كيف تكتب للمة

[خديجة ph]

السلام عليكم اخواني و خاوتي اللماوين
يجول الواحد و يصول في مواضيع اللمة و يقعد يقلب المواضيع في راسو يا ترى كفاش جات العضو هذا الفكرة هذي و علاش كتب موضوع عنها . و تبدا تفكر لو اني مكانو كنت حكيت عالجانب هذا من الموضوع مش الجانب هذا تقرا التعليقات ههههه تتمنى لو كنت مكانو و ترد على هذاك التعليق .
المهم حبيت نعرف كيف يكتب اعضاء اللمة لللماوين هل تنوضو الصباح تحلو عينيكم تجيكم فكرة تكتب موضوع هل تستنى يصرالك موقف باه تكتب موضوع صراحة هل تكتب مواضيع لاجل عدد المشاركات و الاوسمة ام هل تبات الفكرة في راسك ايام و ليالي تتخمر حتى تعطينا الزبدة و هل في هذه اللحظة عندك مواضيع معلقة تنتظر تتبلور
و الناس المضربة عقولها عن كتابة المواضيع (كي حالتي) ما هو السبب بعييييدا عن انعدام الوقت و الانشغال.
اما التعليقات صراحة هل تقروها كلها حتى لو كانت تتعدى العشرين سطر ولو كانت منقولة من صفحات فتاوى او استشارات كان يمكن فقط وضع رابطها و هل تكتفي في تعليقاتك ببارك الله فيك ام لو كتبت لابد و تناقش و تتابع الموضوع
خلونا نفيد و نستفيد ربما ترميولنا كابلات الهام نبرونشيوها .
سلام

 

[السلطانة]

وعليكم السلام ورحمة الله وبركاته

اهلا وسهلا نورتي ايتها الهرابة
سالقي عليك القبض


بالنسبة للناس لي اون مود غزال الصايمين على المواضيع هادي دعوة ليكم باه تنشطو
ساهلة ماهلة تقدرو تكتبو مواضيع من الحاسوب من التابلات من الهاتف الحمد لله اللمة راهي متطورة
انا عن نفسي المواضيع لي فيها صور نكون مثلا نخمملها من قبل نصور الصور في فترة ومباعد نخدم بيهم موضوع
اما المواضيع العامة فمنخممش نجي طول نخربش ونكتب موضوع
اون مود البيت بيتي خخخ منحشم مانتحشم
التعليقات نقراها اكيد
اما المنقولة فبدون نفاق مرات نقراها ومرات كي تعود طويلة طويلة وزيد منقولة نفشل ومنقراهاش
ومرات ندخل كضيف نقرا غير التعليقات وكي يعود مزاجي رايق نطول ونرد حسب نوعية الموضوع
تقبلي مروري
ياريت الموضوع يكون فيه تنوع ردود باه نستفادو منها جميع فيما يفيد اللمة
كيما درك راني نكتبلك والعشا او على النار ههه يطيب
وصلاة المغرب راه يادن راني نزرب

 

[أم أُنٌَيسة]

وعليكم االسلام ورحمة الله وبركاته
لي عودة ان شاء الله ربما
ليس لي مزاج للمشاركة حاليا وهذا السبب الوحيد الذي يمعني من الرد، مزاجيتي التي تزعجبني احيانا هههههههههه
تحياتي احترامي وتقديري
في امان الله وحفظه

 

["viola"]

سلام عليكم
انا المواضيع منكتبش بزاف بسكو حابسة ملخر خخخ
نكتب بالنفحة برك و كي نتكتب نكتب و صاي تيري برك اما التعلاق فحاجتي خخخ
المنقولات هاذوك يديرولي السل صراحة -_- منكتبهم مانقراهم
و كاينة حاجة ثان نعلق بالمعرفة خخخ الا نادرا نعلق وصاي ​

 

[خديجة ph]

وعليكم السلام ورحمة الله وبركاته

اهلا وسهلا نورتي ايتها الهرابة
سالقي عليك القبض


بالنسبة للناس لي اون مود غزال الصايمين على المواضيع هادي دعوة ليكم باه تنشطو
ساهلة ماهلة تقدرو تكتبو مواضيع من الحاسوب من التابلات من الهاتف الحمد لله اللمة راهي متطورة
انا عن نفسي المواضيع لي فيها صور نكون مثلا نخمملها من قبل نصور الصور في فترة ومباعد نخدم بيهم موضوع
اما المواضيع العامة فمنخممش نجي طول نخربش ونكتب موضوع
اون مود البيت بيتي خخخ منحشم مانتحشم
التعليقات نقراها اكيد
اما المنقولة فبدون نفاق مرات نقراها ومرات كي تعود طويلة طويلة وزيد منقولة نفشل ومنقراهاش
ومرات ندخل كضيف نقرا غير التعليقات وكي يعود مزاجي رايق نطول ونرد حسب نوعية الموضوع
تقبلي مروري
ياريت الموضوع يكون فيه تنوع ردود باه نستفادو منها جميع فيما يفيد اللمة
كيما درك راني نكتبلك والعشا او على النار ههه يطيب
وصلاة المغرب راه يادن راني نزرب

