إستضافة Ma$Ter ضيف لمّاوي في رمضان

[Golden Man]

السّلامُ عليك ومرحبا بك أخي العزيز...
ومشكور على قبول "القعدة بووه الدعوة هههههه ه"
("تعرف ألي يقبل الدعوة هنا- غير الشجعان السبوعة '''لأنو كما تعرف عندما تدخل هنا ..يا منتصر يا مقتووول ههههههههههه ''لدااالك الخوافين يهربووو '')
عارف أنو هاد المعلومة لم تقولها لك أختي سكون الفجر ههههههههههههههه.

ورغمممم هدا أشكر أختي الفاضلة @سكون الفجر على هدا الموضوع المتميز.. الدي يتناسب وهاته الأيام المباركة والظروووف الخاصة ..التي يجب أن تُبعث فيها روح الأخوة بين أفراد المجتمع ._______________.في كل مكان.

فكل الشكر لكي أختي ونتمنى أن يقضي جميع الاخوة والاخوات أهــل اللّــمـــة الطيبين.. أوقات طيبة ..ملئها روح الأخوة .

ولنبدأ على بركة الله
بأولى الأسئلة "للتسخين فقط'' والقادم أشد


1/ السؤال نامبر وان ههههه:
علاش Ma$Ter وماشي MaSTer أو ربما حتى Cleaner

2/السؤال نامبر تو
علاش مداير في "شعارك هدا القط

وزيد يطل علينا بعين وحدة يا خويا ههههههههههه ... (وادا عطيتك بديل وقبلته.. واحد من اثنان / يافيل يا أرنب .. أيهما تختار؟ هههههههههه


السؤال 3
مادا تتوقع للجزائر بعد "كورونا" ؟


السؤال4
هل تعتقد أنه يمكن أن تتعض "اغلب" البشرية مما يحدث الآن ؟
.......

السؤال5
ماهي أكلتك رقم 1

السؤال 6
ماكش حاب تتزوج ولا واش هههههههههه

السؤال السابع

أ/ مادا تعني لك كلمة : العِلم ؟
ب/ بصراااحة هههه... هل تقبــــــــــــــــــل/ أخد 1طن دهب خالص... وفعل شئ مجهووول تعرفه لاحقا (الشرطين مرتبطين ببعضهما البعض) .
*******************************************************************

اكتفي بهدا القدر من الأسئلة ولي عودة إن سمح الوقت والظروف إن شاء الله

تحياتي الأخوية ..

 

[أبو عاتكة]

السلام عليكم ورحمة الله.
سي ع.حكيم من أكثر المساهمين في اللمة وأكثرهم حضور عندما عملنا مع بعض كان لايرد طلب ودائما جاهز ربي يبارك فيه انسان خلوق.
نجو للمفيد عندي سؤال خاص بثلاث اختيارات للاجابة :

مشروع الزواج متى يتحقق ؟

هاذ العام راك معروض

مزال شوية موش باين

لا أفكر فيه بتاتا

 

[أم أُنٌَيسة]

وعليكم السلام ورحمة الله
ما شاء الله لا قوة الا بالله تبارك الذي بيده الملك
خير من اخترتي غاليتي سكون، دام ذوقك الجميل وادامك الرحمن شعلة اللمة امين يارب

اما اخي ماستر، وحد النهار قالي من عرفني خمس سنين، ضرك رجعو ستة ومتبدلتش باقية كيما راني، صح متبدلتش؟ هههههههههه واذا صح ف وش، لانه انتم الوحيدون الذي قالو لي ذلك
هل صادف وتناقشت مع غير المسلمين؟ كيف كان النقاش؟
ما رايك في من يسب الكفار؟ هل تعتبره كما يقولون حبا للدين او العكس تشويها للدين ولسمعة المسلمين ؟
هذا وش جا فبالي

 

[أم أُنٌَيسة]

السلام عليكم ورحمة الله.
سي ع.حكيم من أكثر المساهمين في اللمة وأكثرهم حضور عندما عملنا مع بعض كان لايرد طلب ودائما جاهز ربي يبارك فيه انسان خلوق.
نجو للمفيد عندي سؤال خاص بثلاث اختيارات للاجابة :

