ماتبلعطنيش ... يرحم باباك

جليلوس

:: مشرف ::
منتدى المرحلة الإبتدائية
طاقم المشرفين
إنضم
4 جوان 2013
المشاركات
4,638
النقاط
1,891
محل الإقامة
جزر القمر
السلام عليكم
كي عشيتو يااا ناااس اللمة ياا وجوه الخير كيراكم توحشتكم ياتل نسيتوني ولا كيفاش هههه
ماتخافوش مازال 32 يوم على رمضان ويجي هههه
علابالي راني مقصر معاكم سمحولي والله غير ظروف شدتني والوالدة مريضة شوي
مي الحمد لله على كل حال 104389
المهم جيت اليوم بموضوع خفيف ظريف نتمنى يعجبكم
المهم ماتبلعطوني مانبلعطكم خلوني نهدر نخوي قليبي راه راح يطرطق
104387
الميهوم ميضوعنا وبلا ماندخلوا في المقدمااات على التبلعيييط
104397
التبلعيط مصطلح جزائري خالص ماعنده حتى معنى في اللغة العربية الفصحى سوى الكذب ،، الخداع ،، التقوليب وخرطي في خرطي 104390
المهم باش نتفاهمو اناا لستُ بلعوطا هاهاهاهاهااااا :-p
بصح بحكم تعاملي مع ( البلاعطية) تعلمت التبلعيط بحروفه و تقنياته :D:D
تجي تهدر معا كاش واحد وتلقاه يكدب عليه ويخرط ويستيكي في هدرته في اي مجال كان فاعلم انه يبلعط فيك بكل روح رياضية يا خويا المبلعط
ولا تلقى واحد يتبلى في طفلة اهاااا تصنتولي مليييح خلونا من التعليقات السلبية 104391
وراكم عارفين الحكايات انتي حبيبتي و عمري و منا ومن هيه و نتزوجو
و نديرلك كذا و نشريلك كذا و نخطبك و نديرلك ووووو يبنيلها قصر من الاكاذيب الوردية
و هاد المخلوق مسكين ماعندوش باش يتحرك غير هدرة في هدرة بلا مايطبق 104392
مانيش نعمم بصح الأغلبية
اي شخص تجد كلامه منمق و مزوق اكثر من العادي فاعلم انه يبلعط فيك
انا قتلك ونتا دبر راسك يا خويا ولا ختي اللماويين 104394
المهم التبلعيط هذا علم كبير 104393
من دلائله الكلام الفخم والمنمق العاطفي لهذا احذرو ان يتم بلعطتُكُم
انا هدرتي هادي ليست منمقة و ماشي شابة علابالي كرفستها وماقتسهاش كامل
علابالي دوختكم هههههه سمحولي مي كان لازم عليااا نهدر 104395

انت خويا ولا انتِ اختي كاش نهار بلعطوووك ولا بلعطت كاش واحد ؟
وما اشكال التبلعييط التي تراها في مجتمعنا الجزائري اليوم ؟

الووو الووووو اليكم الخط .......
طيييييييط 104396
 

همس الوُرود

:: مشرفة ::
منتدى واش راك تهدر
منتدى هذه مشكلتي
طاقم المشرفات
إنضم
29 ماي 2011
المشاركات
15,229
النقاط
1,576
محل الإقامة
جزر القمر
الجنس
أنثى
السلام عليكم ورحمة الله
اهلا بيك اخي جليلوس والله يشفي الوالدة إن شاء الله
بالنسبة للتبلعيط نشوف فيه ميزة مليحة وعن رايي مش لازم يكون واحد يحسن فكلامو لا
انما مثلا شخص يحكي فموضوع نتا حاب تبدلو تبلعطو وتحول الموضوع الى موضوع ثاني هو يتفرج لكن ميقدرش يحبسك نوع من الذكاء والحيلة هههه
تانيت كاين ناس يحبو يبلعطو حد بش يخدم معاهم مليح مثلا طبيب يعرف يخدم بصح يحب بزاف يديك ويجيبك على والو غير بش تخلصة بزاف ويربح منك هنا لازمك تبلعط شوي بش يخدملك بسرعة
ففي مواقف الي يبلعط يقدر يقضي صوالحو هههه
أما الناس يلي حكيت عليهم هادوك يخلطو برك خاطيهم مساكن هههه الا إذا كان عندهم هدف اوك رآهم يبلعطو ههههه
يعطيك الصحة على الموضوع الغير مبلعط 🙄
 