وعليكم السلام غاليتي
ههههه الهريبة اختصاصي ما تخافيش
ايواه يعني تسيجلهم المواضيع الملاح ايام و ليالي ولازمهم حاسوب لاب توب باه تقدري تكوبي و تكولي بلاما تحكمك لاكريز هههههه انا نظن هاذا هو اللي ينقصني حاسوب المشكل ان الحاسوب في داري معشش فيه زوجي يظال فيه
اما التخربيش فصراحة لوكان ما تكونش عندي فكرة عن الموضوع ما نكتبش نخاف نغلط في حق واحد
التعليقات yeeeeeeeesssss ما نقراش المنقول و الكتيبة اللي تتعدى عشرين سطر ما نقراهاش
حكاية المزاج يظهرلي رانا كامل نتشاركوها كي تعود ما هياش معناها ما هياش نهار وحد اوخر .
صحة عشاك ولا تحرق ههههه ربي يقبل و ادعيلنا معاك ربي يهدينا

 

[خديجة ph]

وعليكم االسلام ورحمة الله وبركاته
لي عودة ان شاء الله ربما
ليس لي مزاج للمشاركة حاليا وهذا السبب الوحيد الذي يمعني من الرد، مزاجيتي التي تزعجبني احيانا هههههههههه
تحياتي احترامي وتقديري
في امان الله وحفظه

يا سيدي ربي يسقم مزاجك و يعدل احوالك و تلقاي قلبك الضايع هههه و تجي تحكيلنا كفاه تكتبي كي يرجعلك الڨوسطو
بارك الله فيك غاليتي

 

[خديجة ph]

سلام عليكم
انا المواضيع منكتبش بزاف بسكو حابسة ملخر خخخ
نكتب بالنفحة برك و كي نتكتب نكتب و صاي تيري برك اما التعلاق فحاجتي خخخ
المنقولات هاذوك يديرولي السل صراحة -_- منكتبهم مانقراهم
و كاينة حاجة ثان نعلق بالمعرفة خخخ الا نادرا نعلق وصاي ​

وعليكم السلام
شوف الناس اللي تطيح علينا البق قالك viola حابسة مالا احنا نحوسو على منتدى تعلم الابجدية ?
النفحة الڨوسطو راها نيميرو واحد بكل تفاهمو عليها
المنقولات صحييييتييي تجيني كي شغل مولاهم ما حابش يهدر معانا و يبعتنا في الورق شغل اهدرو مع المنقول انا ما نيش قاعدلكم ???
يعني انا من معارفك ???? ça ma vraiment toucher
شكرا حنونة مواضيعك الحابسة تعجبني ما تحبسيهاش عالاقل راكي ضامنتني نعلقلك بالمعريفة ههههه.

 

[sami44]

السلام عليكم
هو المنتدى فيه نوعين من الكتابة النوع الاول المنقول بالفعل ما يتعبش لكن فيه نوعين
النوع الاول موضوع منقول للافادة معناه العضو الي نقل الموضوع لمنتدى العلوم او الشريعة او غيره راه عارف بلي الموضوع من وراه افادة
وكاين موضوع منقول للنقل وكفى وهنا العضو ميمبا ما يقراش واش نقل ومرات يكون في الموضوع كلمات غيرلائقة وهو لا خبر
اما النوع الاخر هو الحصري من المجهود الخاص وهنا كل واحد على حساب اختصاصو ولا واش يملك في راسو
انا شخصيا ننقل المواضيع للمنتدى العام ومنتدى العلوم ومنتدى الشريعة لأني اعرف ما انتقي واتاكد من المصدر من قبل النقل اما الحصري او من مجهودي الخاص ادرج المواضيع في منتدى الحرف والمهن لاني صاحي مهنة ومتمكن ويسهل عليا الشرح
اما بالنسبة للردود لما يكون موضوعي منقول اكتفي بشكر العضو المار على موضوعي حتى يبقى الموضوع حي و يستفيد منو اكثر عدد من الاعضاء لانو كلما دهب الموضوع الى الصفحة الثانية من الركن مات
اما ادا كان موضوعي حصري يكون ردي طويل حسب استفسار العضو
وهنا نتفكر سنة 2009 لما كنت عضو جديد في اللمة وكنا نتنافس على من يكتب موضوع حصري حتى يوضع عليه ختم الحصري وكانت المشرفة فتاة المملكة على ما اضن هي التي تختم المواضيع الحصرية انداك
حكيتلك كامل حياتي حسبت روحي راني نكتب في موضوع
موضوعك طيب والله اعجبني
تحية من اخوك ناصر

