سلام عليكم مساء الخير وان شااء الله اموركم تمام
علابالي كرهتو مواضيع الزواج لكن الله غالب كاين موضوع راني نخمم فيه عندي ايام وقلت تعطولنا شوي آرائكم
وليد عمي رايح يتزوج عيطلي ذيك النهارات قلي حكيم كشما بانتلك طفلة بنت فاميلية انا خيك ما تترددش تخبرني
صاحبي يجيني ثاني هذا الاسبوع حكيم كاشما تعرف بنت صالحة للزواج خويا راهو حاب يتزوج نا خيك
صاحبي آخر كيف كيف يعني في ظرف اسبوع 5 اتصلوا بي باش نحوسلهم على زوجات خخخخ
ما تسقسونيش علاه راهم يتصلوا بيا لانو هذا سر هههه
المشكل ماهوش هنا المشكل انو سقسيت هذو كامل شحال عندكم وانتوما تحوسوا تخيلو الاخير فيهم عندو عام وهو يحوس
من ملايين العازبات تاع الجزائر ما لقاوش بنت تاع زواج ...يعني مشكلة البنت الصالحة اللي تبني بيت علاه ما عادتش تبان
تقلهم يودي حقا قريتو في الجامعة علاه ما حوستوش يقولولك ااه لا لا ؟؟
تقلهم لافامي تاعكم علاش ما لقيتوش يقلك اواه لافامي لالا ؟؟
يعني بزااف امور ما فهمتش علاه ناس معقدة
والحاجة اللي خوفتني انو في هذو الخمسة مكاش اللي يحوس ع اللي حابة تخدم او خدامة ؟؟ مع انو دزاير ضركي قليل اللي ماهيش تخمم في البيت برك
كاع يحوسوا ع الخدمة مهم موضوع ما عادش خفيف وظريف راهو ثقيل يقتل ..وراهو واضح ايضا
وين راهي بنت الحلال او الي تقدر تاسس اسرة وعلاش الشباب راهم يخافوا والسؤال اللي لازم يجاوبني عليه المتزوجين لانو يهمني بزااف
كشاب وقتاه تنصحوني نبدا نحوس :؟ بيسك وليد عمي قلي لازم تحط عينك على وحدة ..
ولا تقولولي خليها على ربي وخلااص منين جات راهي تجي ؟
بارك الله فيك اخي حكيم على إثارة هذا الموضوع .. الزواج ولا صعيب اخويا حكيم بنت الحلال تحوس عليها بالشمعة و يا ربي "كيف كيف مع ولاد الحلال قلييييل وين تصيبهم يا حسراه "
و انا شخصيا حتى و يقولولي كاش ما بانتلك طفلة ما نضمنش .. يا ربي نضمن روحي لأنو صراو قدامي حكايات و ضمنو وحدين في التالي كي صراو المشاكل ولا اللوم فيهم !
أما العروس المنااسبة فكل واحد و عندو مقاييس ..
كاين لي يشوف على عايلتها كي يلقاها عايلة لاباس بيها من ناحية الالتزام و التربية يروح يخطب
كاين لي يخلي المسؤولية على امه يقوللهاا شوفيلي دبري راسك "و كي تصرا حاجة يقوللها راايك مادار فيا"
و كاين لي كي يعرف الطفلة و يشوفها فحلة و بنت ناس ما يترددش باش يخطبها
و هاذي تع مانديهاش قارية في الجامعة و ما نديهاش من منطقة معينة و ما نديهااش خدامة .... ماكانش منها لأنو في كل بلاصة كاين المليح و القبيح و كاين لي من دارهم ما تخرجش و كي يسقسو و ينبشو يسمعو العجب !
المهم باه يتزوج الواحد لازم يدعي ربي و يدير النية يسقسي مليح و يستخير قبل ما يدير اي خطوة .. يختار بعقله لي ترفدله الدار تقوم بيه و تربيله الذراري تربية صالحة لأنه هاذا هو الهدف من الزواج مشي كي ينوض الصباح يشوف حاجة زينة و كي يجي ينبش يصيب لا تربية لا ثقافة لا والو الكاركاسة برك !
رددي طويل على موضوعك هههههه الله غالب فرغت قلبي شوية
سلام عليكم
انا نقولك رايي شخصيا منيتهم هاذو يسقسوك تحوسلهم -_-
يعني انا و هذا رايي الانسان اللي فالاختيار و مش حاب أو "خايف" يتحمل مسؤولية اختيارو منتوقعش يتحمل المسؤولية من بعد الزواج و مسؤولية الاولاد...
كيما قاتلك هدى الواحد روحو مش ضامنها خص يضمنلك بنات وولاد الناس..