Abodi84

:: عضو مُتميز ::
إنضم
8 أفريل 2016
المشاركات
1,167
النقاط
571
الجنس
ذكر
السلام عليكم
التبلعيط 🤔🤔 في المصطلح السوري هو الخرفنه 😂😂 يعني تأخذ ما تريد بالكلام الحلو و المزاح و الضحكة
ما اكثر المبلعطين في زماننا و هي صفه دولية بامتياز لا تقتصر على شعب واحد او جنس لا اريد ذكر جنسيات لكن سوف أتكلم بحكم خبرتي مع المبلعطين الدوليين
بالنسبة للعرب اخطر مبلعطين هم اللبنانيين يا اخي محترفين بكلامهم المعسول و اسلوبهم ثم جيرانهم السوريين اما هناك المصريين بكثرة كلامهم و المديح
ننتقل الى الاسايويين الهنود أولاً ببرودة أعصابهم و صبرهم ثم البنغاليين أيضا بالمديح و التمسكن اما الباكستانيين هؤلاء عقلية فريدة تمشي اتجاه واحد اما اذا اصبح له مصلحه لديك يصبح انعم من الحرير ههههه
تحياتي و تقبل مروري اخي الكريم
 

sami44

:: مشرف ::
مجتمع اللمة العام
منتدى بيتي وموهبتي
منتدى الألغاز والنكت
طاقم المشرفين
إنضم
10 ديسمبر 2009
المشاركات
10,666
النقاط
751
محل الإقامة
فالفيراج
الجنس
ذكر
احييك على الموضوع الي خلاني نكتشف احد البلاعطية تاع اللمة عجبني هذ الموضوع تقول عجاىن اكسترا بنين وهذا مكان
بالنسبه للتبلعيط عندنا في الوسط نقولو القوالب او المقالبيه ولا الطراطقية ولا الواعرين ونقولو رد بالك منهم هاذو راسة والي خلط فيهم باصا تهدر معاه تحصل
هاذو الناس عندهم اربعة ولا خمس وجوه لوجه الاول تاع الفايس بوك تلقاه يفتي تقول تقول تخرج من الازهر ونهار تهدر معاه في التلفون تكتشف الوجه الثاني الي هو زوالي و مالها وما علابالو بوالو والفتاوي كان يكوبييهم برك و الوجه الثالث في الابل ماسكي محتاج دراهم وراه مريض عندو سرطان والعمليه 400 مليون والناس كامل راهم يعاونو فيه وانت واحد منهم بالطبع والوجه الرابع مخلط السياسة مع السبور ويفهم في الطب والبيطرة ويربي المقنين وحتى الارانب ونورمال انسان اجتماعي في قالب قوالبي
والوجه الاخير لما تتلاقاه فايس تو فايس
تلقاه مكمل الدنيا اللحية كيرة وماشي سنة تاع الهم برك وحاب يحرق لاسبانيا على خاطر الي كان خاطبها تزوجت
المهم القوالبيه هاذو انواع انا ذكرتلك بصفة عامه
ولي عودة لاكمل الرد واطلعك على انواع البلاعطية
@الامين محمد. @حلم كبير. @لؤلؤة قسنطينة
راكم مطلوبين هنا
 

حلم كبير

:: نجم اللمة ::
إنضم
24 ديسمبر 2016
المشاركات
4,997
النقاط
2,591
العمر
34
محل الإقامة
فرنسا الجزائر وطني
السلام عليكم ورحمة الله تعالى وبركاته
ههههه والله معك حق خويا يعطيك الربح كتلتني ضحك
التبلعيط مصطلح نحسو والله اعلم جاي من واحد يغرق راس واحد فالماء بالقوة هههه يعني يبلعط فيه خخخخ
ما عرف مين جابوه يا ناس مصطلح غريب وتعريفه اغرب
وفي واقعنا اللي نعيشوه ،كثرت الناس اللي تمتهن هاذ المهنة واللي تحمل هاذ الصفة وكانها تعبر على الفحولية الجديدة ،يعني اللي ما يبلعطش ماهوش فحل هههه
يال مفارقة الحياة
ولات الناس تتسابق للكذب على بعضها وللتباهي والخداع بدل التسابق نحو امور تنفع وتربحه دنياه واخرته
اكره صفة نكرهها في شخص انو ما يزينش نيتو وتلڤاه خداع فالنهاية .....
بارك الله فيك اخي الكريم على الموضوع ،ترفيهي وفي نفس الوقت يشير الى صفة قبيحة وجب التحذير منها