 

[zagane]

السلام عليكم
من الواقع المعاش

 

[خديجة ph]

السلام عليكم
هو المنتدى فيه نوعين من الكتابة النوع الاول المنقول بالفعل ما يتعبش لكن فيه نوعين
النوع الاول موضوع منقول للافادة معناه العضو الي نقل الموضوع لمنتدى العلوم او الشريعة او غيره راه عارف بلي الموضوع من وراه افادة
وكاين موضوع منقول للنقل وكفى وهنا العضو ميمبا ما يقراش واش نقل ومرات يكون في الموضوع كلمات غيرلائقة وهو لا خبر
اما النوع الاخر هو الحصري من المجهود الخاص وهنا كل واحد على حساب اختصاصو ولا واش يملك في راسو
انا شخصيا ننقل المواضيع للمنتدى العام ومنتدى العلوم ومنتدى الشريعة لأني اعرف ما انتقي واتاكد من المصدر من قبل النقل اما الحصري او من مجهودي الخاص ادرج المواضيع في منتدى الحرف والمهن لاني صاحي مهنة ومتمكن ويسهل عليا الشرح
اما بالنسبة للردود لما يكون موضوعي منقول اكتفي بشكر العضو المار على موضوعي حتى يبقى الموضوع حي و يستفيد منو اكثر عدد من الاعضاء لانو كلما دهب الموضوع الى الصفحة الثانية من الركن مات
اما ادا كان موضوعي حصري يكون ردي طويل حسب استفسار العضو
وهنا نتفكر سنة 2009 لما كنت عضو جديد في اللمة وكنا نتنافس على من يكتب موضوع حصري حتى يوضع عليه ختم الحصري وكانت المشرفة فتاة المملكة على ما اضن هي التي تختم المواضيع الحصرية انداك
حكيتلك كامل حياتي حسبت روحي راني نكتب في موضوع
موضوعك طيب والله اعجبني
تحية من اخوك ناصر

بارك الله فيكم اخي ناصر
يعني نفهم من كلامك لو ما يكونش موضوع متمكن منو ما تكتبش فقط تكتفي بالنقل هههههه زدت صعبتها علينا هاك ما نزيدوش نكتبو خلاص.
اعتقد ان هذه أيضا من أسباب قلة المواضيع وفيها إيجابية يعني الواحد إذا مش متأكد انو رح يعرف يرد على أسئلة الاعضاء في التعليقات ماكالاه يكتب هذا الموضوع .
مشكور أخي على الرد

 

[خديجة ph]

السلام عليكم
من الواقع المعاش

ما قل و دل ?
مشكور

 

[Autumn leaves]

أختي خديجة ،،
محسوبتك من النوع كثير التفكير ،، كما يقال،، قبل أن تتكلم عد للعشرة
هذا فيما يتعلق بالمواضيع النقاشية في منتدى الحوار الهادف المنتدى المفضل بالنسبة إلى ،،
هذه جزئية ،، الجزئية الأخر فعلا لا أكتب إلا ما يحصل معي أحيانا ،، وأحيانا يحصل مع غيري أسمع به أو يأتي ليستشيرني فأحول الموضوع هنا
لأستفيد من أراء الآخرين لأن كل منا له زاويته التي ينظر من خلالها للأمور ،، خصوصا عندما يكون من مجتمع آخر ,, أحب كثيرا معرفة وجهات نظرهم !
أما بالنسبة للخواطر هذه فجأة تحضرني الفكرة وفورا أكتبها وتكون دائما مواقف حصلت معي وشعور بالفعل أحسه ،،
لا أجيد كتابة شيء من وحي الخيال ووصف مشاعر معينة تتعلق به.. مطلقا لا أجيده !

أما المنقولات لا أحب أن أضع منقولات لأنها في الغالب الأعم موجودة وقد يكون سمع بها غيري وأخشى كثيرا مسألة تكرار المواضيع لأني انقطعت فترة طويلة
فلا أعرف المكرر من الجديد ,,
من ناحية القراءة نعم ،، أحب القراءة وإن كان الموضوع منقولا ..
وتبقى المواضيع الحصرية والتي من انتاجي الخاص الأفضل بالنسبة لي ،والأكثر ضمانا من حيث عدم التكرار في العرض ، أعشقها جدا !