أما بالنسبة للي يقول بنات وولاد الفاميلية ناقصين ولا يخاف ميلقاش قولهم راهم كاينين
حوسو زين برك و زينو نيتكم خاطر على نياتكم ترزقون ^^
و ربي يهني كل شباب المسلمين
جزاك الله خيرا على الطرح الجميل
فعليهم ان يحسنو النية و يتوكلو على الله حق التوكل و عليه ان يعلم بان الرزق ايجي بعد الزواج و ليس قبل فالزواج فيه بركة فاذا بقي الواحد ايحوس على الاستقرار في البيت وحدو و الدخل الجيد حتى يتزوج فسوف يبقى عازفا عن الزواج طول حياته فانما عليه ان يتوكل بتوفير الضروري فقط و الررزق ياتي منبعد
ولي تعقيب بنات فاميليا بكثرة و لكن الرجال لهم شروط صعيبة شوية فهنالك الفئة الذين يخافون من الي قرات فالجامعة و هوما الي كان يعيش بالمصاحبة و يصرف على البنات في الجامعة فهو يخاف ان يلقى نفس الجزاء فاصبح يرهب من الجامعيات فكما تدين تدان فاي اخت توريهالو يرهبها . و الفئة الي تخاف لافامي و هؤلاء انا اعطيهم بعض الحق لان زواج الاقارب فيه نوع من التضحية اما ان يكون العبىء على الزوجة او اهل الزوج حتى يبقى ود لافامي قائما او تكون العداوة بينهم اذا لم يتحملو بعضهم
السلام عليكم ورحمة الله وبركاته ههههههه هادي بحث في فائدة العزاب ولا مطلوب زوجات ههههه
من جيهة وقتاه تبدا تحوس وكدا هادي خليها على ربي الواحد يسعى يبذل مجهود باش يأمن مستقبل لروحو ويهيء الضروف المعيشية اللي تخليه قادر على تحمل مسؤولية زوجة وأولاد من بعد ساهل مانيش نقول ضروف تعجيزية المهم الواحد يقيس ويشوف روحو عندو الازم برك يعني ادنى ضروف العيش الكريم بسم الله يرفد يماه يتكل على ربي ويقصد الفاميلية والرزق على ربي
وفي الأخير كلشي قسمة ونصيب وما تدري القدر واش مخبيلك وهاد الشي ما يمنعش انو من قبل يمد الكلمة على كاش وحدة شاف فيها مثال للزوجة الصالحة اللي ما تتعاودش شغل يريزارفيها ههههه وهاداك اللي يقلك الفاميلية لالا ولافاك لالا عندو نظرة ضيقة والزوجة الصالحة تلقاها فاي مكان ميز مليح برك التعاملات والتصرفات واللباس المحتشم وما الى ذلك بالمختصر بنات الفاميلية يبانو كيما ولاد الفاميلية
ومن جيهة اخرى من رأيي الشخصي اللي عندو نية الزواج يحوس وحدو ويسقسي مليح عالعائلة ديالها وخاصة خاصة الجانب الديني "اطفر بذات الدين تربت يداك"
لانو بزاف ناس يورو بنات للزواج من بعد كي يصراو مشاكل تع المفاهمة والعقلية يقلو انتا يا فلاني ولا انتي يا فلانية اللي رميتيني على راسي فمن الاحسن كل واحد يشوف الزوجة المناسبة ليه من حيث وجهة نظره الشخصية باش ما يحصلها فحتى واحد هههه
وكل واحد على نيتو يرزقو ربي المهم يخلي النية ويتوكل على ربي وان شاء الله يلقى بنت الحلال والأصل والفاميلية اللي تواتيه
وانا نقلك بنات الحلال كاينين الناس برك برا يقلك خلاصو بنات الفاميلية وهاد الشي طبيعي لانهم ما يبانوش اللي تلقاها مالخدمة للدار ولا مالقراية للدار ني قوش ني دروات وكاين اللي ما تخرجش بزاف اصلا على هادي
اسمحولي طولت فالرد
يعطيك الصحة اخي على طرح النقاش الهادف ربي يسر امورك ويوفقك لما يحب ويرضى
حكيم خويا شوف نقترح عليك امر صدقنى يعووود عليك بالفايدة ????حل مكتب للخطوبة هههههههههههه تدى فيهم اجر وزيد تربح فايدة جيبك ????
