حكايات الفيسبوك بين الألم و الفرح 💔

فعل الخير غايتي

:: عضو مُشارك ::
إنضم
29 جانفي 2016
المشاركات
150
نقاط التفاعل
427
النقاط
18
العمر
34
محل الإقامة
في الجنة ان شاء الله
الجنس
أنثى
السلام عليكم ورحمة الله تعالى وبركاته
أزووزول فلاوون عليكم ڨاعيتيك
كي راكم غاية لباس بخير ؟😊


do.php


اليوم بغيت نهدر على وحدة الظاهرة راني نشوفها ياسر في مواقع التواصل الاجتماعي بالاخص فيسبوك و هي لي الانفصال عن الشريك في علاقات الحب
اخوتي وين ندورو في المجموعات نلقاو حكايات كلها تتشابه في العناوين
راح و خلاني سمح فيا تزوج خاني حضرت عرسو .... الخ
و في الجهة لوخرا تلڨا البعض يقوليك بلي ستنيتو بزاف مبغاش يجي يخطب قتلو ارواح محبش تزوجت و خليتو

الصنف الأول : معرفتش إذا صح ليجان هاذوما فارغين شغل و خدمتهم يلعبو بالبنات كي ميلڨاش منها شا يحب يروح و يخليها ولا يسمح فيها و طفلة تتعذب بزاف بطبيعة الحال
مرات نقرا حكايات يشفوني الصح اخوتي ڨلبي يتقطع 💔💔 نقول حرام عليهم

و الصنف الثاني :
لي هوما يخلوهم مرات ميعجبنيش الحال و مرات نقول عندهم الحق لأنو لوكان جا يبغيها يدير المستحيل على جالتها و ميطاوعوش ڨلبو تكون لغيرو يا لوكان يحرڨ دنيا بكل على جالتها ولانو حب يجوز وقت قالها روحي ربي يسهل


لي حبيت نڨول عليه
يا شباب يا خاوتي علاش عليكم هذا الكل تلعبو ببنات الناس و مبعد تقولو مكاش بنات فاميلتا تمشي معاها دير شي حاجة على جالتها اتڨدم حط كلمة مع بيها ڨولو نخطبها حتى نلم و نكون روحي ساع نجي ندير خطبة رسمية
أما باش تسمح فيها و تجرجرها حرام عليكم
صح كاين بنات يجيبوها لرواحهم بصح ليجان يظلمو البنات بزاااف
واش هو الحل ؟
و بلا مننساو أنو شي هذا في تالي راه حرام بصح على الأقل صحح غلطة تاعك و أقصد الحلال
و لي تفارقو ربي كتبلهم هكا خيتي هني روحك ربي يبعثلك خير منو لي سمح فيك مرة يسمح فيك ألف مرة
متعلقوش قلبوكم و خلاص
اختاروا الشخص الصحيح
و ربي يجمع كل متحابين في الحلال

بغيت نعرف شاهو رايكم في حكايات هاذم صرعونا بيهم

تبقاو على خير
سلام
 
آخر تعديل بواسطة المشرف:
السلام عليكم ورحمة الله وبركاته
والله يا ختي شوفي كاين قرآن وكاين سنة رسولنا وضحولنا كيفاه نعيشو سواء من ناحية الحب أو العمل أو التربية أو معاملة الغير، حنا فقط لي نختارو السبل الخاطئة ولما نطيحو في الفخ يوجعنا قلبنا.
هنا ماراني نلوم في حتى إنسان، ربي لي يحاسب وربي لي عالم بالقلوب واش فيها، لي ناوي الخير وغلط في الطريق ربي عالم بواش في قلبو، ولي نيتو من الاول اللعب والتمسخير ربي عالم واش في قلبو، ولي نيتها تتستر وتتزوج ودير عايلة وغلطت في اختيار الطريق ربي عالم بواش في قلبها، ولي نيتها اللعب والتمسخير ربي عالم كذلك بواش في قلبها، كل واحد وافعالو وكل واحد بينو وبين مولاه، يحب ربي يعاقبهم يحب يغفرلهم هو أعلم بقلوب البشر ونياتهم باه واحد مايتجرأ على واحد ويسب الآخرين في أعراضهم، فقط ما لا أشجعه هو الجهر بالمعصية في المواقع كيما قلتي، تاع لي يجي ولا تجي تحكي على كل شي بكل فخر أو حتى تحكيه على شكل مصيبة، واحد مايحاسبك على معصية من غير ربي سبحانو، بصح استرو نفوسكم يستركم ربي يوم القيامة.
أما سبب انتشار هذه الظواهر وبكثرة أولا لأنها أصبحت مباحة، بكري تلقاي صديقة برك لو تكتشف صديقتها تدور مع واحد تجبد روحها عليها تخاف على نفسها وتخاف من عايلتها، أما اليوم تلقاي الأم نفسها تشجع بنتها على هاد الشي، لدرجة الام ولات تعاير بنتها تقولها البنات القافزات دبرو عريس ونتي لالا، إضافة لنظرة المجتمع للمرأة بنظرة غريبة إذا ما كبرت وماتزوجتش، ولهذا تولي البنت تبحث على شريك حياتها بكل الطرق المتاحة، قادرة تطيح في ولد عايلة بصح خيّر برك الطريق الخطأ، وبالتالي يمكن يكملو كيف كيف وتتصلح الغلطة بالحلال، ويمكن لأنو الطريق من الاول خاطئ يطيحو في طريق مسدود وتحبس الحكاية.
أما لي تطيح في شخص ماشي ولد عايلة وهدفو تمضية الوقت باينة النتيجة كيفاه تكون، وحتى البنت كاينة لي تحب تجوز الوقت، وكيما قلت هادي مجرد تحليلات فقط، كل واحد ربي عالم بواش في قلبو، فقط الإنسان عليه يوعي ويربي ماش يسب ويتكلم في أعراض الناس، وواش نقولو غير ربي يهدينا أجمعين.
ماكانش كيما الحلال وطريق الحلال سواء في زواج أو عمل أو أي أمر من أمور الحياة، لأنو يكون فيه بركة وتوفيق من عند ربي.
وربي يستر علينا أجمعين
تحياتي
 