أطلت ولكن هذا ما يجعلني أكتب,,
وأشكرك بالفعل كنت احتاج قول ذلك..​

 

[لؤلؤة قسنطينة]

السلام عليكم ورحمة الله وربكاته
كل يوم نقول نرد على هاد الموضوع ويا إما ننسى يا إما الانترنت تكون معوجة، وعجبني موضوعك بزاف
بصراحة عن نفسي حاليا راني ناقصة في تقديم المواضيع راني نشارك بالردود بشكل أكبر، يا حسراه بكري كنت في اليوم الواحد نحط موضوعين هههه
درك الافكار كاينين بصح التفنيين حكمني، المهم نرجعو لطريقة طرح المواضيع انا بصراحة نكتب مواضيعي من أبسط حاجة نشوف حاجة في التلفاز
نشوف موقف قدامي نتفكر لقطة، لو انسان قدامي يضحك نبدا نطلعها في راسي حتى تولي موضوع ههههه وساعات والله كلمة وحدة نسمعها
بشكل عشوائي نخدمها في مخي ونحب نحطها على شكل موضوع، حتى التفكير هاداك لي بيني وبين نفسي لي يجري يوميا داخل الانسان
نخرج منو موضوع، ونشفى عليها بكري كي كنت نقرا في الجامعة كي نجيو مروحين في البيس لعشية والتعب والغاشي تلقاي الجسم في البيس
بصح العقل في اكتشاف موضوع جديد في اللمة ههههه، نسمع هدرة من فلانة فيا لبيس نشوف لقطة وساعات وحدي نبدا نخمم نقول
يا درا اليوم واش من موضوع نطرحو، ونحب دائما الحصرية قليل وين نحط حاجة سبق وطرحوها وهادا من سنة 2015 قبل سنة 2015 كل
مشاركاتي كانت منقولة وكامل ردودي بارك الله فيك وجزاك الله خيرا ههههه من بعد 2015 تحولت نهائيا وعرفت بلي مكاني هنا ماش نقول شكرا
ولا نروح ندير كوبي كولي لأنو متيقنة أنو عندي افكار ونحب نهدر ونتشارك الاحاديث هيا تما بديت نتشهر ههههه وبالنسبة للردود انا صراحة
نحب المواضيع لي تتكتب بخط العضو يعني بقلمو نحس بشخصيتو نحس روحي نحكي معاه ونقرا افكارو بصح لما نقرا حاجة منقولة نحسها جامدة
مافيهاش احساس وماتخلينيش نوصل لشخصية العضو هاداك والتعرف عليه، على هادي في أغلب الاحيان مانحبش المواضيع المنقولة إلا لي لازم
تكون منقولة كالجانب الديني أو التاريخي، تما نقراها ونتفاعل معاها، ونحب نرد عليها واصلا انا نحب نرد بالجرنان الطويل لي كيما هادا هههه
وكذلك نحب نبه لحاجة مهمة وهو المورال يلعب دور كبير في طرح المواضيع، انا ساعات لما يكون مورالي هابط عندو افكار بزااف ونفتح خانة
طرح المواضيع نبقى نتفرج معاها ونولي نغلقها، المورال يلعب دور كبير، والنصيحة لي ننصحها لي يحب يكتب المواضيع نقولهم كونو عفويين وفقط
كيما قالتها فيولا تيري برك ههههه اكتب بقلبك وحافظ على شخصيتك واستمد مواضيعك من كل حاجة في حياتك وفي يومياتك احسب كلي
راك بين عايلتك، وهادا مكان هههه شكرا لحسن الاصغاء والمتابعة وشكرا على الموضوع الجميل
تحياتي
​

 

[أم أُنٌَيسة]

السلام عليكم
هو المنتدى فيه نوعين من الكتابة النوع الاول المنقول بالفعل ما يتعبش لكن فيه نوعين
النوع الاول موضوع منقول للافادة معناه العضو الي نقل الموضوع لمنتدى العلوم او الشريعة او غيره راه عارف بلي الموضوع من وراه افادة
وكاين موضوع منقول للنقل وكفى وهنا العضو ميمبا ما يقراش واش نقل ومرات يكون في الموضوع كلمات غيرلائقة وهو لا خبر
اما النوع الاخر هو الحصري من المجهود الخاص وهنا كل واحد على حساب اختصاصو ولا واش يملك في راسو
انا شخصيا ننقل المواضيع للمنتدى العام ومنتدى العلوم ومنتدى الشريعة لأني اعرف ما انتقي واتاكد من المصدر من قبل النقل اما الحصري او من مجهودي الخاص ادرج المواضيع في منتدى الحرف والمهن لاني صاحي مهنة ومتمكن ويسهل عليا الشرح
اما بالنسبة للردود لما يكون موضوعي منقول اكتفي بشكر العضو المار على موضوعي حتى يبقى الموضوع حي و يستفيد منو اكثر عدد من الاعضاء لانو كلما دهب الموضوع الى الصفحة الثانية من الركن مات
اما ادا كان موضوعي حصري يكون ردي طويل حسب استفسار العضو
وهنا نتفكر سنة 2009 لما كنت عضو جديد في اللمة وكنا نتنافس على من يكتب موضوع حصري حتى يوضع عليه ختم الحصري وكانت المشرفة فتاة المملكة على ما اضن هي التي تختم المواضيع الحصرية انداك
حكيتلك كامل حياتي حسبت روحي راني نكتب في موضوع
موضوعك طيب والله اعجبني
تحية من اخوك ناصر