مشروع الزواج متى يتحقق ؟

هاذ العام راك معروض

مزال شوية موش باين

لا أفكر فيه بتاتا

قريت الخيارات قبل السؤال، ظنيت انك سالته اذا رح يعرضك للفطور ف رمضان
اضحك الله سنكم عمي الفاضل واسعد قلبكم وملا ايامكم بالفرح والسرور

 

[أبو عاتكة]

قريت الخيارات قبل السؤال، ظنيت انك سالته اذا رح يعرضك للفطور ف رمضان
اضحك الله سنكم عمي الفاضل واسعد قلبكم وملا ايامكم بالفرح والسرور

شوفي اذا كان الاجابة رقم واحد هانا ظمنا عرضة زوينة اما اذا اختار رقم ثلاثة راح نغير السؤال للفطور نتاع رمضان.

 

[أم أُنٌَيسة]

شوفي اذا كان الاجابة رقم واحد هانا ظمنا عرضة زوينة اما اذا اختار رقم ثلاثة راح نغير السؤال للفطور نتاع رمضان.

وانا تان نعرض روحي، لكن مرحش نجي
منحبش نخرج من دارنا ابدا

 

[Soumia hadj mohammed]

السلام عليكم
تحية للاخت الغالية سكون الفجر
وتحية لكل الاعضاء
اهلا وسهلا بالاخ ماستر ههه في انتظار انكم تستضيفوني بن عمي تخلوني حتى نقولكم راكم كل عام تنسوني ههه
اسئلتي
وش يدير من الفجر الى اليل هه ؟
مزاجك هداىء او عصبي فالنهار ؟ وش لي يقلقك ؟
وشش تتشهى من االاكل في رمضان ؟
تطيب ولا لا ؟​

 

[ضآحكة مستبشرة]

وعليكم السلام ورحمة الله وبركاته
اهلا اسماء ☺
ما نطيب ما والو
حتي الوالدة ما طيبش
دار خيوتي قايمين بالواجب
انا نغسل لماعن فقط

هههههه هذاك هو الصح
اصبر لليل نزيد نبعثلك ماعن تاعنا اغسلهم

 

[Ma$Ter]

هههههه هذاك هو الصح
اصبر لليل نزيد نبعثلك ماعن تاعنا اغسلهم

هههه
صحا فطوركم
تاعنا اليوم غسلتهم بسرعة كرهت عععع

 

[Skor m@k]

السلام عليكم
اهلا بك خويا حكيم ان شاء الله بخير
بما انو سألت الاخت سكون علاه راحو الاعضاء من المنتديات نسقسيك انا
واش هي الحاجة لي خلاتك تريح هنا في اللمة؟
شحال من منتدى تشارك فيه ولا غير اللمة برك ؟
الاخت قبلي قالت جامي شفت راجل يغسل ماعن وزيد في رمضان هههه عمبالهم صح مانعاونوش هههه
واش الحاجة لي طيبتها في حياتك وضحكت عليها كي طابت ههههه ؟
واش هي الفترة لمليحة هنا لي جوزتها في اللمة
كي كنت عضو ولا مرشح للاشراف ولا مشرف ولا مراقب ؟

نكتلو بهذا القدر من الاسئلة ممبعد بلاك نولو ههه
اتهلا صح فطورك خوو​

 

[أشــواق 19]

واش هي الحاجة لي خلاتك تريح هنا في اللمة؟
@Skor m@k سؤال غريب عجيب

 

[أشــواق 19]

مرحبا بيك خويا
انا سأكتفي بقراءة الاجوبة هههه الله غالب نحب تقرعيج

 

[الامين محمد]

آآ حكييم خويا
ها وين راك الناس راهي تقارع سلك راسك دوك
المجرمين راهم ما خلاو حتى حاجة هههههههه
أسئلتي تقريبا متقاطعة مع أسئلة الإخوة و عجبني سؤال
المجرمة المهبووولة جدا شيما

هل صادف وتناقشت مع غير المسلمين؟ كيف كان النقاش؟

انا راح نزيد
ـ ماهي مواصفات زوجة اخونا حكيم او الشروط اللي لازم تلقاها في وحدة
و تخليك تبات تحلم بالقلوب الحمرة هههههه و تقول للوالدة خلاص راح نتزوج

