الحيلة والنية "سلسلة عيش تشوف '2

[afnene]

السلام عليكم ورحمة الله الله وبركاته
اهلاا وسهلاا بكم معنا في برنامج عيش تشوف
نشكر كل المتابعين والمتابعات
نتمنى لكم حسن المتابعة
يادرى تجي عليا مقدمة برامج احم احم
هذا ثاني موضوع في سلسلة عيش تشوف لي مشاهدش الحلقة الاولى يقدر يشوفها في الاعادة هههه
قدور وبدور سلسلة عيش تشوف

في هذا الزمان كثرت الحيلة والنية راها قليلة
تروح لكاش بيرو لغيسبونسابل يقولك عندي صوالح وليلي غدوة مي لبروبلام كي اليوم كي لبارح
بصح اذا كان من عندك راح يدي فايدة حاجتك تمتم تكون واجدة
بصح اذا كنت كي حالتي زوالي راح يجي الوقت لي تقول انا عييت وفقدت امالي
وحتى الخدمة في هذا الوقت ولات غير باش يدخلو الشهرية
وقليل لي راه يخدم بجدية
كي شغل راهم يخدمو غير بريكولاج
ليسونسيال باش ميقعدوش شوماج
اذا كنت استاذ ولاد الناس راهم في رقبتك امانة
ماشي تتمسخر بيهم ماراهمش في حضانة

واذا كنت طبيب مهمتك تعالج لي راه مريض
ماشي تعاملو كي شغل كائن غريب
ولا تحسب بلي الشفاء بيدك , ياك ربي هو الشافي
انت غير سبب , ربي سبحانو هو لي يعافي

واذا كنت مدير ولا مسؤول
ماشي تقعد في بيروك وتقلهم راني مشغول

ياك الشعب دار فيك الثقة
ووعدتهم باش تخدمهم وسنييت على ذيك الوثيقة
ولا نسيت كي حكمت الوظيفة
ولا دوك الوعود درتهم كي شغل كذبة خفيفة ولا نكتى ظريفة

واذا كنت مير
ماشي من قبل تقول ندير وندير
وكي تحكم الكرسي .... غير خلي لغطا فوق لبير

انا مرانيش نحاسب فيكم
كيفي كيفكم
بصح لازم مرة على مرة نذكرو بعضانا وربي يهدينا ويهديكم

الى هنا مشاهدينا الاعزاء ينتهي لقاءنا بكم
وتنتهي حلقتنا لنهار اليوم
على امل اللقاء في موعد اخر
مع موضوع اخر
دمتم برعاية الله وحفظه

علبالي راكم تصفقوا خلاص بزاف عليا ربي يحفظكم هههه (تبا لتواضعي ههه)
وانتم اعضاء اللمة واش رايكم في موضوع النية والحيلة
اسكو صح الانسان ملازمش يخدم بنيته بحكم مول النية هو الخاسر
ولازم يتحايل باش يكسب خبزتوا مالgري يضر الناس
ولا لازم يخدم بنية ويكسب قوت حلال وكي يجي يحط راسه فوق لمخدة يرgد وهو مرتاح
ملاحظة
علبالي بلي اللهجة مخلطة مرة دزيرية مرة وهرانية علبالي كوكتال
منيش عارفة كي نجي نكتب تعجبني اللهجة الدزيرية.. ياخو ههههه
المرة الجاية ان شاء الله يكون الموضوع بلهجتي الوهرانية
في امان الله

اليكم الخط

​

 

[لؤلؤة قسنطينة]

السلام عليكم
تم الاعتماد غاليتي
وشكرا على السلسلة الجميلة
لي عودة للمشاركة ان شاء الله
تعرفيني نحب نكتب بزاف هههه ولازمني الميكرو
لي عودة غاليتي​

 

[afnene]

السلام عليكم
تم الاعتماد غاليتي
وشكرا على السلسلة الجميلة
لي عودة للمشاركة ان شاء الله
تعرفيني نحب نكتب بزاف هههه ولازمني الميكرو
لي عودة غاليتي​

