نموذج لافطار الصحي

[السلطانة]

السلام عليكم ورحمة الله وبركاته


أقدم لكم نموذجا لافطار وصحور صحيين اثناء الصيام

لمن يريد الحفاظ على الوزن أو لمن يتبع نظام غذائي معين

أتمنى أن تستفيدوا منها






وجبة الصحور :


حليب من الأفضل خالي الدسم
أو حليب الشكاير فايض دون سكر أو ملعقة سكر لايت أو خاص بال دايت

+قطعة صغيرة كسرة صحية بالقمح

يعني تكون بزيت الزيتون والقمح

أو الشعير

أضع عليها ملعقة واحدة من المعجون


مع قيس حبة جبن خالي الدسم

وهنا استعملت ملعقة جبن خاص بالدايت





وجبة الافطار :
حبة تمر مع القليل من الحليب خالي الدسم لمن يحب الافطار عليها
شرب الماء

دائما شربة خضار صحية مرحية
تكون مثلا بيضنجان مع خضار او كابويا مع خضار أو لفت مع خضار...الخ

البروتين :لحم أو دجاج

السلطة: مشكلة مع اكل 5 زيتونات لااكثر


الكسرة : كسرة القمح أو الشعير الصحية


في السهرة :

شرب الماء
فاكهة مع تيزان
ياغورت ناتير عليه زريعة الكتان













بصحتكم



يعني الافطار الصحي لاوجود للزلابية والقلب اللوز ومشتقاتها

ومع الوقت اجسامكم ستتوعد على النظام


​

 

[السلطانة]

@أشــواق 19
@سكون الفجر
@الامين محمد
@حلم كبير
@فتى من الغد
@عقــ اللمه ــيد
@لؤلؤة قسنطينة
@آية نور اليقين
@أم منيــــــر
@ضآحكة مستبشرة
@quěěŋ ŏŏŏŏf gříěf
@Malika Tlm
@Soumia hadj mohammed
@البحر الهادي
@همس الوُرود
@Skor m@k
@The tank
@فتى من الغد
@فاعل الخير
@زاد الرحيل
@زخة مطر
@The tank

 

[لؤلؤة قسنطينة]

السلام عليكم ورحمة الله وبركاته
عجبتيني كي قلتي لا وجود للزلابية وقلب اللوز هههه
والله صح هادا هو الأكل الصحي الذي لا يضر بجسم الإنسان
أنا ماعنديش هاد المكونات ولكن نحاول دايما نقص وندير أكل صحي قد ما نقدر
ساعات تجيني واحد الفكرة يقولي رايحة تعيشي قد ماعشتي هههه كولي وبردي قلبك هههه
ومن بعد نحشم على روحي وزيد عندي المعدة مانحبش نكتر لا توجعني
ولكن بما أنك وضعتي الصور ووضعتي هاد الطريقة فهذا يعني أن
المكونات متوفرة ويمكن اتباع هذه الطريقة الصحية، جزاك الله خيرا
وربي يوفقك وتكملي على هاد المنوال
تحياتي​

 

[Wissem wiwi]

السلام عليكم ورحمة الله وبركاته


أقدم لكم نموذجا لافطار وصحور صحيين اثناء الصيام

لمن يريد الحفاظ على الوزن أو لمن يتبع نظام غذائي معين

أتمنى أن تستفيدوا منها






وجبة الصحور :


حليب من الأفضل خالي الدسم
أو حليب الشكاير فايض دون سكر أو ملعقة سكر لايت أو خاص بال دايت

+قطعة صغيرة كسرة صحية بالقمح

يعني تكون بزيت الزيتون والقمح

أو الشعير

أضع عليها ملعقة واحدة من المعجون


مع قيس حبة جبن خالي الدسم

وهنا استعملت ملعقة جبن خاص بالدايت


مشاهدة المرفق 95038


وجبة الافطار :
حبة تمر مع القليل من الحليب خالي الدسم لمن يحب الافطار عليها
شرب الماء

دائما شربة خضار صحية مرحية
تكون مثلا بيضنجان مع خضار او كابويا مع خضار أو لفت مع خضار...الخ

البروتين :لحم أو دجاج

السلطة: مشكلة مع اكل 5 زيتونات لااكثر


الكسرة : كسرة القمح أو الشعير الصحية


في السهرة :

شرب الماء
فاكهة مع تيزان
ياغورت ناتير عليه زريعة الكتان



مشاهدة المرفق 95039



مشاهدة المرفق 95040

مشاهدة المرفق 95041



بصحتكم



يعني الافطار الصحي لاوجود للزلابية والقلب اللوز ومشتقاتها

ومع الوقت اجسامكم ستتوعد على النظام


​

جا في وقتها والله هههه شكرا لكي

 

[إنسانة ما]