آخر تعديل:
ساعات يكون الخطأ من الولد وساعات من البنت ، حقيقة الواقع المعاش كثر فيه الخداع والكذب والناس أصبحت ترفض التورط بعلاقات رسمية كيما نقولو بالعامية يحوسو على الحرام لأنو ساهل في الوقت هذا ربي يهدينا
 
وعليكم السلام ورحمة الله وبركاته

ما بني على باطل فهو باطل
عندنا نصائح الاهية واوامر
منها قل للمؤمنين يغضوا من ابصارهم ويحفظوا فروجهم ذلك ازكى لهم.
وما دام الشاب جوالا ببصره يقلبه وهو لا يدري انه يصوب السهام ناحية قلبه
فشاب تمرد عن هذا وتمرد عن ازكى لهم وشابة تمردت عن الحياء طعنت نفسها
بخنجر الميل عن الصواب والمطلوب منها.
والعبرة بالمنظور لا بالمنتظر فكيف بمنظور محددة معاليمه وهي فاسدة من اصلها.
اولا واخرا الضحية هي الفتاة التي تبعت السراب
 
آخر تعديل:
والله واقع مر ويندى له الجبين
لا املك فايسبوك ولسبب هذا يدعونني بالمتخلف. ولكن اعرف خبايا الفايسبوك لذالك لم احاول الولوج اليه ولو انه فيه مخاسن تذكر
لي عودة للرد
تقديري لك
 
فعلا فعلا عندكم حق
استعمال سلبي جدا جدا لمواقع التواصل
و الله احتار في الثانوية تلاميذ مراهقين و ربما اصغر من المراهقيت
يسألونني يا شيخ عندك فيسبوك باش نتواصلوا
يا بنتي انت كي تفتحي الفايسبوك هكا نورمال و ما تخافيش
و الله ق عادي بنات صغار عندهم صفحات و اصدقاء و علاقات
سبحان الله

المهم منخلال حديثي مع التلاميذ اكتشف ان بعضهن اقصد البنات
تفتح الفايسبوك بهواتف امهاتهن
يعني تواطؤ مع الامهات الغافلات و نهار يقع الفاس على الراس
تجدهن يسبون الدهر و الايام و الحظ و يندبن وجوههن

على الاولياء الحيطة و الحذر فلا يمنعون و لا يتحررون يعني حل وسط بعدم المنع لكن مع المرافقة و تحديد الوقت
حتى يشبعن هته الرغبة بدون فساد
 
للي يدخل في العلاقات هادي مايلوم الا نفسه سواء راجل ولا مرا
و العلاقات هاذي الكل يعرف بللي راهي حرام ومخالفة للشرع ومخالفة لاخلاقنا وعاداتنا
وماهوش منطق وماهوش معقول انو شخص يرمي بنفسه للتهلكة ويدخل فعلاقه تافهة ومبعد يجي يبدى يشكي.
 