إحترامي وتقديري
 

الامين محمد

:: مراقب عام ::
طاقم المراقبين
إنضم
7 أفريل 2015
المشاركات
10,757
النقاط
2,061
محل الإقامة
الجزائر الحبيبة
راني هنا خويا ناصر @sami44
اهلا جليلو راه تخلع فيا و نحس رمضاان يقترب رويدا رويدا ههههههههههههههههه

انا سخشيا يقلقني التبلعيط تاع الفتاوى او اللي تلقاه غالط في حفظ آية او حدي

يعني يبلعطني و كسرلي راسي على حاجة انا متأكد منها و هو قاعد يخلط
مرة واحد قرا آية قدامي قلت ليه راك غالط هاذ الكلمة بالفتحة و ليس بالضم
قام بقى يخلط المضاف و المضاف اليه و الجار و النمجرور ...........
و ولدي ان شااء الله يجروك في واد راني حافظها بلا فلسفة راك غالط و هو يبلعط
حتى لحق عندنا المصحف و فتحناه و لقى روحه غالط
زاد بقى يبلعط هناك قراءات أخرى زدنا رحنا للنت و بحثنا و انا هبلت قلت مانيش طالقه حتى نعطيه درس و نعلمه ما
يبلعطش في امور ثابتة كيما الشرع
بحثا في كل القراءات والله ما لقينا قراءة فيها الشي اللي قاله

جاني احساس نقبشله وجهه و نرجعهله كيما قبايل افريقيا الزولو اللي يخططوا على وجوههم هههههههههههههههه
 

عبدالرؤوف

:: عضو مُتميز ::
إنضم
22 ديسمبر 2018
المشاركات
503
النقاط
551
العمر
26
محل الإقامة
بسكرة
الجنس
ذكر
كلمة التبلعيط عندنا في الريف
هي للعنزة عندما تصيح بصوت عالي
لأجل ان تتودد لك لكي لا تفصلها عن ابنها و احيانا لكي توهمك انها جائعة
وارى تشابها بين العنزة او التيس وهؤلاء الذين يكذبون ترقيقا لأنفس المتلقين لكي يخدعونهم.
.
التبلعيط كذب بعاطفة وهو كذب ويحسب كذب.
 

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
45,823
النقاط
821
محل الإقامة
الشرق-الوسط
الجنس
أنثى
وعليكم السلام ورحمة الله وبركاته

اهلا بقمر رمضان ههه راك جيت بكري هاذ المرةخخخ

ربي يشفي الوالدة العزيزة ان شاءالله

التبلعييييييط في دم الجزايريين انا نشوفو ليه سلبيات كي يدخل في الكذب... وايجابي كي يتنمق الكلام باه يكون نصيحة لطفل او مراهق تخليه يقنع باه يبدل حاجة سلبية لايجابية
يعطيك الصحة
 

جليلوس

:: مشرف ::
منتدى المرحلة الإبتدائية
طاقم المشرفين
إنضم
4 جوان 2013
المشاركات
4,638
النقاط
1,891
محل الإقامة
جزر القمر
السلام عليكم ورحمة الله
اهلا بيك اخي جليلوس والله يشفي الوالدة إن شاء الله
بالنسبة للتبلعيط نشوف فيه ميزة مليحة وعن رايي مش لازم يكون واحد يحسن فكلامو لا
انما مثلا شخص يحكي فموضوع نتا حاب تبدلو تبلعطو وتحول الموضوع الى موضوع ثاني هو يتفرج لكن ميقدرش يحبسك نوع من الذكاء والحيلة هههه
تانيت كاين ناس يحبو يبلعطو حد بش يخدم معاهم مليح مثلا طبيب يعرف يخدم بصح يحب بزاف يديك ويجيبك على والو غير بش تخلصة بزاف ويربح منك هنا لازمك تبلعط شوي بش يخدملك بسرعة
ففي مواقف الي يبلعط يقدر يقضي صوالحو هههه
أما الناس يلي حكيت عليهم هادوك يخلطو برك خاطيهم مساكن هههه الا إذا كان عندهم هدف اوك رآهم يبلعطو ههههه
يعطيك الصحة على الموضوع الغير مبلعط 🙄
اهلا بيك اختي كيف حالكم ؟؟
اولا اشكرك على الإعتماد ربي يحفظك ان شاء الله
وشكرا على الدعاء بارك الله فيك .. اللهم آمين يااربي
نرجعو لموضوعنا انا نشوف بلي عندو 2كوتي
الكوتي لولا لي هي لازم تضطر للتبلعيط باش تصلح بين زوج مدابزين ولا باش تقضي صالحة فيها خير
والكوتي زاوجة انو يوصلك للكذب ونتا تزوق في كلامك واللي تفشلك السيد لي تكون تحكيلو ولا تبلعط فيه فايقلك سون سمير
هههههههه تواخذت عليك
بارك الله فيك على المرور والرد الخفيف ظريف ههه
بلعطتيني ها بصحتك
 