وعليكم السلام
شكراا على الاعتماد
العفو حنونة
في انتظار عودتك
ايه علبالي لازملك تحليل وتدقيق هههه
نورت ​

 

[وحيدة كالقمر]

ههههههههه عجبني بزاف الموضوع
هي في الصح دروك مول النية و لا خاسر في الدنيا مي عند ربي رابح
دونك تقعد بنيتك خير مي ماشي تفضحها لازم الواحد يكون عارف
كيف يتعامل مع المواقف
بارك الله فيك
استمتعت بقراءة موضوعك حفظك اختي
ان شاء الله في موعد آخر ^~°

 

[لؤلؤة قسنطينة]

السلام عليكم ورحمة الله وبركاته
عدنا من جديد، شكرا حبيبتي على الموضوع الجميلو طريقة الطرح الأجمل
خلقتي جو جميل داخل قسم واش راك تهدر بارك الله فيك ^^
بالعودة للموضوع وبالعودة لسؤالك تاع هل الانسان مالازمش يخدم بنيتو نقولك أنو على نياتكم ترزقون
ماكانش قد لي يمشي بنيتو ويخدم حاجة لوجه الله خاطر النية الطيبة تغلب النية الخبيثة
ماكانش لي يقولك نجيب خبزتي بالحيلة والنية السيئة قادر تربح خبزة بصح تخسر بزاف حوايج لاحقا
الانسان مليحة يمشي مع ربي قدقد اذا معلم مثلا يخدم لوجه الله ويساعد الاطفال ويربيهم لوجه الله
ماش يقولك انا نتحايل وندي الاجر تاعي وخلي الاولاد هكاك، الطبيب تاني والمهندس ووو
هاد المهن والاعمال لازم نتقنوها ونمشيو بنية صالحة باه نديو رضا ربي ساع من بعد ربي سبحانو يكرمك
ويرزقك لي تتمناه وأكثر، وكيما قلتيها على الاقل الانسان يرقد مرتاح البال وضميرو مهني
مول النية في الاخير ديما يربح واذا ماربحش ينجيه ربي من خسارة كبيرة
شكرا حبيبتي على الموضوع الجميل ربي يحفظك وفي انتظار بقية مواضيعك
تحياتي​

 

["viola"]

خخخخخ
صح عندك الحق الواحد لازم يخلص نيتو لربي كي يكون يخدم باه يُؤجر عليه قدقد
ربي يقدر كل واحد على مسؤوليتو حتى و هي المصلحة و الحيلة كانت و تكون ههه مي بون ندعو ربي يصلح احوالنا
بارك الله فيك ​

 

[afnene]

ههههههههه عجبني بزاف الموضوع
هي في الصح دروك مول النية و لا خاسر في الدنيا مي عند ربي رابح
دونك تقعد بنيتك خير مي ماشي تفضحها لازم الواحد يكون عارف
كيف يتعامل مع المواقف
بارك الله فيك
استمتعت بقراءة موضوعك حفظك اختي
ان شاء الله في موعد آخر ^~°

اهلااا اختي
مام انا عجبني كي عجبك ههه
صح اذا مول النية خسر مع العباد عند ربي رابح
وربي يمهل ولا يهمل
وفيك بارك الله
ان شاء الله
تحية تليق ​

 

[afnene]

السلام عليكم ورحمة الله وبركاته
عدنا من جديد، شكرا حبيبتي على الموضوع الجميلو طريقة الطرح الأجمل
خلقتي جو جميل داخل قسم واش راك تهدر بارك الله فيك ^^
بالعودة للموضوع وبالعودة لسؤالك تاع هل الانسان مالازمش يخدم بنيتو نقولك أنو على نياتكم ترزقون
ماكانش قد لي يمشي بنيتو ويخدم حاجة لوجه الله خاطر النية الطيبة تغلب النية الخبيثة
ماكانش لي يقولك نجيب خبزتي بالحيلة والنية السيئة قادر تربح خبزة بصح تخسر بزاف حوايج لاحقا
الانسان مليحة يمشي مع ربي قدقد اذا معلم مثلا يخدم لوجه الله ويساعد الاطفال ويربيهم لوجه الله
ماش يقولك انا نتحايل وندي الاجر تاعي وخلي الاولاد هكاك، الطبيب تاني والمهندس ووو
هاد المهن والاعمال لازم نتقنوها ونمشيو بنية صالحة باه نديو رضا ربي ساع من بعد ربي سبحانو يكرمك
ويرزقك لي تتمناه وأكثر، وكيما قلتيها على الاقل الانسان يرقد مرتاح البال وضميرو مهني
مول النية في الاخير ديما يربح واذا ماربحش ينجيه ربي من خسارة كبيرة
شكرا حبيبتي على الموضوع الجميل ربي يحفظك وفي انتظار بقية مواضيعك
تحياتي​