وعليكم السلام ورحمة الله وبركاته
قلت ما اردت قوله اخي الكريم بارك الله فيك

 

[أم أُنٌَيسة]

يا سيدي ربي يسقم مزاجك و يعدل احوالك و تلقاي قلبك الضايع هههه و تجي تحكيلنا كفاه تكتبي كي يرجعلك الڨوسطو
بارك الله فيك غاليتي

السلام عليكم ورحمة الله وبركاته
عدنا والعود احمد باذن الله
نحن وانتم وكل المسلمين ان شاء الله يارب، قلبي فبلاصتو ههههههههههههه
وفيك بركة حبيبة، الله يغليك ويعلي مقامك ان شاء الله يارب

عودة للموضوع:
في الغالب مواضيعي منقولة وذلك للافاذة باذن الله بعد ان اتاكد من صحة المعلومة او من مصدرها جيدا
اما مواضيعي الخاصة اغلبها خواطر واتجنب كتابة المواضيع الحصرية لنفس السبب الذي ذكره الاخ سامي او ناصر لاني اخاف ان يسالونني عن شيء لا اعرفه وكل مواضيعي من قلمي هي امور متاكدة منها وارف كيف ارد واتناقش فيها
اما ردودي فهي طويلة تقريبا دائما، وفي الاغلب تكون فتوى او شيئا منقولا وذلك للافاذة باذن الله، ولا اضع الرابط فقط لاني اعلم ان اغب الناس لا يدخلونها ولا يدخلون لقسم الشريعة الله يهدينا ويهديهم ان شاء الله الا نادرا
احب الرد في المواضيع خاصة في قسم النقاش، فحين ابحث عن تلك الفتوى او تلك المعلومة قذلك لاني لا احب ان اتكلم في شيء الا بعد معرفتي بحكم الدين فيه وحينها استفيذ واحب ان افيذ بما استفذته ان شاء الله تعالى واحيانا كنت قد قراتها وحفظتها في مفضلة المتصفح
اما ردود الاخرين فانا اقرؤوها كلها خاصة ان كان موضوع للنقاش وبالاخص بعض الاعضاء المفضلين لدي فردودهم كلماتهم ماشاء الله لا قوة الا بالله حكم ومواعظ بارك الله فيهم وجزاهم كل خير واحيانا اعيد قراتها مرات كثيرة واحفظها عندي في مكان ما ادا كانت فيها معلومات ثابتة وبل انقلها كرسالة لاصدقائي في مواقع التواصل مع كتابة المصدر اكيد
لا يهمني كثيرا ان كان ذلك الرد منقولا ام لا،، اهتم بالمحتوى فقط وان كان مفيذا وان كان من مصدر موثوق خاصة ان كان في الدين ابحث عن مصدره مجددا وعن صحته للتاكد فاحيانا نخطيء في نقل المعلومات وحينها ااحضر المعلومة الصحيحة ان شاء الله وكم احب ادا فعلوا نفس الشيء معي
بارك الله فيك وجزاك كل خير للكلام الطيب غاليتي وجعل كل حرف في ميزان حسناتك
تحياتي احترامي وتقديري لشخصكم الكريم الطيب

​

 

[خديجة ph]

أختي خديجة ،،
محسوبتك من النوع كثير التفكير ،، كما يقال،، قبل أن تتكلم عد للعشرة
هذا فيما يتعلق بالمواضيع النقاشية في منتدى الحوار الهادف المنتدى المفضل بالنسبة إلى ،،
هذه جزئية ،، الجزئية الأخر فعلا لا أكتب إلا ما يحصل معي أحيانا ،، وأحيانا يحصل مع غيري أسمع به أو يأتي ليستشيرني فأحول الموضوع هنا
لأستفيد من أراء الآخرين لأن كل منا له زاويته التي ينظر من خلالها للأمور ،، خصوصا عندما يكون من مجتمع آخر ,, أحب كثيرا معرفة وجهات نظرهم !
أما بالنسبة للخواطر هذه فجأة تحضرني الفكرة وفورا أكتبها وتكون دائما مواقف حصلت معي وشعور بالفعل أحسه ،،
لا أجيد كتابة شيء من وحي الخيال ووصف مشاعر معينة تتعلق به.. مطلقا لا أجيده !

