أنا أحسن منك وأنت غريب عنّي

وعليكم السلام ورحمة الله. وبركاته هاقد عدت اخيرا للرد في الموضوع الذي اثار في الحماس لكي اخربش 😁:LOL:

اسناي ندورها دارجة خير باه نعرف نعبر
الطفلة كي تتزوج تديرفي بالها بلي راهي حتعيش مع عايلة جديدة وزوج متعرف عليهم والو لان فترة الخطوبة شي وانها تعولي فرد منهم تشاركهم بزاف امور شي اخر تماما.
ماش معناها انها تتبدل في شخصيتها ومبادئها ابدا
لكنها تحاول تتأقلم مع الوضع وفي نفس الوقت متخليش هاذ العايلة الجديدة تسلبها شخصيتها وعاداتها وحوايج هي تحب تديرهم مثلا :

انا اول ماتزوجت ودخلت للكوزينة رحت طيبت لملوخية
مالا دار شيخي معجبتهمش لانهم ميطبخوهاش وماياكلوهاش.. اكتشفت بلي اكلهم مختلف عتاعنا.. كيما الكسكسي يزيدو السكر للاصوص وللعجين حلو وبالدهان العربي
انا الدهان متربيتش بيه وماناكلوش
مالا وليت نطيب تاعي بلاسكر ومع الوقت والفت بيها
لاصوص مي الكسكي ندهنو بالزبدة وشوي ملح برك
تعلمت طيابهم وحافظت على طيابنا في الشرق
نطيبلهم ليهم وكي نسخف نطيب ليا لي حب ياكل مرحبا لي ميحبش منفرضش عليه هوما ميفرضو عليا وانا منفرض عليه
في المقابل تعلمت منهم بزاف حاجات كيفاه ننقي التوابل ونخلطها كيفاه ننحي الاعشاب العرعار والشيح والاكليل.. كي نخرجو نحوسو.. مينبتوش في ولايتي لكن تعلمت منهم كون قعدت نقول انا هاذو منخيهمش كنت منتعلمش
تعلمت الزفيطي الشخشوخة ووليت نطيبهم في دارنا ..تعلمو مني حوايج بزاف شخشوخة الظفر.. لقناوية.. الرفيس.. لبراج... الخ
نشفى اول مرة وجدت السلاطة فيدار شيخي كي ديت المايدة بخصتني اث زوجي قاتلي مناكلوهاش كيف هك لازم تكثيرلها لافينيقرات... سكتت انا تم...
لاني كنت في فترة مراقبة والتعرف على عادات غير عاداتي
طريقة تحضير الكسرة هوما يعجنو بالقصعة في لرض اناملساعدتنيش نعجن عالطابلة
كي تعود مرقة هوما يحبويغطسو بالكسرة حنا ناكلو بالمغرف
وزيد دار كبيرة وحنا كنا دار صغيرة
الدار لكبيرة الفوضى والضياف في اي لحظة دون برمجة
مرة مرت سلفي حبت تحرجني قدام لافامي تاعهم ولات تنقد في اكلنا وعراسنا. بلي حنا في الشرق نغليو وتاع مظاهر ولاعبينها وتطيح في ماكلتناوووو المهم كلام كبير وكون انا تزوجت بعيدةمنقدرش نخلي عاداتي ونعيش مع ناس منعرفهمش وبعاد
جاوبتها باختصار انا منيش انتي وانتي ماش انا
ولي يخالط. يشوف ماش كي لي يقعد فيبلاصة. وحدة
السفر والعيش على منطقتين يعلمك تتأقلمي مع الوضع ليراكي فيه تتعلمي حوايج جدد تزيديهم لحوايجك تجمعي اكبر عدد ممكن من التجارب والعادات والتقاليد..

والتعصب ميوصل الكنة لنتيجة
انتي تزوجتي ودخلتي على عايلة متحاوليش تفرضي عليهم عاداتك واكلك وتمحيلهم عاداتهم واكلهم
لازم تتقبلي عاداتهم بصدر رحب اكلهم تتعلميه وتتاقلمي مع الوقت لي يعجبك كوليه ولي ميعجبكش خليه وفي المقابل متتخلايش على عاداتك واكلك طيبيلهم كان عجبهم كلاوه ماعجبهمش ماياكلوش نورمال
لازم الروح الرياضية بالاذواق تختلف...
هاذ الامور تبان تفاهات لكن صدقوني راهي تتسبب في مشاكل زوجية وتطيح المورال خاصة طريقة النقد. ايصال الفكرة
الزوجة لازم تتفكر انها لازم تعرف كيفاه تعيش وتبعد عليها المشاكل وعلى زوجها ومتحاولش ترضي الجميع لانها راح تتعب...
تقبلي مروري
 