وعليكم السلام ورحمة الله وبركاته
اهلا بك اختي
العفوو حبيبتي
صح مول الحيلة يجي النهار لي طيح على راسه
بارك الله فيك
تحية تليق​

 

[afnene]

خخخخخ
صح عندك الحق الواحد لازم يخلص نيتو لربي كي يكون يخدم باه يُؤجر عليه قدقد
ربي يقدر كل واحد على مسؤوليتو حتى و هي المصلحة و الحيلة كانت و تكون ههه مي بون ندعو ربي يصلح احوالنا
بارك الله فيك ​

اهلاا وسهلا اختي
صح الواحد لازم يبدا بروحو
ربي يهدينا
وفيك بارك الله
تحية تليق ​

 

[زهور الأمل]

للاسف مول النية يحسبوه غبي ومول الحيلة يحسب روحه محبوب
هم الاغبياء يخسرو في علاقتهم مع رب العباد من اجل ارضاء العباد
وان كانو اذكياء لقامو بالعكس
فحب الناس الحقيقي يكون بعد حب الله لك لانه يضع لك القبول
واش تحكى وواش تخلى ربي يهدي الجميع
تقبلي مروري وتشتت عباراتي
سلام​

 

[afnene]

للاسف مول النية يحسبوه غبي ومول الحيلة يحسب روحه محبوب
هم الاغبياء يخسرو في علاقتهم مع رب العباد من اجل ارضاء العباد
وان كانو اذكياء لقامو بالعكس
فحب الناس الحقيقي يكون بعد حب الله لك لانه يضع لك القبول
واش تحكى وواش تخلى ربي يهدي الجميع
تقبلي مروري وتشتت عباراتي
سلام​

اهلااا اختي
نورت
صح مول النية جامي يكون هو الخسران يكون خاسر في عينين العباد بصح عند ربي هو الرابح
اللهم امين
بارك الله فيك
تحية تليق
​

 

[وۣۗهۣۗہۣۗم]

بوركتم على الطرح وعلى الموضوع
زمان كانو يقولو مول النية يربح ودير نية تربح
ودوك دير نيتك وستنى ضربتك وربي يسترنا
مى رغم هداا كل واحد وكيفاه كاين ناس تمشي صح نيتهم مليحة وكاين ربي يستر منهم الله يطيحنا في مول النية المليحة

 

[أبو عاتكة]

النية معناها الاخلاص في العمل أمام الله عزوجل غالبا تكون فيه فطرة وليس تصنع فطرة قد تجعل من الاخرين يستغربونها في هذا الزمن وينعتونها بعدة صفات سلبية نابعة من سلبيتهم ونقصهم وفهمهم الخاطئ وغالبا تكون معرضة للاستغلال من طرف اصحاب الحيلة وهنا يجب التركيز فاما تكون ساذج مستَغل دوما أو صارم تعلم حقوقك فلا تفرط فيها وتعلم واجباتك فتخلص فيها.
والله اعلم.
يعطيك الصحة موضوع جيد.

 

[وقفة صدق]

بكري كانو يقولو اخدم يا العبد بالنية إذا ما ربحت تسلك على خير، النية هي مراقبة الله تعالى في كلش إذا كل واحد فينا مشى بالحيلة رايحة تعم الفوضى في البلاد وما تعرفي الصح من الخطأ.