أما المنقولات لا أحب أن أضع منقولات لأنها في الغالب الأعم موجودة وقد يكون سمع بها غيري وأخشى كثيرا مسألة تكرار المواضيع لأني انقطعت فترة طويلة
فلا أعرف المكرر من الجديد ,,
من ناحية القراءة نعم ،، أحب القراءة وإن كان الموضوع منقولا ..
وتبقى المواضيع الحصرية والتي من انتاجي الخاص الأفضل بالنسبة لي ،والأكثر ضمانا من حيث عدم التكرار في العرض ، أعشقها جدا !

أطلت ولكن هذا ما يجعلني أكتب,,
وأشكرك بالفعل كنت احتاج قول ذلك..​

اهلا اختي و بارك الله فيك على الرد المفصل
ما شاء الله عليك أختي صراحة نشوف كتاباتك متقنة و أفكارك واضحة و متقبلة للنقاشات و صراحة مواضيعك تعجبني .
سعيدة لمرورك مشكورة

 

[خديجة ph]

السلام عليكم ورحمة الله وربكاته
كل يوم نقول نرد على هاد الموضوع ويا إما ننسى يا إما الانترنت تكون معوجة، وعجبني موضوعك بزاف
بصراحة عن نفسي حاليا راني ناقصة في تقديم المواضيع راني نشارك بالردود بشكل أكبر، يا حسراه بكري كنت في اليوم الواحد نحط موضوعين هههه
درك الافكار كاينين بصح التفنيين حكمني، المهم نرجعو لطريقة طرح المواضيع انا بصراحة نكتب مواضيعي من أبسط حاجة نشوف حاجة في التلفاز
نشوف موقف قدامي نتفكر لقطة، لو انسان قدامي يضحك نبدا نطلعها في راسي حتى تولي موضوع ههههه وساعات والله كلمة وحدة نسمعها
بشكل عشوائي نخدمها في مخي ونحب نحطها على شكل موضوع، حتى التفكير هاداك لي بيني وبين نفسي لي يجري يوميا داخل الانسان
نخرج منو موضوع، ونشفى عليها بكري كي كنت نقرا في الجامعة كي نجيو مروحين في البيس لعشية والتعب والغاشي تلقاي الجسم في البيس
بصح العقل في اكتشاف موضوع جديد في اللمة ههههه، نسمع هدرة من فلانة فيا لبيس نشوف لقطة وساعات وحدي نبدا نخمم نقول
يا درا اليوم واش من موضوع نطرحو، ونحب دائما الحصرية قليل وين نحط حاجة سبق وطرحوها وهادا من سنة 2015 قبل سنة 2015 كل
مشاركاتي كانت منقولة وكامل ردودي بارك الله فيك وجزاك الله خيرا ههههه من بعد 2015 تحولت نهائيا وعرفت بلي مكاني هنا ماش نقول شكرا
ولا نروح ندير كوبي كولي لأنو متيقنة أنو عندي افكار ونحب نهدر ونتشارك الاحاديث هيا تما بديت نتشهر ههههه وبالنسبة للردود انا صراحة
نحب المواضيع لي تتكتب بخط العضو يعني بقلمو نحس بشخصيتو نحس روحي نحكي معاه ونقرا افكارو بصح لما نقرا حاجة منقولة نحسها جامدة
مافيهاش احساس وماتخلينيش نوصل لشخصية العضو هاداك والتعرف عليه، على هادي في أغلب الاحيان مانحبش المواضيع المنقولة إلا لي لازم
تكون منقولة كالجانب الديني أو التاريخي، تما نقراها ونتفاعل معاها، ونحب نرد عليها واصلا انا نحب نرد بالجرنان الطويل لي كيما هادا هههه
وكذلك نحب نبه لحاجة مهمة وهو المورال يلعب دور كبير في طرح المواضيع، انا ساعات لما يكون مورالي هابط عندو افكار بزااف ونفتح خانة
طرح المواضيع نبقى نتفرج معاها ونولي نغلقها، المورال يلعب دور كبير، والنصيحة لي ننصحها لي يحب يكتب المواضيع نقولهم كونو عفويين وفقط
كيما قالتها فيولا تيري برك ههههه اكتب بقلبك وحافظ على شخصيتك واستمد مواضيعك من كل حاجة في حياتك وفي يومياتك احسب كلي
راك بين عايلتك، وهادا مكان هههه شكرا لحسن الاصغاء والمتابعة وشكرا على الموضوع الجميل
تحياتي
​