ـ واش تخدم خويا حكيم

ـ ماهي مواهبك او الامور اللي تعملها خارج العمل من غير المنتدى

ـ هل إلتقيت بواحد من منتسبي اللمة في الواقع
و شكون تتمنى تلتقي به

شفت شحال أسئلتي بريئة هههههه

 

[البشير البشير]

وعليكم السلام ورحمة الله
ما شاء الله لا قوة الا بالله تبارك الذي بيده الملك
خير من اخترتي غاليتي سكون، دام ذوقك الجميل وادامك الرحمن شعلة اللمة امين يارب

اما اخي ماستر، وحد النهار قالي من عرفني خمس سنين، ضرك رجعو ستة ومتبدلتش باقية كيما راني، صح متبدلتش؟ هههههههههه واذا صح ف وش، لانه انتم الوحيدون الذي قالو لي ذلك
هل صادف وتناقشت مع غير المسلمين؟ كيف كان النقاش؟
ما رايك في من يسب الكفار؟ هل تعتبره كما يقولون حبا للدين او العكس تشويها للدين ولسمعة المسلمين ؟
هذا وش جا فبالي

" وَ لَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ " 108- سورة الأنعام
الجواب في الآية الكريمة

 

[أم أُنٌَيسة]

" وَ لَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ " 108- سورة الأنعام
الجواب في الآية الكريمة

هذا رايي ايضا اخي الفاضل، لكن للاسف بعض الناس يظنون بما انهم كافرون يحق للمسلمين سبهم والتعدي عليهم بالكلام بينما الكفر والايمان مسألة عقدية لله عز وجل ونحن مطالبون باحترامهم ومعاملتهم وفق طريقة معينة وقواعد الشرع.. الحمد لله الذي عافانا مما ابتلاهم وفضلنا على كثير ممن خلق تفضيلا كثيرا
بارك الله فيك اخي الفاضل وجزاك خيرا طيبا مباركا فيه وجعل كل حرف في ميزان حسناتك
تحياتى احترامي وتقديري لشخصكم الكريم الطيب

 

[Ma$Ter]

السّلامُ عليك ومرحبا بك أخي العزيز...
وعليكم السلام ورحمة الله
ومشكور على قبول "القعدة بووه الدعوة هههههه ه"
مرحبا مرحبا
("تعرف ألي يقبل الدعوة هنا- غير الشجعان السبوعة '''لأنو كما تعرف عندما تدخل هنا ..يا منتصر يا مقتووول ههههههههههه ''لدااالك الخوافين يهربووو '')
ههههه ان شاء الله نكون منتصر
عارف أنو هاد المعلومة لم تقولها لك أختي سكون الفجر ههههههههههههههه.

ورغمممم هدا أشكر أختي الفاضلة @سكون الفجر على هدا الموضوع المتميز.. الدي يتناسب وهاته الأيام المباركة والظروووف الخاصة ..التي يجب أن تُبعث فيها روح الأخوة بين أفراد المجتمع ._______________.في كل مكان.

فكل الشكر لكي أختي ونتمنى أن يقضي جميع الاخوة والاخوات أهــل اللّــمـــة الطيبين.. أوقات طيبة ..ملئها روح الأخوة .

ولنبدأ على بركة الله
بأولى الأسئلة "للتسخين فقط'' والقادم أشد


1/ السؤال نامبر وان ههههه:
علاش Ma$Ter وماشي MaSTer أو ربما حتى Cleaner
master محجوز يدلت الحرف

2/السؤال نامبر تو
علاش مداير في "شعارك هدا القط

وزيد يطل علينا بعين وحدة يا خويا ههههههههههه ... (وادا عطيتك بديل وقبلته.. واحد من اثنان / يافيل يا أرنب .. أيهما تختار؟ هههههههههه
هههه عجبني برك نقدر نبدلو بارنب خخخ

السؤال 3
مادا تتوقع للجزائر بعد "كورونا" ؟
لن يتغير شئء
السؤال4
هل تعتقد أنه يمكن أن تتعض "اغلب" البشرية مما يحدث الآن ؟
نسالو الله ين يلين قلوبنا ونتعض لانو مازالنا نشوفو مضاهر الشر وقسوة القلوب
.......
السؤال5
ماهي أكلتك رقم 1
ما نقدرش نحدد بالظبط بصح نحب البيتزا المحاجب الطاجين الشواء وووووو
السؤال 6
ماكش حاب تتزوج ولا واش هههههههههه
ربي يرزقنا الزوجة الصالحة
السؤال السابع