ضيوف وسـنغادر

:: عضو فعّال ::
إنضم
18 أكتوبر 2013
المشاركات
1,735
النقاط
171
محل الإقامة
skikda
الجنس
أنثى
السلام عليكم ورحمة الله
الله يشفي الوالدة ويعافيها
..
الموضوع هايل ... شكرا على الاقتناء المبلعط :ROFLMAO:
بالنسبة للتبلعيط كمصطلح نا كنت منستعملوش بتاتا مي هاذ العام صاحبتي كثرت منو وعداتني بيه كمصطلح مش كمعنى
شغل نكونوا نهدروا ونحاول نطلعلها لمورال ول كش عفسة تقولي : بلعطيني بلعطيني وأخذت الكلمتين واصبحت استخدمهما في حياتي اليومية
لما تجي كش وحدة تقولي حوايج مش فيّ ول كلامهم مليء خرطي
نا لا ابلعط احدا ولا احب ان يتم بلعطتي حتى لو البعض يشوفها بلعطة نا منعتبرهاش كذلك لانو
كي نقول حاجة لشخص نقصدها بكل حروفها وعلابالي فاش ني نقول لانو مكانش انسان مافيهش ايجابيات
وفي نفس الوقت منحبش للي يخبيو حقيقتهم وراء التبلعيط كن عاديا مميزا صديقي
ديما نتفكر نا وبنات لافامي كي نروحوا عند لافامي نزوروهم هوما يبداو يبلعطوا واا جاك تهبل لاغوب ول يو
لغاطو يهبل يهبل جامي شفت كيفو ويو وهاذي جاتك هايلة وهاذي منين شريتيها والله عندك ذوق ووووو

نا يدورولي راسي صراحة ..علاه تستنزفوا كل مصطلحات اللغة فالتبلعيط؟
كي تعجبني حاجة نعبر على شعوري وبدون مبالغة ولا نقصان سيدي الحكم كي متعجبنيش نقعد ساكتة
حتى لو نظروا لي بأي نظرة ينتظروا مني نشكرهم شغل يشوفوا لي ولداخل يقولوا وانت أين تبلعيطك ؟
نقعد حايرة والله !
104479
شغل الانسان مايزكيش نفسو وكامل عندنا نقائص مي والله تحير وربي يهدي ماخلق
لانو التبلعيط نوع من الكذب ومبعد يتطور ويوصل لنتائج لا تحمد عقباها
ومننساوش النفاق والعياذ بالله

كاين بزاف مواقف تتحل وبدون حاجة للتبلعيط
هي قضية أسلوب ...حجج واستخدام للمنطق
موضوع فالصمــــــيم بدون تبلعيطن طبعن خخخ
شكرا جزيلا
 

ماغيكاي تشان

:: مشرفة ::
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
11,370
النقاط
1,656
الجنس
أنثى
وعليكم السلام ورحمة الله وبركاته
الله يشفي الوالدة الكريمة ان شاء الله ويحفظهالكم ويطول فعمرها في عبادته وطاعته اللهم امين يارب
اما من جهة الموضوع رايي من راي غاليتي هنا