هههههه انت وحدك والله كعبة
عجبتني الصراحة تاع نتفين التفنيين ساعات يعشش ما يحبش يطلقك ما تخافيش مادامك بعدتي على كتابة المواضيع و عدتي ما تلقايش الوقت معناها كبرتي و زادو مسؤولياتك . و التحول هذا من المنقول للحصري كيفاش صرا . المهم كي وليتي مشهورة هاكاك تفيديني نولي اللي نهدر معاه نقولو انا تاني قسنطينية . ايه المورال لازم تكون ڨادتلك باه تقدر تهدر وما تقلبهاش مود كوفيرطة هههههه.
الله يعطيك ما تتمناي حبيبتي راكي معروضة للخروب زعيم الشام خيري النهار و نتلاقاو ?

 

[خديجة ph]

السلام عليكم ورحمة الله وبركاته
عدنا والعود احمد باذن الله
نحن وانتم وكل المسلمين ان شاء الله يارب، قلبي فبلاصتو ههههههههههههه
وفيك بركة حبيبة، الله يغليك ويعلي مقامك ان شاء الله يارب

عودة للموضوع:
في الغالب مواضيعي منقولة وذلك للافاذة باذن الله بعد ان اتاكد من صحة المعلومة او من مصدرها جيدا
اما مواضيعي الخاصة اغلبها خواطر واتجنب كتابة المواضيع الحصرية لنفس السبب الذي ذكره الاخ سامي او ناصر لاني اخاف ان يسالونني عن شيء لا اعرفه وكل مواضيعي من قلمي هي امور متاكدة منها وارف كيف ارد واتناقش فيها
اما ردودي فهي طويلة تقريبا دائما، وفي الاغلب تكون فتوى او شيئا منقولا وذلك للافاذة باذن الله، ولا اضع الرابط فقط لاني اعلم ان اغب الناس لا يدخلونها ولا يدخلون لقسم الشريعة الله يهدينا ويهديهم ان شاء الله الا نادرا
احب الرد في المواضيع خاصة في قسم النقاش، فحين ابحث عن تلك الفتوى او تلك المعلومة قذلك لاني لا احب ان اتكلم في شيء الا بعد معرفتي بحكم الدين فيه وحينها استفيذ واحب ان افيذ بما استفذته ان شاء الله تعالى واحيانا كنت قد قراتها وحفظتها في مفضلة المتصفح
اما ردود الاخرين فانا اقرؤوها كلها خاصة ان كان موضوع للنقاش وبالاخص بعض الاعضاء المفضلين لدي فردودهم كلماتهم ماشاء الله لا قوة الا بالله حكم ومواعظ بارك الله فيهم وجزاهم كل خير واحيانا اعيد قراتها مرات كثيرة واحفظها عندي في مكان ما ادا كانت فيها معلومات ثابتة وبل انقلها كرسالة لاصدقائي في مواقع التواصل مع كتابة المصدر اكيد
لا يهمني كثيرا ان كان ذلك الرد منقولا ام لا،، اهتم بالمحتوى فقط وان كان مفيذا وان كان من مصدر موثوق خاصة ان كان في الدين ابحث عن مصدره مجددا وعن صحته للتاكد فاحيانا نخطيء في نقل المعلومات وحينها ااحضر المعلومة الصحيحة ان شاء الله وكم احب ادا فعلوا نفس الشيء معي
بارك الله فيك وجزاك كل خير للكلام الطيب غاليتي وجعل كل حرف في ميزان حسناتك
تحياتي احترامي وتقديري لشخصكم الكريم الطيب

​

وعليكم السلام و الرحمة و الاكرام غاليتي
مرحبا بيك الآن و من قبل مالا بدلي اسمك رديه founded heart راني نضحك معاك برك غاليتي
مشكورة حبيبتي على ردك عالموضوع وهذا رد مافيهش نقل ههههه
مشكورة على المنقولات و ان شاء الله تكوني افدتي بيهم
اما عن مواضيعك فأنا متأكدة انك تقدري تكتبي مواضيع رائعة و من بنات أفكارك - و قد كتبت من قبل- حتى لو كان البعض الآخر ينتقدها فصدقيني النقد يكون مفيد لك و له وهذا يعطيك فكرة أوضح عن الشخص اللي أمامك .صدقيني متعة النقاش انك تاخذ من هذا فكرة و من هذيك فكرة تحس نفسك كبرت سنوات بمجرد مناقشة احدهم.
حبيت نسألك سؤال فقط لو مافيهش احراج في أي سنة تدرسي و ما هو تخصصك
بارك الله فيك ولك بالمثل غاليتي

