السلام عليكم ورحمة الله وبركاته
بقايا لؤلؤة قسنطينة تتحدث إليكم بعد السرقة ههههه
وعليكم السلام مريومة او بقاي مريومة نسرق منك كل يومشوي حتى نديك كامل
أولا فرحانة جدا أنو الأخت ليليا رجعت لنشاطها ولطرح مواضيعها الشيقة والمتميزة التي تستحق التقدير
ربي يحفظك مريم نحاول نعوض على فترة غيابي لمنتدى كان له الفضل فعلاج جزء من مرضي الحمد لله
وراح نتواجد معكم كما كنت من قب طالما صحتي مستقرة حاليا
وثانيا سعيدة أنها اختارت تخطفني وتسرقني هههه، لأنو الإنسان غالبا مايشوفش حوايج إيجابية في نفسو ويتمنى يعرفها من الناس القريبة ليه
على هادي شكرا لكل تلك الكلمات الطيّبة في حقي، ربّما أنا مميزة في عيونكم فقط هههه
لالا مريومة انا عندي قناعة انو شخص لما تعتادي عليه تدي فكرة عليه في حياته الواقعية يعني اكيد هذي شخصيتك برا ونعرفك مليح مريومىة ما بالغت ما زدت من عندي
امم دركا نرجعو للب الموضوع، شحال مليحة تهز الغاشي هكا وتسرق منهم صفاتهم ههههه تلمهم في قرعة وتستخدمهم ههه
امهم نبدا بصاحبة الموضوع سرقتني ولازم نسرقها هههه، @ليليا مرام نسرق منها الصبر والإرادة خاطر رغم كلشي لي جوزتو لو جا واحد في بلاصتها
راهو معرف واش صرا فيه لكنها تبتسم وتشارك الناس كأنو مابيها والو، وكذلك نسرق منها مرحها وقوة شخصيتها، لي مايعرفهاش
يدخل يقرا مواضيعها السابقة يشبع ضحك يولي يفيبري وحدو، وهي رغم أنها ماعندهاش سند من غير ربي سبحانو لكنها معتمدة على نفسها
على هادي ربي يطولك في صبرك ويرزقك عليه فرج قريب ويخليلك هاديك البسمة دائما على وجهك
ربي يحفظك مريومة وانت كنت خير شاهد علي وتابعت معي كل شيء وكنت معي فكل خطوة وسندك ليا محال ننساه ولازم نصبروا على أمر الله الحمد لله على كل حال وانا اللي نشكرك على موقفك معايا اختي الحقيقية وما ديروش عند ربي كبيرة بفضلك رحت وعالجت عظم فكي وشارفت غلى الإصابة بالسرطان وانت تعرفين كل القصة والحمد لله
آمين اختي العزيزة الصب نعمة من الله ولازم ندعوه يمدونا
عضوة خلاف @ضآحكة مستبشرة هاد المخلوقة ماعندهاش خلاص التماطل هاد الشي لي يعجبني فيها بزاف وحابة نسرقو، انا تجيني فكرة في راسي نبدا نطلع ونهبط
ونتردد هي لالا، القرار لي يجيها تتاخذو مباشرة، كيما نقولو تزدم وأكيد تزدم في شي تاع خير وصلاح، ربي يوفقها ان شاء الله
@"viola" هاد الكائنة العجيبة ههههه صغيرة ومحاينها كبارحابة نسرق منها هاديك القوّة والجرأة لي ماتلقاهاش في أي أنثى، ماتخاف غير من ربي سبحانو
وصح هي أنثى ورقيقة وقصيرة ههههه غير نضحك برك قصدي رقيقة يعني حساسة بصح قلبها بقوّة ألف رجل، ربي يحميها ان شاء الله
غلبت وأنا نسرق، بعد هاد المهمة يديوني طول للحبس، كذلك الأخت @طموحة حابة ومتمنية نسرق ذرة فقط من أملها وتفاؤلها رغم أنو قلبها هاز جبال
تاع هموم لكنها دائما تقول الحمد لله، ولا مرة قاتلي راني هكا وهكا دايما حامدة ربي، انسانة جد جد متفائلة ومأمنة بربي سبحانو ربي يعطيها على حساب قلبها
درك نزيد نولي ههههه مازلت ما اكتفيتش هههه
ربي يحفظك مريومة الله يخليك على ردك الرائع عزيزتي