بوركت أم ياسمين .. نفس النظام لي تبعتو ولقيت عليه نتيجة ولله الحمد حيث خسرت 20 كيلو في مدة أربعة أشهر ..
كنت اضافة للشربة كل مرة نزيد حاجة مش شرط لحم أو دجاج .. مرة نضيف قطعة غراتان ومرة 5 ملاعق أرز ومرة تونة معاها بيض مسلوق أو مقلي في زيت زيتون (ملعقتين) ومرة سمك مشوي ومرة خضر مشوية في الفرن أو مفورة .. حتى البوراك كنت ندير بوراكة لكن في الفرن مطبوخة بطريقة صحية ..
يعني الواحد يقدر ينوع أكله وفي نفس الوقت صحي

 

[حلم كبير]

لي عودة بحول الله
للتعليق على هذا الافطار الرائع

 

[الامين محمد]

عدوي الأول هو الريجيم
يعني مسألة الصوم ماعنديش معاها مشكل لكن لما يجي الفطور هههههههه حرب عالمية ههههههههههه

ربي يحفظك أختي على الأفكار الرائعة و المميزة

 

[آية نور اليقين]

عندي بنتي تحب الاكل الصحي بصح مع الأسف مازال مانتبهش للضروريات في هذا الجانب كما واش لازم تأكل بصح فالكميه هي تقريبا متحكمة فيها وان شاء الله ترجع عندنا هذه الثقافة خصوصاٌ من ناحية الخبز والله رمي الخبز داير حالة عدنا فالجزائر بصفه عامة ...ومشكورة على الموضوع القيم حبيبتي

 

[وۣۗهۣۗہۣۗم]

مراحب اختى الغالية
الموضوع اكيد وبدون شك قيم وفيه معلومات مفيدة جداا جداا
لفئة معينة من الناس
ومع الاسف انا ماننتميش ليهم هههههههههههههه
كون ندير ريجيم نعود. كى لخيال منكذبش عليك عندى عقدة نفسية يسموها الاكل مناكلش كى خلق ربي
واكيد الاكل صحى فائدة للجسم تاعنا وداواء للعديد من الامراض عفانا الله واياكم

 

[زاد الرحيل]

افطار صحي و طييعي فعلا لكن عدم وجود الزلابية و اللبن على طاولة الافطار يسبب لي حزنا و الله مهما تنوعت المائدة و حتى لو زاد وزني .
شكرا للموضوع القيم .
.

 

[همس الوُرود]

السلام عليكم
بوركت اختي السلطانة على هاد النظام
صراحة معنديش بزاف بديت نظام بصح في غير الصوم يعني حاليا
بما اني كنت نرهج برك معنديش وقت وتنظيم فالاكل ماعنديش امتناعات فانواع الاكل انما مين جات ناكل هدا شيبس هدا شورمة هدي ميكسيكانو ليكخاب خلط تصفى بلاما ننسى المشروبات الغازية يلي لازم تكون حاضرة الطابلة والحلويات والدنيا
هاد ليامات راني زعما حبست التخلاط عندي 3 وجبات فالنهار نحيت قهوة العصر و نحاول قدر الامكان ننقص من الخبز ومنشربش مشروبات غازية ولا اكل مقالي وو والله يستر هههه وليت نحس بالجوع بصح نقول ماعليش لازم نتعود على النظام الغدائي

 

[Skor m@k]

السلام عليكم
يرحم الوالدين واللوبيا ولعدس لي راهي يما طيبهم كل يوم شكون ياكلهم ياك هههههه
والمقارون والطعام وين نديروهم ياك اه ههههه
وصفة مليحة للريجيم هذي خاصة تزيدي مع الصيام
لو تزيدينا الوصفة لي تعمليها انت في الفطار
نشوفو الى نقدرو عليها نتبعوها بلعقل
كيما قالت مريم والزلابية علاه علاه هههه
ديجا هذيك النهار برك شهاتني وشريتها كليت حتى بلوكيت هههههه
يعطيك الصحة سلطانة ​

 

[أبو عاتكة]

يعطيك الصحة ربي يبارك فيك.
الصوم فيه فوائد كبيرة ربي يثبتا.

 

[أشــواق 19]

السلام عليكمممم

ههههه اواااه انا هذا ميساعدنيش كون نتبعو نلقا روحي رجعت نوزن 40 كيلو ههههههههه

يعطيك الصحةة اختي

 

[العيون الخضراء]

ياختي في رمضان الى كليت هاذ الاكل يحوسو عليا بالشمعة ومايصيبونيش، الى ماشربتش هاذيك الكوكا ورا الماكلا والكسكس في السحور كلي مادرت والو
والله رمضان بنته في الاكل الغير صحي ههههههه

 

[العيون الخضراء]

شكرا لك على اهتمامك بصحتنا اختي