السلام عليكم ورحمة الله
الله يشفي الوالدة ويعافيها
..
الموضوع هايل ... شكرا على الاقتناء المبلعط :ROFLMAO:
بالنسبة للتبلعيط كمصطلح نا كنت منستعملوش بتاتا مي هاذ العام صاحبتي كثرت منو وعداتني بيه كمصطلح مش كمعنى
شغل نكونوا نهدروا ونحاول نطلعلها لمورال ول كش عفسة تقولي : بلعطيني بلعطيني وأخذت الكلمتين واصبحت استخدمهما في حياتي اليومية
لما تجي كش وحدة تقولي حوايج مش فيّ ول كلامهم مليء خرطي
نا لا ابلعط احدا ولا احب ان يتم بلعطتي حتى لو البعض يشوفها بلعطة نا منعتبرهاش كذلك لانو
كي نقول حاجة لشخص نقصدها بكل حروفها وعلابالي فاش ني نقول لانو مكانش انسان مافيهش ايجابيات
وفي نفس الوقت منحبش للي يخبيو حقيقتهم وراء التبلعيط كن عاديا مميزا صديقي
ديما نتفكر نا وبنات لافامي كي نروحوا عند لافامي نزوروهم هوما يبداو يبلعطوا واا جاك تهبل لاغوب ول يو
لغاطو يهبل يهبل جامي شفت كيفو ويو وهاذي جاتك هايلة وهاذي منين شريتيها والله عندك ذوق ووووو

نا يدورولي راسي صراحة ..علاه تستنزفوا كل مصطلحات اللغة فالتبلعيط؟
كي تعجبني حاجة نعبر على شعوري وبدون مبالغة ولا نقصان سيدي الحكم كي متعجبنيش نقعد ساكتة
حتى لو نظروا لي بأي نظرة ينتظروا مني نشكرهم شغل يشوفوا لي ولداخل يقولوا وانت أين تبلعيطك ؟
نقعد حايرة والله !
مشاهدة المرفق 104479
شغل الانسان مايزكيش نفسو وكامل عندنا نقائص مي والله تحير وربي يهدي ماخلق
لانو التبلعيط نوع من الكذب ومبعد يتطور ويوصل لنتائج لا تحمد عقباها
ومننساوش النفاق والعياذ بالله

كاين بزاف مواقف تتحل وبدون حاجة للتبلعيط
هي قضية أسلوب ...حجج واستخدام للمنطق
موضوع فالصمــــــيم بدون تبلعيطن طبعن خخخ
شكرا جزيلا


صريحة لحد الوقاحة، لما متعجبنيش حاجة نقولها ببساطة اختاي ميجوش يسالوني على امور اللباس وكل شيء غير على هذي
مكاه تزويق في الحقيقة رايي هو رايي ولو كنت وحدي فيه ولما تحب تبدلهولي جيب حكم الدين فيه اما غير ذلك راك تحكي مع حيط هاهاهاهاهاهاهاه
مرة جات عندي اختي لما شرات صباط ديال لعراس اكرمكم الله قالتلي وش رايك قلتلها باشع تع المهابل هههههههه قالتلي منعرف علاه جاية عندك انا ههههههههههه
ارجو تقبل مروري
تحياتي احترامي وتقديري لشخصكم الكريم الطيب
في امان الله وحفظه
 

جليلوس

:: مشرف ::
منتدى المرحلة الإبتدائية
طاقم المشرفين
إنضم
4 جوان 2013
المشاركات
4,638
النقاط
1,891
محل الإقامة
جزر القمر
السلام عليكم
التبلعيط 🤔🤔 في المصطلح السوري هو الخرفنه 😂😂 يعني تأخذ ما تريد بالكلام الحلو و المزاح و الضحكة
ما اكثر المبلعطين في زماننا و هي صفه دولية بامتياز لا تقتصر على شعب واحد او جنس لا اريد ذكر جنسيات لكن سوف أتكلم بحكم خبرتي مع المبلعطين الدوليين
بالنسبة للعرب اخطر مبلعطين هم اللبنانيين يا اخي محترفين بكلامهم المعسول و اسلوبهم ثم جيرانهم السوريين اما هناك المصريين بكثرة كلامهم و المديح
ننتقل الى الاسايويين الهنود أولاً ببرودة أعصابهم و صبرهم ثم البنغاليين أيضا بالمديح و التمسكن اما الباكستانيين هؤلاء عقلية فريدة تمشي اتجاه واحد اما اذا اصبح له مصلحه لديك يصبح انعم من الحرير ههههه
تحياتي و تقبل مروري اخي الكريم
وعليكم السلام ورحمة الله
يا مالا لي يخرف راهو يبلعط فيك يااا مزية خبرتني ندير حسابي
اواه كترو بزااف حتى ماوليناش نعرفو الصح من الكذب بلعطونا يا محاينك هههههه
اودي هادوك مساكين نية ارواح لشكوبيستان وحق ربي غير يبلعطك ونتا تنوم فيه
ياسيدي بلعطني في حاجة تاع خير وانا فايقلك روح برك نكمل فيها وراني امنتك لافونس
بصح تبلعطني ونتا تخدع فيا اواه لا لا يا زطشي خويا يتنحاااو قاع من حياتنا خخخخ
الله يبعدنا على كل واحد يبلعط وناوي الشر ...
صحيت خويا العزيز راق لي مرورك .
بوركت
 