تفكرت بلي الجاري تاعهم بالثوم اول مرة تصدمت كي عرفت بلي يطيب بالثوم ماشي البصل ومكنتش نحمل ريحة الثوم ودرك وليت نموت عليه
وقالولي كون تزيديلو البصل ماناكلوهش
عكسنا نحطو فيه البصل ومستحيل الثووم
اهلي كي يجيو ونطيبولهم بالثوم ميقدروش ياكلوه
يعني نفس الشي
عادات الاكل تختلف لان الشرق ماش الوسط يختلفو
والغرب يختلف والجنوب كيف كيف
بلادنا هاذي وحدها قارة

ودرك راهي جمعتنا النت واصبحت الاطباق متداولة وتعلمت ربات البيوت من بعضها البعض
 
السلطانة راه صاريلنا كيف كيف انا ثاني متزوجة في منطقة بعيدة على دارنا
عادات و تقاليد و اكل مختلف على دارنا
لاكن المراة لي تحب تشد دارها و ولادها لازم تصبر و تحاول تتأقلم بأي طريقة حتى يفرج ربي
 
السلام عليكم و رحمة الله تعالى و بركاته
و الله وضوغ قيمة و تجارب العضوات تجغلك فطن لما قد ستواجهه في القادم
بالنسبة لي كيما قالت الأخت السلطانة أنت اللي رايحة عندهم ما تفرضيش غليه عاداتك.. تحتفظي بها لك و خلاص و ماكانش مانع لو توريلهم بعض عاداتك
في متابعة الموضوع و بارك الله في الأخت التي طرحته

لكم كل التقدير
 
السلام عليكم ورحمة الله وبركاته ,,
هذه المشكلة المستعصية يساهم في استفحالها الزوج الذي لا ينصف زوجته ولا يخفف عنها على الأقل,,
أحيانا الزوجة تكون من بيئة مختلفة عن الزوج ومن أول يوم تبدأ موجة الانتقادات ,,
حتى قبل التعرف على الكنة أو على الحماة ,, وفي بعض الأحيان تكون الأحكام المسبقة سببا في ذلك,,
المنطقة الفلانية عادتهم كذا,, وحركاتهم كذا وكذا,,
فبمجرد وصول الشخص المنتظر تبدأ الاسقاطات وردود الأفعال غير المبررة,,
فتقوم الأم بالشكوى لأبنها بأن زوجته كذا كذا ,, فيذهب هو ليحاسبها ويطالبها أن تتخلى عن كذا كذا لأجل تكون مقبولة ,,
وينسى أن يمسك العصا من المنتصف ويطالب الأهل ايضا ببعض التنازلات البسيطة التي تحافظ على شخصية زوجته !!
والبعض يقف مع زوجته ويوجه انتقادات لأهله فيزيد بذلك التوتر أكثر ويصبح الابن عاقا بسبب زوجته ,,

هذه من الآثار التي لمستها فيما يحصل حولي من تجارب ,,
أن كل طرف يرى نفسه محقا والمشكلة أن السلوك المختلف عليه بسيط ولا يستحق أن يكون سببا أصلا,,
شيء يمكن تفويته ,,
طبخ أو عادات أكل معينة أو ربما ترتيب ,,
شيء يمكن تعديله أو تقبله ببساطة,,
..
الله المستعان,,
ربي يصلح الحال,,

تحياتي وتقديري,,
 
السلام عليكم ورحمة الله وبركاته
بارك الله فيك وجزاك كل خير وجعل كل حرف في ميزان حسناتك
قتلتيني بشعب الله المختار ههههههههههههههههههه
بالنسبة لي السبب الوحيد هو البعد عن الدين وانعدام الاخلاق لكلا الطرفين وعدم معاملة الاخرين باسس الدين وما نحب ان تتم معاملتنا هذا باختصار شديد جدا جدا
نسال الله العفو والعافية والهداية والثبات لنا ولكل امة محمد صلى الله عليه وسلم
تحياتي احترامي وتقديري لشخصكم الكريم الطيب
في امان الله وحفظه
 
السلام عليكم، مشكورة على الموضوع لكن عبثا نحاول تغيير العقليات و الثقل الأكبر أو الظلم واقع على كاهل الزوجة أو الكلمة التي هي في نظرهم المخلوق الفضائي الغريب الذي حل بكوكبهم الهادىء و المسالم، لكن ما أقوله أنا بما أننا لا نستطيع تغيير الذهنيات القديمة فعلينا تقبل الوضع كما هو عليه والتعليم معه كمرض مزمن يستحيل شفاؤه لكن يمكن تخفيف حدته وكل واحدة و مدى تحملها لذلك.
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top