السلام عليكم

علاه ديما نتوما البنات تلعبوها دائما الضحية و باللي نتوما اللي ملاح و الاولاد ماشي ملاح ؟ علاه نتوما ملائكة و حنا شياطين ؟ زعما نتوما تاع حلال و حب و نقاوة و حنا تع شهوة و غريزة و استغلال ؟

نفهمك في حاجة الطفلة هي اللي تشتي تتمسخر و متحبش حاجة سيريو و متشتيش الراجل سيريو هيه المراة متحبش الراجل و متحبش اللي يحبها و يوقف معاها و يدير كلشي على جالها متحبش اللي يقدرها و يحترمها و يبغيلها الخير نقولك علاه ؟ لان هذه صراتلي ليا انا و من ثم حلفت لانزيد نحب طفلة ولانزيد ندير الثقة في طفلة حتى لو كانت زوجتي.


تعرفت على طفلة و حكيت معاها و حبيتها لكن حب عذري و طاهر جامي ماتوشيتها و جامي ترندفت معاها كيما الناس لان نخاف ربي و منبغيش السمعة نتاعها تتوسخ ديما نطلب روحها تلبس لباس مستتر و مداخسش الاولاد كنت نبغيلها الخير و نعاونها في قرايتها و باه تنجح .... قلتلها نروح عند باباك نحط عليك الكلمة حتان تتخرجي و نجي نخطبك يعني نحي مع باباك رسميا عليك و عائلتنا تحكي مع عائلتك يعني باه تكون حاجة رسمية حتان تكملي قرايت و يرحمها ربي ... هي مبغاتش بحجة انها مزالت صغيرة و زعما عندها طموح و احلام و اهداف و كانني انا اللي راح يعلذلها عن تحقيق تلك الاحلام ... حسيت باللي انا مانيش كافي ليها و انها مازالت صغيرة و انني منتسهالهاش وانها بحكم انها جامعية تقدر تقفز بواحد احسن مني يعني هذا من حقها و بي يسهل عليها .... الملخص تاع هدرتي البنات بصفة عامة ميقتنعوش باللي راهي معاه يعني كي يكون واحد ناس ملاح و عاقل و يحبها و يحترمها هذا الشيئ ميكفيش تحوس على الزين و اللي لاباس بيه باه تضمن مستقبلها و يعني بحكم انني متخرج من الجامعة و نخدم خدمة بسيطة مبغاتش ترتبط بيا و مبغاتش تريسكي معايا في الحلال

انت اللي راكي تقولي كون جاء يحبها يدير المستحيل باه يتزوجها صح ؟ و انا نقولك كون جات تحبو صح كون يخطبها 1000 واحد متقبلش و تستناه ... نتوما البنات هدفكم الزواج و السترة متحبوش شريك الحياة و زوجكم المهم تتزوجو مكرة في صحاباتكم و باه ميعايروكومش بالبايرة

نتي تبالكم ارواح اخطب و ارواد دير الدار و ازوج ؟ انا كوني شاب نخدم و نعيل عائلتي مقدرتش نلم ... الخاتم ب 5 ملاين و باه توجد شامبرة نتاعك ب 20 مليون بلا حوايج المرأة و العرس و الجهاز و الحكايات هاذوك 100 مليون يعني باه نخرج طفلة من دارها ل دارنا ديرلها 150 مليون نتي تبالك هاذي ساهلة ؟ غير الفم يهدرها باباك كون يخدم حياتو كامل و ميجيبهاش .... انتم تقدرون من يصل و لا تقدرون مجهودات الذين يعملون يعني ميهمش واحد اذا يحبك و يدرو المجهود و يلم الصوارد باه يجي يخطبك حتى لو اسغرق منه 10 سنوات كون يجيك واحد يلم الصوارد هاذوك في عام تقبلي ميهمكش المصدر تاع الصوارد. الراجل بالاك مابغاش يجي يخطبك لانه يحشم بحكم مستواه المعيشي بالاك راهو فقير و كون يي يخطبك بخاتم تاع مليون باباك يرفضو قدام اهله مخممتيش على كرامتو ؟ نتي قابلة باه تستري روحك صحا و باباك و امك قابلين بواحد فقير ؟ وش راح يضمنلو باللي مكيش راح تخليه و لا راح تذليه بحكم فقرو ... نتوما البنات المهم تتزوجو في دياركم بصح مديروش لحسبا الحوايج هاذوم ... خاطر نتي 1000 فرنك متحطيها فيا لعرس و كلشي بصوارد العريس نتي تروحي بلاطاي برك معليك والو كلشي عليه.

كيما كاين اولاد يتمسخرو كاين بنات يتمسخرو و انت الموضوع نتاعك درتيه على انو زعما البنات ديما الضحية و انو حنا رالجالة ماناش معاك


سامحيني على اللهجة و الطريقة اللي حكيت فيها معاكانفعلت نتمنى تجاوبيني و نتناقشو

@فعل الخير غايتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top