جليلوس

:: مشرف ::
منتدى المرحلة الإبتدائية
طاقم المشرفين
إنضم
4 جوان 2013
المشاركات
4,638
النقاط
1,891
محل الإقامة
جزر القمر
احييك على الموضوع الي خلاني نكتشف احد البلاعطية تاع اللمة عجبني هذ الموضوع تقول عجاىن اكسترا بنين وهذا مكان
بالنسبه للتبلعيط عندنا في الوسط نقولو القوالب او المقالبيه ولا الطراطقية ولا الواعرين ونقولو رد بالك منهم هاذو راسة والي خلط فيهم باصا تهدر معاه تحصل
هاذو الناس عندهم اربعة ولا خمس وجوه لوجه الاول تاع الفايس بوك تلقاه يفتي تقول تقول تخرج من الازهر ونهار تهدر معاه في التلفون تكتشف الوجه الثاني الي هو زوالي و مالها وما علابالو بوالو والفتاوي كان يكوبييهم برك و الوجه الثالث في الابل ماسكي محتاج دراهم وراه مريض عندو سرطان والعمليه 400 مليون والناس كامل راهم يعاونو فيه وانت واحد منهم بالطبع والوجه الرابع مخلط السياسة مع السبور ويفهم في الطب والبيطرة ويربي المقنين وحتى الارانب ونورمال انسان اجتماعي في قالب قوالبي
والوجه الاخير لما تتلاقاه فايس تو فايس
تلقاه مكمل الدنيا اللحية كيرة وماشي سنة تاع الهم برك وحاب يحرق لاسبانيا على خاطر الي كان خاطبها تزوجت
المهم القوالبيه هاذو انواع انا ذكرتلك بصفة عامه
ولي عودة لاكمل الرد واطلعك على انواع البلاعطية
@الامين محمد. @حلم كبير. @لؤلؤة قسنطينة
راكم مطلوبين هنا
شكرا لك اخي الكريم على التحية ولك الف منها
بنييين واااه وفيه الشيكولا وقاع بالاك تنسى
اااه التبلعيط تبانلي مصطلح يشمل كل واش راك تقول فيه بسكو علاه دوك نقولك
واحد داير مصيبة قد راسو لازم يدير قالب باش يغطي واش دار او واحد يبزنس يبيع لكاش واحد حاجة ولا ويطرطقهالو اوااه تبلعيطة هادي مبلقة عينيها الواعرين خطينا منهم حمبوك هادو هوما لي هلكونا بركااات منهم آآآآو
اودي راهم بزاااف تجي تفهم دووخ والله يتلفوهالك يا جدك
انتظر ردودك خويا لعزيز ومادابيا الثلاثي لطاقيتهم نشوفهم هنااا كامل ههههه واكدلي على الجورناليست مريم ههههه
 

quěěŋ ŏŏŏŏf gříěf

:: مشرفة ::
منتدى قضايا الأسرة والمجتمع العام
منتدى المطبخ الجزائري
طاقم المشرفات
إنضم
27 جويلية 2018
المشاركات
2,793
النقاط
1,311
محل الإقامة
من قلب الاحزان
الجنس
أنثى
السلام عليكم ....
التبلعيط والله من الاسم تحس انوو شخصيك 😂😂😂😂 وهو صح
حاجة مهم فن من الفنون الراقية اللى كل سنة وكل يوم تنتشر اكثر واكثر 😯😯😯😯
حتى انها اكتسحت عروق الاغلبة القصوى من الشعب الجزائري 😊😊😊😊
قبل سنوات من الان مكانش عندى هذا المصطلح في قاموسي للاسف 😃😃كنت بهلولة مى دووك بلاك وليت شومبيوو فيه 😏😏😏😏 الله غالب من عاشر قوماا اربعين يوماا اصبح منهم 😎😎😎😎