خويا والله الكلام اللى قلتو كاين منوو وكاين شخص قريبي يعنى صدقنى بقى مدة اربع سنوات في البحث حتى يماه وباباه قطعوو فيه لياس
منقولوش خاطر بنات الفاملية خلاصوو نووو خاطر الشروط تغيرت والحياةتبدلت معادش كيما زمان
ربي يهنينا ويجعل ايامنا كل فراح
اهلا بيكم واسمحولي جدا على الروطار في الرد هذا وين تحط الميكرو في اليد نتاعي اولا الزواج قسمة ونصيب هذي كامل نعرفوها ثانيا
لما يوجهك انسان لبيت معينية هذا لا يعني انو رايح يخرجلك دفتر عائلي ورايح يعقدلك
اكيد لكل الحق في الاختيار ممكن القلوب لا تتشابه والارواح لا تجتمع
ثالثا اللي يقول بنات الحلال مكانش والله ثلاثا غير راهو يقولوا انو الرجال مكاش لانو
الطفلة تاكل الحلال تنبت بالحلال ولكن الانسان يستخير ربي ويحوس على الاخلاق الطيبة والعقلية اللي يقدر يتعايش معاها
كل يوم الواحد يمشي ويتأكد انو الحاجة اللي تخلي الفتاة تدخل في قلبو هي العقلية والبنت المتربية ربي يفتح علكم كامل بارك الله فيكم
السلام عليكم ورحمة الله وبركاته
اولا كلمة شوفلى ولا شوفيلي ترمي الى عدم القدرة على الاختيار واذا الواحد مكانش قادر يتخذ قرار فى هاكذا امر كيف سيقرر ويسير اسرة بنجاح ثانيا كلمة مكاش ولاد ولا بنات الفامليا مشي مليحة لانها ستزرع الاحساس بالنقص والاقتناع بذلك فيسود الاضطراب وانعدام الثقة والياس من الامر والرجل مهما بحث وجال عن امراة ترافقه فى الحياة فان الله هو الواحد الذي يختار لك الشريك حسب شخصيتك قال الله تعالى (الخبيثات للخبيثين والخبيثون للخبيثات والطيبات للطيبين والطيبون للطيبات) صدق الله العظيم سورة النور
موضوع الزواج بالضبط موضوع معقد خااصة في الوقت لي رانا فيه خويا
وصدقني بنات مانقولوش بنات الفاميليا حاشا الفاميليا لي ربات وتعبت وأغلبيتهم بنات الفاميليا
ولكن
ماشي المشكلة دورك في بنت الفاميليا المشكلة دورك في عقلية هذه الفتاة علاخاطر الزمان تبدل والفتاة كأنها فاقت بمعنى نسا تاع بكري يزوجو مايشرطو مايخرجوهم يحوسو ..وهاكذاك وصابرين
أما الآن فايقة بكل شي وتحب تعيش مع راجلها وتحب تستقر وماتبقاش في سلطة العجوز كيما بكري وكاين حوايج من حقها وماتقدرش تغلطها…
اختصارا خويا العقلية ثم العقلية ثم التفاهم بعد التربية أكيد ، لازم تتفاهمو قبل الزواج كيفاش مخططات تاعكوم بكل صراحة وشفافية
ربي يسهل على كل واحد لأنو صح الإختيار صعاب بزاف
شكرا لطرح ااموضوع
سلام عليكم مساء الخير وان شااء الله اموركم تمام
علابالي كرهتو مواضيع الزواج لكن الله غالب كاين موضوع راني نخمم فيه عندي ايام وقلت تعطولنا شوي آرائكم
وليد عمي رايح يتزوج عيطلي ذيك النهارات قلي حكيم كشما بانتلك طفلة بنت فاميلية انا خيك ما تترددش تخبرني
صاحبي يجيني ثاني هذا الاسبوع حكيم كاشما تعرف بنت صالحة للزواج خويا راهو حاب يتزوج نا خيك
صاحبي آخر كيف كيف يعني في ظرف اسبوع 5 اتصلوا بي باش نحوسلهم على زوجات خخخخ
ما تسقسونيش علاه راهم يتصلوا بيا لانو هذا سر هههه
المشكل ماهوش هنا المشكل انو سقسيت هذو كامل شحال عندكم وانتوما تحوسوا تخيلو الاخير فيهم عندو عام وهو يحوس
من ملايين العازبات تاع الجزائر ما لقاوش بنت تاع زواج ...يعني مشكلة البنت الصالحة اللي تبني بيت علاه ما عادتش تبان
تقلهم يودي حقا قريتو في الجامعة علاه ما حوستوش يقولولك ااه لا لا ؟؟
تقلهم لافامي تاعكم علاش ما لقيتوش يقلك اواه لافامي لالا ؟؟
يعني بزااف امور ما فهمتش علاه ناس معقدة
والحاجة اللي خوفتني انو في هذو الخمسة مكاش اللي يحوس ع اللي حابة تخدم او خدامة ؟؟ مع انو دزاير ضركي قليل اللي ماهيش تخمم في البيت برك
كاع يحوسوا ع الخدمة مهم موضوع ما عادش خفيف وظريف راهو ثقيل يقتل ..وراهو واضح ايضا
وين راهي بنت الحلال او الي تقدر تاسس اسرة وعلاش الشباب راهم يخافوا والسؤال اللي لازم يجاوبني عليه المتزوجين لانو يهمني بزااف
كشاب وقتاه تنصحوني نبدا نحوس :؟ بيسك وليد عمي قلي لازم تحط عينك على وحدة ..
ولا تقولولي خليها على ربي وخلااص منين جات راهي تجي ؟
المشكلة ماشي بنات تاع زواج مكانش ولا مابانوش نو المشكلة انه اي واحد عازم على الزواج يخاف ويتوسوس قبل مايوصل عندها بصح قول لهدا لي يحوس على مراة ماتقدرش تعرف ادا زواجك ينجح ولالا بنظرة فقط، الزواج مبعد يبان بالعشرة والاكيد انه الخطبة ابدا ماتكونش كيما الزواج بمجرد دخول بيت الزوجية كل الخبايا تبان وهنا هما يقرو يا يتحملو ويتقبلو الطرف الاخر مهما كان ويكملو مسيرتهم او ينصدمو ويفترقو... الواحد يكتر من الدعاء وربي يرزق الجميع...
هههه
