احذروا !! لحظات قبل قدوم المجاعة

[أم أُنٌَيسة]

فكرتيني بالبوراك هذا هو المشكل الكبير في رمضان
زمان كان البوراك كيما الحبة تاع الياجور ومعمرة السلق والثوم. يا اليوم سميرة الي كلبت الغاشي جبدولنا وحد الخمسين نوع تاع بوراك تاع الفرامج وحدو وتاع الحشاوش وحدو وتاع الحوم بكل انواعها
وزيد تاع الشومبينيون وحتى تاع اللحم الحلو
مرات الواحد يروح ضيف يلقى6او7 انواع حتى يدير شادي مادي باش يبدا ياكل
وخلي وخلي ومازال ما لحقتلكش للسلايط راني نصبغ كي نكمل نولي

من نهار عرفت صلاحي نديرو نوع واحد ديال بوراك
السلاطة نفس الشيء ,, الخرطي هذاك كامل خاطينا
والحمد لله لما نحب نجرب اكلة نديرها في اي وقت وكل وقت موش فرمضان ​

 

[sami44]

من نهار عرفت صلاحي نديرو نوع واحد ديال بوراك
السلاطة نفس الشيء ,, الخرطي هذاك كامل خاطينا
والحمد لله لما نحب نجرب اكلة نديرها في اي وقت وكل وقت موش فرمضان ​

يا ودي علابالنا بلي خرطي مكاش الي قال العكس
وانما هذا تشريح لواقع نعيشه واش حسبالك انا ناكل هاذو كامل لي ذكرتهم
بصح ما نكذبش عليك كي نشوف اللحم الحلو بالزبيب والعين واللوز والبيستاش والجلجلان نسخف
وماتزيديش تفكريني بالسلايط يا المصيبه من بعد ندير رد عليهم خاص

 

[أم أُنٌَيسة]

يا ودي علابالنا بلي خرطي مكاش الي قال العكس
وانما هذا تشريح لواقع نعيشه واش حسبالك انا ناكل هاذو كامل لي ذكرتهم
بصح ما نكذبش عليك كي نشوف اللحم الحلو بالزبيب والعين واللوز والبيستاش والجلجلان نسخف
وماتزيديش تفكريني بالسلايط يا المصيبه من بعد ندير رد عليهم خاص

المشكل منسخفش ,,, قريب بابا يداريني باه نسخف على الاكل
نحب الشيبس حراق برك وهو ممنوع لانه شاف مضر بالصحة وبلا بلا بلا الخرطي اللي قالوه تقول راني ناكل فيه كل يوم
ايا نشريه بالسرقة ها هو هي
اما باقي الاكل منسخفش عادي واصلا باقي لايام ديما صايمة بلا رمضان والحمد لله ههههههههه نشرب الحليب الصباح ولعشية خلااااص ناكل مرة وحدة فالنهار والماء من نشرب الصباح منزيدش نشرب ههههههههههه​

 

[sami44]

اليوم رحت للمارشي نشري كيلو بطاطا
لقيت زوج انواع تاع البطاطا وحدة القدام للبيع والاخر في الوراء مغطيه قلتلو خويا اعطيني من هاذيك عجبتني قاللي لا لا يا خو هاذيك تاع رمضان غدوة نخرجها
ومنها عرفت بلي كامل رانا مشاركين في اللهفة والتمشرير حتى التجار
والي جبتني الطماطم يمسحوها باللانجات تولي تبريي تقول ندير معاها سيلفي
ميم البوشي شريت شويه لحم مطحون كشر في وجهي حسبتو راه يصدق عليا ومن بعد عرفت بلي راه يجهز للمعركة القادمه يومين قبل رمضان يولي يبيع بالزوج كيلو وممنوع تدي100 غرام وممنوع تريكلامي على كثرة الشحم فاللحم سينون تطرد من مملكة البوشي