إستضافة Ma$Ter ضيف لمّاوي في رمضان

[Ma$Ter]

اذا بغيت دير الخير علاش لا
نجيبلك تاوعنا تغسلهم
تربح حسنات

ههه نكسرهم تاعكم مكرة

 

[afnene]

تبالي نرجعو للأسئلة احسن من الماعين والطياب راني درت بروڨرام تاع ليوم بعد التشاور ههه
راك عاقل على تعديل الملف عجوز
وبناءا على هذا كم عمرك هههه
اكثر موقف تتفكره من ذكريات الدراسة
هل كنت تلميذ كسول ام نجيب؟
اذا طلب منك تغير اسمك من حكيم لاسم اخر ماهو اختيارك؟
عضو مرح هادئ رزين مجنون فضولي
انسب لكل صفة عضو او عضوة؟
صفة تريد أن تغيرها في نفسك ؟
نصيحة إلى صاحبة الأسئلة ؟

 

[صانعة الإبتسامة]

سلام عليكم
راح نبدا نسقسيك
تغسل لماعن في رمضان؟
طبقك المفضل؟
قولي كي نضت روطار في سحور داك نهار ماهو شعورك؟ ههههه
راه غالبك رمضان ولا والو؟
وين راك لاحق في قراءة القرآن؟
بون بزاف عليك هادو جاوبني عليهم
صحا فطوركم

 

[الامين محمد]

خويا حكييم كنت عامل شيما مهبولة وحدها
سع راه عندها سبيطار تاع مهبولااات هههههههههههه

 

[الامين محمد]

@afnene
@أشواق
@ماغيكاي تشان

راكم عاملين تحالف ضد خويا حكييم ولا واش
لازم نحقق و نعرف شكون زعيمة العصابة بينكن هههههه

 

[afnene]

@afnene
@أشواق
@ماغيكاي تشان

راكم عاملين تحالف ضد خويا حكييم ولا واش
لازم نحقق و نعرف شكون زعيمة العصابة بينكن هههههه

لا حنا قلنا رآه ضيف قمنا بالواجب
عيب منكرموش الضيف
وكل واحد و طريقته في الاكرام،

 

[وۣۗهۣۗہۣۗم]

السلام عليكم....
منور الضيف الكريم



الأسئلة


مدى التزامك بالحجر الصحى؟؟
رايك في شهر رمضان هذه السنة؟؟
دعاء تردده باستمرار

 

[الامين محمد]

لا حنا قلنا رآه ضيف قمنا بالواجب
عيب منكرموش الضيف
وكل واحد و طريقته في الاكرام،

ههههه حابين تجيبوله كامل اماعن تاع الحي
و تقولي اكرام هههههه
حكيم راني و نغسل معاك مانخليكش وحدك هههههه

السلام عليكم....
منور الضيف الكريم



الأسئلة


مدى التزامك بالحجر الصحى؟؟
رايك في شهر رمضان هذه السنة؟؟
دعاء تردده باستمرار

حقا انت ثان راك مع المهبولات اختي و نسيتك هههههه

 

[أم أُنٌَيسة]

@afnene
@أشواق
@ماغيكاي تشان

راكم عاملين تحالف ضد خويا حكييم ولا واش
لازم نحقق و نعرف شكون زعيمة العصابة بينكن هههههه

هل تعتبر هذا هبال؟
مازالني فعقلي وما استخدمتش لهبال عادة

 

[الامين محمد]

هل تعتبر هذا هبال؟
مازالني فعقلي وما استخدمتش لهبال عادة

يا حفيظ ههههه
أمالي تفكري بلي انا خوك الكبير هههه و السماح كاشما غلطنا معاك هههههه

حكييم ها سلك راسك وحدك هههههه

 

[Ma$Ter]

تبالي نرجعو للأسئلة احسن من الماعين والطياب راني درت بروڨرام تاع ليوم بعد التشاور ههه
راك عاقل على تعديل الملف عجوز
هههه نعم
وبناءا على هذا كم عمرك هههه
+30
اكثر موقف تتفكره من ذكريات الدراسة
نسيتهم هههه بصح كنت نتمسخر بزاف فى الليسي
هل كنت تلميذ كسول ام نجيب؟
كنت تلميذ نجيب حتي الليسي تحولت كسول
اذا طلب منك تغير اسمك من حكيم لاسم اخر ماهو اختيارك؟
عبد الله او احمد او محمد
عضو مرح هادئ رزين مجنون فضولي
انسب لكل صفة عضو او عضوة؟
نو عندي بزاف اعضاء مقربين ما يعجبهمش الحال كون نفضل واحد على واحد ههه
صفة تريد أن تغيرها في نفسك ؟
ندير شوية رياضة ونقص شوية كونسيو
نصيحة إلى صاحبة الأسئلة ؟
تزوجي

 

[Ma$Ter]

سلام عليكم
وعليكم السلام ورحمة الله وبركاته
راح نبدا نسقسيك
تغسل لماعن في رمضان؟
نعم
طبقك المفضل؟
كاجين او بيزتا او شاورما المهم حاجة لذيذة
قولي كي نضت روطار في سحور داك نهار ماهو شعورك؟ ههههه
حسيت فمي معمر مليح وعطشان هههه
راه غالبك رمضان ولا والو؟
نو عادي
وين راك لاحق في قراءة القرآن؟
ما نحبش نقول
بون بزاف عليك هادو جاوبني عليهم
صحا فطوركم
الله يسلمك وصحا فطورك

 

[Ma$Ter]

خويا حكييم كنت عامل شيما مهبولة وحدها
سع راه عندها سبيطار تاع مهبولااات هههههههههههه

كاين بزاف اني نعرفهم اجمعين خخخ

 

[Ma$Ter]

@afnene
@أشواق
@ماغيكاي تشان

راكم عاملين تحالف ضد خويا حكييم ولا واش
لازم نحقق و نعرف شكون زعيمة العصابة بينكن هههههه

شيماء عاقلة
اشواق خاطيها المشاكل
افنان تموت على المكرة

 

[Ma$Ter]

السلام عليكم....
منور الضيف الكريم
وعليكم السلام ورحمة الله وبركاته
الأسئلة


مدى التزامك بالحجر الصحى؟؟
انا من طول عمري فى الحجر الصحي ههه نخدم نكمل العمل ندخل للدار نخرج غير كاش ما نقضى ونرجع
رايك في شهر رمضان هذه السنة؟؟
اول رمضان فى البيت والعبادة فى البيت ماهيش كيما فى المسجد العبد يضعف وينقص ايمانو
دعاء تردده باستمرار
لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ

وبارك الله فيك اختي

 

[Ma$Ter]

يا حفيظ ههههه
أمالي تفكري بلي انا خوك الكبير هههه و السماح كاشما غلطنا معاك هههههه

حكييم ها سلك راسك وحدك هههههه

هههه عادي نعرف نتعامل معاهم

 

[afnene]

شيماء عاقلة
اشواق خاطيها المشاكل
افنان تموت على المكرة

هاذي مليحة
مالا ڨاع عاقلات غير انا

 

[Ma$Ter]

هاذي مليحة
مالا ڨاع عاقلات غير انا

مرات عاقلة مرات

 

[afnene]

ههه هاذيك متماش نصيحة على فكرة
والواحد لازم ياخذ بالنصيحة قبل ما ينصح بيها

 

[Soumia hadj mohammed]

.وقتاه نكون ضيفة؟؟

@سكون الفجر​