ههههههههههههه بصح منستعملوش دايماا ومع كامل الناس 😓😓😓😓 نخير على حساب وجوههم 😏😏😏😏😏😏 كى نشم ريحت التلعيط نوريلهم شهادة تاعى تاع تبلعيط برك
😒😒😒😒 تاع ارمى علياا لهيه هههههههه


نسال الله الشفاء للوالدة الكريمة ادامها الله ذخراا لك




وشكراا على المشاركة

 

جليلوس

:: مشرف ::
منتدى المرحلة الإبتدائية
طاقم المشرفين
إنضم
4 جوان 2013
المشاركات
4,638
النقاط
1,891
محل الإقامة
جزر القمر
السلام عليكم ورحمة الله تعالى وبركاته
ههههه والله معك حق خويا يعطيك الربح كتلتني ضحك
التبلعيط مصطلح نحسو والله اعلم جاي من واحد يغرق راس واحد فالماء بالقوة هههه يعني يبلعط فيه خخخخ
ما عرف مين جابوه يا ناس مصطلح غريب وتعريفه اغرب
وفي واقعنا اللي نعيشوه ،كثرت الناس اللي تمتهن هاذ المهنة واللي تحمل هاذ الصفة وكانها تعبر على الفحولية الجديدة ،يعني اللي ما يبلعطش ماهوش فحل هههه
يال مفارقة الحياة
ولات الناس تتسابق للكذب على بعضها وللتباهي والخداع بدل التسابق نحو امور تنفع وتربحه دنياه واخرته
اكره صفة نكرهها في شخص انو ما يزينش نيتو وتلڤاه خداع فالنهاية .....
بارك الله فيك اخي الكريم على الموضوع ،ترفيهي وفي نفس الوقت يشير الى صفة قبيحة وجب التحذير منها

إحترامي وتقديري
اهلا بيك خيي
كيراك ان شاء الله تكون بخير
هههه الله يدومها ضحكة يا العزيز
ههههه غرقه غرقه خليه يشرب الما المبلعط الجايح ههههه
ياك لي يبلعط زعما هادي ولات رجلة ولا فحولية والله يلا ربحت اسيدي
الخداع ماتخافش ديما طريقو قصيرة يلا ماكشفتهش نتا يوريهولك ربي سبحانو
والكذاب يقعد كذاب

الله يبارك فيك وفي صحتك
شكرا لك فرحت كي درت عندي هههه
شكرا اخي @sami44 على الاشارة 😉
حاجة باينة تجي راني متوحشك خويا العزيز راك طولتها
لا لا بريدي انا لي طولت ماتفضحنيش سون سمير ياااك خخخخ
التبلعيط عيني عينك ماديرش عليااا مرض الله يحفظ ويستر راه يمشي
 

Abodi84

:: عضو مُتميز ::
إنضم
8 أفريل 2016
المشاركات
1,167
النقاط
571
الجنس
ذكر
وعليكم السلام ورحمة الله
يا مالا لي يخرف راهو يبلعط فيك يااا مزية خبرتني ندير حسابي
اواه كترو بزااف حتى ماوليناش نعرفو الصح من الكذب بلعطونا يا محاينك هههههه
اودي هادوك مساكين نية ارواح لشكوبيستان وحق ربي غير يبلعطك ونتا تنوم فيه
ياسيدي بلعطني في حاجة تاع خير وانا فايقلك روح برك نكمل فيها وراني امنتك لافونس
بصح تبلعطني ونتا تخدع فيا اواه لا لا يا زطشي خويا يتنحاااو قاع من حياتنا خخخخ
الله يبعدنا على كل واحد يبلعط وناوي الشر ...
صحيت خويا العزيز راق لي مرورك .
بوركت
اهلًا خويا
هههههههه الي يخرف يظل عندو عقل للبلعطه كيف ضبطت هي 🤔
خويا الخرفنه يعني تخوزف جايه من الخروف الذي يعلف كي يذبح و هي جات مثلها يمدحك و يجاملك مشان يأكلك هههههههه
تحياتي خويا
 
Top