 

[أم أُنٌَيسة]

وعليكم السلام و الرحمة و الاكرام غاليتي
مرحبا بيك الآن و من قبل مالا بدلي اسمك رديه founded heart راني نضحك معاك برك غاليتي
مشكورة حبيبتي على ردك عالموضوع وهذا رد مافيهش نقل ههههه
مشكورة على المنقولات و ان شاء الله تكوني افدتي بيهم
اما عن مواضيعك فأنا متأكدة انك تقدري تكتبي مواضيع رائعة و من بنات أفكارك - و قد كتبت من قبل- حتى لو كان البعض الآخر ينتقدها فصدقيني النقد يكون مفيد لك و له وهذا يعطيك فكرة أوضح عن الشخص اللي أمامك .صدقيني متعة النقاش انك تاخذ من هذا فكرة و من هذيك فكرة تحس نفسك كبرت سنوات بمجرد مناقشة احدهم.
حبيت نسألك سؤال فقط لو مافيهش احراج في أي سنة تدرسي و ما هو تخصصك
بارك الله فيك ولك بالمثل غاليتي

ترحب بك الجنة ان شاء الله يارب، رح نبدلو ونرجعو كيما سماني اخي الصغيرون حكيمو استاذة بشماقة هههههههههه علابالي راكي تضحكي وانا رديت كضحكة المشكل لانه ردي كان كتابة متقدريش تعرفي هههههههههه
لا شكر على واجب غاليتي وكل الشكر لك ولموضوعك الجميل كجمال قلبك، شفتي درت انجااااااااااااااااز عظييييييييييييييييم يامحاينك هههههههههههههه
لا شكر على واجبي باذن الله، ان شاء الله يارب فتلك غايتي ان شاء الله
انتم كل الروعة غاليتي والمواضيع تكون رائعة لمن يمر بها ويناقش ويجعلها اكثر افاذة ان شاء الله، لا يهمني الانتقاذ ولا يغير في قراراتي اي شيء صدقيني غاليتي بالعكس تماما اعشق الانتقاذ واحب ان يريني الاخرين اين اخطيء ولا احب المديح كثيرا ههههههههه
تماما غاليتي بالضبط، ولذا احب مواضيع النقاش الهادف اما ان اكتب انا موضوعا والله تفنيين ههههههههههه والردود ونتفنيين مرات نخلي حتى يتجمعوا المواضيع ولما يجيني قوسطو نجي نجري نفتحهم فلبي سي نوافذ هكدا يامحاينك ونبدا نقفز ونرد من موضوع الموضوع ههههههههههههههههه
ليس اني اخاف النقذ لكن فنيانة برك هدا مكان، نعجز مع انه عندي افكار كثيرة في راسي ولانه لما نحب نكتب موضوع نبغي نحكي عليه كظاهرة ومنبغيش نذكر ناس وننتقدهم على خطاهم لدا يجيني الامر اصعب هههههههههههههههه
اي احراج غاليتي سقسي واش تحبي ووش بغيتي تحدي معي بكل راحة واريحية
تخرجت في جويلية والحمد لله درست تخصص هندسة مدنية ماجستير مواد
وفيك بركة غاليتي
بارك الله لك في دينك وعرضك ومالك ودنياك ورزقك بما تحبين في ما يحب ويرضى لك
تحياتي القلبية​

 

[sami44]

بارك الله فيكم اخي ناصر
يعني نفهم من كلامك لو ما يكونش موضوع متمكن منو ما تكتبش فقط تكتفي بالنقل هههههه زدت صعبتها علينا هاك ما نزيدوش نكتبو خلاص.
اعتقد ان هذه أيضا من أسباب قلة المواضيع وفيها إيجابية يعني الواحد إذا مش متأكد انو رح يعرف يرد على أسئلة الاعضاء في التعليقات ماكالاه يكتب هذا الموضوع .
مشكور أخي على الرد

البركة فيك اختي خديجة
من مدة وانا انتضر موضوع من هد النوع لجس نبض الاعضاء بخصوص الكتابة
لالا لازم نكتبو كامل انا غبت عن اللمة لمدة اربع سنوات ورجعت لاني توحشت الكتابة والردود فيها بنة خاصة ولا تشبه الكتابة في مواقع التواصل
اما الرد على اسئلة الاعضاء في التعليقات نتعلموها بالمداومة
كل لود والحترام لكي