أ/ مادا تعني لك كلمة : العِلم ؟
العلم النافع والعلم الشرعي هو اساس كل شئء
ب/ بصراااحة هههه... هل تقبــــــــــــــــــل/ أخد 1طن دهب خالص... وفعل شئ مجهووول تعرفه لاحقا (الشرطين مرتبطين ببعضهما البعض) .
لا لا نكره الشروط ههه
*******************************************************************

اكتفي بهدا القدر من الأسئلة ولي عودة إن سمح الوقت والظروف إن شاء الله

تحياتي الأخوية ..
بارك الله فيك خويا

 

[Ma$Ter]

السلام عليكم ورحمة الله.
وعليكم السلام ورحمة الله .. مرحبا خويا فريد
سي ع.حكيم من أكثر المساهمين في اللمة وأكثرهم حضور عندما عملنا مع بعض كان لايرد طلب ودائما جاهز ربي يبارك فيه انسان خلوق.
بارك الله فيك خويا
نجو للمفيد عندي سؤال خاص بثلاث اختيارات للاجابة :

مشروع الزواج متى يتحقق ؟

هاذ العام راك معروض

مزال شوية موش باين

لا أفكر فيه بتاتا

مزال شوية موش باين
ههه حتي تضهر العروسة الصالحة برك

 

[Ma$Ter]

وعليكم السلام ورحمة الله
ما شاء الله لا قوة الا بالله تبارك الذي بيده الملك
خير من اخترتي غاليتي سكون، دام ذوقك الجميل وادامك الرحمن شعلة اللمة امين يارب
وعليكم السلام ورحمة الله
اهلا كشرودة
اما اخي ماستر، وحد النهار قالي من عرفني خمس سنين، ضرك رجعو ستة ومتبدلتش باقية كيما راني، صح متبدلتش؟ هههههههههه واذا صح ف وش، لانه انتم الوحيدون الذي قالو لي ذلك
مازال ما تتبدلش خخخخ
هل صادف وتناقشت مع غير المسلمين؟ كيف كان النقاش؟
يوميا نلعب معاهم اونلاين وفيها اصحابي بصح من ناحية دعوتهم للاسلام صعاب وريسانهم يابسين
ما رايك في من يسب الكفار؟ هل تعتبره كما يقولون حبا للدين او العكس تشويها للدين ولسمعة المسلمين ؟

الفاسق ينبغي ألا يُسبَّ بعينه، لعن الله الظالمين، لعن الله الفاسقين، لعن الله السرّاق، لعن الله الزناة، لكن لا يُسَبُّ واحدًا معينًا، هذا هو الأفضل، وبعض أهل العلم يُجيز ذلك، لكن الأفضل عدم سبِّ المعين، قد يهديه الله، تُرجى له الهداية، ترك سبِّ المعين أولى مطلقًا، إلا إذا اشتدَّ الأذى، مثلما سبَّ النبي أبا جهلٍ لشدة آذاه وجماعة آخرين.

هذا وش جا فبالي
هههه تعرفي كلشئء عليا ما عندك ما تسقسي

 

[Ma$Ter]

شوفي اذا كان الاجابة رقم واحد هانا ظمنا عرضة زوينة اما اذا اختار رقم ثلاثة راح نغير السؤال للفطور نتاع رمضان.

مرحبا بيكم الدار داركم

 

[Ma$Ter]

السلام عليكم
تحية للاخت الغالية سكون الفجر
وتحية لكل الاعضاء
اهلا وسهلا بالاخ ماستر ههه في انتظار انكم تستضيفوني بن عمي تخلوني حتى نقولكم راكم كل عام تنسوني ههه
اهلا دلفينة خخخ
اسئلتي
وش يدير من الفجر الى اليل هه ؟
عمل عبادة لعب حكايات مع صحابي نوم نوم

مزاجك هداىء او عصبي فالنهار ؟ وش لي يقلقك ؟
فى النهار هادي
مرات نتقلق كل مرة من حاجة ماكانش حاجة ثابتة ههه
وشش تتشهى من االاكل في رمضان ؟
الاخضر واليابس ههه
ما نشرطش واش لقيت ناكل
تطيب ولا لا ؟
لا اعرف
نغسل ماعن فقط​